Category: Lajme

Ushtruesi i detyrës së Kryetarit të OVL-UÇK’së, Faton Klinaku ka konfirmuar se Hysni Gucati do të lirohet.

Ai ka thënë se nuk e di formën, pasi për një gjë të tillë duhet parë vendimin.

Klinaku shtoi se nuk mund të japë më tepër detaje, përveç faktit se brenda dy tre muajve mund të ketë vendim të ri për Nasim Haradinajn.

“Gucati është liruar. Unë dje e mora vesh. Nuk e di formën. Për këtë duhet parë vendimin. Ajo që di është se Haradinaj nuk është liruar”, pohoi ndër tjerash për lajmi.net.

Kujtojmë se Gucati është i dënuar me vendim të shkallës së parë të Gjykatës Speciale, ndërsa është i arrestuar që nga viti 2020.

Ndonëse temë kryesore e seancës së ardhshme të Këshillit të Sigurimit të Kombeve të Bashkuara është prezantimi i raportit të UNMIK-ut për Kosovën, në Serbi besojnë se në fokus të seancës në Nju Jork sigurisht që do të jenë edhe ngjarjet e fundit në Banjskë.

Ata besojnë se një nga arsyet e zhvendosjes së seancës nga 18 tetori në 23 tetor është që t’i jepet kohë UNMIK-ut për të plotësuar raportin lidhur me sulmet e fundit në veri të Kosovës.

Më 23 tetor do të mbahet seanca e Këshillit të Sigurimit të Kombeve të Bashkuara (KSOKB) në të cilën do të diskutohet raporti i ri gjashtëmujor i Sekretarit të Përgjithshëm të OKB-së Antonio Guterres për punën e Misionit të OKB-së në Kosovë (UNMIK).

Takimi fillimisht ishte planifikuar për më 18 tetor.

Siç bëhet e ditur në faqen zyrtare të Këshillit të Sigurimit, seanca do të mbahet pasdite me orën lokale, ose në mbrëmje me kohën e Evropës Qendrore.

Brazili është kryetar i Këshillit të Sigurimit të OKB-së gjatë muajit tetor.

Seanca e kaluar është mbajtur më 27 prill dhe ndërkohë ka pasur rritje të tensioneve nw veri tw Kosovës. Presidenti i Serbisë, Aleksandar Vuçiq, ka njoftuar të mërkurën se tashmë më 21 tetor po udhëton për në Nju Jork dhe për këtë arsye nuk ka kohë të merret me sulmet e opozitës.

Branka Latinoviq, diplomate e karrierës, vlerëson se sesioni i radhës i Këshillit të Sigurimit të OKB-së, ku do të prezantohet raporti i fundit i UNMIK-ut, do të jetë një tjetër në serinë e sesioneve tematike që mbahen rregullisht pas miratimit të Rezolutës 1244.

“Në të njëjtën kohë, kjo do të thotë se për momentin nuk ka vend që Serbia të kërkojë thirrjen e një seance urgjente të Këshillit të Sigurimit të OKB-së për shkak të ngjarjeve të fundit në veri të Kosovës. “Serbia e humbi atë mundësi, edhe pse thirrja e saj ishte paralajmëruar disa herë publikisht”, thotë i intervistuari i Danas.

Sipas saj, shtyrja e datës së seancës së Këshillit të Sigurimit të OKB-së, ku do të prezantohet raporti i fundit i UNMIK-ut, do të thotë se ekipit të UNMIK-ut në Prishtinë ndoshta i duhet kohë shtesë për të mbledhur dhe kontrolluar disa informacione më shumë në lidhje me zhvillimet e fundit mbi sulmin terrorist në veri të Kosovës.

“Nuk do ta përjashtoja mundësinë që data të jetë zhvendosur në pritje të vizitës së paralajmëruar të ekipit të ndërmjetësve në Beograd dhe duhet të merret parasysh edhe ndryshimi i komandantit të KFOR-it. Gjithashtu është e mundur që të zhvillohen takime të përbashkëta për të harmonizuar vlerësimin e situatës dhe masat shtesë që eventualisht do të propozoheshin. Në të njëjtën kohë, shtyrja e datës së kësaj seance konfirmon seriozitetin e situatës në veri të Kosovës, por padyshim edhe nevojën për përgatitje shtesë në UNMIK dhe marrëveshje brenda Sekretariatit të OKB-së”, vlerëson ish-ambasadori.

Ai thekson se nuk duhet të përjashtohet mundësia që arsyet e shtyrjes së seancës të jenë ngjarjet e fundit në Lindjen e Mesme, të cilat kërkojnë veprime urgjente dhe janë fokusi aktual i angazhimit të KS-së.

Deputetja e Partisë Demokratike të Kosovës, Blerta Deliu ka realizuar një vizitë në Hagë, ku ka takuar ish-presidentin Hashim Thaçi dhe ish-kryetarin e PDK-së, Kadri Veseli.

Deliu përmes një shkrimi në Facebook ka thënë se me Thaçin dhe Veselin kanë biseduar gjatë për kryesisht.

“Mall, emocion dhe krenari! Ashtu siç kanë jetuar dhe siç kanë shkuar në Hagë, ashtu i gjeta edhe sot Presidentin Thaçi, Kryetarin Veseli dhe të tjerët ballëlartë e krenarë. Biseduam gjatë për gjithçka, e kryesisht për Kosovën. Ishin shumë të lumtur me fitoren e Kosovës dhe Shqipërisë mbrëmë”, thotë Deliu.

Tutje, deputetja ka shkruar “të fala keni të gjithë nga ta: Dielli do të lind përsëri”.

Kryetari i Komunës së Ferizajt, Agim Aliu së bashku me ministrin e Shëndetësisë, Arben Vitia, menaxhmentin e QKMF-së dhe mjekët, kanë vënë sot gurthemelin objektit të ri të Qendrës Kryesore të Mjekësisë Familjare.

Aliu ka shkruar në Facebook, se kjo është një vepre publike madhore që i jep zgjidhje për dekada, nevojave hapësinore për ofrimin e shërbimeve shëndetësore në Ferizaj, ndërtimit të objektit të ri të Qendrës Kryesore të Mjekësisë Familjare në Ferizaj, që do të shtrihet në afro 5000m2 sipërfaqe, mbi trefishi i objektit ekzistues të QKMF-së, bashkëfinancim ky mes Komunës së Ferizajt dhe Ministrisë së Shëndetësisë.

“Falënderim Ministrisë së Shëndetësisë dhe kreut të saj që për vite u angazhuam bashkë në jetësimin e këtij projekti. Urime mantelbardhëve dhe gjithë qytetarëve ferizajas”, ka shkruar ai.

Grupi Parlamentar i Aleancës për Ardhmërinë e Kosovës (AAK) kritikon partinë në pushtet për bojkotimin e seancave parlamentare dhe mbledhjet e Komisioneve në Kuvendin e Kosovës.

Kryetari i GP të AAK-së, Besnik Tahiri në një konferencë për media theksoi se kjo parti ka argumente të plota që e përgënjeshtrojnë qëndrimin e Vetëvendosjes në raport me opozitën dhe veçanërisht me AAK-në për mosvotimin e marrëveshjeve ndërkombëtare.

“Jemi sot këtu për të prezantuar disa argumente të cilat e përgënjeshtrojnë qëndrimin e shumicës në raport me opozitën dhe në veçanti në raport me Aleancën”, theksoi ai.

Deputeti i AAK-së, Pal Lekaj theksoi se është shqetësuese qëndrimi i mazhorancës për të bojkotuar të gjitha kërkesat e opozitës e në veçanti të subjektit tonë të AAK. Për këta ai ka kërkuar nga VV-ja që të jetë kontruktive në Kuvendin e Kosovës.

“Shqetësimi ynë si Aleancë për Ardhmërinë e Kosovës dhe qëndrimi i mazhorancës për të bojkotuar të gjitha kërkesat e opozitës e në veçanti të subjektit tonë të AAK-së. në praktikat parlamentare nuk ka ndodhur që mazhoranca apo shumica të bojkotojë seancat parlamentare, e sidomos edhe Komisionet. Neve po na marrin të vetëm drejtë tonën që e kemi demokratike që me pyetje parlamentare, me formimin e Komisioneve hetimore, në Komisionet e përhershme të Kuvendit të Kosovës që të shfaqim kërkesat e qytetarëve të Republikës së Kosovës dhe mazhoranca duhet të jetë konstruktive dhe jo të na bojkotoj, sepse me bojkotin e tyre po e shemb gurthe melin e shtetit demokratik. Prandaj, ne jemi mjfat të shqetësuar dhe kërkojmë një zgjidhje të kësaj çështje dhe të dominojë arsyeja e interesit të qytetarëve, jo të interesit të subjektit politik që në këtë rast është Lëvizja Vetëvendosje”, theksoi ai.

Ai më tej shtoi se Grupi Parlamentar i AAK-së ka përkrahur fuqishëm marrëveshjet ndërkombëtare.

“Ne si Aleancë për Ardhmërinë e Kosovës me të drejt e themi që i kemi përkrahur fuqishëm marrëveshjet ndërkombëtare dhe ligjet bazike që kanë qenë në favor të qytetarëve të Kosovës. Po numëroj, Grupi Parlamentar i AAK-së ka përkrahur marrëveshjen ndërkombëtare në vlerë prej 830 milionë euro. Dhe ajo që vlen të theksohet, ne kemi përkrahur edhe ligjet bazike që kanë qenë të obligueshme për Kuvendin e Kosovës dhe për qytetarët e Kosovës që përfitojnë nga këto ligje dhe ne pa hezitim i kemi përkrahur. E kemi përkrahur edhe marrëveshjen e Brukselit dhe Ohrit dhe të gjitha qëndrimet e Kosovës që kanë shkuar në favor të shtrirjes së sovranitetit dhe mbrojtjes së integritetit të Kosovës, pa hezitim dhe pa kalkuluar në votë. Andaj, kjo qeveri të gjitha vendimet që po i merr kohëve të fundit më tepër po i merr si vendime elektorale. Kështu që mund të themi që janë të pabaza ato deklarata për mos votimin tonë të marrëveshjeve ndërkombëtare”, tha ai.

Grupi Parlamentar i VV-së nuk ka marrë pjesë të enjten në seancën e Kuvendit të Kosovës për shqyrtimin e Rezolutës në mbështetje të policisë së Kosovës. Po ashtu për herë të tretë ka dështuar të konstituohet Komisioni hetimor për rezerva shtetërore, ku nuk kishin marrë pjesë deputetët e VV-së.

VV nuk mori pjesë as sot në mbledhjen e Komisionit për të Drejtat e Njeriut për shqyrtimin e peticionit të Sindikatës së Policisë së Kosovës.

Katër fëmijë në një institucion parashkollor të Istogut dyshohet se janë helmuar ditën e enjte.

Telegrafi merr vesh se fëmijët ishin në klasë ndërsa papritmas kanë humbur vetëdijen, fëmijët e helmuar janë dërguar urgjent në Spitalin e Pejës, ku edhe po vazhdojnë trajtimin.

Burimet bëjnë të ditur se inspektorët sanitarë do të bëjnë sot inspektimin e vendit.

OKB-ja ka bërë thirrje për ndihmë 294 milionë dollarësh për mbi një milion njerëz në Rripin e Gazës dhe Bregun Perëndimor.

“Thirrja kërkon përafërsisht 294 milionë dollarë amerikanë për 77 partnerë humanitarë për të adresuar nevojat më urgjente të 1,260,000 njerëzve në Gaza dhe Bregun Perëndimor”, thanë nga Zyra e OKB-së për Koordinimin e Çështjeve Humanitare (OCHA) të enjten.

Thirrja bashkon punën dhe kërkesat e financimit të komunitetit humanitar në rajon, duke përfshirë 13 agjenci të OKB-së, 29 organizata ndërkombëtare joqeveritare (INGO), 35 OJQ kombëtare dhe Shoqërinë e Gjysmëhënës së Kuqe Palestineze (PRCS).

“UNRWA (Agjencia e Kombeve të Bashkuara për Ndihmën dhe Punën për Refugjatët Palestinë në Lindjen e Afërt) luan një rol unik në OPT, duke shërbyer si ofruesi kryesor i drejtpërdrejtë i shërbimeve bazë – arsimit, shëndetësisë, ndihmave dhe shërbimeve sociale, mbrojtjes, infrastrukturës së kampeve dhe përmirësimit dhe ndihmës emergjente – për 1.5 milionë refugjatë palestinezë të regjistruar në Gaza”, shtoi OCHA.

“Në Bregun Perëndimor, UNRWA u shërben 1.1 milionë refugjatëve palestinezë dhe personave të tjerë të regjistruar, nga të cilët 890,000 janë refugjatë”, thuhet në deklaratë.

Të premten, OCHA tha se numri i palestinezëve të zhvendosur në Gaza është rritur në më shumë se 423,000 mes luftimeve të intensifikuara.

Në një përshkallëzim dramatik të tensioneve në Lindjen e Mesme, forcat izraelite nisën një fushatë të qëndrueshme dhe të fuqishme ushtarake kundër Rripit të Gazës, një përgjigje ndaj një ofensive ushtarake të grupit palestinez Hamas në territoret izraelite.

Konflikti filloi të shtunën e kaluar kur Hamasi nisi Operacionin ‘Al-Aksa Flood’ kundër Izraelit, një sulm i papritur i shumëfishtë duke përfshirë një breshëri lëshimesh raketash dhe infiltrimesh në Izrael nëpërmjet tokës, detit dhe ajrit.

Hamasi tha se operacioni ishte në hakmarrje për sulmin ndaj xhamisë Al-Aksa në Jerusalemin Lindor të pushtuar dhe dhunës në rritje të kolonëve izraelitë kundër palestinezëve.

Ushtria izraelite më pas nisi operacionin ‘Shpatat e Hekurta’ kundër objektivave të Hamasit brenda Rripit të Gazës.

Përgjigja e Izraelit është shtrirë në ndërprerjen e furnizimit me ujë dhe energji elektrike në Gaza, duke përkeqësuar më tej kushtet e jetesës në një zonë që është përfshirë nga një rrethim gjymtues që nga viti 2007. (AA)