Category: Lajme

Panairi Ndërkombëtar “AgroKos”, është përmbyllur të premten në Prishtinë. Në këtë Panair kanë marrë pjesë 130 biznese nga shumë vende për të prezantuar produktin e tyre, raporton Ekonomia Online.

Esat Berisha, nga “Arti Fruti” nga Prizreni, tha se është për herë të parë në “AgroKos”. Ai thotë se deri më tani nuk ka marrë ndonjë mbështetje nga institucionet shtetërore.

“Ne më aroni kem filluar 2017, në panairin ‘AgroKos’, kam pas fate të jam për herë të parë, ma herët nuk kemi pasur mundësi se aronia ka lyp edhe kohë që të zhvillohet, procedurat sikur çdo panair është e thjesht aplikimi nuk është e komplikume, na kanë informuar organizatorët e panairit, deri tash nuk kemi mbështetje të asnjë institucioni”.

Xhemile Krasniqi nga Shoqata e Bletarëve “Mimfa” nga Obiliqi, thotë se ka pasur fatin që të përkrahej nga komuna, për biznesin e saj, por thotë se kanë nevojë ende për më shumë mbështetje.

“Synimi im është bletaria më qene se është organizatë joqeveritare tu pa gratë që kanë nevojë për një vetë punësim dhe kjo është ideja ime që kam sot edhe grupin e grave më ushqime tradicionale, është hera e parë që kam marrë pjesë në këtë panair aplikimi nuk ka qenë farë i shtirë meqenëse komuna na ka mbulua shpenzimet i jam mirënjohëse edhe komunës sonë”.

Bastri Veseli, nga “Leoni Group” nga Prishtina, thotë se vitin e kaluar i ka subvenciono Qeveria ndërsa këtë vite kanë investuar vet në shtim të kapaciteteve, raporton EO.

“Çdo vite ne marrim pjesë në panairin ‘AgroKos’, mbështetjen prej institucioneve është e kënaqshme, institucionet kanë reflektuar pozitivisht dhe jemi shumë të kënaqur më përkrahjen edhe suportin, gjersa nga Ministria e Tregtisë, Ministria e Bujqësisë nga të gjithë janë enpatik ndaj prodhuesit vendorë, aplikacioni është standard dhe ka kushtet e veta të pagesës, vitin e kaluar na ka subvenciono Qeveria këtë vite jemi me vetë financim”.

Ndërsa Elita Bytyqi, “Vidasus Voda” nga Gjakova, tha që është hera e dytë e pjesëmarrjes në këtë panair, dhe që aplikimi ka qenë shumë i thjeshtë.

“Në kemi çdo vite dëshire me marrë pjesë në panairin ‘AgroKos’ sepse është një që na ka mbështetur më së shumti që nga starti ku vazhdimisht ata na ftojnë ne qe të marrim pjesë për arsye që është një promovim shumë i mirë i produkteve, mbështetja prej ‘AgroKos’ është shumë e madhe, ne kemi filluar të marrim pjesë që nga viti i kaluar, aplikimi ka qenë shumë i thjeshtë”.

Maria Cankoviq gazetarja serbe ka vizituar disa qytete të Kosovës. Ajo bashkë me disa serbë të tjerë kanë shëtitur në Pejë, Prizren, Rahovec e Hoqë të Madhe.

Me plot emocione dhe e mahnitur nga mikpritja ajo në një lidhje direkte ka treguar gjithë udhëtimin e saj dhe grupit serbë që kryen në Kosovë.

“Ishim në patriakanën e Pejës, pastaj në Decan, Prizren, Rahovec. Gjumin e kemi bërë në Hoqë të Madhe. Nuk kemi pas asnjë problem aty”, ka thënë ajo.

Sipas saj, serbët në Serbi gjithmonë janë dezinformuar se në Kosovë ndodh diçka e keq.

“Ja po ju them qe kjo nuk qëndron. Do t’ju tregoj që kur shkuam me një grup serbësh, në Pejë na është prishur autobusi qytetari nga Kosova na ndihmoi në organizim duke e angazhuar një autobus tjetër për të na mundësuar shëtitjen”, ka thënë bërë me dije që askush nga Serbia që dëshiron ta vizitojë Kosovën, nuk duhet të ketë frikë.

“Nuk ka asnjë vend për frikë”, ka thënë ajo.

Kryeministrja serbe Ana Bërnabiq do të përfaqësojë Serbinë në seancën e Këshillit të Sigurimit të OKB-së të hënën.

Është paralajmëruar se seanca mund të jetë e mbyllur për publikun dhe këtë e ka kërkuar sekretari i përgjithshëm i Kombeve të Bashkuara, Antonio Guterres, “por ka pak mundësi që kjo të ndodhë”, shkruan gazeta serbe “Politika”.

Si arsye për mbylljen e seancës për publikun, Guterres ka theksuar se tensionet mes Kosovës dhe Serbisë ishin të dukshme në seancën e fundit, më 27 prill, dhe se ato u përdorën këtë për të paraqitur narrativa që nxisin jostabilitetin në rajon.

Në mënyrë që seanca të jetë e mbyllur për publikun, një vendim i tillë do të kërkonte marrëveshjen e të paktën nëntë anëtarëve të Këshillit të Sigurimit të OKB-së dhe kjo, sipas gazetës serbe, “nuk është e mundur pa kompromis me Rusinë dhe Kinën”.

Presidenti amerikan, Joe Biden, ka kërcënuar homologun rus, Vladimir Putin, që të mos prekë as edhe një centimetër të NATO-s, përndyrshe do ta paguajë shtrenjtë.

“Për 75 vite, NATO ka ruajtur paqen në Europë, ka qenë guri i themelit të sigurisë amerikane. Dhe nëse Putini sulmon një aleat në NATO do të mbrojmë çdo centimetër të NATO-s, siç kërkon traktati. Do të kemi diçka që nuk e duam. E bëjmë të qartë që nuk e duam… nuk kërkojmë të kemi trupat amerikane duke luftuar në Rusi ose duke luftuar kundër Rusisë”, tha Biden gjatë një fjalimi përpara kombit amerikan, pas vizitës së tij në Izrael.

“Historia na ka mësuar se kur terroristët nuk e paguajnë për terrorin e tyre, kur diktatorët nuk e paguajnë për agresionin e tyre, ata shkaktojnë më shumë kaos dhe vdekje dhe më shumë shkatërrim.

Ata nuk ndalen dhe kostot dhe kërcënimet ndaj Amerikës dhe botës vetëm sa shtohen”, shtoi presidenti amerikan.

“Kështu që nëse nuk e ndalojmë oreksin e Putinit për fuqi dhe kontroll në Ukrainë, ai nuk do të kufizohet vetëm te Ukraina. Putini ka kërcënuar duke i kujtuar Polonisë që tokat e saj perëndimore ishin dhuratë nga Rusia. Një prej këshilltarëve të tij kryesorë, një ish-president i Rusisë, ka quajtur Estoninë, Letoninë dhe Lituaninë, provincat baltike të Rusisë. Këta janë të gjithë aleatë në NATO”.

Biden deklaroi gjithashtu se suksesi i Izraelit dhe Ukrainës në luftërat e tyre është jetik për sigurinë e Shteteve të Bashkuara. Për këtë arsye, Biden kërkoi një angazhim të administratës amerikane për këto dy konflikte, teksa u zotua se do t’i kërkojë Kongresit paketa ndihme miliarda dollarëshe.

“Nëse agresioni ndërkombëtar lejohet të vazhdojë, konflikti dhe kaosi mund të përhapen në pjesë të tjera të botës. Hamasi dhe Putini përfaqësojnë kërcënime të ndryshme, por ata kanë një të përbashkët. Ata duan të asgjësojnë plotësisht një demokraci fqinje”, tha Presidenti Biden.

Kreu i Shtëpisë së Bardhë shpjegoi se kjo ishte arsyeja kryesore pse në ditët në vijim do t’i dërgonte Kongresit një kërkesë urgjente për financim me vlerë 105 miliardë euro.

Fjalimi i Presidentit Biden vjen një ditë pas udhëtimit në Izrael, ku ai tregoi solidaritet me betejën e këtij vendi kundër Hamasit ndërsa bëri thirrje për më shumë ndihma humanitare për palestinezët në Rripin e Gazës.

Kryetari i Kuvendit të Republikës së Kosovës, Glauk Konjufca, i shoqëruar nga shefi i Kabinetit, Ilir Kërçeli dhe këshilltarët, ka pritur sot në takim ambasadoren e re jorezidente të Kanadasë në Kosovë, Jessica Blitt.

Gjatë takimit u bisedua për zhvillimet aktuale në vend e rajon, marrëdhëniet e shkëlqyera miqësore dhe bashkëpunimin e ngushtë ndërmjet Republikës së Kosovës dhe Kanadasë, si dhe për planet e përbashkëta në funksion të forcimit të mëtejshëm të raporteve dypalëshe.

Me këtë rast, Kryetari Konjufca e uroi ambasadoren Blitt për detyrën e re dhe shprehu mirënjohje për mbështetjen e Kanadasë në shtetndërtimin dhe fuqizimin e subjektivitetit ndërkombëtar të Republikës së Kosovës, duke kërkuar njëherësh vazhdimin e përkrahjes ndaj shtetit tonë në rrugën e integrimeve euroatlantike.

Ambasadorja Blitt e falënderoi Kryetarin Konjufca për pritjen dhe ritheksoi gatishmërinë e shtetit të Kanadasë për zgjerimin e bashkëpunimit në fusha të ndryshme dhe avancimin e marrëdhënieve me Republikën e Kosovës.

Kompania Rajonale e Ujësjellësit “Prishtina” njofton se ka vendosur një autobot me ujë në Graçanicë, që nga ora 9:00 e mëngjesit të sotëm (e premte), për të shpërndarë ujë të pijes për qytetarët.

“Ju njoftojmë se auto boti është i stacionuar në Graçanicë që nga ora 09:00”, thuhet në njoftim.

Instituti Kombëtar i Shëndetësisë Publike të Kosovës (IKSHPK) u ka bërë thirrje të enjten në orët e vona qytetarëve të cilët furnizohen nga Fabrika e ujit në liqenin e Badovcit që të mos përdoret uji për pije dhe përgatitje të ushqimit, pasi që analizat e mostrave të ujit në rezultatet laboratorike kanë treguar se ka vlera të rritura të manganit.

IKSHPK ka bërë të ditur se ka ngritur shkallën e gatishmërisë dhe kontrollit të cilësisë së ujit për pije në zonën e mbulueshmërisë dhe se mos përdorimi i ujit për pije dhe përgatitje të ushqimit do të vlejë deri në njoftimin e radhës.

Të hënën, shqiptarët do të mblidhen para selisë së Organizatës së Kombeve të Bashkuara në New York.

Ata do të protestojnë kundër pjesëmarrjes së presidentit serb në takimin e Këshillit të Sigurimit të OKB-së që është paraparë të mbahet më 23 tetor.

Përmes kësaj proteste, shqiptarët në Amerikë po kërkojnë që Serbia të mbahet përgjegjëse për krimet e luftës dhe sulmin terrorist në Banjskë. Protestën e ka organizuar Mark Gjonaj, anëtar i Këshillit bashkiak të New Yorkut, me mbështetjen e plot shoqatave të tjera shqiptaro-amerikane.

Temë kryesore në seancën e Këshillit të Sigurimit të OKB-së që do të mbahet do të jetë sulmi terrorist në Banjskë. Kosovën do ta përfaqësojë presidentja e vendit, Vjosa Osmani, dhe për Serbinë medias serbe patën raportuar se i pranishëm në Këshill do të ishte Aleksandër Vuçiq, megjithatë ditë më vonë kanë raportuar se e përfaqëson kryeministrja Ana Bërnabiq.