Category: Lajme

Presidenti i Serbisë, Aleksandar Vuçiq, ishte i ftuar të dielën në TV Prva, ku iu përgjigj kritikave të shumta mediatike, por edhe akuzave të kundërshtarëve të tij opozitarë.

Vuçiq tha se nuk është mirë që liderët e partive opozitare shahen pa shije në postera, siç është rasti me Pavlo Grboviq, kryetarin e Lëvizjes Qytetarët e Lirë.

“Më sulmojnë se kam buzë të shëmtuara, nuk i kam bërë asgjë buzëve, fajin e ka nëna ime që më ka lindur kështu. Është çështje gjenetike. Më akuzojnë se Fahri Musliu është babai im. Me këtë rast u them se babai im quhet Angjelko Vuçiq, e jo Fahri Musliu”, ka thënë Aleksandar Vuçiq, transmeton Slobodna Bosna.

Fahri Musliu është gazetari shqiptar i cili sipas Slobodna Bosna kishte punuar në të njëjtin vend me nënën e presidentit serb, Angelina Vuçiq.

Musliu i tha Danasit se nuk dëshiron të komentojë faktin që Vuçiq e ka përmendur, pasi siç thekson ai nuk merret me shpifje, kushdo qofshin ato”.

“Lërini serbët dhe shqiptarët të argëtohen me budallallëqe, pasi e kanë në gjak të merren me shpifje dhe jetë të tjerëve”, ka thënë Musliu për Danas.

Siç shton ai, “është e trishtueshme kur politikanët dhe gazetarët merren me trillime dhe shpifje për hir të ndonjë interesi dhe pafuqie personale, të pistë, pa menduar se po u shkaktojnë fyerje dhe dhimbje mendore personave të tjerë të përmendur”, thekson Musliu.

Dikur, pas raportimeve në media se ai ishte babai biologjik i Aleksandar Vuçiqit, Fahri Musliu e mohoi këtë.

“Nuk e njoh Aleksandar Vuçiqin. Nëna e tij ishte një kolege e imja, por nuk kishim asgjë më shumë se fakti që punonim bashkë dhe ishim kolegë. Deklaratat e tilla janë vetëm spekulime”, ka thënë më herët Musliu, përcjell Slobodna Bosna.

Shoqata e Bankave të Kosovës në partneritet me Deutsche Sparkassenstiftung für internationale Kooperation në Kosovë (Sparkassenstiftung) kanë nisur Fushatën “Fuqizimi i Financave” si një hap inovator dhe i rëndësishëm për zhvillimin ekonomik. Duke bashkuar ekspertizën dhe burimet e tyre, të dyja organizatat synojnë të nxisin përfshirjen financiare dhe fuqizimin ekonomik për individë dhe komunitete në të gjithë Kosovën.

Duke u mbështetur në besimin se qasja në shërbimet financiare është një e drejtë themelore e njeriut, kjo fushatë synon të thyejë pengesat, të tejkalojë pabarazitë dhe të fuqizojë individët dhe grupet e margjinalizuara të marrin kontrollin mbi të ardhmen e tyre përmes edukimit të duhur financiar.

Fushata “Fuqizimi i Financave” është një nismë gjithëpërfshirëse dhe e shumëanshme, e cila synon të veprojë si një katalizator për ndryshime pozitive duke rritur jo vetëm ndërgjegjësimin për edukimin financiar, por edhe duke angazhuar aktivisht publikun në një rrugëtim transformues drejt fuqizimit të ekonomisë me theks të veçantë në edukimin financiar. Pra, përmes zbatimit të këtyre nismave dhe koordinimit të ngushtë, ne synojmë të fuqizojmë individët dhe komunitetet me njohuritë dhe burimet që u nevojiten për të marrë vendime të duhura financiare dhe si rrjedhojë për të kontribuar në rritjen ekonomike te Kosovës.

Fushata do te shtrihet në një periudhe kohore tre mujore, përgjatë të cilës jane planifikuar një gamë e gjerë aktivitetesh me karakteristika të ndryshme. Ndërgjegjësimi financiar mbetet shtylla kryesore e saj, e cila do të materializohet nëpërmjet burimeve informuese, trajnimeve, punëtorive dhe seminareve te planifikuara per t’i ardhur sa me pranë qytetarëve në zhvillimin e aftësitë të tyre financiare e për t’i angazhuar ata në dialogun e hapur rreth çështjeve financiare si një mjet kyç për fuqizimin ekonomik.

Z. Petrit Balija, Kryeshef Ekzekutiv i Shoqatës së Bankave të Kosovës u shpreh:
“Kemi filluar këtë fushatë të rëndësishme në partneritet me “Sparkassenstiftung” për të rritur edukimin financiar. Besojmë se qytetarët e informuar financiarisht janë një burim i fuqishëm për vendin tonë. Fushata do të ndihmojë në krijimin e një mjedisi financiar më të fuqishëm dhe të mirë-informuar në Kosovë. Për ne është privilegj qe te bashkepunojme me një organizatë si Sparkassenstiftung qe ka mision primar edukimin financiar e qe eshte edhe per ne si Shoqate e Bankave te Kosoves nje mision parësor i angazhimeve tona.

Përfaqësuesja në Kosovë, Zj. Anja Deinzer, Kordinatore Rajonale e “Sparkassenstiftung” për Europën Juglindore shtoi: “Në bashkëpunim me Shoqatën e Bankave të Kosovës, jemi të vendosur të vijojmë me fuqizimin e individëve dhe komuniteteve me njohuritë dhe burimet e nevojshme për të kuptuar kompleksitetet e botës financiare. Ndërveprimi, ushtrimet praktike dhe motivimi për të qenë pjesë e aktiviteteve të kësaj fushate do të përkthehen në rritje të edukimit

financiar e të vendimarrjeve të zgjuara në përdorimin e burimeve financiare. Ne jemi të sigurtë se kjo fushatë do te ketë impakt pozitiv të ndjeshëm në komunitetin e Kosovës.”

Fushata “Fuqizimi i Financave” është një hap i rëndësishëm drejt ndryshimit pozitiv, e cila nëpërmjet ekspertizës globale dhe vendore kërkon të rrisë edukimin financiar të qytetarevë dhe të nxis fuqizmin ekonomik të Kosovës.

Pas një diskutimi që zgjati gjithë natën, deputetët e Kuvendit të Malit të Zi kanë votuar për qeverinë e 44-të dhe kryeministri i ri Milojko Spajiq.

Sipas mediave vendase, përcjell Telegrafi, për Qeverinë votuan 46 deputetë, kundër 19 dhe një abstenoi.

Gjatë votimit – ndër tjerash – thuhet se nuk kishte deputetë të GP të URA dhe të Partisë Boshnjake BS.

Edhe pse pritej që Spajiq të paraqiste ekspozenë e tij, kjo nuk ndodhi sepse ai tha se një gjë e tillë tashmë ishte publikuar dhe se nuk kishte nevojë për ta bërë një gjë të tillë.

Ai vetëm ka bërë propozimin e kandidatëve për përbërjen e qeverisë.

Kjo u kritikua nga deputetët e pushtetit dhe opozitës, të cilët vlerësuan se Spajiq ka shkelur Kushtetutën.

Siç vënë në pah mediat, fillimi i seancës u shënua nga një polemikë mes Spajiqit dhe kryeministrit në largim Dritan Abazoviq.

Gjithashtu, gjatë diskutimit u bënë një sërë vërejtjesh për ekspozenë e Spajiqit.

Në seancën e Kuvendit mori pjesë edhe presidenti i Malit të Zi, Jakov Milatoviq.

Një grua është zhdukur dje në Ferizaj dhe akoma nuk dihet gjë për vendndodhjen e saj.

Në raportin 24 orësh të policisë thuhet se rastin në fjalë e ka raportuar një shtetase e Shqipërisë, e cila ka thënë se viktima ka dalë nga shtëpia dhe nuk dihet për vendndodhjen e saj.

Është njoftuar prokurori, rasti është në procedurë hetimore.

Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari, në një prononcim për Ekonomia Online, tha se nga raportet që kanë gjendja me furnizimin e librave në shkolla nuk është e mirë, pasi sipas tij, edhe pas dy muajsh ka nxënëseve që nuk është pajisur ende me libra.

Ai ka thënë se gjendje është me e keqe për nxënësit nga klasa gjashtë deri në të nëntën, si shkak i vendimit që këto klasë t’i përdorin librat e viteve të kaluar.

Jashri sqaroi se një pjesë e atyre librave kanë qenë të dëmtuara, nuk kanë qenë të dhe se fletoret e punës kanë paraqitur problem ngase kanë qenë të plotësuara.

“Ne kemi marrë informacione prej 2 javësh, gjendja nuk ka qene fortë e mirë ngase na është thënë së ka nxënëse që nuk janë pajisur një pjesë e tyre fare por një pjese tjetër janë pajisur me tekste, dhe gjendjen e kemi me të keqe nga klasa e 6-9 për arsye të ditura sepse tekstet janë përdorur vitin e kaluar shkollorë dhe një pjesë e tyre kanë qene të dëmtuara, nuk kanë qenë të përdorshme për këtë vite edhe fletorët e punës kanë paraqitur problem ngase kanë qenë të plotësuara:.

Jashari tha se ky vendim që ka marr MASHT-i për furnizim me libra ka qenë gabim dhe se shpreson që vitin e ardhshme Qeveria të ndaj mjete të mjaftueshëm që nxënësit të pajisen me libra.

“Vetë fakti që po flasim për këtë temë mbas 2 muaj fillimi në shkollë tregon që vërtet vendimi i zonjës Nagavci ka qenë i gabuar dhe uroj qe edhe ata të kenë mësuar nga  ky gabim dhe vitin e ardhshëm urojë të kemi mjete të mjaftueshme nga qeveria që të gjithë nxënësit që nga klasa e 1-9 me kohë të jenë të furnizuar por jo në këtë formë po si në të kaluarën”.

Ai tha se problem ka pasur edhe tek rimbursimin i familjeve, sipas tij, është raportuar se ka pasur prind që për shkak të borxheve u janë bllokuar mjetet e ndara nga MAShTI, raporton EO.

“Nga informacionet  tona ka pasur vrenjtë se ka nxënëse që ende nuk janë pajisur një pjesë fare, më asnjë tekste. Kryetarit i këshillit të prindërve te nivelit te vendit e dinë ankesa të tilla, ajo që është thënë dhe është shprehur frikë e arsyeshme nga njerëzit që i njohin këto gjera është thënë së mund te ketë prind që për shkak të borxheve pa pamundësisë t’i paguajnë borxhet e caktuara mund ti kenë pas edhe të bllokuar mjetet eventuale dhe me kujtohet një rast kur zonja ministresh e dha një vendimi që këta të mos veprojnë mirëpo ata ia kthyen se ata e kanë detyrën e vetë, mbase një pjesë e prindërve edhe nuk kanë mundur fare deri të rimbursimi për shkak të borxheve dhe xhirollogarive të mbyllura, ka pasur edhe prind që kane pritur më rreshta që të marrin librat në librari pra e gjithë kjo nuk ka nevojë të ndodhtë, nëse Qeveria nuk ka mjete bashkëkohorë për laptop dhe projektor se paku mos të na sfidojë më tekste shkollore”.

Ministria e Arsimit këtë vit ka ndare nga 80 euro për blerjen e librave për nxënësit nga klasa e parë deri në të pestën, si dhe nga 30 euro shtesë si mbështetje për materiale të tjera shkollore për nxënësit nga klasa e gjashtë deri në të nëntën.

Sot në vendin tonë parashihet të mbajë mot kryesisht me kthjellime dhe reshje shiu në disa zona pasdites.

Temperaturën minimale për ditën e sotme do ta mbajë Peja, Gjilani dhe Ferizaj me 9 gradë Celsius, ndërsa atë maksimale  Prizreni me 22 gradë Celsius.

Ndërkohë, dita e nesërme në vendin tonë parashihet të ketë mot të ngjashëm.

Temperaturën minimale për ditën e nesërme do ta mbajë Peja me 8 gradë Celsius, ndërsa atë maksimale Prizreni me 20 gradë Celsius.

Ndërkaq, në Shqipëri do të ketë mot kryesisht të vranët dhe reshje shiu. Temperaturën minimale do e ketë Korça me 9 gradë Celsius, ndërsa ajo maksimale do të jetë në Berat me 28 gradë Celsius. /atvlive.tv/

Parashikimin e plotë të motit, për rajon dhe Evropë mund ta gjeni në videon e mëposhtme:

Përgatiti: Sara Shehu

Departamenti i vaksinimit në Qendrën e Mjekësisë Familjare në Greme të Ferizajt, të hënën, për rreth dy orë, ka qenë i zbrazët.

Për shkak të mosofrimit të shërbimeve, banorët e këtij fshati janë detyruar që vaksinën kundër gripit sezonal, ta marrin në Qendrën kryesore të mjekësisë familjare në Ferizaj.

“Jam shku me marr vaksinën po asnjeri s’u kanë në vendin e punës, po largohen e po ikin e na me i pritë aty, po duhet s’disa edhe i vjetër s’po muj kështuqë e kom lan me marr këtu n’qendrën kryesore”, tha Musli Murseli, qytetar.

“Në përgjithësi, nëpër shtëpi të shëndetit po bojnë manipulime, nuk po rrinë nëpër vende të punës. Stafi i vaksinimit del se s’po kanë interesim me nejt. Oshtë gjynah që po na bojnë kësi gjërash, ne të moshuarit duhet të kujdesemi nga ata, ka raste të tilla, jam duke ba plan apet me marr këtë vit vaksinën, me gru amo me gjasa që s’i gjejmë as kësaj here mjekët aty”, tha Ejup Cakolli, qytetar.

Mirëpo, ankesat e pacientëve po i mohon shefja e Vaksinimit në këtë komunë, Drita Nazifi-Emini. Sipas saj, secila njësi e vaksinimit është në gatishmëri për procesin e vaksinimit.

“Deri më sot janë vaksinuar më shumë se 3000 qytetarë në qendrat e mjekësisë. Ne kemi mbështetjen e komunës për punëtorë dhe mund të themi se jemi të trajnuar që në secilën qendër të jetë stafi mjekësor për pacientët, të cilët janë gjithmonë aty për ofrimin e vaksinës për të interesuarit. Tani interesimi ditëve në vazhdim pritet të rritet edhe më shumë”, tha Nazifi-Emini.

Tutje, ajo ka bërë të ditur se në 7 Qendrat e Mjekësisë Familjare punojnë nga 3 infermiere për ofrimin e vaksinës për pacientët.

Ndryshe, procesi i vaksinimit kundër gripit sezonal ka filluar në fillim të muajit tetor, me ç’rast Ministria e Shëndetësisë ka siguruar mbi 85 mijë vaksina.

Më shumë detaje i gjeni në Edicionin Qendror të lajmeve në ATV, në videon më poshtë: