ATV

Category: Lajme

  • Haxhiu: Kurti në pika të trasha na njoftoi për Asociacionin: Po punohet në padinë për gjenocid ndaj Serbisë

    Haxhiu: Kurti në pika të trasha na njoftoi për Asociacionin: Po punohet në padinë për gjenocid ndaj Serbisë

    Ministrja e Drejtësisë, Albulena Haxhiu, tha se në mbledhjen e Këshillit të Vetëvendosjes, kryeministri Albin Kurti të gjithë anëtarët i ka njoftuar në pika të trasha për draftin e Asociacionit.

    Haxhiu tha se Kurti “është partner serioz” dhe se ka konsideratë për kërkesat e ndërmjetësve të dialogut. Ministrja tha se sa për Kurtin “teksti mund të jetë publik që prej dje”, por shtoi se “kjo nuk mund të ndodh dhe për këtë arsyet i ka përmendur kryeministri”.

    “Kryeministri Kurti,  është partner serioz që i trajton me respekt por edhe më konsideratë partnerët. Ai e ka ekipin e tij për dialog më të cilin ndanë dokumente të cilat kanë nevojë të vlerësohen por edhe të komentohen, konsultohet më Presidenten e Kosovës, dhe kryetarin e Kuvendit të cilët janë krerë të republikës së Kosovës”, raporton Ekonomia Online.

    “Unë si ministre e Drejtësisë jam gjithmonë në dispozicion, në mbledhjen e fundit të LVV na ka njoftuar në vija të trasha në propozimin Evropian Amerikan, para seancës në raportim në kuvend ka paralajmëruar edhe grupin parlamentar të cilët I ka njoftuar më mbarëvajtjen e takimit të 21 tetorit, dhe qëndrimin e Kosovës në lidhje më këtë ka pasur debat edhe ne kuvendin e Kosovës, sa për kryeministri Kurti, teksti mund të jetë publike prej dje, por kjo nuk mund të ndodhë dhe për këtë arsyet i ka përmendur Kryeministri Kurti”.

    Ai foli edhe për padinë për gjenocid ndaj Serbisë, për të cilën tha se po punohet por që nuk mund të jap më shumë detaje.

    Përderisa për Kodin Civil se nuk është proceduar në Kuvend për shkak se nuk duan të mos të votohet si në herën e parë, raporton EO.

    “Padia për gjenocid është në planin qeverisë është duke punuar. Për shkak të ndjeshmërisë s’mundemi me nda detaje. Po të kishte vullnet politik për adresimin e krimeve që Serbia i ka bërë në Kosovë. Në raport me dëmet e shkaktuara do të jetë në përgjegjësi të Institutit”.

    “Kodi Civil është vullnet i Qeverisë që atë ta kalojmë. Do e marrim përsipër në ministri që të ju njoftojmë për këtë Kodin Civil.  Nuk e kemi proceduar në Kuvend sepse nuk duam të ketë si herën e kaluar. Qasja e opozitës është e pajustifikueshme”.

  • Deponohen në një bankë në Prishtinë 251 monedha false nga dy euro

    Deponohen në një bankë në Prishtinë 251 monedha false nga dy euro

    Një zyrtar banke në kryeqytet, ka raportuar në polici se janë deponuar nga një klient 251 monedha nga 2 euro, të cilat dyshohet se janë false, shkruan Insajderi.

    Parat siç bëhet me dije nga raporti i policisë janë sekuestruar nga ekipet e forenzikës.

    “Rr. Enver Maloku, Prishtinë 04.10-06.11.2023. Zyrtari i një banke, ankuesi mashkull kosovar, ka raportuar se në bankë janë deponuar nga një klient 251 monedha nga 2€, në vlerë 502€, që dyshohet se janë të falsifikuara. Po ashtu në bankomatin e bankës nga një klient është deponuar një kartëmonedhë në vlerë 20€ që po ashtu dyshohet se është e falsifikuar. Paratë janë sekuestruar nga njësia e forenzikës. Rasti në hetime”, thuhet në raportin e PK-së.

  • Zgjedhjet në Serbi, Kurti takon liderët shqiptarë nga Luginën e Preshevës

    Zgjedhjet në Serbi, Kurti takon liderët shqiptarë nga Luginën e Preshevës

    Kryeministri i Kosovës, Albin Kurti, ka pritur mbrëmë në takime me liderët e partive shqiptare nga Lugina e Preshevës, në përpjekje për bashkimin e tyre në një listë të përbashkët për zgjedhjet parlamentare në Serbi, njofton gazeta zvicerane në shqip Le Canton27.ch.

    Delegacionit gjashtë anëtarësh i priu Shaip Kamberi, deputet aktual, Nagip Arifi, Naser Aziri dhe përfaqësues të tjerë nga Presheva e Medvegja.

    Kuti nga liderët e Luginës ka kërkuar unitet duke insistuar që ata të dalin me një listë të përbashkët të spektrit politik në zgjedhjet parlamentare ne Serbi.

    Sipas gazetës zviceranë Le Canton27.ch, futja në zgjedhje me një listë e përbashkët, Luginës do t’i sillte së paku katër deputetë shqiptarë në Parlamentin e Serbisë.

    Ditë më parë, presidenti i Serbisë, Aleksandër Vuçiq, ka njoftuar se zgjedhjet e reja parlamentare do të mbahen më 17 dhjetor të këtij viti.

  • Miratohet plotësimi i marrëveshjes për ekstradim ndërmjet Kosovës dhe Italisë

    Miratohet plotësimi i marrëveshjes për ekstradim ndërmjet Kosovës dhe Italisë

    Qeveria e Kosovës e ka miratuar shqyrtimin e nismës për ndryshimin dhe plotësimin e Marrëveshjes për Ekstradim ndërmjet Qeverisë së Kosovës dhe Qeverisë së Italisë.

    Ministrja e Drejtësisë, Albulena Haxhiu, në fjalën e saj ka thënë se në marrëveshjen e mëhershme kanë vërejtur disa pengesa të cilat janë evituar me ndryshimin e ri.

    Tutje, ajo ka thënë se me këto ndryshime po tentohet që të thellohet bashkëpunimi ndërmjet Kosovës dhe Italisë.

  • Gjatë 24 orëve janë ngritur 36 aktakuza kundër 51 personave

    Gjatë 24 orëve janë ngritur 36 aktakuza kundër 51 personave

    Prokurori i Shtetit njofton opinionin publik, se gjatë 24 orëve të fundit, nga prokuroritë Themelore janë ngritur tridhjetegjashtë (36) aktakuza kundër pesëdhjetenjë (51) personave, për vepra të ndryshme penale.

    Ndërsa, me urdhër të Prokurorit të Shtetit, janë ndaluar gjashtë (6) persona, si dhe pranë gjykatave kompetente janë parashtruar gjashtë (6) kërkesa për caktim të paraburgimit ndaj gjashtë (6) personave, të dyshuar se kanë kryer vepra të ndryshme penale.

    Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar pesë (5) persona, ka paraqitur dy (2) kërkesa për caktimin e masës së paraburgimit ndaj dy (2) personave, një (1) kërkesë për caktimin e masës së arrestit shtëpiak ndaj një (1) personi, si dhe ka ngritur nëntë (9) aktakuza kundër dhjetë (10) personave për vepra të ndryshme penale.

    Prokuroria Themelore në Prizren, gjatë 24 orëve të fundit, pranë gjykatës kompetente ka parashtruar një (1) kërkesë për caktim të paraburgimit ndaj një (1) personi. Ndërsa, nga kjo prokurori janë ngritur dymbëdhjetë (12) aktakuza kundër trembëdhjetë (13) personave, për vepra të ndryshme penale.

    Prokuroria Themelore në Gjilan, gjatë 24 orëve të fundit, ka parashtruar një (1) kërkesë për caktimin e masës së paraburgimit kundër një (1) personi dhe ka ngritur gjashtë (6) aktakuza kundër gjashtë (6) personave.

    Prokuroria Themelore në Mitrovicë, gjatë 24 orëve të fundit, me urdhër të prokurorit ka ndaluar një (1) person të dyshuar, si dhe ka parashtruar një (1) kërkesë për caktim të paraburgimit ndaj një (1) personi.

    Prokuroria Themelore në Ferizaj, gjatë 24 orëve të fundit, ka ngritur nëntë (9) aktakuza kundër njëzetedy (22) personave për vepra të ndryshme penale.

  • Rritet profiti i bankave komerciale, këto janë fitimet për 9 muaj

    Rritet profiti i bankave komerciale, këto janë fitimet për 9 muaj

    Bankat komerciale në Kosovë kanë shënuar fitim të pastër 123.7 milionë euro për nëntë muajt e parë të vitit 2023 (janar-shtator).

    Sipas Bankës Qendrore të Kosovës (BQK), norma e interesit në kredi në muajin shtator ishte 6.5 për qind, kurse ajo për kredi konsumuese 6.6 për qind, raporton KosovaPress.

    Në raportin Sistemi financiar të BQK-së thuhet po ashtu se vlera e kredive po ashtu ka arrit 4 miliardë e 791.1 milionë euro dhe depozitat 5 miliardë e 853.4 milionë euro.

    Ndërsa, profiti neto i institucioneve mikrofinanciare ka arrit 12.8 milionë euro me normë të interesit në kredi dhe lizingje7 18.9%

    Në tregun e Kosovës operojnë 12 banka prej të cilave me pronësi të huaj janë 9.

  • Vendos Qeveria – Komuna e Dragashit merr në shfrytëzim për 15 vjet dy prona

    Vendos Qeveria – Komuna e Dragashit merr në shfrytëzim për 15 vjet dy prona

    Qeveria e Kosovës ka marrë vendim për dhënien në shfrytëzim 15 vjet të pronave të kërkuara nga Komuna e Dragashit të menaxhuara nga Agjencia e Pyjoreve të Kosovës.

    Vendimi u mor në mbledhjen e së mërkurës, me ç’rast kryeministri Albin Kurti tha se kjo kërkesë e komunës ka për qëllim ndërtimin e deponisë së mbeturinave komunale për nevoja të qytetarëve në fshatin Restelicë.

    Ministri Administrimit të Pushtetit Lokal, Elbert Krasniqi, tha se pronat e kërkuara nga Komuna e Dragashit janë në dy parcela me sipërfaqe 13 mijë 568 metra.

    Gjithashtu Qeveria e Kosovës ka marrë vendim për shpronësim të pronave që preken nga realizimi i projektit Mbrojtja dhe Menaxhimi i Trashëgimisë Kulturore, Konservimi dhe Investimi në Lokalitetin Arkeologjik të Dresnikut, Klinë; pronën e paluajtshme ish-shoqërore “Juogopetroll” për realizimin e Projektit “Ndërtimi i Sheshit Qendror të Qytetit” Rahovec.

    Poashtu ka marrë vendim edhe për të shpronësuar pronat që preken nga realizimi i projektit “Programi për Menaxhinin e Mbeturinave të Ngurta” që përfshin rikonstruktimin e zgjerimit të deponisë sanitare në zonën e Gjilanit, Prishtinës, Podujevë, atë të pronës së paluajtshme ish shoqërore “Progres” e cila është e nevojshme për realizimin e Projektit  “Varrezat e Qytetit të Prizrenit”.

  • Bislim Bislimi emërohet sekretar i përgjithshëm në MKRS

    Bislim Bislimi emërohet sekretar i përgjithshëm në MKRS

    Bislim Bislimi është emëruar sekretar i përgjithshëm në Ministrinë e Kulturës, Rinisë dhe Sportit.

    Zëvendësministri i Punëve të Brendshme, Blerim Gashani propozoi emërimin e Bislimit dhe ai u votua unanimisht nga Ministrat, raporton Ekonomia Online.

    Shtatë persona të tjerë kishin synuar të njëjtën pozitë, ndërsa kundërkandidati kryesor i Bislimit ishte Arian Ahmeti.

    “Për pozitën sekretar i përgjithshëm kanë aplikuar 8 kandidatë, ndërsa 3 prej tyre kanë hyrë në listë të ngushtë, pasi i kanë plotësuar kriteret e përcaktuara me konkurs”.

    “Pas vlerësimit profesional nga komisioni shtetëror i pranimit përmes testit me shkrim dhe intervistës, kandidatët fitues që janë vlerësuar mbi pragun 70% të pikëve janë Bislim Bislimi dhe Arian Ahmeti”, tha Gashani.

  • Qeveria emëron drejtorin e Institutit për Krimet e Luftës – Kurti: Për ta ndërtuar të ardhmen, duhet adresuar të shkuarën

    Qeveria emëron drejtorin e Institutit për Krimet e Luftës – Kurti: Për ta ndërtuar të ardhmen, duhet adresuar të shkuarën

    Qeveria e Kosovës e ka emëruar Atdhe Hetemin drejtor ekzekutiv të Institutit për Krimet e Kryera gjatë luftës në Kosovë.

    Kryeministri Albin Kurti tha se Arifi do t’i prijë “këtij procesi të rëndësishëm”, duke shtuar se ai është ligjërues i shkencave politike në Universitetin e Prishtinës.

    Kurti shtoi se po angazhohen “për adresimin e të gjitha krimeve” dhe “për t’i matur dëmet e shkaktuara”, duke pohuar se Serbia duhet të mbahet përgjegjëse për krimet e kryera në luftën në Kosovë, raporton Ekonomia Online.

    “Për të ndërtuar të ardhmen duhet adresuar të shkuarën. Ballafaqimi me të kaluarën është proces shërues dhe mekanizëm i domosodshëm për përparim shoqëror. Duke qenë e drejtë individuale e të mbijetuarve, viktimave dhe familjeve, por edhe kolektive është edhe obligim për shtetin. Shteti duhet të mundësojë që këto të drejta të realizohen. Qeveria është e përkushtuar për të vërtetën, të drejtën për të ditur dhe drejtësinë si parakushte për paqen e qëndrueshme”.

    “Krimet e luftës, krimet kundër njerëzimit dhe gjenocidi nuk janë të shkuara. Plagët janë ende të njoma. Ato janë të hapura për mijëra familjarë. I japim prioritet ndriçimit të fatit të të zhdukurve. Gjatë këtij vitit janë kryer gërmime në 11 lokacione prej tyre 5 lokacione kanë rezultuar në gjetjet dhe zhvarrosjen e të paktën 6 viktimave të luftës, pa përfshirë rastet e fundit në Bishtazin, Gjakovë dhe Prizren”.

  • Reshjet e shiut, IHMK-ja paralajmëron vërshime të shpejta

    Reshjet e shiut, IHMK-ja paralajmëron vërshime të shpejta

    Instituti Hidrometeorologjik i Kosovës ka njoftuar se reshjet e shiut mund të shkaktojnë disa vërshime të shpejta, sidomos nga rrjedhat lumore me karakter malor.

    IHMK-ja thotë se nuk parashikohet të ketë përmbytje lumore.

    “Gjatë orëve të paraditës (e mekure 08/11/2023), kan filluar reshje të shiut në tërë vendin, me intenzitet më të lartë nëpër disa zona (veri-perendimore, qëndrore dhe veri-lindore) të cilat mund të shkaktojnë disa vërshime të shpejta, sidomos nga rrjedhat lumore me karakter malorë, të cilat mund të shkaktojnë pengesa në qarkullim, sisteme të kanalizimit, probleme në të gjitha aktivitetet bujqësore, probleme me trafikun, rrezik për rrëshqitje dheu etj. Nuk parashikohet të ketë përmbytje lumore sidomos nga lumenjtë kryesorë, të cilët aktualisht kanë nivele nënë kuatat e tyre mesatare për këtë periudhë të vitit.”

    IHMK-ja  parashikon se gjatë orëve të pasdites së sotme , gradualisht reshjet do të bien në intensitet dhe shtrirje dhe situata e përgjithshme hidrometeorologjike do të filloj gradualisht të stabilizohet.