ATV

Category: Lajme

  • Raporti i KE-së vlerëson zgjidhjen e problemit me automjetet e paregjistruara

    Raporti i KE-së vlerëson zgjidhjen e problemit me automjetet e paregjistruara

    Komisioni Evropian ka publikuar Raportin për Kosovën për vitin 2023. Një pjesë e këtij raporti flet për ekonominë dhe sektorët e saj në këtë rast, për sigurimet. Ky raport përmend përparimet në zgjidhjen dhe uljen e automjeteve të pasiguruara dhe të paregjistruara në Kosovë që vite më parë ishte mbi 200 mijë.

    Ky problem është zgjidhur falë vendosjes së stikersave që është bërë nga bashkëpunimi i Byrosë Kosovare të Sigurimit me institucionet e Kosovës.

    Ky raport përmend edhe problemet që i ka Kosova me mos anëtarësimin në Kartonin e Gjelbër.

    Raporti përmend edhe procesin e liberalizimit të sigurimeve i cili ende nuk ka filluar dhe modeli i ri i bazuar në rrezik për rregullimin e sigurimit të makinave tarifat nuk janë futur.

    “Përkundër disa përparimeve në automjetet e pasiguruara dhe të paregjistruara, Kosova vazhdon mbeten jashtë sistemit të kartonit jeshil. Si rezultat, sigurimi kërkohet për të regjistruar jashtë vendit automjetet që hyjnë në Kosovë dhe automjetet me targa të Kosovës që dalin nga Kosova. Kjo vazhdon të përfaqësojnë një barrë financiare”, thuhet në raport.

  • Dhoma e Tregtisë dhe Komuna e Ferizajt nënshkruajnë memorandum bashkëpunimi

    Dhoma e Tregtisë dhe Komuna e Ferizajt nënshkruajnë memorandum bashkëpunimi

    Dhoma e Tregtisë dhe Industrisë Kosovë (DHTIK) u mirëprit nga Komuna e Ferizajt, me qëllim të nënshkrimit të Memorandumit të Bashkëpunimit mes DHTIK-së dhe Komunës.

    Në komunikatë thuhet se qëllim i nënshkrimit të memorandumit është krijimi i linjave direkte të bashkëpunimit dhe mirëkuptimit, krijimit të partneritetit, shkëmbimit dhe ofrimit të këshillave profesionale për bizneset në fusha të ndryshme si dhe nxënësve të shkollave të mesme të ju mundësohet të vijojnë praktika profesionale pranë bizneseve anëtare të Dhomës së Tregtisë.

    Anëtari i Bordit të Dhomës së Tregtisë dhe Industrisë Kosovë, Idriz Zejnullahu falënderoj Komunën e Ferizajit për pritjen, duke theksuar se ky memorandum bashkëpunimi do të shërbejë në të mirë të bizneseve si dhe të rinjve do të i’u mundësohet të vijojnë praktika profesionale tek bizneset anëtare të Dhomës.

    Nga ana tjetër, Nënkryetari i Komunës së Ferizajt Lulzim Aliu përgëzoj Dhomën e Tregtisë dhe Industrisë Kosovë për shërbimet e vazhdueshme që i ofron në të mirë të biznesit dhe të rinjve në vendin tonë e veçanërisht të Komunës në fjalë.

    Në fund të procedurës së nënshkrimit të memorandumit të dyja palët uruan për një fillim të mbarë dhe bashkëpunim të frytshëm.

  • ​Aktakuzë ndaj katër personave, keqpërdoren detyrën zyrtare duke nxitur urrejtje

    ​Aktakuzë ndaj katër personave, keqpërdoren detyrën zyrtare duke nxitur urrejtje

    Prokuroria Speciale e Republikës së Kosovës (PSRK), ka ngritur sot aktakuzë në Gjykatën Themelore në Prishtinë, kundër të pandehurve me inicialet AM, E.A, Q.E dhe E.Z.

    Prokuroria Speciale njofton se aktakuza kundër dy të pandehurve AM dhe E.A është ngritur për veprën penale “Nxitja e përçarjes dhe mos durimit” nga neni 141 paragrafi 2 lidhur me paragrafin 1 të KPRK-së.

    “Ndërsa, kundër të pandehurve Q.E dhe E.Z është ngritur aktakuzë për veprën penale “Kanosja” nga neni 181 paragrafi 3 lidhur me paragrafin 1 të KPRK-së, pasi që të njëjtit me dashje kanë kanosur të dëmtuarit A.Sh dhe M.B.Gjithashtu, të pandehurit AM dhe E.A. duke keqpërdorur pozitën e tyre zyrtare nëpërmjet rrjetit social ‘’Facebook’’, me dashje kanë përhapur dhe nxitur urrejtje e mos durim ndaj të dëmtuarve, prokurorit A.Sh dhe gjyqtarit M.B, lidhur me një vendim për ndryshimin e masës së paraburgimit kundër të dyshuarit D.P”, thuhet në njoftim.

    Prokurori i Shtetit me rastin e ngritjes së aktakuzës i ka propozuar Gjykatës që të pandehurit të shpallen fajtorë dhe të dënohen sipas ligjit për veprat penale të cilat iu vihen në barrë.

  • Eksperti i sigurisë thotë se mbrojta e afërt për liderët opozitarë ndërlidhet me çështjen e veriut

    Eksperti i sigurisë thotë se mbrojta e afërt për liderët opozitarë ndërlidhet me çështjen e veriut

    Kryetari i PDK-së, Memli Krasniqi dhe ai i LDK-së, Lumir Abdixhiku së fundmi janë marrë në mbrojtje nga Policia e Kosovës, pas informacioneve për kërcënime të mundshme nga grupe terroriste serbe.

    Eksperti i sigurisë, Drizan Shala, në një intervistë në emisionin A LIVE në ATV, e potencoi se mbrojtja e tyre ka të bëjë me çështjen e veriut, mirëpo sipas tij, duhet ende të presim vlerësimet e Policisë se për çfarë bëhet fjalë.

    “Se si ka ardhë dhe cilat janë shkaqet dhe motivet që kanë shtyrë, tani më sipas vetë liderit të opozitës, Krasniqi, e potencoj që ndërlidhet me çështje të pjesës veriore, por ne do duhej të mos t’iu japim ndonjë paragjykim apo ndonjë përfundim të asaj, por do duhej të presim vlerësimet të cilat i bënë Policia e Kosovës, të rrezikshmërisë për person përkatës të cilët janë nën mbrojtjen e shtetit të Kosovës”, tha Shala.

    Ai përmendi se në përjashtim të liderit të LDK-së dhe PDK-së, lideri i AAK-së këtë të drejtë e ka gëzuar më herët, për shkak është jashtëzakonisht i rrezikuar në bazë të vlerësimeve që i bën
    njësia përkatëse në kuadër të Policisë së Kosovës.

    “Sipas asaj që tani më Policia e Kosovës në bazë të rrugëve operative ka identifikuar dhe ka analizuar informacionet ku në bazë të analizimit të atyre informacioneve është konstatuar dhe është vlerësuar nga njësia përkatëse në kuadër të Policisë së Kosovës që dy liderët opozitarë të LDK-së dhe të PDK-së, do të duhej t’u shtohet masa e sigurisë nga ana e shtetit. Pra, njësia e mbrojtjes së afërt t’i asistojë, t’i shoqërojë gjatë aktiviteteve të tyre të përditshme. Sa i përket liderit të tretë opozitar të Haradinajt, ai veç se e ka të gëzuar kontekstin e ofrimit të mbrojtjes së sigurisë me qenë se është jashtëzakonisht i rrezikuar në bazë të vlerësimeve që i bën njësia përkatëse në kuadër të Policisë së Kosovës”, tha Shala. /atvlive.tv

    Intervistën e plotë të tij në A LIVE e gjeni në videon më poshtë:

  • Presidentja merr pjesë në “Bloomberg New Economy Forum”, takon kryeministrin e Singaporit dhe udhëheqës të bizneseve më të fuqishme botërore

    Presidentja merr pjesë në “Bloomberg New Economy Forum”, takon kryeministrin e Singaporit dhe udhëheqës të bizneseve më të fuqishme botërore

    Presidentja e Kosovës, Vjosa Osmani, po merr pjesë në “Bloomberg New Economy Forum”, ku është takuar me kryeministrin e Singaporit, Lee Hsien Loong, Ministrin e Tregtisë dhe Industrisë, Gan Kim Yong, si dhe udhëheqës të bizneseve më të fuqishme botërore, përcjellë atvlive.tv.

    Lajmin e ka bërë të ditur vetë presidentja Osmani përmes një postimi në profilin e saj në facebook.

    “Në Bloomberg New Economy Forum, kisha mundësinë të takohem me Kryeministrin e Singaporit, Lee Hsien Loong, Ministrin e Tregtisë dhe Industrisë, Gan Kim Yong, themeluesin e Bloomberg, Michael Bloomberg, si dhe me udhëheqës të bizneseve më të fuqishme botërore. Së bashku diskutuam për rëndësinë e bashkëpunimit ekonomik, si dhe për angazhimin e përbashkët për një të ardhme më inovative dhe të qëndrueshme”, ka shkruar Osmani.

  • Azemi: Siguria në vendin e punës në Kosovë është shumë e rëndë, asnjë hap për ta ulur numrin e vdekjeve të punëtorëve

    Azemi: Siguria në vendin e punës në Kosovë është shumë e rëndë, asnjë hap për ta ulur numrin e vdekjeve të punëtorëve

    Kryetari i Sindikatës së Sektorit Privat të Kosovës, Jusuf Azemi, në një lidhje të drejtpërdrejt në emisionin A LIVE në ATV, tha se gjendja e punëtorëve në sektorin privat në Kosovë sa i përket sigurisë është shumë e rëndë.

    Sipas tij, më e keqja është se nuk është ndërmarrë asnjë hap për ta reduktuar numrin e vdekjeve të punëtorëve në vendin e punës.

    “Vetë fakti që shifrat na tregojnë se në Kosovë kemi katërfish, numri më i madh i vdekjeve në punë se sa në rajon, bën me dije se realisht gjendja e punëtorëve të sektorit privat të Kosovës, është një gjendje shumë e rëndë, një gjendje e cila jo që po përmirësohet, por përkundrazi po përkeqësohet. Vetë fakti që në vitet e fundit kemi shifra shumë të mëdha të vdekjeve në vendin e tyre të punës, por më e rënda është ajo se ne nuk kemi ndërmarrë asnjë mekanizëm adekuat që së paku ta ulim këtë numër të rasteve të vdekjes, sepse jemi të vetëdijshëm që gjithkund në botë vdesin punëtorët, por në një numër më të vogël”, tha Azemi. /atvlive.tv

    Intervistën e plotë të tij në A LIVE e gjeni në videon më poshtë:

  • Prokuroria Speciale ngrit aktakuzë ndaj katër personave, dyshohen për kanosje dhe nxitje të përçarjes

    Prokuroria Speciale ngrit aktakuzë ndaj katër personave, dyshohen për kanosje dhe nxitje të përçarjes

    Prokuroria Speciale ka ngritur aktakuzë në Gjykatën Themelore në Prishtinë, kundër të pandehurve me inicialet AM, E.A, Q.E dhe E.Z.

    Sipas njoftimit, aktakuza kundër dy të pandehurve A.M dhe E.A është ngritur për veprën penale “Nxitja e përçarjes dhe mos durimit”. Ndërsa, kundër të pandehurve Q.E dhe E.Z është ngritur aktakuzë për veprën penale “Kanosja”, pasi që të njëjtit me dashje kanë kanosur të dëmtuarit A.Sh dhe M.B.

    “Gjithashtu, të pandehurit AM dhe E.A. duke keqpërdorur pozitën e tyre zyrtare nëpërmjet rrjetit social ‘Facebook’, me dashje kanë përhapur dhe nxitur urrejtje e mos durim ndaj të dëmtuarve, prokurorit A.Sh dhe gjyqtarit M.B, lidhur me një vendim për ndryshimin e masës së paraburgimit kundër të dyshuarit D.P”, thuhet në komunikatën për media.

    Prokurori i Shtetit me rastin e ngritjes së aktakuzës i ka propozuar Gjykatës që të pandehurit të shpallen fajtorë, si dhe të dënohen sipas ligjit për veprat penale të cilat iu vihen në barrë.

  • Megjani: Punëtorët ende nuk janë të vetëdijesuar për të drejtat e tyre që burojnë nga ligjet në fuqi

    Megjani: Punëtorët ende nuk janë të vetëdijesuar për të drejtat e tyre që burojnë nga ligjet në fuqi

    Njohësi i marrëdhënieve të punës, Ardian Megjani, në emisionin A LIVE në ATV, tha se Kosova inkorporon vlerat evropiane për të drejtat e punëtorëve, mirëpo sipas tij, ende nuk janë vetëdijesuar punëtorët për të drejtat e tyre që burojnë nga ligjet në fuqi.

    “Në aspektin e ligjeve, ne inkorporojmë vlerat evropian për të drejtat e punëtorëve, duke filluar nga krijimi i marrëdhënieve të punës, pushimet në punë, pushimet mjekësore, vjetore, ditore, javore, siguria dhe shëndeti në punë që është një nga elementet kryesore. Fakti, se a kanë njohuri punëtoret mbi këto të drejtat, mendoj që lë mjaft për të dëshiruar, por jo vetëm në aspektin e sigurisë dhe shëndetit në punë apo në marrëdhënie pune, mirë po besoj që në përgjithësi nuk jemi si shoqëri aq e vetëdijesuar sa i përket të drejtave tona që burojnë me ligjet në fuqi”, tha Megjani. /atvlive.tv

    Intervistën e plotë të tij në A LIVE e gjeni në videon më poshtë:

  • I nxehti i tetorit pothuajse garanton se viti 2023 do të jetë më i nxehti në histori

    I nxehti i tetorit pothuajse garanton se viti 2023 do të jetë më i nxehti në histori

    Ky tetor ishte më i nxehti i regjistruar globalisht, 1.7 gradë më i nxehtë se mesatarja për muajin tetor para epokës industriale – si dhe muaji i pestë me radhë me një rekord të tillë, që nënkupton se është pothuajse e sigurt se viti 2023 do të jetë viti më i nxehtë i regjistruar në histori.

    Tetori ishte 0.4 gradë më i nxehtë sesa rekordi paraprak për tetorin nga viti 2019, duke e habitur madje edhe Samantha Burgessin, zëvendësdrejtoreshën e Shërbimit të Bashkimit Evropian për Ndryshime Klimatike, Copernicus.

    “Shkalla me të cilën po i thyejmë rekordet është tronditëse”, tha Burgess.

    Pas të nxehtit të muajve të fundit, është praktikisht e sigurt se viti 2023 do të regjistrohet si viti më i nxehtë në histori, sipas Copernicus.

    Shkencëtarët i vëzhgojnë klimat e ndryshme për ta kuptuar se si planeti jonë zhvillohet si pasojë e emetimeve të gazrave serë nga dora e njeriut. Një planet më i nxehtë nënkupton mot ekstrem më të shpeshtë, si thatësira të mëdha apo uragane që përmbajnë më shumë ujë, tha Peter Schosser, zëvendëspresident i Laboratorit për të Ardhme Globale në Universitetin e Shtetit të Arizonës.

    “Kjo është një shenjë e qartë se ne po shkojmë drejt një regjimi klimatik i cili do të ketë më shumë ndikim tek njerëzit”, tha Schlosser.

    Ky vit ka qenë tejet i nxehtë kryesisht për shkak se oqeanet janë duke u ngrohur, që nënkupton se ato po punojnë më pak tani se në të kaluarën për t’iu kundërvënë ngrohjes globale. Historikisht, oqeani e ka thithur 90% të të nxehtit tepricë nga ndryshimi klimatik, tha Burgess.

    Kjo nënkupton, sipas Schlosser, se bota duhet të përgatitet për rekorde të reja si pasojë e ngrohjes. Ai shtoi se planeti po e tejkalon tashmë 1.5 gradë të ngrohjes prej epokës para industriale dhe se planeti ende nuk e ka parë ndikimin e plotë të ngrohjes.

    Ai, Burgess dhe shkencëtarët e tjerë thonë se nevoja për të vepruar – për t’i ndaluar emetimet që po e ngrohin planetin – është urgjente tani./REL/

  • Numër alarmant i vdekjeve të punëtorëve në vendin e punës gjatë 2023-tës

    Numër alarmant i vdekjeve të punëtorëve në vendin e punës gjatë 2023-tës

    Përgatiti: Jeta Selmanaj

    Një ngjarje e rëndë ka ndodhur të hënën pasdite në një kompani ndërtimi në Gjilan.

    Një punëtor humbi jetën tragjikisht, pasi pësoi lëndime të rënda trupore derisa ishte duke punuar.

    Viktima J.K., vetëm njëzet vjet, vdiq pasi u dërgua në spital.

    Sipas informacioneve të para, viktima pësoi plagë derisa ishte duke punuar, dyshohet që ka rënë në një makineri betoni dhe fatkeqësisht nuk arriti të mbijetojë.

    Për rastin edhe policia ka nisur hetimet në koordinim me prokurorin e shtetit.

    Fatkeqësisht ky nuk është rasti i vetëm që një punëtor vdes në vendin e punës në Kosovë.

    Nga Sindikata e Punëtorëve Privat ka njoftuar që vetëm gjatë këtij viti janë regjistruar 18 vdekje në vendin e punës dhe pjesa më e madhe e këtyre rasteve ka ndodhur në sektorin e ndërtimtarisë.

    2023 është veçanërisht alarmant me numrin më të lartë të vdekjeve të punëtorëve për shtatë muaj sipas kësaj sindikate. Përveç kësaj sipas sindikatës shteti nuk po ndërmerr masa të mjaftueshme për të adresuar këtë problem.

    Ai ka theksuar se vdekjet në vendin e punës ndodhin kudo në botë, por numri i tyre në Kosovë është jashtëzakonisht i lartë.

    Një nga aspektet më shqetësuese të kësaj situate është që familjarët e viktimave nuk marrin asnjë mbështetje financiare nga shteti.

    Sipas sindikatës së punëtoreve të sektorit privat kanë theksuar se kjo mungesë e mbështetjes financiare është një arsye shtesë pse të rinë po ikin nga vendi, ndërsa vitin e kaluar ishin regjistruar tetëmbëdhjetë vdekje në vendin e punës, kryesisht në sektorin e ndërtimtarisë.