Category: Lajme

Pesë nga dhjetë pacientët e lënduar në treguan e kafshëve në Prizren nga shpërthimi i një granate dore, janë sjellë në QKUK. Njëri nga pacientët ka pasur nevojë për intervenim në Kirurgjinë torakale, si pasojë e lëndimeve te marra. Ndërkaq, gjendja e tyre është stabile dhe jashtë rrezikut për jetë.

Dy nga pacientët kanë pësuar lëndime në pjesën e qafës dhe në pjesët trupore të sipërme dhe të poshtme. Ndërsa, dy të tjera kanë pësuar lëndime në pjesën e kraharorëve dhe ekstremiteteve.

Kështu thotë, mjeku kujdestar në QKUK, Avdush Bajgora i cili tha se pritet që edhe njërin nga pacientët ta dërgojnë në Kirurgjinë Torakale, ndërsa të tjerët do t’i lirojnë.

“Bëhet fjalë për pesë pacientë të lënduar nga një mjet plasës, me ç’rast kanë pësuar lëndime, dy nga ta në regjionin e qafës, dhe në ekstremitetet e sipërme dhe të poshtme, dy të tjerë kanë pësuar lëndime në regjionin e toraksit dhe në regjionin e ekstremiteteve. Gjendja e tyre e përgjithshme duke u bazuar në parametrat vital është stabile. Te njërit pacientë i është vendosur dreni torakal, momentalisht është duke u trajtuar në Kirurgjinë Torakale, ndërsa pacienti tjetër tani do të vendoset në Kirurgjinë Torakale, dhe pacientëve tjerë janë më të lehtë dhe sipas të gjitha gjasave do t’i lirojmë në shtëpi pas ekzaminimeve shtesë”, tha Bajgora.

Ai tha se mosha e pacientëve është kryesisht e re dhe se të gjithë i takojnë gjinisë mashkullore.

Sipas Policisë, në mëngjesin e sotëm, nëntë persona janë lënduar si pasojë e një shpërthimi të një granate dore në tregun e kafshëve në Prizren.

Në kuadër të javës për të drejtat dhe mbrojtjen e fëmijëve me moton “Bashkë rritemi” nga SOS fshatrat e fëmijëve në Kosovë, sot janë certifikuar të gjithë prindërit të cilët janë trajnuar në programin për prindër, përmes metodologjisë PRIDE – Programi për informim, zhvillim dhe edukim të prindërve strehues dhe adaptues.

Modeli PRIDE i zhvilluar në SHBA, ka për qëllim të fuqizojë dhe të rrisë cilësinë e strehimeve familjare dhe adoptimet, duke ofruar një kornizë trajnuese për përgatitje dhe mbështetje për prindërit strehues dhe adoptues.

Me këtë rast, janë certifikuar 105 trajnues, master trajnues dhe familje strehuese të cilat janë trajnuar për strehim dhe adoptim të fëmijëve nga programi PRIDE i cili ka filluar të zbatohet në Kosovë që nga viti 2021.

Drejtoresha ekzekutive e SOS Fshatrave të Fëmijëve në Kosovë, Nezahate Salihu tha se PRIDE do të avancojë cilësinë e strehimit familjarë dhe adoptimet duke ofruar udhëzime të nevojshme për të gjithë familjet e interesuara për strehim të fëmijëve.

“Kjo metodologji ka një qëllim të përbashkët të rrisë cilësinë e strehimit familjarë dhe adoptimin duke ofruar mjete dhe udhëzime të nevojshme për ata që janë të përfshirë në këto shërbime te rëndësishme shoqërore, ceremonia e sotme e certifikimit është një rast për të nderuar dhe punë e palodhur të gjithë atyre që kanë kontribuar në suksesin e këtij programi. Të gjithë ata që janë certifikuar përmes kësaj metodologjie kanë dhënë një kontribut të jashtëzakonshëm në mirëqenien dhe zhvillimin e fëmijëve në nevojë” tha Salihu.

Me këtë rast, nga Ministria e Drejtësisë, këshilltarja Vlora Aliu theksoi se përkujdesja dhe mirëqenia e fëmijëve është obligim ligjor. Ajo tha se si institucion i drejtësisë janë të përkushtuar maksimalisht për të fuqizuar strehimet familjare si nga aspekti financiar edhe ai ligjor.

“Po synojmë të ecim ne tutje, ju ofroni shërbimin direkt për fëmijët, ndera ne si institucione e kemi obligim ligjor të përkujdesemi për ju dhe përmes juve për mirëqenien e fëmijëve. Kjo sepse konsiderojmë sepse fëmija në mes strehimit familjarë takohet më një familje e cila mirëpret në shtëpinë e vet dhe jetën e tyre dhe është e angazhuar për të siguruar një ambient të ngrohët familjes dhe përkujdesje adekuate për nevoja e tij zhvillimore, emocionale, arsimore dhe nevojat e tjera si çdo fëmijë. Duke e konsideruar të tillë këtë formë të mbrojtjes së fëmijës ne si Ministri e Drejtësisë jemi të përkushtuar maksimalisht që të fuqizojmë konceptin e strehimit familjarë dhe për këtë jemi duke bërë edhe nga aspekti financiar, por edhe nga aspekti ligjor”, u shpreh Aliu.

Po ashtu, nga udhëheqësi për Mbrojtje të Fëmijëve, UNICEF, Dren Rexha tha se fëmijëve iu ndodhin shumë raste të dhunës, abuzimit dhe braktisjeve. Rexha u shpreh se familjet strehuese dhe punëtorët social kanë një rol të rëndësishëm në sigurimin e një të ardhme më të mirë për fëmijët.

“I dimë shumë mirë rastet e rënda që iu ndodhin njerëzve tonë më të dashur sidomos fëmijëve sepse punëtorët social që qëndrojnë në vijë parë të frontit dhe përballen me rastet e dhunës në familje, abuzimit fizik, emociononal të fëmijëve, keqtrajtimit, neglizhimit, braktisjeve të fëmijëve e me rastet e fëmijëve të aftësive të kufizuara që kërkojnë trajtim e mbështetje dhe mbrojtje nga ofruesit e shërbimeve sociale dhe të tjera. Shumë prej juve do të pajtoheshit se do të ishte më mirë, nëse një fëmijë do të jetonte dhe do të rritej me prindërit e tij/saj por nuk është gjithmonë e mundur dhe kjo është arsyeja pse punëtorët social dhe familjet strehuese kanë një rol kritik në sigurimin e një të ardhme më të mirë për fëmijët pa kujdes prindëror, sepse strehimi familjarë është gjëja më e nevojshme për zhvillimin e një fëmije”, tha Rexha.

Edhe drejtoresha e Organizatës për Fëmijët pa Kujdes Prindëror (OFAP), Ibadet Krasniqi shtoi se fëmijët kanë të drejta e tyre që nga momenti i lindjes, sipas saj, për shkak të rrethanave sociale ndodhë që fëmijëve të mos u mbrohen këto të drejtat.

Ajo tha duhet të fokusohemi tek fëmijët pa kujdes prindëror dhe të i marrin përgjegjësi si shtet në mbrojtje.

“Fëmijës që nga momenti i lindjes i njihen dhe i garantohen të drejta të cilat mundësohen të rritet, të mbijetojë dhe të zhvillohet me qëllim të arritjes e potencialit në jetë, mirëpo për shkak të rrethanave të ndryshme sociale dhe ekonomike ndodhë që këto të drejta të mos realizohen për këtë arsyeje shteti duhet të hartojë legjislacion qoftë primar dhe sekondarë në mënyrë që të mbrohen të drejtat e tyre, kur jemi në këtë rast, fokusohemi tek fëmijët pa kujdes prindëror. Në Kosovë kjo formë e mbrojtjes siç është strehimi familjarë si formë alternative, do të thotë janë shumë të rëndësishme, në mënyrë që këta fëmijë t’i mbrojmë komplet si shtet”, potencoi Krasniqi.

Trajnimet për Metodologjinë PRIDE janë realizuar ne kuadër të projektit “Përforcimi i sistemit të mbrojtjes së fëmijëve në Kosovë përmes avancimit të reagimeve ndaj kujdesit për fëmijët pa kujdes prindëror dhe mbrojtjen e fëmijëve të cenueshëm”, i cili mbështetet financiarisht nga Zyra e Bashkimit Evropian në Kosovë në partneritet me UNICEF-in, dhe zbatohet nga SOS Fshatrat e Fëmijëve në Kosovë. /kp

Në kuadër të takimit të 20-të të Organizatës Botërore të Doganave janë duke u zhvilluar sesionet e Grupit kundër Falsifikimit dhe Piraterisë (CAP), ku përfaqësues nga administratat anëtare, Zyrat Ndërlidhëse të Inteligjencës Rajonale të OBD-së, organizatat vëzhguese, mbajtësit e të drejtave dhe subjektet e sektorit privat u mblodhën për të biseduar rreth iniciativave globale kundër falsifikimit dhe piraterisë.

Në këto takime, Dogana e Kosovës përfaqësohet nga Sadije Topojani dhe Atasheu Doganor, Bekim Mehmetaj, të cilët ndanë me audiencën sukseset e shquara të Kosovës në luftën kundër tregtisë së paligjshme.

Në operacionet e organizuara nga OBD për periudhën raportuese, janë identifikuar më shumë se 4,000 raste shkeljesh të të drejtave të pronësisë intelektuale dhe mallrave pirate.

Në komunikatë thuhet se Dogana e Kosovës mbetet e vendosur në përkushtimin e saj për të luftuar falsifikimin në kuadër të operacioneve globale të udhëhequra nga OBD, me qëllim parandalimin e tregtisë së paligjshme të mallrave që cenojnë të drejtat e pronësisë intelektuale (IPR).

“Në mënyrë të veçantë, vlen të theksohet se Dogana e Kosovës ka arritur me sukses të ndërmarrë veprime dhe parandalojë mbi 1,100 raste të mallrave që dyshohen se shkelin të drejtat e pronësisë intelektuale, me vlerën totale të mallrave të ndaluara që kalon mbi 23 milionë euro nga viti 2022 e deri më tani”, thuhet në njoftim. /kp

Një përplasje shqetësuese midis Kosovës dhe Serbisë i detyrohet pjesërisht perëndimit që është i kujdesshëm për përkeqësimin e Beogradit në mes të pushtimit të plotë të Rusisë në Ukrainë, tha një deputete kryesore britanike.

Alicia Kearns, kryetarja e komitetit të përzgjedhur për punët e jashtme në Dhomën e Përfaqësuesve, i tha Financial Times në një intervistë telefonike se Mbretëria e Bashkuar, SHBA, Gjermania, Franca dhe Italia duhet të heqin sanksionet ndaj Kosovës dhe të largohen nga një qasje “me në qendër Beogradin”.

“Perëndimi po tregon në Ballkan një dështim për të pasur një bosht kurrizore dhe ne po tregojmë gjithashtu se nuk kemi mësuar mësimet për të frenuar Rusinë”, tha ajo. “Ne kishim një prioritet të plotë se si të mos shqetësonim apo acaronim Rusinë në dëm të atyre që e rrethojnë. Pikërisht e njëjta gjë po ndodh këtu.”

Në mars, Beogradi dhe Prishtina ranë dakord në parim për të zgjidhur mosmarrëveshjet e tyre, por armiqësitë u ndezën përsëri, duke kulmuar në shtator, kur një përplasje e armatosur midis militantëve serbë dhe policisë në një manastir në Kosovën veriore la katër persona të vdekur.

Rrethimi i manastirit ngadalësoi progresin në përpjekjet për normalizimin e marrëdhënieve, një proces i vazhdueshëm që nga viti 2008, kur Kosova shpalli pavarësinë nga Serbia dhe u njoh nga shumica e fuqive perëndimore – një lëvizje që Beogradi ka thënë se nuk do ta pranojë kurrë.

Kearns paralajmëroi Westminster në korrik se militantët serbë po kontrabandonin armë në Kosovë, duke rrezikuar një shpërthim dhune. Kjo shkaktoi qortimet e ashpra ndaj saj nga presidenti serb Aleksandar Vuçiq si dhe NATO, e cila tha se nuk kishte prova për një aktivitet të tillë.

Por pas rrethimit vdekjeprurës në shtator, policia e Kosovës konfiskoi armë dhe municione të rënda në vlerë miliona dollarë, duke përfshirë granatahedhës, mina kundër personit, mitraloza dhe automjete të blinduara.

“Keni parasysh atë që thashë në qershor,” tha Kearns. “Armët vinin nga Serbia me autoambulanca në Kosovë dhe ruheshin nëpër kisha. Dhe çfarë kemi parë? Armët që kanë ardhur qartazi nga Serbia… Dy nga terroristët që vdiqën atë ditë nga të shtënat ishin shoferë të autoambulancës. Dhe ku u fshehën? Në një manastir.”

Kearns, e cila vizitoi vendin ku autoritetet e Kosovës ruanin armët e konfiskuara, tha se ishte e qartë se armatimi i shkallës ushtarake kishte qenë pjesë e depove të ushtrisë.

“Numrat serik përshtaten”, tha ajo. “Kjo nuk është si pjesë të rastësishme të pajisjeve që persona të rastësishëm të nivelit të ulët mblodhën së bashku dhe vendosën t’i përdorin. Këto janë pajisje të reja nga viti 2021. Kjo që pash ishte pajisja më e fundit”.

Serbia ka mohuar vazhdimisht se i kishte furnizuar sulmuesit me armë dhe kishte ngritur akuza penale kundër Milan Radojiciq, organizatorit të sulmit. Por pasi e arrestuan fillimisht Radojçiqin, autoritetet serbe e lanë të lirë me kusht që të mos largohej nga vendi.

Një ish-politikan i etnisë serbe me lidhje të ngushta me administratën e Vuçiqit, Radojçiq u vu nën sanksione nga SHBA në vitin 2021 për shkak se ishte pjesë e një grupi të krimit të organizuar në Kosovë, të akuzuar për kryerjen e atentateve politike.

Vuçiq tha se Beogradi po kryente një hetim kundër Kearns, të cilën ai e akuzoi se vepron në emër të interesave të huaja, dhe shtoi se do të urdhëronte ngrirjen e eksporteve të mëtejshme të armëve nga Serbia.

“Që një president të kërcënojë një deputet është një reflektim i pasigurisë së Vuçiqit dhe se komentet e mia kishin goditur në shenjë”, tha ajo. “Kini kujdes kur veproni në mënyrë të pandershme, kur vendosni të mashtroni.”

Ajo paralajmëroi se pavarësisht se ndërmjetësuesit e BE dhe perëndimorë kërkuan një kthim në tryezën e bisedimeve, situata mbeti e tensionuar.

“Nuk ka asnjë shenjë që bandat e krimit të organizuar që veprojnë brenda Kosovës të jenë ndalur. Nuk ka asnjë shenjë nga pala serbe… se i ka zvogëluar dëshirat e saj në Kosovë”, tha ajo. “Sistemi ndërkombëtar ishte bashkëfajtor në pretendimin se nuk kishte grupe të krimit të organizuar në Kosovë”.

Ajo tha se perëndimi duhet të përdorë më shumë nga provat që kishte dhe të godasë rrjetet e kontrabandës së armëve.

“Komuniteti ndërkombëtar i ka pasur këto prova – dhe zgjodhi t’i lirojë disa”, tha ajo. “Problemi është qetësimi i Beogradit”.

Duhet mbajtur presion mbi Beogradin, tha Kearns.

“Ne nuk mund ta pranojmë premisën se Serbia nuk do ta njohë kurrë Kosovën,” tha ajo. “Kosova nuk mund të braktisë aspiratat për integrim të plotë [perëndimor]”.

Kryeministri i Kosovës, Albin Kurti, është mburrur siç ka thënë për të arriturat e qeverisë në rreth tri vite sa janë në pushtet.

Kurti para kabinetit qeveritar, tha se në dy të tretat e mandatit kanë arritur suksese në shumë sektorë.

Ai përmendi rritjen ekonomike, mbështetjen ndaj qytetarëve dhe bizneseve, derisa tha se kanë shtrirë sovranitetin edhe në veri.

Kurti nënvizoi se Kosova tani e ka ushtrinë më të fortë se kurrë.

“Përveç çizmeve në tokë, ushtria jonë ka edhe sy në qiell përmes dronëve Bayraktar”, tha ai.

Kryeministri i Kosovës, Albin Kurti, është mburrur siç ka thënë për të arriturat e qeverisë në rreth tri vite sa janë në pushtet. Kurti para kabinetit qeveritar, tha se në 2/3 e mandatit katërvjeçar kanë arritur suksese në shumë sektorë, megjithatë iu tha ministrave se koha për të përmbushur zotimet po pakohet.

Ai përmendi rritjen ekonomike, mbështetjen ndaj qytetarëve dhe bizneseve, derisa tha se kanë shtrirë sovranitetin edhe në veri.

“Koha për të përmbushur zotimet tona po pakohet”, tha ai.

Ai bëri të ditur se deri dje (e martë) janë mbi 2100 konvertime të targave ilegale në RKS.

Ai theksoi se Kosova tani e ka ushtrinë më të fortë se kurrë, duke nënvizuar edhe blerjen e dronëve Bayraktar.

Në anën tjetër, Kurti tha sepërmirësimi i indikatorëve të luftimit të korrupsionit dhe respektimit të ligjit, nuk është i mjaftueshëm pa sistem të mirëfilltë, të pavarur e profesional të drejtësisë. Për këtë arsye ai e kualifikoi si të domosdoshme Vetingun në drejtësi.

Gazetari dhe analisti Milaim Zeka, në emisionin CONTEXT në ATV, tha se partitë që kanë qenë në pushtet kanë vjedhë, ndërsa të njëjtën gjë sipas tij, po e bënë edhe partia që është tani në pushtet.

Ai këto deklarata i bërë pas një debati në këtë emision me udhëheqësin e departamentit për drejtësi në PDK, Përparim Grudën.

“PDK në pushtet e ka pasur drejtorin e Policisë, kryeprokurorin edhe drejtorin e AKI-së. Çka po bënë baba Albin, të njëjtën gjë po e bënë. Ju i keni marrë institucionet, RTK-në, KEK-un, PostTelekomin, çka po bënë baba Albin, njësoj po bënë. Albin Kurti, mbanë në mend se po ju japë këshilla pa pare juve opozitës, nuk u ardhë Albin Kurti në pushtet kundër Asociacionit. Albin Kurti ka ardhë në pushtet tu thanë “hajnat n’burg”. Kallxoni ju, dilni thuani popullit “o popull, na pernime jena kanë hajna, po ky po vjedh ma zi se na”. Qy s’u kanë e vërtetë, po edhe lopët e dinë që kanë vjedhë partitë e kalume, ti s’ke vjedhë, por ata llom.. edhe ky po vjedh”, iu drejtua Grudës gazetari Milaim Zeka. /atvlive.tv

Ministria e Arsimit, Shkencës, Teknologjisë dhe Inovacionit (MASHTI) ka mbajtur tryezën e diskutimit mbi Edukimin në Fëmijërinë e Hershme (EFH), duke u fokusuar në temën e financimit dhe diversifikimin e modeleve të ofrimit të shërbimeve për EFH, me qëllim zgjerimin e qasjes dhe përmirësimin e cilësisë së shërbimeve, raporton Ekonomia Online.

Ministrja e Arsimit Arbërie Nagavci, tha se prioritet mbetet edukimi në fëmijërinë e hershme. Nagavci theksoi se pas punës së madhe si Ministri kanë arritur të hartojmë edhe Draftin e Korikulës së re për EFH dhe së shpejti do fillojë pilotimi i saj në terren.

Ajo shtoi se synimi në këtë projekt është të përfshihen familjet me të ardhura të ulëta dhe fëmijët me nevoja të veçanta. Sipas saj, edukimi cilësor i fëmijës sjell pasurimin e vendit me individ produktiv nesër dhe kjo është e ardhmja që na pret, duke shtuar se edukimi cilësor i fëmijës sjell pasurimin e vendit me individ produktiv në të ardhmen.

Po ashtu, kemi në fokus stimulimin e sektorit privat, si mundësi efikase për zgjerimin e kapaciteteve të këtyre shërbimeve, duke krijuar kushtet e duhura dhe duke monitoruar cilësinë.

“Të gjithë fëmijët lindin me potencial të jashtëzakonshëm, por ky potencial duhet kuptuar e kultivuar me kujdes dhe përkushtim. Edukimi cilësor në fëmijërinë e hershme vendos themelet për suksesin e tyre në jetë, si në drejtim të arsimimit e mirëqenies, ashtu edhe në aspektin e punësimit dhe integrimit social. Për këtë arsye, Ligji për EFH dhe Strategjia për Arsimin janë dokumentet bazë që qartazi i pasqyrojnë dhe i përqafojnë këto synime.  Jam krenare që, pas angazhimit të madh nga ana e partnerëve, ekspertëve dhe mbështetësve, kemi arritur të hartojmë edhe draftin e Kurrikulës së re për EFH, dhe shumë shpejt do të fillojmë pilotimin e saj në terren”.

“Sot, së bashku me partnerët tanë të afërt UNICEF-in dhe Bankën Botërore, do të prezantohen dy studime shumë të rëndësishme, të cilat vijnë në një moment  vendimtar për MAShTI-n, tani që kemi filluar procesin e hartimit të akteve nënligjore që dalin nga Ligji i ri për EFH, të cilat bëjnë riorganizimin e këtij niveli të edukimit në aspektin e përgjithshëm. Ato përcaktojnë ofrimin e edukimit cilësor gjithëpërfshirës për të gjitha format e organizimit të kujdesit dhe edukimit në fëmijërinë e hershme, për fëmijët prej lindjes deri në moshën 6-vjeçare. Po ashtu, përcaktojnë edhe normat për organizimin, funksionimin, mbikëqyrjen, përgjegjësitë institucionale dhe profesionale të të gjitha palëve të përfshira në edukimin në fëmijërinë e hershme”.

“Koordinimi ndër-sektorial me ministritë e linjës, siç janë Ministria e Shëndetësisë, Ministria e Punës dhe Mirëqenies Sociale, dhe Ministria e Financave, Punëve dhe Transfereve, është i rëndësisë jetike për zhvillimin e tërësishëm të fëmijëve qysh në moshë të hershme.  Si Ministri e Arsimit, kemi vënë theksin tek zgjerimi i shërbimeve të EFH me qëllim që ai të shtrihet në çdo cep të vendit, aty ku nevojat janë akute dhe mungesat janë reale. Synimi është të përfshihen sidomos familjet me të ardhura të ulëta dhe fëmijët me nevoja të veçanta. Njëkohësisht, po krijojmë mundësi për ofrimin e mbështetjeve shtesë për familjet.  Po ashtu, kemi në fokus stimulimin e sektorit privat, si mundësi efikase për zgjerimin e kapaciteteve të këtyre shërbimeve, duke krijuar kushtet e duhura dhe duke monitoruar cilësinë. Edukimi cilësor i fëmijës sot sjell pasurimin e vendit me individ produktiv nesër. Kjo është e ardhmja që na pret, ndaj ftoj secilin/ën prej nesh të japë edhe më tej kontributin e vet në këtë proces me rëndësi jetike”.

Nona Zicherman, shefe e UNICEF në Kosovë, tha se fëmijëve me këto lloj programesh bëhen të gatshëm për shoqërinë dhe punën, raporton EO.

“Në këtë projekt kemi bërë të mundshëm që të hapim më shumë institucione parashkollore deri në 6 milionë duke bërë të mundur zhvillimin e fëmijëve dhe për më ketë projekt kemi hartuar edhe korikulën për këtë çështje, ne duhet të i mbrojmë fëmijët sidomos nën 6 vjeç të cilët edhe janë pjesë e abuzimit dhe Kosova është duke u angazhuar në këtë projekt i cili është në të mirën e të gjithëve e sidomos fëmijëve”.

Massimiliano Paolucci, menaxher i Bankës Botërore për Kosovën dhe Maqedoninë e Veriut, theksoi se edukimi i fëmijëve në moshën e hershme është prioritet dhe përgëzoi Qeverinë e Kosovës që po punon në asetin më të mirë të vendit.

“Fëmijët kur marrin shërbimet sociale të duhura atëherë edhe kanë jetë produktive. Dhe fëmijët që kanë këto shërbime janë të prirë të kenë edhe nota më të mira dhe të bëhen të gatshëm për punë, ky projekt dëshiron që të involovojë të gjithë fëmijët pa dallim”.

Është arrestuar personi që dyshohet se ka kërcënuar me armë në zyrat e Komisionit të Pavarur për Miniera dhe Minerale (KPMM).

Rasti ka ndodhur të martën, ndërsa të dyshuarit i është konfirmuar një pistoletë me tetë fishekë.

Kështu është bërë e ditur në raportin 24 orësh të Policisë së Kosovës.

“Rr. Armend Daci, Prishtinë 21.11.2023 – 15:20. Është arrestuar i dyshuari mashkull kosovar pasi që i njëjti pasi ka ekspozuar një armë-pistoletë dhe ka kryer veprën e lartcekur. Njësitet policore në vendin e ngjarjes gjatë kontrollit te i dyshuari kanë gjetur dhe konfiskuar një pistoletë me karikator dhe 8-fishekë”, thuhet në raport.

Pas intervistimit me vendim të prokurorit, i dyshuari është dërguar në mbajtje.

Rasti është iniciuar ai “Posedim i paautorizuar i armës” dhe “Shkaktim i rrezikut të përgjithshëm”.

Ekonomia e Kosovës ka pasur një rritje të ngadalësuar gjatë viti 2022, me një rritje prej 3.5 për qind, kështu u tha në Komisioni për Buxhet, Punë dhe Transfere, në të cilin u shqyrtua raporti vjetor i Bankës Qendrore të Republikës së Kosovës (BQK) për vitin 2022, raporton Ekonomia Online.

Guvernator i Bankës Qendrore të Kosovës, Ahmet Ismailin, tha se ngadalësimi i kësaj rritje i atribuohet rritjes së përgjithshme të çmimeve. Sipas Ismailit mesatarja vjetore e inflacionit në vitin 2022 rezultoi 11.6 për qind.

“Raporti është miratuar nga bordi i BQK-së, sa i përket aspektit të ekonomisë së Kosovës, sipas raporti të viti 2022 ekonomia e Kosovës shënoj një rritje të ngadalësuar ekonomike prej 3.5 për qind. Ngadalësimi i aktivitete kryesisht iu atribuua rritjes së përgjithshme të çmimeve duke ndikuar në rritje enorme të bruto produkteve vendor me vetëm një pikë për qindje”.

“Çmimet në vitin 2022 vazhduan të diktohen kryesisht nga faktorë të jashtëm që përcaktuan trajektoren e inflacionit nga gjysma e dytë e vitit paraprak, që përfshijnë rritjen e çmimeve të energjisë në tregjet ndërkombëtare, pengesat në zinxhirët e furnizimit të shkaktuara nga pandemia dhe rritjen e hovshme të kërkesës së përgjithshme. Një ndër faktorët kryesore në inflacion ishte çmimi i energjisë dhe ushqimit me fillimin e luftës në Ukrainë, e cila u transmetua përmes kanaleve të ndryshme edhe në Kosovë”.

“Mesatarja vjetore e inflacionit në vitin 2022 rezultoi 11.6 për qind, në raport me 3.4 për qind që ishte në vitin paraprak. Sa u përket të hyrave buxhetore ato shënuan një rritje prej 13.7 për qind, si rezultat kryesisht i masave në formalizmin e ekonomisë dhe inflacionit. Edhe shpenzimet buxhetore shënuan një rritje dyshifrore prej 10.5 për qind të bruto produktit vendor. Borxhi publik arriti vlerën 1.8 miliardë euro ose 4.2 për qind më i lartë se sa viti 2021. Borxhi publik ra në 20.7 për qind nga 21.5 për qind sa ishte në vitin 2021”, tha ai.

Deputeti i PDK-së, Mërgim Lushtaku, ka pyetur guvernatorin se pse ka rritje të ngadalësuar të remitencave krahasim me vitet paraprake.

“Tek remitancat është një rritje e vogël krahasim me vitet e paraprake, vërehet një ulje. Zakonisht ka pas rritje më të madhe të remitanca, e tash ka rritje, por shumë më e ulët në krahasim me vitet paraprake. Cili është indikatori kryesor që ka ndikuar”, ka pyetur Lushtaku.

Për këtë, Ismaili tha se mund të ketë ndonjë keqkuptim.

“Ndoshta kemi ndonjë keqkuptim. Në aspektin e përqindjes, aktualisht është rreth 12 për qind rritja nga viti në vit, e ka kaluar 10 për qind e Bruto Produktit vendor. Besojmë se pandemia nuk është shumë e mirë referente për këtë qëllim”.

“Ne nuk kemi vërejtur që ka ndonjë ngadalësim, përveç se ka preferenca kohore të ndryshme, por në qoftë se mendoni se ka rritje të ngadalësuar, na duhet pak kohë të shohim në baza vjetore, në numër dhe vlerë a ka ndryshim “, tha Ismaili.