Category: Lajme

Gjendet trupi i pajetë i Vanja Gjorçevska, vajza 14-vjeçare e cila është zhdukur që nga e hëna. Ajo dyshohet se u vra po atë ditë, afër Velesit.

Pranë trupit të Vanjës është gjetur një tjetër i vrarë, 70 vjeç. Tre nga pesë të dyshuarit për vrasjen pritet të sillen në Gjykatën Penale sonte në orët e vona të natës. Një nga pesë personat e dyshuar është jashtë vendit.

Në vazhdim publikojmë në tërësi njoftimin e Prokurorisë Publike të RMV-së:

“Pas masave dhe aktiviteteve të gjithanshme të ndërmarra nga zyrtarët policorë nga SPB Shkup, sot (03.12.2023) trupi i pajetë i të miturës V.G., e cili ishte raportuar e zhdukur më 27.11.2023, është gjetur në rrethinën e Shkupit, ndërsa në afërsi të Velesit, është gjetur edhe trupi i pajetë i P.Zh.(74) nga Velesi, i cili ishte raportuar i zhdukur më 24.11.2023. Në lidhje me dy rastet dyshohen pesë persona, tre prej të cilëve janë në ndalim, një është jashtë shtetit dhe një person aktualisht ndodhet në stacion policor.

Paraprakisht në lidhje me veprat penale është gjetur një automjet tip Citroen i djegur dhe pas ekspertizës është siguruar prova materiale për përfshirjen e personave, për të cilat pas dokumentimit të plotë të rasteve do të bëhet kallëzimi përkatës penal në koordinim me Prokurorin Publik. Nga veprimet hetimore të kryera u konstatua se të dyja vrasjet janë kryer nga të njëjtët persona, motivi i të cilëve ishte “përfitimi”. Gjithashtu, nga masat operative të zbatuara është konstatuar se e mitura V.G. është marrë me veturë nga hyrja e banesës dhe nga të dhënat e marra nga marrja në pyetje është konstatuar se ajo është vrarë të njëjtën ditë (27.11.2023) rreth orës 10:00.

Menjëherë pas marrjes së raporteve për personat e zhdukur, janë ndërmarrë masa dhe aktivitete për gjetjen e tyre, ndërsa në SPB Shkup është formuar Shtabi i posaçëm operativ me në krye kryeshefin e SPB Shkup. Janë kryer bastisje në shtëpi dhe objekte të tjera në zonat e SPB Shkup, SPB Veles dhe SPB Shtip, gjatë të cilave janë gjetur dhe konfiskuar telefona celularë, kompjuterë, vetura etj., janë zhvilluar biseda të shumta me familjarë, të njohur, miq dhe personat që do të mund të kishin ndonjë informacion dhe disa qindra policë që punonin ekskluzivisht në këto raste përfshiheshin çdo ditë në veprimet hetimore.

Prokurorët publikë nga Prokuroria Themelore Publike Shkup dhe nga Prokuroria Themelore Publike Veles kanë kryer kontrolle në dy lokacionet ku janë gjetur trupat e të zhdukurve. Janë dhënë urdhra për autopsi në trupat e viktimave dhe për identifikimin e duhur. Gjithashtu janë lëshuar urdhra për mbledhjen dhe ekspertizën e të gjitha gjurmëve dhe provave nga të dyja lokacionet.

Në ditët pas zhdukjes së dy personave, prokurorët publik lëshuan urdhra për kontrolle në vende të shumta, sigurimin e pamjeve të vëzhgimit me video, vendndodhjen bazuar në stacionet bazë, analizat ligjore të pajisjeve elektronike, mjekësinë ligjore të gjurmëve materiale dhe provave, duke përfshirë makinën e lidhur me ngjarjen. Janë intervistuar persona të cilët kanë mundur të kenë njohuri të caktuara për ngjarjen dhe në bazë të të gjitha provave të grumbulluara është zbardhur ngjarja për autorët e dyshuar dhe motivet e tyre. Pas kompletimit të provave dhe aktekspertimit të urdhëruar, prokuroria do të fillojë procedurat përkatëse ndaj të gjithë të dyshuarve.

Presidenti ukrainas, Volodymyr Zelensky, ka thënë se lufta me Rusinë ka hyrë në një fazë të re, me dimrin që pritet të ndërlikojë luftimet pas një kundërofensive verore që nuk dha rezultatet e dëshiruara.

Pavarësisht pengesave, megjithatë, Zelensky tha se kombi i tij nuk do të dorëzohet, raporton The Independent.

“Ne kemi një fazë të re të luftës dhe ky është një fakt,” tha Zelensky, duke folur në Kharkiv pas një turneu moral-rritës në rajon.

“Dimri në tërësi është një fazë e re e luftës. A jam i kënaqur? Shikoni, ne nuk tërhiqemi, jam i kënaqur”.

Përgatiti: Kastriot Tahiri

Lavdim Troshupa është punëtori më i ri për nga mosha në brigadën e zjarrfikësve në Lipjan.

Tash e 21 vjet, ai thotë se nuk u hap asnjë konkurs për të pranuar zjarrfikës të ri, ani pse nevoja për shtimin e punëtorëve është shumë e madhe.

“Jemi staf pak dmth ndërrimi me tre punëtor, na shkojmë me dy zjarrfikëse, e baza met veç me një kujdestar. Verës kemi pas shume punë. Kërkesat janë kanë të vazhdueshme çdo vit”, tha Lavdim Troshupa, zjarrfikës.

Troshupa, thotë se në mungesë të punëtorëve shpesh herë as intervenimet s’janë kryer në kohë.

“Veres kemi pas shumë punë, ka ndodh na kanë thirr dy tre vena, skena pas mundësi me shku e me intervenu. Në vend të ngjarjes duhet me kanë katër veta, dy psh me hi në tym në rast nevoje me e ndihmua njani tjetrin”, tha Troshupa.

Përveç numrit të vogël, sipas Kryetarit të sindikatës s֝ Zjarrfikësve të Kosovës, problem tjetër është edhe mosha e tyre.

“Mosha mesatare në prag të 50, ka komunë me 48 vjet më i iru, por prej vitit 2004 s’jon pranua zjarrfikës shumë pak”, tha kryetari i Sindikatës së Zjarrfikësve të Kosovës, Muharrem Beka.

Brigada e zjarrfikësve në komunën e Lipjanit nga 40 zjarrfikës sa do të duhej të ishin aktualisht ka vetëm 17.

Më shumë detaje i gjeni në Edicionin Qendror të lajmeve në videon më poshtë:

Përgatiti: Krenare Mulliqi

Paratë që i destinoi për projekte kapitale i shpenzoi diku tjetër.

Komuna e Gjakovës u detyrua t’i tërheqë mbi 1.5 milion euro nga projektet kapitale, gjatë këtij viti, për t’i paguar shtesat e mësimdhënësve të parapara në kontratën kolektive, obligime këto të cilat do të duhej t’i kryente Qeveria.

Vetëm në muajin tetor, këto pagesa kësaj komune i kushtuan mbi 380 mijë euro.

Keq mbeti edhe Malisheva, pasi kësaj komune iu harxhua buxheti të cilin e kishte planifikuar për dekorim të qytetit.

Njohësit e Qeverisjes Lokale konsiderojnë se komunave do të duhej ndihmuar Ministria e Arsimit, si palë e kontratës kolektive.

Mosrespektimi i kontratës kolektive nga Qeveria bëri që qindra mësimdhënës t’i padisin komunat për t’i marrë shtesat, në mesin e tyre paratë për shujta, pagat jubilare e ato për kualifikim.

Më shumë detaje i gjeni në Edicionin Qendror të lajmeve në videon më poshtë:

Përgatiti: Sara Shehu

Bankat janë kryesisht të zbrazëta në shkollën fillore të mesme të ulët “Nuhi Mazreku”, në fshatin Gurishtë të Malishevës.

Derisa fshati po braktiset nga banorët, numri i nxënësve në këtë shkollë nuk kalon më shumë se 12 për një paralele.

“Ka qenë 248 numri nxënësve, ka ra në 95. Rënie për çdo ditë, oshtë diçka që nuk do koment. Ka vetëm nga një paralele nga 7-8 nxënës, maksimum 12. Druhemi se po bie për çdo ditë ky numër, është duke u rritë emigracioni, është duke u lëshuar fshati nga banorët. Kjo është arsyeja e braktisjes së shkollës”, tha drejtori i SHFMU “Nuhi Mazreku”, Faik Mazreku.

Ndonëse, objekti i shkollës është i ri, megjithatë në largimin e nxënësve ndikojnë edhe kushtet për mësimnxënie, thotë mësimdhënësi Durim Bytyqi, njëri prej 18 mësimdhënësve.

“Arsye tjera janë problemet, si e mungesa mjeteve teknologjike ndërkohë që objekti oshtë i ri, prej vitit 2014, përveç shkumësit dhe tabelës së zezë, s’kemi diçka tjetër. Kushtet s’po na mundësojnë me bo një proces mësimor më të vullnetshëm së bashku me nxënësit. Me të vërtetë ka humbë motivi te familjet edhe te nxënësit për arsye të këtyre kushteve, s’ka as konkurrencë mes nxënësve, duhet fotokopje, projekt s’kemi, asnjë”, tha Durim Bytyqi, mësimdhënës.

Por drejtori i shkollës nuk pajtohet.

“Kushtet janë në nivel sa i përket mbajtjes së mësimit, si në çdo shkollë tjetër, kemi kushte për të mbajtur procesin mësimor…”, tha Mazreku.

Sipas të dhënave të Ministrisë së Arsimit, për vitin 2022 – 2023, numri i nxënësve të regjistruar në arsimin fillor dhe atë të mesëm të ulët, në komunën e Malishevës është 7468.

Më shumë detaje i gjeni në Edicionin Qendror të lajmeve në videon më poshtë:

Përgatiti: Pranvera Krasniqi

Rreth 5 milionë euro ndahen çdo vit për investimet kapitale në Komunën e Malishevës.

Ani pse komuna realizoi shumicën e projekteve të parapara për vitin 2023, kjo shifër po konsiderohet e pa mjaftueshme nga drejtoria për buxhet dhe financa në këtë komunë.

“Ne kemi arrit me i finalizu shumë projekte por shuma e ndarë për këtë sektor nuk ka qenë edhe shumë e madhe, në i kemi bërë projektet edhe falë kontaktimeve 2 deri në 3 vjeçare e që i bie të vazhdojnë edhe ni vitet e ardhshme”, tha Blerim Thaçi, drejtor për Buxhet dhe Financa në Malishevë.

Vetëm në bulevardin “Ibrahim Mazreku” në qendër të Malishevës, janë shpenzuar më shumë se gjysma e buxhetit për investime kapitale.

“2.6 milionë euro i kemi shpenzuar vetëm në këtë bulevard të cilin e konsiderojmë tejet të rendësishëm për Komunën e Malishevës”, tha Thaçi.

Në anën tjetër, investimet infrastrukturore në Malishevë po mirëpriten nga qytetarët.

Në vitin 2024, buxheti i përgjithshëm i komunave do të jetë gati 200 milionë më shumë, ose 742 milionë euro, prej të cilave 635 milionë euro janë grant për komunat nga qeveria, kurse pjesa tjetër janë të hyra vetanake të komunave.

Më shumë detaje i gjeni në Edicionin Qendror të lajmeve në videon më poshtë:

Përgatiti: Driton Sadiku

Këtë pamje parashihej të kishte sot sheshi i Pejës. Ngjashëm duket nga larg, por gjendja reale është krejt tjetër.

Ani pse filloi rreth 4 vjet më parë, deri tash ka përfunduar vetëm gjysma.
Ndonëse, përfundimi i sheshit ishte një prej zotimeve kryesore të komunës, deri tash nuk ka nisur ende asgjë.

Andaj këto zvarritje në projekte madhore po kritikohen nga shoqëria civile.

Gjendja e sheshit, madje, sipas qytetarëve po e shëmton qytetin.

Këtë vit jo, por vitin e ardhshëm sheshi do të përfundojë të paktën sipas zyrtarëve komunalë.

Projekti në fjalë, komunës së Pejës pritet t’i kushtojë mbi 600 mijë euro.

Më shumë detaje i gjeni në Edicionin Qendror të lajmeve në videon më poshtë: