Category: Lajme

Gjatë periudhës janar-tetor, mbi 80 për qind të viktimave të dhunës kanë qenë gra. E sipas presidentes, Vjosa Osmani, këto vrasje kanë mundur të parandaloheshin nëse institucionet do të vepronin shpejt.

Kështu deklaroi e para e vendit në takimin e radhës të Këshillit për Demokraci dhe të Drejta të Njeriut, teksa foli për barazinë gjinore.

Siç tha ajo, institucionet përgjegjëse duhet të punojnë më shumë në këtë drejtim.

“Në takimin e fundit të këtij këshilli tema themelore ka qenë dhuna mbi bazë gjinore, që për fat të keq edhe në fund të vitit të kaluar kishe përfunduar me vrasje të grave. Njësoj ka ndodhur edhe këtë vit ku humbëm jetë të çmuara dhe kjo tregon se dhuna mbi bazë gjinore vazhdon të jetë një këmbanë alarmuese për të gjithë ne, si për institucionet ashtu edhe për shoqërinë tonë. Kishim rastin e Liridona Ademajt dhe raste tjera që janë shndërruar në tragjedi të ditëve tona, dhe ky ballafaqim me femicid që përsëri ndodhi gjatë 16 ditëve të aktivizimit kundër dhunës mbi baza gjinore tregon se ka rritje të dhunës në këtë aspekt. Është alarmuese kur kuptojmë se nga viti 2019 e tutje kemi pasur vazhdimisht rritje te rasteve të dhunës të raportuara në polici, ende nuk janë statistikat finale për vitin 2023, besoj se shumë shpejtë do dalin. Por, megjithatë siç shihet gjatë periudhës janar-tetor, mbi 80 për qind e viktimave të dhunës kanë qenë gra. Përgjegjësia padyshim se bie mbi kryerësin e veprës, por duhet të sigurohemi që të fuqizohen gjithë mekanizmat përgjegjës. Shumica dërmuese e vrasjeve që kanë ndodhur në Kosovë, ku gratë ishin viktima të bashkëshortëve ose partnerëve të tyre kanë mundur të parandalohen nëse do të kishte veprime të menjëhershme të institucioneve përgjegjëse”, tha Osmani.

Ajo apeloi përfshirjen e grave edhe në listat zgjedhore, por edhe në institucione publike.

“Dua të shpreh pakënaqësinë time që Ligji për zgjedhjet e përgjithshme i amandamentuar në Republikën e Kosovës nuk mori parasysh rekomandimet e këtij grupi, në mënyrë që edhe në lista por edhe në Kuvendin e Kosovës të ketë gra aq sa parashihet me ligjin për barazinë gjinore dhe këtu edhe njëherë për gjithë burrat e partive politike një inkurajim që kjo çështje të rregullohet sa më parë që të jetë e mundur”, shtoi Osmani.

Më 21 dhe 22 dhjetor 2023, shefi i Forcave të Armatosura të Zvicrës, Komandanti i Korpusit Thomas Sussli, do të vizitojë trupat e dislokuara në Kosovë dhe Bosnjë e Hercegovinë në kuadër të ndërtimit të paqes ushtarake. Me këtë rast ai takohet edhe me komandantin e Forcës së Kosovës (KFOR).

Kryeministri Albin Kurti, tha se të arriturat e Qeverisë në sundimin e ligjit dhe luftimin e korrupsionit janë të njohura si në Kosovës dhe në arenën ndërkombëtare, raporton Ekonomia Online. Ai në takimin e Këshillit për Demokraci dhe të Drejta të Njeriu, shtoi se gjatë këtij viti janë mbyllur shumë rrugë kriminale e janë sekuestruat substanca narkotike.

Kurti pati kritika sa i përket mosngritjes së aktakuzave ndaj paramilitarëve serbë për barrikadat dhe sulmet që kanë ndodhur në veri të vendit. Ai tha se brenda një viti mbi 10 ligje për reformë kanë përfunduar në Gjykatën Kushtetuese.

Madje tha se këto ligje janë ngujuar në këtë Gjykatën duke pamundësuar reformën në sistem.

“Progresin ynë në luftimin e korrupsionit është vlerësuar edhe nga organizatat ndërkombëtare. Ka vetëm grupe të organizuara kriminale ata nuk kanë mbështetje në popull. Ajo çfarë me duhet të theksho se ka shumë informata për krimet vjet edhe sivjet”.

“Ajo çfarë më duhet të theksoj është se ka shumë informata për krimet vjet dhe sivjet, vjet kur kishim barrikada paramilitare, sivjet kur kishim sulme paramilitare, por këto informata të shumta ndonëse janë shndërruar në hetime të shumta, nuk janë reflektuar në aktakuza të shumta”, është shprehur Kurti.

“Kemi shumë pak aktakuza për krimet e panumërta të kryera ndaj qytetarëve, rendit tonë kushtetues e juridik, integritetit territorial dhe ligjit në Kosovë, si në vitin 2022 ashtu edhe në 2023”, ka shtuar ai.

Sipas tij, edhe atëherë kur ka pasur arrestime dhe akuza, ka pasur lirime në arreste shtëpiake.

“Ka pasur trajtim i cili nuk ka dekurajuar kriminelët. Në anën tjetër një sfidë si Qeveri që e kemi pasur, është fakti që reformat tona kanë përfunduar në Gjykatën Kushtetuese. Nga 16 nëntori i vitit 2022 deri më 2 nëntor të këtij viti, pra një vit minus dy javë, i kemi 10 ligje super të rëndësishme të reformës sonë me të cilin kemi marrë besimin e qytetarëve në shkurt të vitit 2021”.

“Ne të gjithë e dimë, Kuvendi i Kosovës e ka komisionin parlamentar për legjislacion dhe të gjitha çështjet e ligjeve të cilat sponsorizohen nga Qeveria dhe pastaj votohen nga Kuvendi, trajtohen aty; mirëpo kemi një lloj aktivizmi të çuditshëm i cili na i vonon neve reformat dhe humbet kohen e çmuar të popullit të Kosovës”.

Ministri i Punëve të Brendshme (MPB) Xhelal Sveçla, tha se sfida më e madhe për këtë vit ka qenë ruajtja e rendit dhe sigurisë publike dhe ruajtja e integritetit territorial në gjithë vendin, raporton Ekonomia Online.

Madje tha se tejet sfiduese ka qenë shtrirja e sovranitetit në veriun e vendit pas sulmit të grupeve paramilitare atje dhe kulmi i këtyre sulmeve ka qenë ai i 24 shtatorit.

Ai në takimin e Këshillit për Demokraci dhe të Drejta të Njeriut, shtoi se edhe dje nga një sulm është rrezikuar jeta e një polici.

Sipas tij, së fundi situata e sigurisë është përmirësuar ndjeshëm në veriun e vendit.

“Atje institucionet e sigurisë janë ballafaquar me sulme ekstremiste, sulmi i 24 shtatorit u menaxhua mjaft mirë edhe pse humbëm heroin Afrim Bunjakun”.

“Gjatë këtyre viteve Policia e Kosovë është sulmuar rreth 100 herë nga këto grupe ekstremiste dhe lajmi i fundit është se një sulm kemi pasur edhe dje ku është rrezikuar jeta e një polici. Megjithatë situata e sigurisë atje është përmirësuar ndjeshëm”, tha ai.

Presidentja e Kosovës, Vjosa Osmani u ka bërë thirrje qytetarëve të Kosovës të respektojnë rregullat që kanë të bëjnë më liberalizimin e vizave, raporton Ekonomia Online.

E para e vendit në takimin e Këshillit për Demokraci dhe të Drejta të Njeriut, tha se fokusi në këtë vit e sidomos në pjesën e dytë të vitit ka qenë ruajtja dhe garantimi i sigurisë në vend për shkak të agresionit të Serbisë.

Ajo ka thënë se Kosova ka pasur arritje në këtë vit, duke përmendur rangimin në disa fusha. Po ashtu ka përmendur edhe aplikimin në Këshill të Evropës dhe kalimin në fazën e parë në këtë rast. E para e endnit tha se dhe aplikimi për statusin e kandidatit për BE.

“U bëj thirrje të gjithë qytetarëve që të respektojnë rregullat që janë pjesë e këtij sistemi të liberalizimit të vizave”.

“Siç e dini fokusi gjatë këtij viti ka qenë tekë ruajtja dhe garantim i sigurisë në vend për shkak të sfidave që paraqiten nga fqinji jonë Serbia. Në takimin e fundit të këtij Këshilli tema ka qenë dhuna në baza gjinore. Dhuna vazhdon që të jetë një kambanë alarmuese, kishim rastin e Liridona Admejat që janë shndërruar në tragjedi”.

“Viti përpara kërkon koordinim të vazhdueshëm institucional dhe veprime të mëtejme konkrete me qëllim të arritjes së objektivave dhe shënimit të sukseseve të fusha të ndryshme të cilat ua kemi borxh qytetarëve tanë”.

Ajo tha se gjatë periudhës janar-tetor mbi 80 për qind e rasteve të dhunës kanë qenë gra, sipas saj, shumica dërmuese e rasteve që kanë ndodhur kanë mundur që të parandaloheshin nëse do të kishte veprim të menjëhershme të institucioneve, rapton EO.

“Siç shihet gjatë periudhës janar-tetor mbi 80 për qind gra, duhet të sigurohem që të fuqizohen të gjitha mekanizmat përgjegjës. Shumica dërmuese e vrasjeve që kanë ndodhur në Kosovë kanë mundur të parandalohen nëse do të kishte veprime të menjëhershëm të institucioneve.”

“Me lejoni që ta shpreh pakënaqësinë time që ligji për zgjedhjet e përgjithshme nuk mori parasysh rekomandimet e këtij grupi”, tha ajo.