ATV

Category: Lajme

  • Alma Kaçi dhe Safet Gjici përballen në gjykatë: E filmova se jam gazetare investigative

    Alma Kaçi dhe Safet Gjici përballen në gjykatë: E filmova se jam gazetare investigative

    Safet Gjici dhe Alma Kaçi i qëndruan kërkesës për gjykim të shkurtuar në seancën paraprake në GJKKO.

    Në kërkesën e prokurorisë thuhet se nga hetimet, rezultoi një bisedë e zhvilluar mes Alma Kaçit dhe Safet Gjicit në zyrën e tij, ku Gjici pas favorit seksual, e drejtori Almën te Granit Gjana, për të folur mbi tenderin për strehimin e qenëve endacakë.

    Në banesën e Kaçit u gjet një USB, që përmbante filmimin bruto të aktit seksual në zyrën e Bashkisë.

    Kaçi kur është marrë në pyetje është shprehur se filmimin e ka bërë në kuadër të një emisioni investigativ, pasi sipas saj ishte gazetare e padeklaruat investigative.

    Në telefonin e Kaçit, që u sekuestrua në kuadër te hetimeve, u gjetën biseda mes saj dhe gazetarëve të emisionit investigativ, ku ajo fliste për këtë filmim. Sipas SPAK, filmimi u bë me vullet të plotë nga ana e Kaçit, për ta dokumentuar.

    Sipas prokurorisë Alma Kaçi ka pretenduar se, Abedin Oruçi, ish kryetar i qarkut Kukës, i ka marrë USB e filmimit me forcë. Por sipas SPAK kjo nuk është konfirmuar.

    Këtë të premte u mbajt seanca e parë ku ishim të pranishem të dy protagonistët. Në seancën e radhës, më 11 janar, do të jepen konkluzionet e prokurorisë.

  • Idrizi e nderon me titullin “Qytetar nderi” drejtorin e “Islamic Relief Kosova”, Moohamed Soliman

    Idrizi e nderon me titullin “Qytetar nderi” drejtorin e “Islamic Relief Kosova”, Moohamed Soliman

    Kryetari i Komunës së Vushtrrisë, Ferit Idrizi, të premten ia dorëzuar titullin “Qytetar nderi” humanistit dhe drejtorit të “Islamic Relief Kosova”, Dr. Moohamed Soliman, raporton Ekonomia Online

    Idrizi tha se ky çmim u ndahet personaliteteve të shquar për kontributin e tyre në të mirë të qytetarëve. Ai tha se bashkëpunimi me Soliman qe tri vjet ka dhënë rezultate të prekshme për Komunën e Vushtrrisë, sidomos në fushën e shëndetësisë.

    “Me Dr. Moohamed Soliman kemi një bashkëpunim që tri vite, i cili ka dhënë rezultate shumë të mira për Komunën e Vushtrrisë veçanërisht kemi një bashkëpunim të ndërsjellës ku Komuna Vushtrrisë ka përfituar në fushën e mjekësisë ku ata mjekë me programet mobile i shërbejnë Komunës së Vushtrrisë”.

    “Vetëm në këtë vit i kemi nda 273 sera në sipërfaqe me nga një ari ku kam përgatitur kopshtarët e Komunës së Vushtrrisë më tepër kemi nënshkruar për ndërtimin e tregut të gjelbër që shumë shpejt do të nënshkruhet kontrata me operatorin ku do të fillojnë punimet me emër të qytetareve bashkë më ndarjen e këtij çmimi ta falënderojë doktorin përzemërsisht për bashkëpunimin po edhe për stafin që e shoqëroj doktorin andaj duke dëshpëruar shëndet mirësi paqe rrugëtim të suksesshëm në misionin tuaj të uroj edhe çmimin qytetar nderi të Komunës, ky çmim iu ndahet personaliteteve të shquar për kontributin e tyre për angazhimin e tyre të madh. Jam i lumtur që këtë çmim ia ndajmë këtij humanisti një bamirësi, një doktori të palodhshëm siç është doktori Dr. Moohamed Soliman”.

    Mohamed Selman tha se bashkëpunimin me kryetarin Idrizi është shumë domethënës, raporton EO. Duke folur si doktor, ai tha se kujdesi ndaj njerëzve është parësor, raporton EO. Ai shtoi se pret që projekti për tregun e gjelbër të përfundojë shumë shpejt.

    “Sa nder të jem këtu sot. Ky është viti i shtatë i projektit Home Health Care Delivery, i cili ishte projekti i parë me të cilin filluam bashkëpunimin tonë. Jemi krenarë për këtë projekt. Ne jemi shumë krenarë për këtë projekt. Siç tha ajo në fillim, unë jam mjeke, dhe unë e di vlerën e kujdesit shëndetësor për njerëzit, sa është e rëndësishme që kujdesi shëndetësor t’i ofrohet njerëzve”.

    “Me ekipin e kryetarit InshaAllah, shumë shpejt do ta shohim realitet këtë treg të gjelbër. Është një moment historik gjatë punës sonë në ndërtim. Dhe punën që e bëjmë këtu në Kosovë që e kemi filluar në vitin 1999, ne ishim organizata e parë që u regjistruam këtu në Kosovë pas luftës. Pra, përmes këtyre viteve të përulura të punës, në shërbim të qytetarëve të të gjithëve, Në Kosovë, një moment historik shumë i rëndësishëm ishte bashkëpunimi me Bosnjën, sepse siç thashë, ishte ende një moment historik, një shembull për bashkëpunim me të gjithë”.

  • Kurti e pret në takim presidentin e Bullgarisë, Rumen Radev

    Kurti e pret në takim presidentin e Bullgarisë, Rumen Radev

    Kryeministri i Kosovës, Albin Kurti, ka pritur në takim presidentin e Bullgarisë, Rumen Radev, raporton EO.

    Nga ky takim, mediet janë lejuar të marrin vetëm pamje.

    Fillimisht ai është takuar me presidenten Vjosa Osmani.

  • ​Kurti i reagon Lajçak dhe tregon se si mund të ndodh normalizimi i marrëdhënieve me Serbinë

    ​Kurti i reagon Lajçak dhe tregon se si mund të ndodh normalizimi i marrëdhënieve me Serbinë

    Kryeministri i Kosovës, Albin Kurti ka dhënë disa rekomandime me të cilat normalizimi i mardhënieve me Serbinë do të mund të ndodh në vitin 2024. Ai duke u bazuar në deklarimin të fundit të emisarit evropian, Mirosllav Lajçak, se draft statuti për Asociacionin është çështje e brendshme e Kosovës, në vitin e ardhshëm, tha se mund ta shkruaj një draft modern evropian.

    Kurti ka shkruar në Facebook se beson që Brukseli dhe emisari evropian Lajçak do të merren shumë më tepër me Presidentin e Serbisë, Vuçiq që i vodhi zgjedhjet në Serbi me ndihmën e Dodikut, Mandiqit e Radoiçiqit (sidomos në Beograd) dhe që u tërhoq nga Marrëveshja Bazike e 27 shkurtit 2023 (përmes letrës së Kryeministres Ana Bërnabiq), në vend se të bëjnë presion publik me opsione që e shndërrojnë Kosovën demokratike e pro-evropiane në temë problematike.

    Normalizimi i Marrëdhënieve drejt vitit 2024

    1) Prioritet absolut për Qeverinë e Republikës së Kosovës është siguria për Kosovën, integriteti territorial i shtetit dhe jeta e mirëqenia e qytetarëve pa dallim.

    2) Konluzionet e hetimeve për sulmin terrorist e kriminal të 24 shtatorit në Banjskë të Zveçanit, kur u vra rreshteri Afrim Bunjaku, duhet të bëhen publike menjëherë. Millan Radojçiq dhe pjesëtarët e grupit të tij paramilitar duhet t’i dorëzohen autoriteteve të Kosovës.

    3) Shpresoj që Bashkimi Evropian dhe ShBA-të do t’i vendosin sanksione Serbisë, e posaçërisht Presidentit të saj Aleksandar Vuçiq, për sjelljet dhe veprimet armiqësore e agresore ndaj Kosovës, për eskalimin në veri të vendit tonë dhe për heqje dorë nga Marrëveshja Bazike (nëpërmjet letrës së Kryeministres së Serbisë, Ana Bërnabiq, të 14 dhjetorit).

    4) Kërkesa ime është që Kosovës t’i hiqen masat ndëshkuese të BE-së dhe ShBA-ve, dhe vendit tonë t’i jepet statusi i vendit kandidat për BE e Partneriteti për Paqe me NATO. Pikërisht kështu partnerët tanë perëndimorë do t’i kërkonin fuqishëm Serbisë të zbatonte obligimin e njohjes de facto të Kosovës.

    5) Draft statutin e Asociacionit mua më thuhej se duhet ta pranojë edhe Serbia (andaj qysh në takimin e Ohrit kam ofruar që ta shkruaj atë mbi tri parime, ofertë kjo që u refuzua nga Vuçiq). Sipas deklarimit të fundit të emisarit evropian Mirosllav Lajçak, meqë draft statuti na qenka veçse çështje e brendshme e Kosovës, në vitin e ardhshëm, unë mund ta shkruaj një draft modern evropian në konsultim me ministrat e mi Nenad Rashiq (Komunitete dhe Kthim) dhe Elbert Krasniqi (Administrimi i Pushtetit Lokal).

    6) Marrëveshja Bazike (me Aneksin e Zbatimit) për normalizim të marrëdhënieve ndërmjet Kosovës dhe Serbisë do të mund të nënshkruhej në Samitin e Këshillit Evropian që mbahet në datat 21 e 22 mars 2024.

    7) Besoj që Brukseli dhe emisari evropian Lajçak do të merren shumë më tepër me Presidentin e Serbisë Vuçiq që i vodhi zgjedhjet në Serbi me ndihmën e Dodikut, Mandiqit e Radoiçiqit (sidomos në Beograd) dhe që u tërhoq nga Marrëveshja Bazike e 27 shkurtit 2023 (përmes letrës së Kryeministres Ana Bërnabiq), në vend se të na bëjnë presion publik me opsione që e shndërrojnë Kosovën demokratike e pro-evropiane në temë problematike.

  • ​Ukraina rrëzon 24 nga 28 dronët rusë gjatë natës

    ​Ukraina rrëzon 24 nga 28 dronët rusë gjatë natës

    Ukraina rrëzoi 24 nga 28 dronët sulmues të lëshuar gjatë natës nga Rusia, thanë forcat ajrore të vendit.

    Dronët e prodhuar nga Irani u shkatërruan mbi pjesë të Ukrainës qendrore, jugore dhe perëndimore, shtoi ai.

    Të paktën dy të plagosur u raportuan në Kiev në sulmin e gjashtë të tillë në kryeqytet këtë muaj, shkruan SkyNews, transmeton KosovaPress.

    Vitali Klitschko, kryetari i komunës së Kievit, tha në Telegram se një dron kishte goditur një bllok banesash në lagjen Solomyanskyi, në jug të qendrës së qytetit, duke shkaktuar një zjarr në katet e sipërme që u vu shpejt nën kontroll.

    Ukraina është bërë e aftë në përgjimin e dronëve të cilët vendosen nga Rusia pothuajse çdo ditë.

    Shkalla e përgjimit është më e ulët për raketat, me Ukrainën që ka rrëzuar 1,600 nga afërsisht 7,400 të lëshuara nga forcat ruse që nga fillimi i pushtimit, ka thënë më parë ushtria e Kievit.

  • ​Grabitje në zyret e një operatori ekonomik, kërkohet paraburgim për të dyshuarin

    ​Grabitje në zyret e një operatori ekonomik, kërkohet paraburgim për të dyshuarin

    Prokuroria Themelore në Prizren, ka ngritur aktakuzë kundër të pandehurit B.L., i cili gjendet në paraburgim për shkak të dyshimit të bazuar mirë se ka kryer veprën penale “Grabitja”.

    Sipas aktakuzës, me datë 08.10.2023, rreth orës 14.00min, në Prizren, saktësisht në zyret e operatorit telefonik me përdorim të forcës dhe kanosjes serioze për të sulmuar jetën apo trupin e personit tjetër, përvetëson pasurinë e luajtshme të të dëmtuarës “T.K.- Sh.A”, me qëllim që t’i sjellë vetes dobi pasurore të kundërligjshme, në atë mënyrë që sapo hyn brenda në objekt ofrohet te punëtorja – e dëmtuara D.T., të cilës i kërkon informata rreth ofertave, e dëmtuara pasi i merr numrin e telefonit dhe derisa ishte duke i shpjeguar ofertat, në ato momente i pandehuri e nxjerrë briskun dhe nën kërcënim të të njëjtit i hedhet mbi trup, me forcë i zgjat duart tek arka dhe duke e larguar të dëmtuarën nga tavolina e godet të njëjtën në fytyrë dhe qafë dhe i shkakton lëndime të lehta trupore.

    Prokuroria nëpërmjet një komunikate, thekson se nga arka arrin të marrë një shumë të hollash, dhe largohet nga vendi i ngjarjes për në drejtim të panjohur, i cili në ikje e sipër e hedh në vend të panjohur briskun, mjet ky me të cilin e kishte kryer veprën penale.

    Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartëcekur për veprën penale për të cilën akuzohet të shpallet fajtor dhe të dënohet sipas ligjit.

  • Prokuroria i përgjigjet kërkesës së familjes së Liridonës për takim, vëllai i saj shpalos detaje se çka iu tha

    Prokuroria i përgjigjet kërkesës së familjes së Liridonës për takim, vëllai i saj shpalos detaje se çka iu tha

    Vëllai i Liridona Ademajt, Leonardi ka konfirmuar që sot së bashku me babin e tij kanë zhvilluar një takim me prokurorin e rastit për t’u njoftuar nga afër lidhur me hetimet që po zhvillohen për zbardhur detajet e vrasjes së saj.

    Ky takim, thotë ai se ua lehtësoi dhimbjen teksa shtoi se hetimet janë duke shkuar mirë.

    “Sot mbajtëm takim në Prokurorinë Themelore në Prishtinë dhe u informuam rreth rastit të vrasjes së Liridonës tonë, brenda kufinjëve që lejon ligji. Ky takim na e lehtësoi dhimbjen dhe na ofroi një siguri edhe më të madhe që hetimet janë duke shkuar mirë”, shkroi ai në Facebook.

    Leonardi po ashtu konfirmoi se takimet me prokurorinë për rastin do të jenë të rregullta.

    Njoftimi i plotë:

    Sot mbajtëm takim në Prokurorinë Themelore në Prishtinë dhe u informuam rreth rastit të vrasjes së Liridonës tonë, brenda kufinjëve që lejon ligji.

    Ky takim na e lehtësoi dhimbjen dhe na ofroi një siguri edhe më të madhe që hetimet janë duke shkuar mirë.

    U dakorduam që tani e tutje do të kemi takime të rregullta informuese.

    Ne i shprehëm falenderimet hetuesëve, prokurores së rastit dhe të gjithë prokurorëve që janë duke ndihmuar në zbardhjen e plotë të rastit.

    Ne besojmë në të gjitha institucionet e drejtësisë dhe mbesim me shpresë që rasti do të zgjidhet në mënyrë profesionale.

  • ​Radev: Marrëveshja për normalizimin e marrëdhënieve Kosovë-Serbi, kyçe për sigurinë e rajonit

    ​Radev: Marrëveshja për normalizimin e marrëdhënieve Kosovë-Serbi, kyçe për sigurinë e rajonit

    Presidentja e Kosovës, Vjosa Osmani, ka kërkuar sërish nga Bashkimi Evropian largimin e masave ndëshkuese ndaj Kosovës. Ajo tha sa ka tendencë nga disa që këto masa të kushtëzohen me procesin e zbatimit të marrëveshjes me Serbinë, e jo për deeskalimin e situatës në veti.

    Osmani pas takimit me presidentin e Bullgarisë, Rumen Radev, tha se masat janë të padrejta, derisa theksoi se vetëm anëtarësimi në NATO, do të ketë efekt afatgjatë për sigurinë në rajonin tonë.

    Në anën tjetër, Presidenti i Bullgarisë, Rumen Radev, tha se arritja e marrëveshjes për normalizimin e marrëdhënieve Kosovë-Serbi, është kyçe për sigurinë e rajonit.

    “Duhet zbatuar të gjitha marrëveshjet që janë nënshkruar deri tani. Ne përjashtojmë dhunën dhe jemi të shqetësuar për situatën në veri. Na vjen keq edhe për humbjen e jetës të një zyrtari policor në ngjarjen e 24 shkurtit”, tha ai.

  • Nga 1 prilli i vitit 2024, Zvicra ndryshon rregulloren për vetura, ja çfarë parasheh

    Nga 1 prilli i vitit 2024, Zvicra ndryshon rregulloren për vetura, ja çfarë parasheh

    Këshilli Federal në Zvicër ka mbajtur sot takimin për të marrë një vendim për automjetet. Me këtë vendim, makinat e reja të regjistruara në Zvicër në të ardhmen do të duhet të pajisen me regjistrues të të dhënave të aksidenteve dhe sisteme të reja të ndihmës ngarje.

    Veçanërisht, automjetet e reja duhet të pajisen me një regjistrues të të dhënave të aksidenteve dhe sisteme të reja të ndihmës së shoferit, shkruan Indeksonline.

    Sistemet u përdorën, për shembull, për të paralajmëruar lodhje ose shpërqendrim, për të frenuar automatikisht në rast rreziku ose për të ofruar mbështetje gjatë kthimit mbrapa dhe kthimit.

    Mbrojtja e të dhënave personale sigurohet dhe ndryshimet janë të koordinuara me Aktin Zviceran për Mbrojtjen e të Dhënave.

    Gjithashtu do të përmirësohet mbrojtja e çiklistëve, këmbësorëve dhe pasagjerëve të automjeteve. Këto ndryshime synojnë të përmirësojnë më tej sigurinë në rrugët zvicerane.

  • Osmani për masat e BE-së: Ka tendenca të përdoren si kushtëzim për Asociacionin, vepruam brenda territorit

    Osmani për masat e BE-së: Ka tendenca të përdoren si kushtëzim për Asociacionin, vepruam brenda territorit

    Presidentja Vjosa Osmani tha se ka tendenca që masat ndëshkuese të BE-së kundër Kosovës që vazhdojnë të jenë në fuqi të keqpërdoren për kushtëzim të themelimit të Asociacionit. E para e shtetit shtoi masat është dashur të hiqen moti dhe në fakt të mos vendoseshin kurrë, raporton Ekonomia Online.

    Ajo tha se nëse ndodh diçka e tillë do të ketë vetëm efekt negativ, derisa tha se Kosova i ka plotësuar të gjitha kërkesat e vendosura nga BE-ja për heqjen e këtyre masave që u vendosën si ndëshkim për tensionet në veri.

    Osmani tha se konstruktivitetin Kosova e ka dëshmuar me qindra herë në raporton me marrëveshjen me Serbinë, ndërkaq Serbia po e bën të kundërtën dhe jo vetëm me retorikë, por edhe me shkrim.

    “Ka tendencë nga disa që tani masat të keqpërdoren si mënyrë për të kushtëzuar Kosovën për çështje komplet të ndryshme nga arsyeja pse ato janë vendosur në fillim. E kam kundërshtuar një qasje të tillë edhe në Samitin BE-Ballkan Perëndimor, sepse në fakt kjo logjikë sikur kur përdoreshin liberalizimi i vizave për të kushtëzuar Kosovën për çështje të dialogut do të ketë vetëm efekt negativ”.

    “Ajo që kanë kërkuar nga Kosova, pra që e quanin de-eskalim, tashmë ka ndodhur. Nëse dikush mendon që të kushtëzohet heqja e masave me ndonjë veprim të Kosovës në kuadër të zbatimit të marrëveshjes vetëm sa do të ketë efekt negativ. Masat do të duhet hiqen sepse Kosova i ka plotësuar kushtet e kërkuara”.

    “Kosova ka vepruar brenda territorit të saj, s’e ka pushtuar askënd, s’ka përdorur dhunë dhe se ka rrezikuar askënd që të meritonte masa të tilla të padrejta dhe joprofesionale”.