Kryetari i komunës së Ferizajt, ka bëre një postim në “Facebook” ku ka thënë së në rastin e 150 vjetorit të themelimit të Ferizajt, ndava dekoratën “ NDERI I QYTETIT” Lucjan Avgustin.
Ai tha se ai ka kushtuar një jete paqes mes njerëzve, dashurisë për Krijuesin, harmonisë ndër fetare e veprave humane për nevojtarët.
Nënkryetarja e Partisë Demokratike të Kosovës, Vlora Çitaku, në rrjetin e saj ne “Facebook” ka shkruar një nderim i veçantë për Alush Gardicën, viganin e Ushtrisë Çlirimtare të Kosovës, i cili la një trashëgimi të pashlyeshme në rrugën drejt lirisë.
“Homazhe dhe nderime të sinqerta për të dhe bashkëluftëtaret e tij që kontribuuan në lirin e Kosovës.” – shkroi Çitaku.
Masat ndëshkuese të vendosura ndaj Kosovës, fillimisht nga Shtetet e Bashkuara të Amerikës dhe mëpastaj nga Bashkimi Europian “e kanë dëmtuar ekonominë dhe imazhin ndërkombëtar të Kosovës”, ka thënë zëvendëskryeministri i Kosovës, Besnik Bislimi. Ai i ka quajtur masat si gabim që do të duhej korrigjuar.
Për mbetjen e masave në fuqi, Bislimi gishtin e drejtoi kah Hungaria, e cila sipas tij, “si emëruesi më i vogël i përbashkët” nuk e lejoi konsensusin e shumë vendeve të BE-së për heqjen e masave ndëshkuese ndaj Kosovës.
Bislimi tha se ka pasur vende që kanë qenë pro heqjes së masave ndëshkuese, por se “kompromisi u gjet përmes emëruesit më të vogël të përbashkët”.
“Hungaria nguli këmbë për diçka tjetër, dhe ky pozicion mbizotëroi”, ka thënë Bislimi për EuroNews Albania.
“Kemi mbështetës që përkrahin heqjen e masave, por na duhet dikush që të këmbëngul për këtë. Kjo do të ndihmonte. Ka një fjali në konkluzionet e Këshillit që i hap rrugën kësaj sepse thotë që Këshilli është gati të heqë masat me kërkesë të Përfaqësuesit të Lartë. Ne e dimë se ai ishte pro heqjes së masave, ndaj ajo që na duhet tani është që Borrell t’i dërgojë një letër ku të mbështesë heqjen e masave”, tha Bislimi derisa shtoi se është optimist për këtë.
Deputeti i Parlamentit Evropian, Andreas Schieder, ka thënë se zgjedhjet e 17 dhjetorit në Serbi, nuk ishin të drejta dhe kishe shumë parregullsi. Lista “Serbia nuk duhet të ndalet” (Partia Përparimtare Serbe) e udhëhequr nga presidenti, Aleksandër Vuçiq, fitoi shumicën e votave, pasuar nga koalicioni opozitar “Serbia kundër dhunas”.
Schider, i cili ishte edhe vëzhgues në zgjedhje, ka thënë se përveç shkeljes së fshehtësisë së votimit ka pasur raportime edhe për votues fantazmë, blerje votash, fotografim në kuti të votimit e presion ndaj votuesve.
“Raporti mbulon jo vetëm ditën e zgjedhjeve, por edhe rrethanat gjatë fushatës. Vërehet keqpërdorimi i burimeve publike, mungesa e ndarjes së funksioneve zyrtare nga aktivitetet e fushatës, si dhe presione ndaj votuesve, duke përfshirë edhe raste të blerjes së votës. Në përgjithësi, presioni ndaj votuesve, theksimi i diskreditimit personal të kundërshtarëve dhe retorika e ashpër gjatë fushatës janë shumë shqetësuese”, ka thënë Schider në një intervistë për “Danas”.
Ai ka kritikuar partinë në pushtet (Partinë Përparimtare Serbe), duke thënë se gjithnjë e më shumë po përdorë gjuhë të urrejtës dhe shpifje.
“Dhe kritikët duket se e bëjnë atë nervoze”, ka theksuar eurodeputeti austriak.
Më tej Schider, ka thënë se pret që raportet rreth parregullsive të hetohen në mënyrë transparente, ku përfshihen edhe akuzat lidhur me zgjedhjet lokale në Beograd.
“Komisioni Evropian ka reaguar mjaft ashpër, duke thënë se konstaton me shqetësim se reformat në procesin zgjedhor janë të nevojshme, pasi që funksionimi i duhur i institucioneve demokratike serbe është vendimtar për procesin e anëtarësimit të Serbisë në Bashkimin Evropian”, ka potencuar Schieder.
Masat janë marrë edhe në Itali, Spanjë dhe Austri ku janë arrestuar disa persona.
Policia gjermane ka rritur sigurinë në Katedralen e Këlnit pas indikacioneve për një sulm të planifikuar për natën e Vitit të Ri. Autoritetet kanë përdorur qen për të kontrolluar katedralen pas meshës së Krishtlindjes. Të dielën, në prag të Krishtlindjes, policia ka lajmëruar se do të kryejë një kontroll sigurie për të gjithë vizitorët.
“Duke qenë se aktorët terroristë në të gjithë Evropën po bëjnë thirrje për sulme gjatë Krishtlindjeve autoritetet e sigurisë kanë marrë masat përkatëse. Katedralja e Këlnit është më e vizituara në Evropë dhe ne kemi stacionin kryesor të trenit pranë saj ku mund të kryen sulme. Kjo do të thotë se shumë njerëz që janë në lëvizje. Kjo është arsyeja pse ne kemi marrë masa.”
Gazeta gjermane “Bild” raporton se edhe autoritetet e sigurisë në Austri dhe Spanjë kanë marrë indikacione se një grup islamik do të kryejë sulme gjatë festimeve të Krishtlindjeve dhe Vitit të Ri. Disa xhihadistë të cilë planifikonin të kryenin sulme janë arrestuar në Vjenë, në rrethin Ottakring dhe në Saarland të Gjermanisë. Gjithashtu edhe në Itali vëmendja mbetet shumë e lartë.
Në javët e fundit Ministrja e Brendshme Nancy Faeser ka paralajmëruar për kërcënimin në rritje të dhunës islamike në Gjermani dhe në disa vende të tjera në Evropë, pasi lufta Izrael-Hamas po rrit rrezikun e radikalizimit. Siguria është shtuar edhe në tregjet e Krishtlindjeve, teksa alarmi për sulm terrorist është rritur. Ministria e Brendshme spanjolle njoftoi në fillim të dhjetorit një përforcim të masave të sigurisë duke vendosur alarmin anti-terror në nivelin 4 që është rrezik të lartë, siç ka qenë që nga qershori 2015.
Policia e shtetit në bashkëpunim me partnerët ndërkombëtarë ka bërë të mundur arrestimin e tre shtetasve të shpallur në kërkim ndërkombëtar nga policia shqiptare për vepra të ndryshme penale.
Konkretisht është arrestuar gjatë një operacioni të policisë franceze shtetasi Alban Skonja, 40-vjeç, banues në Durrës. Për këtë shtetas, Gjykata e Durrësit ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe municionit luftarak”, “Sigurimi i kushteve dhe mjeteve për të kryer vrasje” dhe “Grupi i strukturuar kriminal”.
Shtetasi A. S. akuzohet se në bashkëpunim me shtetasin I. F. dhe shtetas të tjerë, kanë planifikuar vrasjen e shtetasve G. H. dhe A. H., duke siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre.
Gjithashtu, ky shtetas dyshohet se më datë 02.07.2023, në rajonin e Balarus, Francë, është përfshirë në një rast të marrjes së një shume parash (40.000 euro), nëpërmjet kërcënimit me armë, në kuadër të bandës së organizuar.
Për këtë ngjarje, Njësia për Krimet Shëtitëse AntiSkifter në Shqipëri dhe Zyra Kombëtare për Krimet Shëtitëse AntiSkifter në Francë kanë shkëmbyer informacion, pasi dyshohej se një ndër autorët e përfshirë ishte shtetas shqiptar.
Policia gjeorgjiane ka kapur në Gjeorgji dhe ka arrestuar më qëllim ekstradimin në Shqipëri, shtetasin shtetasi turk Yalcin Hanci, 49-vjeç. Për këtë shtetas, Gjykata e Posaçme e Shkallës së Parë për Korrupsionin dhe Krimin e Organizuar ka caktuar masën e sigurisë “Arrest në burg”, për veprat penale “Ndihma për kalim të paligjshëm të kufijve”, “Grupi i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
Ky shtetas ka qenë pjesë e një grupi kriminal që merrej me trafikun e qenieve njerëzore drejt Evropës, kundrejt parave.
Policia gjermane ka kapur në Gjermani dhe ka arrestuar me qëllim ekstradimin në Shqipëri, shtetasin Kridens Mecollari. Ky shtetas është dënuar nga autoritetet gjyqësore në Shqipëri, me 5 vjet burgim (nga të cilat i kanë mbetur për të vuajtur 2 vjet, 6 muaj e 25 ditë), pasi më datë 6.11.2021, pas një konflikti të çastit, në një lokal, ka plagosur me armë zjarri shtetasin I. Sh.
Gjithashtu, ky shtetas, është shpallur në kërkim nga autoritetet e Mbretërisë së Bashkuar, për veprimtari kriminale në fushën e narkotikëve dhe për pastrim të parave të përfituara nga këto veprimtari. /EuronewsAlbania
Një aksident me pasojë plagosjen e dy personave ka ndodhur disa minuta më parë në rrugën nacionale Fier – Patos në afërsi të Portëzës.
Burime policore pohojnë se nga përplasja e dy mjeteve kanë mbetur të plagosur dy persona të cilët janë dërguar në urgjencën e spitalit rajonal Fier ku po marrin ndihmën mjekësore dhe janë jashtë rrezikut për jetën.
Policia ka shkuar më vendngjarje dhe po punon për zbardhjen e rrethanave se si ka ndodhur ky aksident. /Euronewsalbania
Agjencia e Veterinarisë dhe Ushqimit tha se brenda vitit mbi 300 mijë kilogramë të produkteve të mishit dhe 1 milionë kilogramë të produkteve të tjera jo shtazore janë asgjësuar. Agjencia foli për RTV21 në prag të festave të fundvitit, kur thotë se ka shtuar numrin e kontrolleve të operatorëve ekonomikë. Qytetarët kanë shprehur shqetësimet e tyre me cilësinë e ushqimeve që konsumojnë ndërkohë që Shoqata “Konsumatori”, thotë se institucionet nuk kanë krijuar partneritet konsumator-inspeksion.
AVUK iu ka bërë thirrje qytetarëve të kenë më shumë kujdes nga dhuratat e fëmijëve, për shkak të mundësisë së skadimit të afatit të produkteve. Drejtori i shëndetit publik, Flamur Kadriu, tha se inspektorët e Agjencisë kanë ndaluar një numër të operatorëve ekononik për shkak të dyshimeve për cilësinë e dobët të ushqimit që shitet.
“Gjatë një viti janë kryer mbi 70 mijë kontrolle, dhe diku 1 milionë kilogram produtke jo shtazore janë asgjësuar, ndërsa mbi 300 mijë kilogram janë shtazore…festat e fundvitit gjithmonë kanë tendeca për shitje më të madhe paraqet gjithmonë një rrezik dhe prej përvojave të kaluara, është bërë një praktikë për shkëmbim të dhuratave dhe në këtë mënyrë i kemi intensifikuar edhe inspektimet tona dhe i kemi nnën vëzhgim dhuratat që janë për fëmijët, dhe në këtë mënyrë të tregohet një kujdes më i madh se si janë mbajtë produktet nëpër tregje, afati i skadimit etj”, tha Kadriu.
AVUK tha se ka trajtuar 460 ankesa të konsumatorëve brenda një viti. Por pavarësisht paralajmërimeve të Agjencisë së veterinarisë dhe ushqimit për kontrollet shtesë qytetarët janë skeptik në atë se çka konsumojnë.
“Ne si konsumatorë nëse nuk e kemi kujdesin vet me i kqyrë, sa për kontrolle është katastrofë, me marr suxhuk në shitore ku ke pas, pa kurfar kontrolle masnej uji, rrin gjithë ditën ndiell e nshi pra nuk ka kontrollë t’mjaftueshme veç neve ishalla na runë Zoti”, tha një qytetar.
“Nuk jemi të sigurt, tu e ditë prejardhjen e tyre, nëse kurgjo ne e kqyrim t’pakten afatin”, tha një qytetare për RTV21.
Mungesën e kontrollit në treg e ka konfirmuar edhe kryetari i shoqatës “Konsumatori”, Selatin Kaçaniku, sipas të cilit ato kryhen në bazë të mundësivë dhe të kapaciteteve që kanë institucionet. Ai tha se në Kosovë asnjëherë nuk ka pasur kontrolle të mjaftueshëm të ushqimeve.
“Shiqoni kontrolle të mjaftueshme siç pret konsumatori nuk ka pasë anjëherë dhe nuk do të bëhen kurr, kontrollet bëhen me disa mostra matje simbolike dhe nuk bëhet sa duhet…shifni pas gjithë këtyre viteve jemi në vitin 2023, dhe akoma qytetari konsumator nuk është partner i shtetit në mënyrë që të bashkëpunoj me inspekcionin, shtetin”, tha Kaçaniku
Sipas agjencisë së veterinarisë në periudhën janar-nëntor, u shqiptuan 135 gjoba për kundërvajtje për ruajtje të produkteve në kushte joadekuate.
Sekretari i Përgjithshëm i NATO-s, Jens Stoltenberg është i mendimit, se Rusia megjithë sforcimin e madhe ushtarak nuk i arrin dot më qëllimet e saj të luftës në Ukrainë. Sipas Stoltenberg, qëllimi i pushtimit të Ukrainës nga Putini ishte të pengonte që Ukraina të lëvizte në drejtim të NATO-s dhe Bashkimit Europian, është shprehur ai në një intervistë për agjencinë gjermane të lajmeve, DPA. Por pas dy vitesh luftë, Ukraina është më pranë NATO-s dhe BE, se kurrë më parë.
Stoltenberg bën fjalë për dështim strategjik
Duke iu referuar qëndrimit rus, që e ka parë Ukrainën gjithmonë si pjesë të influencës strategjike të Rusisë, Stoltenberg ka thënë se, “presidenti Putin e ka humbur përgjithmonë Ukrainën”. Ky është një dështim i madh strategjik për Rusinë. Ai është shprehur shumë i sigurtë, se Ukraina do ta arrijë një ditë synimin e saj për të qenë anëtare e NATO-s.
Sekretari i Përgjithshëm i NATO-s i është referuar edhe çmimit të lartë që ka paguar Rusia për këtë luftë. Ky vend ka humbur qindra avionë luftarakë dhe mijëra tanke, në luftë janë vrarë apo plagosur 300.000 ushtarë. Sipas shërbimeve sekrete të SHBA në luftën në Ukrainë janë vrarë apo plagosur 315.000 ushtarë rusë. (Burimi: ZDF 14.12.2023 shën. red.)Po ashtu si pasojë e luftës është rritur inflacioni dhe është ulur standardi i jetesës. Nga ana tjetër politikisht Rusia është më e izoluar, se kurrë më paë.
Putini do të pushtojë zona të tjera
Në të njëjtën kohë Sekretari i Përgjithshëm i NATO-s, Jens Stoltenberg paralajmëroi nga zhvillimet që kërkojnë një fund të shpejtë të luftës dhe që besojnë, se Putini pas rizgjedhjes më 17 mars do të ndërrojë kurs. “Ne nuk kemi asnjë shenjë, se Putini do të ndryshojë objektivat e politikën e tij”, është shprehur Stoltenberg. “Ai do të përpiqet të pushtojë territore të tjera.”
Lajmin për vdekjen e ka bërë të ditur motra e tij, e cila njoftoi të afërmit e tyre edhe për detajet e ceremonisë së varrimit.
“Ju njoftojmë se pas një sëmundje të rëndë, në moshën 35 vjet, ndërroi jetë më i dashuri ynë, vllau, Valon Thaqi, duke u bashkuar me babin përgjithmonë.
Varrimi do të bëhet sot, në ora 15:30, tek varrezat te rudinat në Poterrk, Llapushnik.
Të allahu jemi dhe te ai do të kthehemi.
Familja Thaqi!”, thuhet në njoftimin e tyre.