Ish-emsiari Presidencial i SHBA-së për dialogun Kosovë-Serbi, Richard Grenell, ka promovuar Shqipërinë dhe turizmin shqiptar.
Në një postim në profilin e tij, Grenell ka ftuar të gjithë që ta vizitojnë Shqipërinë duke dhënë garanci se s’do të pendohen.
“Më besoni mua. Shkoni në Shqipëri. S’do të pendoheni”, ka shkruar Grenell.
Trust me. Go to Albania.
You won’t regret it. https://t.co/n7N0yyMsvB
— Richard Grenell (@RichardGrenell) December 27, 2023
Qeveria e ka miratuar Projektligjin për Këshillin e Sigurisë së Republikës së Kosovës, me të gjitha votat për, asnjë kundër dhe asnjë abstenim, raporton Ekonomia Online.
Kryeministri Albin Kurti tha se ky Projektligj ka për synim konsolidimin dhe fuqizimin e sektorit të sigurisë.
Ai ka shtuar se përmes tij do të rregullohet mënyra e bashkëpunimit të strukturave të sigurisë, duke ngritur nivelin e përgatitjes për t’iu përgjigjur kërcënimeve, rreziqeve dhe sfidave ndaj sigurisë së vendit.
Në mbledhjen e fundit të Qeverisë, është miratuar Projektligjit për Shtetësinë e Kosovës, raporton Ekonomia Online. Kryeministri Albin Kurti tha se ky Projektligj është një kornizë ligjore që synon të rrisë efikasitetin, transparencën, sigurinë dhe drejtësinë e proceseve tona të shtetësisë.
Ai është shprehur se ky ligj, në veçanti lehtëson fitimin e shtetësisë të personave me lejeqëndrim të përhershëm në rrethana të jashtëzakonshme, duke përfshirë edhe shqiptarët e Preshevës, Medvegjës dhe Bujanocit që jetojnë që shumë vite në Kosovë.
Ministri i Punëve të Brendshme, Xhelal Sveçla, tha se synojnë të rrisë efikasitetin, transparencën dhe sigurinë e proceseve për shtetësinë.
Ai ka thënë se ligji përcakton kritere të qarta për marrjen, mbajtjen dhe heqjen e shtetësisë, dhe përcakton një qasje të shkallëzuar për marrje të shtetësisë në përputhje me interesat tona kombëtare dhe objektivat e sigurisë.
“Në kohën e rritjes së lëvizshmërisë ky ligj afirmon të drejtën për shtetësi të shumëfishtë dhe si prioritet adreson nevojën e kahershme për lehtësimin e kritereve për përfitimin e shtetësisë edhe për qytetarët e Luginës”
NATO po monitoron nga afër situatën në Bosnje dhe Hercegovinë dhe nuk do të lejojë destabilizimin e saj, tha të mërkurën komandantja i selisë së NATO-s në Sarajevë, gjeneral Pamela McGaha, duke paralajmëruar se Rusia vazhdon të luajë rolin e një shteti që minon stabilitetin e rajonit në tërësi.
Gjeneralja amerikane McGaha prej dy vitesh është në krye të shtabit në Sarajevë, ku përfshihen oficerë nga vendet e NATO-s, me detyrën për të ndihmuar në reformën e sektorit të mbrojtjes së Bosnjë-Hercegovinës dhe trajnimin e forcave të saj të armatosura.
Selia e NATO-s në Sarajevë u krijua në vitin 2004, kur përfundoi misioni i SFOR-it i udhëhequr nga Aleanca dhe mandati i saj për të ruajtur paqen në BeH u mor nga forcat ushtarake të Bashkimit Evropian përmes misionit Althea.
Ky mision zgjatet çdo vit me vendimet e Këshillit të Sigurimit të OKB-së dhe EUFOR mbështetet në mbështetjen e NATO-s në zbatimin e detyrave të saj përmes marrëveshjes së Berlinit plus nga viti 2003, e cila i lejon Bashkimit Evropian të përdorë kapacitetet e Atlantikut të Veriut. Aleanca për operacionet e saj ushtarake në mbarë botën.
Në rastin e Bosnjës dhe Hercegovinës, NATO ka lënë të hapur mundësinë e rifillimit të monitorimit të respektimit të pjesës ushtarake të Marrëveshjes së Dejtonit nga BE në rast se Këshilli i Sigurimit refuzon të zgjasë mandatin e EUFOR-it për shkak të bllokadës ruse, dhe Gjeneralja McGaha konfirmoi në një intervistë për Oslobodenje të Sarajevës se ky opsion është ende i vlefshëm sepse NATO nuk do të lejojë një vakum sigurie që do të kërcënonte paqen në Bosnje dhe Hercegovinë.
“I bëjmë thirrje Rusisë që të luajë një rol konstruktiv në Ballkanin Perëndimor”
“Aleatët e NATO-s mbështesin me vendosmëri sovranitetin dhe integritetin territorial të Bosnjë-Hercegovinës. Fokusi ynë kolektiv është pikërisht në këtë dhe do të jetë gjithmonë fokusi ynë,” tha McGaha.
Ajo shtoi se në fakt i gjithë rajoni i Ballkanit Perëndimor është i një rëndësie strategjike për NATO-n, dhe për këtë arsye është forcuar kontingjenti ushtarak që vepron në Kosovë, që nga ana tjetër ka efekt në Bosnje dhe Hercegovinë dhe në vendet e tjera të rajonit.
Duke komentuar situatën e brendshme në Bosnje dhe Hercegovinë, të karakterizuar nga tensione të vazhdueshme politike, McGaha tha se NATO pret sjellje të përgjegjshme nga liderët politikë në Bosnje dhe Hercegovinë, por në të njëjtën kohë monitoron nga afër se çfarë po bëjnë.
“Ne jemi të shqetësuar për retorikën secesioniste dhe përçarëse, si dhe për ndikimin malinj të jashtëm, duke përfshirë atë nga Rusia, e cila kërcënon të kërcënojë stabilitetin dhe të bllokojë reformat. Ne i bëjmë thirrje Rusisë të luajë një rol konstruktiv në Ballkanin Perëndimor. Fatkeqësisht, ne shohim rregullisht Rusia po bën krejt të kundërtën. Ne shohim hakerim, dezinformim, frikësim dhe aktivitete të tjera destabilizuese. NATO respekton plotësisht të drejtën sovrane të çdo shteti për të zgjedhur marrëveshjet e veta politike dhe të sigurisë. Ne i bëjmë thirrje Rusisë të bëjë të njëjtën gjë. Është një parim themelor i sigurisë evropiane për të cilin ne të gjithë jemi përkushtuar, përfshirë Rusinë”, tha McGaha.
Kryeministri i Kosovës, Albin Kurti është deklaruar sot në mbledhjen e qeverisë për vendimin e Serbisë për njohjen e targave RKS, të cilin e ka quajtur manovër të radhës për hir të pushtetit në Beograd.
Në adresimin para ministrave, Kurti kritikoi Serbinë për moszbatim të marrëveshjeve për një periudhë më shumë se 10-vjeçare, derisa shtoi se vendimi i saj është i qëllimshëm pasi kësisoji Beogradi po synon të ulë presionin nga perëndimi demokratik, për zgjedhje jo të rregullta dhe jodemokratike.
“Ndonëse i shërben lëvizjes së lirë e të lehtësuar mes dy shteteve, dua të theksoj se ky vendim po vjen pas një moszbatimi për më shumë se 10-vjeçar të marrëveshjeve paraprake, përdorimi dyvjeçar të çështjes së targave nga ana e Serbisë për të cenuar situatën e sigurisë në veri të vendit tonë dhe tash së fundi, si përpjekje për të ulur kritikat nga komuniteti ndërkombëtar mbi Serbinë pas parregullsive dhe mashtrimeve në zgjedhjet e dhjetorit atje. Pra, targat në Kosovë, në shtator të vitit 2021 përdoreshin për të kërcënuar Kosovën edhe përmes avionëve MIG-29, të ngritur në qiell përreth kufirit dhe duke tentuar destabilizim në veri të vendit, sidomos nëpërmjet 16 barrikadave të cilat ishin ngritur rrugëve të katër komunave veriore për 3 javë rresht në dhjetor të vitit të kaluar. Kurse, në dhjetor sivjet, po përdoren për të ulur presionin nga perëndimi demokratik mbi Serbinë, për zgjedhje jo të rregullta dhe jodemokratike, për të mbuluar refuzimin zyrtar që i ka bërë letra e kryeministres së Serbisë, Brnabiq, drejtuar Këshillit Evropian më 13 dhjetor, dhe për të maskuar dështimin e tyre në Banjskë më 24 shtator… Është një manovër e radhës e shtetit serb, jo për hir të shtetit serb, kurrsesi për atë Kosovës, por për hir të pushtetit në Beograd”, tha Kurti.
Ai ka treguar se kur pritet që Kosova të njohë targat e Serbisë.
“Gjatë gjithë kësaj kohe, qëndrimi ynë për targat ka qenë i mbështetur në parimin e reciprocitetit. Ne do të vazhdojmë të jemi parimor dhe konstruktiv. Vendimin tonë të barasvlefshëm si çështje e marrëdhënieve shtetërore reciproke do ta marrim sapo që Policia jonë kufitare të dokumentojë dhe vërtetojë se Serbia po e zbaton të plotë dhe pa pengesa vendimin e saj”, u shpreh kreu i ekzekutivit”, tha kreu i ekzekutivit.
Qeveria e Serbisë pritet ta implentojë vendimin për njohjen e targave RKS nga 1 janari i vitit të ardhshëm.
Besa Ismaili, ish-deputete ne Kuvendit të Kosovës ka vizituar Kishën Katolike në Prishtinë me rastin e Krishtlindjeve.
Ismaili ka shkruar se ka gjithmonë mirësi në mesin e motrave të Kishës Katolike që ndodhet në lagjen Ulpiana të Prishtinës.
Ajo ka treguar edhe urimin e motrës Simila e cila thotë se gjithmonë duhet qenë bashkë me dashurinë për Kosovën dhe popullin kosovar.
“Pjesa më e ëmbël e vizitës tradicionale të urimeve të Krishtlindjeve është urtësia e motrës Smila që thotë: gjithmonë bashkë me dashurinë për vendin dhe popullin tonë”, ka shkruar Ismaili.
Ka vdekur sot gazetari Arton Turkaj, personazh i njohur i rrjeteve sociale si dhe botës së gazetarisë.
Lajmin e ka bërë të ditur gazetari Ermal Panduri.
Turkaj ishte i njohur në rrjete sociale për statuset e tij me humor e ironi.
Në mbledhjen e sotme të qeverisë, kryeministri Albin Kurti ka folur sa i përket vendimit të Serbisë për të pranuar targat RKS.
Në mbledhje, ai ëqshtë shprehur se ky vendim vjen pas një moszbatimi më shumë se 10 vjeçar të marrëveshjeve paraprake.
Ai ka shtuar se se përdorimi 2 vjeçar i kësaj çështje nga ana e Serbisë është bërë për të tensionuar situatën e sigurisë në veri, dhe së fundi po përdoret si përpjekje për të ulur kritikat nga komuniteti ndërkombëtar, pas parregullsive të zgjedhjeve të fundit në Serbi si dhe për të maskuar dështimin e tyre në Bansjkë më 24 shtator.
Tutje, ai është shprehur se targat në Kosovë, në vitin 2021 përdoreshin për të kërcënuar Kosovën.
Kurti është shprehur se ata e kërcënonin Kosovën edhe përmes 16 barrikadave që ishin vendosur në katër komunat veriore në dhjetor të vitit të kaluar.
Ministri i Mbrojtjes, Ejup Maqedonci ka dekoruar me medalje për “Shërbim të Shquar” komandantin e Forcës së Sigurisë së Kosovës, Gjeneral-lejtënant Bashkim Jashari.
“Në shenjë vlerësimi për angazhimin shumëvjeçar në mbrojtjen dhe sigurinë e vendit, punën e jashtëzakonshme në udhëheqjen e Forcës së Sigurisë së Kosovës, përkushtimin e treguar në implementimin e Planit Gjithpërfshirës të Tranzicionit dhe avancimin e kapaciteteve profesionale dhe operacionale të FSK-së, sot kam dekoruar me medalje për “Shërbim të Shquar” Komandantin e Forcës së Sigurisë së Kosovës, Gjeneral-lejtënant Bashkim Jashari”, thuhet në njoftim.
Grupi Parlamentar i Lëvizjes Vetëvendosje është mburrur për numrin e madh të ligjeve të miratuara në Kuvendin e Kosovës. Sipas partisë në pushtet, kjo legjislaturë është më e suksesshmja në historinë e jetës parlamentare me 218 ligje të miratuara, ndërkaq vetëm këtë vit siç thanë ata janë miratuar 71 ligje.
Shefja e Grupit Parlamentar të LVV-së, Mimoza Kusari-Lila, në konferencë për medie të mërkurën, tha se mazhoranca ka bërë reformë përmbajtjesore në sektorin e drejtësisë, ekonomisë, energjisë dhe sistemit social, të cilat sipas saj kanë qenë pjesë e programit zgjedhor.
“Deri tani, në më pak se tri vite kemi arritur me numrin e projektligjeve të miratuara në ligje dhe po ashtu reformën përmbajtjesore të jemi legjislatura më e suksesshme në historinë parlamentare të Republikën e Kosovës. Në vitin 2023, Kuvendi ka arritur t’i mbajë 52 seanca plenare, ndërsa në tërësi janë miratuar 71 ligje të cilat përkundër sfidave që është përcjellë vitit 2023 mund të themi se mund të themi se kemi hyrë në reformë përmbajtjesore në disa prej sektorëve të cilat kanë qenë pjesë e programit tonë zgjedhor”, tha Kusari-Lila.
Duke folur për rrëzimin e disa neneve të Ligjit për paga nga Gjykata Kushtetuese, Kusari-Lila tha se Kuvendi do të reflektojë në plotësim-ndryshimin e këtij ligji, sipas aktgjykimit të kushtetueses, por tha se përmes kësaj po humbet elementi që në sektorin publik të mos ketë diferencë të madhe të pagës më të ulët dhe asaj më të lartë.
“Natyrisht se Kuvendi sipas aktgjykimit të plotë do të reflektojë në plotësim-ndryshimet për ligjin, por prapë po e humb elementin që në sektorin publik nuk duhet të ketë diferencë aq të madhe të pagës më të ulët dhe pagës më të lartë. Kjo ka qenë ideja, duke u prezantuar një nivel i qartë dhe transparentë për të gjithë midis pagës më të lartë dhe pagës më të ulët”, shtoi Kusari-Lila.
Në anën tjetër, deputeti i LVV-së, Adnan Rrustemi tha se janë të gatshëm për zgjedhje të reja, por nuk ka indikacione për një gjë të tillë.
Teksa përmendi një sondazh që u publiku ditëve të fundit, Rrustemi u shpreh i bindur se Vetëvendosje do të dal më mirë në zgjedhje sesa në vitin 2021.
“Qeveria e Kosovës e drejtuar nga Lëvizja Vetëvendosje po vazhdon me përkushtim përmbushjen e programit qeverisës, ndërkohë Kuvendi ndërmjet grupit parlamentar po përmbush funksionin që ka për të shtyrë përpara këto politika. Sondazhet kanë nxjerr natyrisht opinionin dhe vullnetin e qytetarëve në këtë periudhë për të cilën ne e vlerësojmë…Natyrisht LVV-ja është e gatshme kurdo që krijohen rrethanat për zgjedhje të parakohshme. Zgjedhjet e parakohshme kanë një dimension të rrethanave kur ato mundësohen, Kushtetuta parasheh këto situata. Por unë nuk shoh indikacione për një gjë të tillë. Nëse ka ndonjë nismë nga opozita për mocion mosbesimi për qeverinë dhe ka sukses, padyshim se LVV-ja është e gatshme dhe përgatitur për të shkuar në zgjedhje…Edhe nga vlerësimi i opinionin dhe puna që po bëjmë është e dukshme se rezultati i zgjedhjeve të ardhshme do të tejkalojë rezultatin e zgjedhjeve të vitit 2021”, theksoi Rrustemi.
Krahas kësaj, ai përsëriti se Kosova është palë konstruktive në dialog dhe e interesuar për normalizim të marrëdhënieve me Serbinë. Por akuzoi këtë të fundit se nuk po dëshiron të zbatojë marrëveshjen bazë të Brukselit dhe aneksin e Ohrit./kp/