Category: Lajme

Dogana e Kosova ka arritur që gjatë këtij vitit të grumbullojë 1.6 miliardë euro, 135 milionë euro më shumë apo 9.5% se në vitin 2022, ka bërë të ditur nën një konferencë për medie, drejtori i këtij institucioni, Agron Llugaliu.

Ai më tej ka bërë të ditur se vlera e konfiskimeve e sekuestrimeve ka arritur në 14.5 milionë, përderisa te luftimi i ekonomisë jo-formale vlera arrijnë në 27.4 milionë euro. Drejtori njoftoi se gjatë kësaj periudhe janë arrestuar edhe 9 zyrtarë doganorë për korrupsion.

“Në vitin 2023 1.6 miliardë euro, 135 milionë. Të hyrat sivjet tejkalojnë të hyrat për të njëjtën periudhë 135 milionë apo 9.5% më shumë se në vitin 2022. Dogana e Kosovës gjithashtu është duke shënuar rezultate shumë pozitive edhe në luftimin e ekonomisë jo-formale dhe mbrojtjen e shoqërisë nga mallrat e ndaluara”.

“Edhe raporti i fundit për vendin nga Komisioni Evropian ka theksuar performancën e mirë të Doganës së Kosovës në disa fusha të rëndësishme, ndërsa që kryesore është theksi për performancën e mirë në luftimin e krimit të organizuar dhe kontributi në kuadër të Reformave të Qeverisë në luftimin e ekonomisë jo-formale”.

“Mallrat të importuara 5.8 miliardë euro, apo 5.46% më shumë se në vitin 2022. Te luftimi i ekonomisë jo formale 27.4 milionë euro, konfiskimet dhe sekuestrimet 14.5 milionë euro apo 27.46% më shumë. 9 zyrtarë janë arrestuar për korrupsion”.

Ai më tej ka shtuar se Dogana e Kosovës është mirënjohëse për përkrahjen e pa rezervë nga Qeveria e partnerët si Ambasada e ShBA-së, Britanisë së Madhe, Zyrës së BE-së në Prishtinë që u kanë ndihmuar në avancimin e kapaciteteve, raporton EO.

Madje tha se kontributi dhe bashkëpunimi me komunitetin e bizneseve si dhe me publikun ka qenë i rëndësisë kritike për rezultatet të deritanishme

Agjencia për Informim dhe Privatësi (AIP), ka bërë të ditur se gjatë vitit 2023 ka pranuar gjithsej 666 ankesa që kanë të bëjnë me zbatimin e Ligjit për Qasje në Dokumente Publike dhe Ligjin për Mbrojtjen e të Dhënave Personale.

Për mohimin e qasjes në dokumente publike, AIP ka pranuar 549 ankesa, 449 prej tyre janë mbyllur, ndërsa 100 janë në proces të shqyrtimit.

AIP njofton se janë shqiptuar 14 gjoba administrative për moszbatim të vendimeve detyruese: ndaj Komunës së Fushë Kosovës 10 gjoba, Universitetit Publik “Hasan Prishtina” një gjobë, Komunës së Shtërpcës një, Ministrisë së Mjedisit, Planifikimit Hapësinor dhe Infrastrukturës një dhe Komunës së Gjilanit po ashtu një gjobë, teksa shuma totale e të gjitha gjobave është 47 mijë euro.

Ndërsa, në kuadër të zbatimit të Ligjit për Mbrojtjen e të Dhënave Personale, AIP ka pranuar 117 ankesa, ka kryer 118 inspektime, prej të cilave, 60 inspektime, sipas ankesës, 58 sipas detyrës zyrtare. Numri në total i vendimeve të nxjerra është 178.

AIP ka shqiptuar katër gjoba, prej tyre tri për kontrollues privatë (Asistenca Rrugore e Kosovës dhe Asistenca Rrugore “Kenguri” për aplikimin e marketingut të drejtpërdrejtë, si dhe ‘Soma’ Sh. P. K. për mos zbatimin e vendimit të Agjencisë për instalimin e sistemit të vëzhgimit me kamerë); ndërsa një gjobë ndaj Partisë Socialdemokrate për publikimin e të dhënave personale. Shuma totale e gjobave është 32 mijë euro.

Ndryshe, gjatë 2023, Agjencia për Informim dhe Privatësi është bërë anëtare me të drejta të plota në Shoqatën Frankofone për Mbrojtjen e të Dhënave Personale.

Ajo është përfaqësuar në tetë konferenca ndërkombëtare dhe rajonale në cilësinë e panelistes, si dhe ka qenë nikoqire e Konferencës Rajonale për Mbrojtjen e të Dhënave Personale ‘’Iniciativa 20i7’.

Janë lëshuar 48 këshilla dhe opinione ligjore për kontrollues publikë dhe privatë, janë miratuar katër rregullore dhe janë nxjerrë pesë udhëzues për zbatimin e Ligjit për Mbrojtjen e të Dhënave Personale, si dhe janë lëshuar tetë vendime për transferim ndërkombëtar të të dhënave personale.

Lideri i Aleancës për Ardhmërinë e Kosovës (AAK), Ramush Haradinaj, ka thënë se është i shqetësuar për trajtimin jo të dinjitetshëm të Forcës së Sigurisë së Kosovës nga qeveria aktuale.

Ai në një postim në Facebook ka thënë se ka qenë gjithmonë në mbështetje të Forcës së Sigurisë.

“Është mahnitëse gatishmëria e të rinjve tanë për të shërbyer për Atdheun. Sot u certifikuan edhe 325 ushtarë të rinj. Me këtë rast, uroj shumë suksese për ta, në këtë rrugë fisnike. Me përkushtim të madh, kam qenë gjithmonë në përkrahje të Forcave të Sigurisë, e po me atë përkushtim, ngritëm statusin e Forcës në Ushtri, me përkrahje të aleatëve. Por, sot ndjehem i shqetësuar për trajtimin jo të dinjitetshëm të Forcës nga qeveria aktuale. Me dhjetëra miliona euro të buxhetit, u humbën këtë vit, për shkak të papërgjegjësisë qeveritare”, ka thënë Haradinaj.

Ai ka shtuar se siguria e vendit kërkon përkushtim madhor dhe serioz të qeverisë

“Këto veprime të Qeverisë, cungojnë kapacitetet tona të sigurisë. Kosova do të hyjë në vitin që po vjen, me 58 milionë euro më pak armatim, municion e mjete ushtarake. Përpos vullnetit qytetar për të shërbyer, siguria e vendit kërkon përkushtim madhor dhe serioz të qeverisë”, është shprehur Haradinaj.

Në repartin e Otorinolaringologjosë (ORL) të Spitalit të Përgjithshëm “Dr.Sami Haxhibeqiri” – Mitrovicë, në periudhën janar deri në dhjetor të vitit 2023 janë kryer 470 intervenime kirurgjikale.

“Prej tyre 156 operacione me anestezion të përgjithshëm dhe 314 me anestezion lokal ku përfshihen: Adenoto silectomo, tonisilectomo, diathermi e conchave nasale, biopsi e të tjera” thuhet tutje në njoftimin zyrtar.

Ndërsa mjekët e Otorinolaringologjisë kanë kryer nëntë mijë e 800 vizita specialistike ambulantore.

Anëtarët e Kuvendit Komunal të Mitrovicës së Veriut kanë miratuar propozimin për ndarjen e një parcele prej 27.400 metrash katrorë për Policinë e Kosovës, me kërkesë të Ministrisë së Punëve të Brendshme të Kosovës.

Sipas informacioneve të Radios Evropa e Lirë, në atë hapësirë janë të vendosura Ndërmarrja Publike “Standard”, Ndërmarrja Publike e Ujësjellësit dhe Autoriteti i Përkohshëm Komunal.

Të gjitha këto institucione punojnë sipas sistemit serb.

Udhëheqësi i partisë Demokracia Serbe, Aleksandar Arsenijeviq, shkroi në Facebook se në këtë parcelë ka edhe një sallë sportive.

Ndërkaq, Lista Serbe, partia më e madhe e serbëve në Kosovë, tha se vendimi i Kuvendit Komunal të Mitrovicës së Veriut është “i paligjshëm”.

Përmes një njoftimi, nga kjo parti thanë se vendimi u mor pa asnjë konsultim apo diskutim publik në të cilin do të duhej të merrnin pjesë qytetarët, duke shtuar se qëllimi i këtij vendimi është “përkeqësimi i situatës në terren dhe presioni ndaj popullatës serbe”.

“Për shkak të këtij vendimi, Lista Serbe do të kërkojë një takim urgjent me përfaqësuesit e bashkësisë ndërkombëtare, mbi të gjitha ambasadorët QUINT-t dhe Bashkimit Evropian dhe do të kërkojë prej tyre reagimin urgjent ndaj synimit të regjimit në Prishtinë për të shkaktuar tensione të reja dhe kërcënimit të paqes dhe sigurisë së qytetarëve tanë”, tha Lista Serbe.
Kuvendi i Komunës së Mitrovicës së Veriut aktualisht përbëhet kryesisht nga këshilltarë nga komuniteti shqiptar, për shkak se serbët bojkotuan zgjedhjet lokale në veri që u mbajtën në prill. Po ashtu, kjo komunë me shumicë serbe udhëhiqet nga kryetari Erden Atiq, i cili vjen nga partia, Lëvizja Vetëvendosje, që udhëheq me Qeverinë e Kosovës.

Arsenijeviq e ka krahasuar këtë vendim të Kuvendit Komunal të Mitrovicës së Veriut me “okupim” dhe ka paralajmëruar se do të ndjekë “të gjitha procedurat demokratike dhe ligjore për ta zhbërë këtë vendim të paligjshëm”.

Në fund të majit, në katër komunat në veri të Kosovës – të banuara me shumicë serbe – u rritën tensionet pasi kryetarët e rinj shqiptarë nisën punën. Një përshkallëzim i dhunës ndodhi në Zveçan, ku protestuesit u përleshën me pjesëtarët e misionit paqeruajtës të NATO-s në Kosovë, KFOR. Në protestën e 29 majit u lënduan dhjetëra ushtarë të KFOR-it.

Tensionet kulmuan më 24 shtator, kur një grup i armatosur serbësh sulmoi Policinë e Kosovës, duke vrarë një polic. Gjatë përleshjeve që pasuan në Banjskë të Zveçanit, u vranë edhe tre sulmues serbë.

Komuniteti ndërkombëtar e dënoi ashpër sulmin dhe kërkoi që përgjegjësit të dalin para drejtësisë.
Përgjegjësinë për sulmin e mori Millan Radoiçiq, ish-nënkryetar i Listës Serbe, partisë kryesore të serbëve në Kosovës që gëzon mbështetjen e Beogradit zyrtar.

Kosova për sulmin e fajëson shtetin e Serbisë, por Beogradi mohon përfshirjen.

Trashëgimtarja e L’Oréal, Françoise Bettencourt Meyers, është bërë gruaja e parë që ka arritur të zotërojë një pasuri prej 100 miliardë dollarësh (£ 78.5 miliardë; € 90.1 miliardë), sipas një renditjeje të njerëzve më të pasur në botë.

Gjigandi francez i bukurisë i themeluar nga gjyshi i saj është në rrugë për performancën më të mirë në bursën e aksioneve në dekada, duke shënuar një nivel rekord në Paris të enjten.

Kompania ka shënuar rimëkëmbjen e shitjeve pas pandemisë, kur njerëzit në izolim përdornin më pak makeup.

Pasuria e zonjës Bettencourt Meyers, kaloi 100 miliardë dollarë në Indeksin e Miliarderëve të Bloomberg, duke e bërë atë personin e 12-të më të pasur në botë, transmeton atvlive.tv.

Ajo është ende larg nga konkurrenti francez Bernard Arnault, i cili është i dyti në listë me një pasuri prej 179 miliardë dollarësh. Arnault është themeluesi i LVMH, grupi më i madh i luksit në botë, i cili posedon një portofol me marka të shtrenjta si Fendi dhe Louis Vuitton.

Zonja Bettencourt Meyers është zëvendëspresidente e këshillit të kompanisë. Ajo dhe familja e saj janë aksionerët më të mëdhenj të kompanisë L’Oréal me një pjesëmarrje rreth 35%.

Ajo u bë trashëgimtare e L’Oréa pas vdekjes së nënës së saj, Liliane Bettencourt, në vitin 2017. /atvlive.tv

Kryetari i Aleancës për Ardhmërinë e Kosovës (AAK), Ramush Haradinaj, ka thënë se është i shqetësuar për trajtimin jo të dinjitetshëm të Forcës së Sigurisë së Kosovës nga qeveria aktuale.

Haradinaj ka thënë se ka qenë gjithmonë në mbështetje të Forcës së Sigurisë.

“Është mahnitëse gatishmëria e të rinjve tanë për të shërbyer për Atdheun. Sot u certifikuan edhe 325 ushtarë të rinj. Me këtë rast, uroj shumë suksese për ta, në këtë rrugë fisnike. Me përkushtim të madh, kam qenë gjithmonë në përkrahje të Forcave të Sigurisë, e po me atë përkushtim, ngritëm statusin e Forcës në Ushtri, me përkrahje të aleatëve. Por, sot ndjehem i shqetësuar për trajtimin jo të dinjitetshëm të Forcës nga qeveria aktuale. Me dhjetëra miliona euro të buxhetit, u humbën këtë vit, për shkak të papërgjegjësisë qeveritare”, ka thënë Haradinaj.

Haradinaj ka shtuar se përpos vullnetit qytetar për të shërbyer, siguria e vendit kërkon përkushtim madhor dhe serioz të qeverisë.

“Këto veprime të Qeverisë, cungojnë kapacitetet tona të sigurisë. Kosova do të hyjë në vitin që po vjen, me 58 milionë euro më pak armatim, municion e mjete ushtarake. Përpos vullnetit qytetar për të shërbyer, siguria e vendit kërkon përkushtim madhor dhe serioz të qeverisë”, është shprehur Haradinaj.

Prokuroria Speciale ka treguar efikasitet të madh në luftën kundër korrupsionit dhe krimit financiar. Departamenti i veçantë në PSRK, ka përfunduar 95.2 për qind të rasteve, ka thënë kryeprokurori i Prokurorisë Speciale, Blerim Isufaj, në konferencën e fundit për këtë vit.

Isufaj u shpreh se gjatë vitit 2023, ky institucion i drejtësisë ka regjistruar 306 lëndë, ndërsa ka thënë se punë të madhe kanë bërë edhe në luftën kundër terrorizmit.

“Vitin që po e lëmë pas jemi ballafaquar me rastet e profileve të ndryshme, ku të dyshuar ishin zyrtarë të lartë shtetëror, të cilët i hetuam në mënyrë më të drejtë e më profesionale. Ne jemi përballur me lloje të ndryshme të kriminalitetit por para të gjithash treguam gatishmëri, profesionalizëm në punën tonë. Kjo ka bërë punën tonë më sfiduese dhe njëkohësisht ka bërë që të tregojmë profesiolizmin dhe guximin të pathyeshëm”, transmeton lajmi.net.

“PSRK ishte shumë aktive dhe e suksesshme. Gjatë vitit 2023, PSRK ka regjistruar 306 lëndë. Nga lëndët e pranuara nga secili departament, shpërndaja ka qenë si në vijim: Departamenti për Krim të Organizuar dhe Krime tjera në kompetencë të PSRK 37 lëndë, Departamenti për korrupsion dhe krim financiar 172 lëndë, departamenti për krime lufte 46 lëndë dhe departamenti për terrorizëm 51 lëndë”, u shpreh ai. /EO

Shefi i Grupit Parlamentar të PDK-së, Abelard Tahiri deklaroi sot (e premte) se pushteti ka rënduar mirëqenien e qytetarëve dhe funksionimin e shtetit përmes vendimeve të dëmshme dhe anti-kushtetuese gjatë vitit 2023.

Në konferencën e fundit për këtë vit, Tahiri kritika adresoi edhe për agjendën parlamentare, për çka u shpreh se “është çmenduri miratimi i shumë ligjeve për një natë” në kohen kur dhjetëra seanca dështojnë.

Deputeti i PDK-së, në konferencën për media përmendi ehde disa nga çështjet që si grup parlamentar kanë ngritur këtë vit në Kuvendin e Kosovës, derisa shtoi se kanë dërguar gjashtë ligje në gjykatën Kushtetuese, dy prej të cilëve kanë marrë rezultat pozitiv. U shpreh optimist se përgjigje pozitive nga Kushtetuesja do të marrin edhe për katër të tjerat.

“Ju e keni parë se këtë vit e karakterizon një kaos parlamentar, dështimi i dhjetëra seancave për shkak të kuorumit, pastaj angazhimi në një seancë të vetme ku kalon 30–35 ligje. Kjo jo vetëm që e dëmton cilësinë e jetës parlamentare, por do të jetë një impakt jashtëzakonisht negativ në jetën e qytetarëve. Nuk mund të ketë efikasitet një natë ku miratohen 20-25 ligje, kjo është çmenduri. Pra, dështojnë dhjetëra seanca dhe pastaj mblidhen në një seancë, kalojnë 20-25 pika. Do të thotë, këtë parlament, i cili udhëhiqet nga LVV e karakterizon një mosefikasitet jashtëzakonisht i madh parlamentar dhe në anën tjetër, karakterizohet nga një sërë vendimesh, një pjesë e të cilave kanë dalë jokushtetuese”, u shpreh Tahiri.

Sipas tij, e vetmja agjendë pozitive që ka ecur përpara është Reforma Zgjedhore që është udhëhequr nga vetë PDK-ja.

Kryetari i Grupit Parlamentar të PDK-së e ka përmendur edhe rezolutën që PDK ka propozuar për të mbështetur Policinë e Kosovës, e të cilën kujtoi se Lëvizja Vetëvendosje nuk e ka pranuar.

I pyetur për draft-statutin për Asociacionin, Tahiri tha se i njëjti parasheh pushtet paralel për komunat serbe, për çka fajësoi kryeministrin Albin Kurti.

“Sot mbi tavolinë zyrtarisht Republika e Kosovës ka një draft-statut për themelimin e Asociacionit të komunave me shumicë serbe në vendin tonë e që realisht del përtej mandatit të një asociacioni. Ne e kemi quajtur në vazhdimësi që themelimi i kësaj trupe ekzekutive është një pushtet paralel me vendin tonë. Nuk po flasim për pushtet të ndërmjetëm, por për një pushtet paralel me institucionet e Republikës së Kosovës. Fatkeqësisht, ky është produkt i negociatave të Albin Kurtit, tash e dy vjet në Bruksel”, tha Tahiri.