Category: Lajme

Mbrojtësi i Paris Saint-Germain, Achraf Hakimi, është paraqitur dje (e premte) personalisht në Gjykatën e Apelit në Versajë, ku ka kërkuar rrëzimin e plotë të aktakuzës për përdhunim.

Çështja ndaj reprezentuesit maroken, e cila është hapur që nga shkurti i vitit 2023, vazhdon të jetë në proces hetimor, ndërsa ekipi i tij ligjor i ka hedhur poshtë të gjitha akuzat, duke pretenduar mungesë provash materiale dhe ADN-je, si dhe duke e cilësuar rastin si përpjekje për shantazh.

Sipas mbrojtjes, Hakimi nuk ka kryer asnjë vepër penale dhe akuzat e ngritura nuk mbështeten në prova të mjaftueshme për ta çuar çështjen në gjykatë penale.

Në qendër të vëmendjes ka qenë edhe dëshmia e mëparshme e shokut të tij të ngushtë, Kylian Mbappé, i cili thuhet se ka ofruar mbështetje për Hakimin gjatë hetimeve, duke përshkruar gjendjen e tij emocionale pas publikimit të akuzave.

Mbappé ka deklaruar se Hakimi kishte reaguar me tronditje dhe emocione të forta, duke mohuar çdo sjellje të papërshtatshme dhe duke theksuar se nuk kishte vërejtur kurrë sjellje të pahijshme nga ana e tij ndaj grave.

Rasti po zhvillohet në një moment të rëndësishëm për PSG-në, që ndodhet në prag të finales së UEFA Champions League Final kundër Arsenal FC.

Pavarësisht presionit të madh mediatik dhe psikologjik, Hakimi mbetet pjesë e rregullt e formacionit të trajnerit Luis Enrique.

Gjykata pritet të marrë vendim për apelin më 19 qershor. Në rast se refuzohet kërkesa, Hakimi mund të përballet me gjykim dhe dënim që mund të shkojë deri në 15 vjet burg.

Ilir Ferati, kryetar i Istogut, i ka reaguar kryeministrit në detyrë, Albin Kurti, pasi që ky i fundit i ka bërë disa premtime për qeverisjen e ardhshme si projekte për tu realizuar.

Ferati, në postimin e tij, ka bërë me dije, se projektet e përmendura të Kurtit, ose kanë përfunduar ose janë në përfundim e sipër.

‘’Vrellë – Lugu i Butë është e përfundune, rruga për Mokne është përfundim pothuajse e sipër, Rakosh-Cërkolez, është në përfundim e sipër, rruga në Dobrushë, jemi kanë bashkë, s’di qysh e ki harru që janë të kryme’’, ka thënë mes tjerash.

Postimi:

MA KADALE ALBIN!

Këto projekte që je duke i premtu, na veç i kemi realizu – thuajse të gjitha janë përfundu.

Me kqyrë kapak kah Istogu i nderum në detyrë, me përcjellë çka është punu, pa juve hiç Istogu i përjeton të gjitha këto projekte.

Ps: postimin edhe mundesh me e editu, por jo t’vertetën! STOP PROPAGANDËS

Kandidatja për presidente nga radhët e Lidhjes Demokratike të Kosovës, Vjosa Osmani, ka shpalosur detaje nga një bisedë që ka zhvilluar me presidentin amerikan Donald Trump, duke theksuar rëndësinë e raporteve të ngushta me Shtetet e Bashkuara të Amerikës.

Në një deklaratë në Kanal10, Osmani tha se për Kosovën është jetike që presidenti i vendit të ketë afërsi dhe bashkëpunim të drejtpërdrejtë me ShBA-në, si aleat strategjik dhe ekzistencial.

Ajo tregoi se në një takim me sekretarin Marco Rubio, është përmendur edhe një pyetje e dërguar nga Trump për Osmanin.

Osmani tha se përgjigjja e saj ka qenë e fokusuar vetëm në interesin e Kosovës, duke përfshirë çështje si NATO, njohjet ndërkombëtare, investimet dhe mbrojtja e kufijve.

“Për Kosovën është e rëndësishme që presidenti i saj, pavarësisht kush është, të këtë lloj afërsie me presidentin e ShBA-së, me aleatin tonë strategjik ekzistencial dhe për më tepër ta bëjë atë që e kam bërë unë, ta operacionalizojë tërë këtë relacion vetëm dhe vetëm në interes të Republikës së Kosovës. Unë kur jam ulur me sekretarin Rubio, fjalia e parë që ma ka thënë, ‘zonja presidente, unë sapo erdha nga Shtëpia e Bardhë dhe pyetja e presidentit Trump për ju është: çfarë mund të bëjmë ne për ju, zonja presidente’ dhe përgjigjja ime ka qenë, nga A deri në Zh vetëm për Republikën e Kosovës dhe asnjë kërkesë për vetëm time, nga çështja e anëtarësimit në NATO tek përmbyllja e procesit të njohjeve, tek investimet masive në sektorin e teknologjisë informative dhe në fushat e tjera, tek çështja e mbrojtjes së kufijve, dhe me këtë takim kam arritur që me nënshkrim të presidentit të ShBA-së, dhe me letrën që ma ka dërguar mua si presidente, që askush nuk guxon t’i prekë kufijtë e Kosovës dhe ShBA-ja është mbështetësi më i fuqishëm i sovranitetit dhe integritetit evropian të Kosovës”, tha ish-presidentja Vjosa Osmani.

Tashmë kanë kaluar disa ditë prej se konkursi për kryeprokuror të shtetit është hapur, por nga KPK-ja nuk kanë treguar nëse kanë pranuar ndonjë aplikim. Ndërkohë që as dy kanidatët që konkursin e vitit 2022 ishin më të poentuarit, nuk treguan nëse do jenë sërish në listën e kandidatëve.

Deri më 10 qershor kanë kohë të interesuarit për kryeprokuror të shtetit të dorëzojnë aplikimet e tyre.

Konkursi u hap në mesjavë, pas dështimit të procesit të kaluar 4 vite më parë.

Në procesin për zgjedhjen e kryeprokurorit të shtetit në vitin 2022, ishin gjashtë kandidat por njëri prej tyre kishte hequr dorë nga kandidimi.

Megjithatë dy prej kandidatëve Blerim Isufaj i cili është kryeprokuror i Prokurorisë Speciale të Kosovës, e Shqipdon Fazliu i cili është prokuror në zyrën e kryeprokurorit të shtetit kishin dalur të parët në listën e të përzgjedhurve.

Asnjëri prej këtyre të dyve nuk kanë kthyer përgjigje në rast se sërish do të jenë kandidat në konkursin që tashmë është hapur.

Emri i Isufajt ishte dërguar për dekretim tek presidentja e Kosovës, por që nuk morri dritën jeshile, nën arsyetimin se procesi nuk ishte i drejtë e transparent.

Në Këshillin Prokurorial nuk treguan nëse deri tash kanë pranuar ndonjë aplikim, por thanë se të gjitha përgatitjet për këtë konkurs janë duke u bërë bazuar më rregulloren për emërimin e kryeprokurorit të shteti.

“Ju njoftojmë se përgatitjet janë duke u bërë në përputhje me procedurat e përcaktuara ligjore dhe nënligjore dhe, në këtë aspekt, Rregullorja për Plotësimin dhe Ndryshimin e Rregullores për Emërimin e Kryeprokurorit të Shtetit është miratuar në Këshillin Prokurorial të Kosovës dhe tashmë të gjitha vendimet që ndërlidhen me shpalljen e këtij konkursi janë publikuar. Për procesin e emërimit të Kryeprokurorit të Shtetit do t’ju mbajmë të informuar me kohë deri në përmbylljen e këtij procesi.”

Duke pas parasysh se Kosova ndodhët në prag të zgjedhjeve, njohës e monitorues të punës së institucioneve të drejtësisë, bëjnë thirrje për angazhim shtesë nga KPK-ja që të mos lejojë ndërhyrje në këtë proces të rëndësishëm.

Dek: Ardian Bajraktari – Ish sekretar në Ministrinë e Drejtësisë 00:18 00:44
“Fakti që tashmë kemi katër vite me ushtrues detyre natyrisht se është dështim i Këshillit Prokurorial, por pa faj në këtë proces nuk është as presidentja e vendit megjithatë është mirë që tashmë është hap konkursi dhe shpresojm që të ketë një proces të mirë, bazuar në ligj dhe meritokraci dhe në fund të dal ai që meriton ta ushtrojë këtë funksion”, ka thënë ish-sekretari në Ministërinë e Drejtësisë, Ardian Bajraktari.

Edhe në Institutin e Kosovës për drejtësi presin që ky konkurs të trajtohet me seriozitet nga anëtarët e KPK-së.

“Kërkesa nga shoqëria civile nga partnerët ndërkombëtar kërkesa nga publiku është që të kemi një proces të drejtë, të pavarur e të paanshëm të mos ketë ndikime politike, ose perceptim që politika bënë në cfarëdo mënyre ta zgjedh kryeprokurorin e vetë kështu që duam të besojm se KPK-ja do e bëjë atë që e ka premtuar në publik”, ka thënë drejtori i IKD-së, Ehat Miftaraj.

Mandati i kryeprokurorit të shtetit është 7 vjeçar, derisa aktualisht ushtrues detyre në këtë pozitë është Agron Qalaj, e para tij ishte Besim Kelmendi./Tv Dukagjini/

Besian Mustafa nga Lidhja Demokratike e Kosovës, ka reaguar me hyrjen në fuqi të ligjit për nënshtetësinë, duke theksuar se, tash, të drejtë për nënshtetësinë dhe pasaportën e Kosovës, kanë edhe serbët që kanë qenë banorë para datës 1 janar të 1998.

Mustafa ka thënë edhe se, ‘’popullizmi e shkatërron të kaluarën, të tashmen dhe të ardhmen’’.

‘’Sot ka hy në fuqi Ligji për nënshtetësinë, ky ligj i miratuar nga LVV’ja bashkë me Listën Serbe. Sipas këtij ligji të gjithë ata që kanë qenë banorë të Kosovës, deri me 1 janar 1998, u takon nënshtetësia dhe pasaporta e Republikës së Kosovës. Pra kjo përfshinë edhe gjithë ata serbë që kanë qenë edhe refugjatë nga Kroacia e Bosnja që i kanë sjell regjimi i atëhershëm në Kosovë, atyre dhe gjithë pasardhësve të tyre, pavarësisht se ku janë lind ata, që të gjithë atyre u takon nënshtetësia dhe pasaporta e Republikës së Kosovës. Për një grusht vota, popullizimi e shkatërron të kaluarën dhe tashmen dhe të ardhmen dhe vetë shtetësinë e Kosovës’’, ka thënë Mustafa.

Organizata Botërore e Shëndetësisë ka ngritur alarmin për vigjilencë të shtuar pas konfirmimit të rastit të 12-të me Hantavirus në Holandë, i lidhur me shpërthimin e virusit në anijen turistike holandeze MV Hondius.
Drejtori i Përgjithshëm i OBSH-së, Tedros Adhanom Ghebreyesus, gjatë një konference për media në Gjenevë, u bëri thirrje të gjitha shteteve që të vazhdojnë monitorimin e pasagjerëve dhe ekuipazhit që kanë qenë në bordin e anijes, si dhe të zbatojnë me rigorozitet masat e karantinës dhe kontrollit shëndetësor.

Sipas të dhënave të publikuara nga OBSH-ja, rasti më i fundit është konfirmuar tek një anëtar holandez i ekuipazhit, i cili aktualisht ndodhet në izolim. Me këtë rast, numri total i personave të infektuar ka shkuar në 12, ndërsa deri tani janë regjistruar tre viktima.

Ndërsa mediat e huaja bënë të ditur se nuk është raportuar asnjë viktimë e re që nga 2 maji, periudhë kur shpërthimi i virusit ishte raportuar për herë të parë në OBSH. Ai shtoi se mbi 600 kontakte në afro 30 vende të ndryshme vazhdojnë të jenë nën monitorim nga autoritetet shëndetësore.

Anija turistike MV Hondius kishte nisur udhëtimin më 1 prill nga Ushuaia, përpara se të vazhdonte itinerarin drejt Kepi Verde dhe Tenerife në Ishujt Kanarie.

Autoritetet ndërkombëtare shëndetësore po vazhdojnë hetimet për mënyrën e përhapjes së virusit në bord, ndërsa OBSH-ja ka apeluar për bashkëpunim ndërkombëtar dhe kujdes të shtuar për të parandaluar raste të reja të infektimit.

Ka vdekur humoristi i njohur shqiptar Fadil Gashi, duke lënë pas pikëllim të madh te familjarët, miqtë dhe ndjekësit e tij.

Lajmi për vdekjen e tij është bërë i ditur nga familjarët përmes një njoftimi në rrjetet sociale, ku kanë shprehur dhimbjen për humbjen e më të dashurit të tyre.

Të Allahut jemi dhe vetëm tek Ai është rikthimi. Të dashur miq, sot na la vëllau ynë Fadil Gashi. Për detajet e varrimit ju njoftojmë me kohë”, thuhet në njoftimin e familjes.

Ehat Miftaraj, e ka cilësuar si ‘’politikan mesatar ballkanik’’, kryeministrin në detyrë, Albin Kurti. Në postimin e tij, Miftaraj, ka thënë se, Kurti, s’është lider që do mbahet mend për vepra të mëdha apo të mira.

Miftaraj, ka thënë edhe se, vetëm gjatë qeverisjes së Kurtit, nga viti 2020 deri në 2026, ‘’afërsisht 300 mijë qytetarë kanë ikur nga Kosova’’.

Postimi:

Albin Kurti – politikan mesatar ballkanik që mund t’i fitojë zgjedhjet edhe për 20 vjet radhazi, duke e blerë votën e një qytetari të varfër me 100 euro.

Por kurrë lider që do të mbahet mend në librat e historisë për vepra të mëdha apo të mira.

Albini është një politikan mesatar ballkanik që, sapo del jashtë territorit të Republikës së Kosovës, trajtohet si kryeministër i një vendi të botës së tretë dhe i vendit më të varfër në Evropë, ku populli i tij daljen nga varfëria e gjen përmes një vize pune në Gjermani.

Vetëm gjatë qeverisjes së tij, nga viti 2020 deri më 2026, afërsisht 300 mijë qytetarë kanë ikur nga Kosova për të gjetur një vend pune në një shtet tjetër evropian.

I pari në katund pa dyshim, por i zgjebosur dhe i fundit sapo të dal jashtë katunit të tij

Kryetari i Aleancës për Ardhmërinë e Kosovës (AAK), Ramush Haradinaj, ka zyrtarizuar kalimin e timonit të partisë tek Ardian Gjini, duke e konfirmuar atë si udhëheqësin e ri që do të çojë përpara projektin dhe doktrinën politike të Aleancës.

Haradinaj ka bërë të qartë se ky tranzicion vjen si rezultat i një pjekurie institucionale, ku AAK tashmë ka kaluar përtej personalizimit të liderit dhe është shndërruar në një strukturë me memorie e qëndrueshmëri afatgjatë.

“Ardian Gjini është krijues i Aleancës. Aleanca është kthyer në doktrinë, nuk është Aleanca vetëm individi, është doktrinë politike, ka një jetëgjatësi, ka një qëndrueshmëri, ka një memorie.

Mund t’ju them që Ardiani është i krijuar aq mirë, sa që është rast i rrallë i politikanit i krijuar aq mirë,” ka deklaruar Haradinaj.

Më tej, Haradinaj ka thënë se përgatitja dhe profili i kryetarit të ri të AAK-së i kalojnë kufijtë lokalë e rajonalë, duke garantuar një udhëheqje të nivelit më të lartë elitar.

“Një rast i veçantë në politikën shqiptare, në Ballkan gjithsesi, po mendoj një rast i veçantë edhe në politikën botërore. Kemi të bëjmë me një nivel të politikanit që në të gjitha parametrat prinë. Një politikan elitar,” u shpreh ai.

Haradinaj ka shprehur bindjen e tij të palëkundur se nën drejtimin e Ardian Gjinit, Aleanca do të jetë adresa kryesore për zgjidhjen e problemeve të mëdha me të cilat përballet Republika e Kosovës.

“Jo veç që i besoj Ardianit, po shpresoj e besoj që do të jetë zgjidhja për shumë probleme të Kosovës,” përfundoi Haradinaj.

Kandidatja për deputete nga radhët e LDK-së, Hykmete Bajrami, ka hedhur kritika të forta ndaj vendimit të qeverisë në detyrë për shpërndarjen e mjeteve monetare te qytetarët, në prag të zgjedhjeve të parakohshme të 7 qershorit.

Në një postim në Facebook, Bajrami tha se këtë e kishte paralajmëruar mbrëmë dhe theksoi se kjo është tentativë e kryeministrit në detyrë, Albin Kurti, për të blerë vota me para të buxhetit të shtetit.

“Që 6 vjet: çmimet janë dyfishuar, arsimi është lënë pas dore, spitalet janë pa barna e me lista të gjata të pritjes për trajtim, të gjitha rrugët janë pa përfunduar dhe asnjë investim i madh nuk ka ndodhë. Tash 100 euro/votë”, shkroi Bajrami.

Ajo ua rikujtoi qytetarëve që “këto janë paratë e juaja që ua ka marrë përmes inflacionit dhe meqë nuk i ka investu as në arsim, as në shëndetësi, as në infrastrukturë dhe as në ekonomi po u a kthen në këmbim të votës”.

“Kjo nuk është ndihmë. Kjo është skemë e korrupsionit publik”, deklaroi kandidatja për deputete, Hykmete Bajrami.

Qeveria në detyrë e Kosovës, paraditen e së premtes mori vendim për rritjen e shtesave për lehona, si dhe për ndarjen e shtesave nga 100 euro për studentët, pensionistët, punëtorët e sektorit jopublik dhe fëmijët.