Category: Lajme

Kryetari i Odës Ekonomike të Kosovës, Lulzim Rafuna ka pritur në takim zëvendësministrin për Evropë dhe Punëve të Jashtme të Shqipërisë Besart Kadia. Në këtë takim u tha se Kosova partner i fuqishëm ekonomik për Shqipërinë. Rafuna ka thënë se qëllimi i këtij takimi ishte adresimi i sfidave që paraqiten te bizneset, si dhe për ta bërë tregun e të dyja vendeve atraktiv për vizitorë.

Rafuna tha se OEK është e gatshme për të kontribuar për thellimin e bashkëpunimit.

“Do të bisedojmë se cilat janë kërkesat dhe idetë, për një zhvillim ekonomik mes dy qeverive. Ne si Odë Ekonomike jemi të gatshëm të labojrojmë për themelimin e bashkëpunimit”, tha Rafuna.

Ndërsa, zëvendësministri Kadia u shpreh se synimi i këtij takimi është tregu atraktiv për të dyja shtetet.

“Është një potencial i cili është i pafundmë sa i përket benefiteve dy palësh si u tha në takimet, ky është takimi i dytë i çështjeve diplomatike. Mbi 1287 biznese kosovare që është tregues i potencialit, ndërsa nga Shqipëria 2022 biznese janë të regjistruara në Kosovë. Prandaj synimi është tregu atraktiv për të dy shtetet”, u shpreh ai.

Ndërsa, ambasadori i Shqipërisë në Kosovë, Petrit Malaj shtoi se Kosova do të jetë një partner i fuqishëm për Shqipërinë.

“Kosova do të jetë një partner i fuqishëm për Shqipërinë. Ne e dimë se kemi çfarë të bëjmë, janë bërë gjëra të mira, por këto diskutime janë për t’i bërë akoma më mira,” shtoi Malaj.

Takimi po mbahet i mbyllur për media./KP

Kuvendi i Kosovës gjatë kësaj jave do të mbajë tri seanca plenare. Deputetët do të mblidhen të mekurën për të shqyrtuar pikat e mbetura nga e kaluara, ndërkaq të enjten do të mbahet seancë e re plenare. Kurse të shtunën do të ketë seancë solemne për nder të 16-vjetorit të Pavarësisë së Kosovës.

Këto u bënë të ditura, shefja e Grupit Parlamentar të Lëvizjes Vetëvendosje, Mimoza Kusari-Lila, pas mbledhjes së Kryesisë së Kuvendit.

Ministri i Mbrojtjes, Ejup Maqedonci tha se 221 pjesëtarë të FSK-së janë larguar gjatë vitit të kaluar. Prej tyre, ai tha se janë 129 janë ndërprerje vullnetarë e punës.

Para anëtarëve të Komisionit për Siguri, ministri tha ka pasur ankesa nga pjesëtarët e FSK-së gjatë këtij muaji për çështjen e kompensimit. Megjithatë, ai nuk ka dhënë detaje se sa është numri i padive, por që pohoi se ka numër të madh të tyre.

Ai para anëtarëve të Komisionit Për Siguri u shpreh se është validuar regjimenti i parë i këmbësorisë gjatë ushtrimit Defender Europe 23.

Ndërkaq, i pyetur nga kryetari i Komisionit, Bekë Berisha sa e njohin edhe ndërkombëtarët validimin e këtij regjimenti, Maqedonci ka konfirmuar një gjë të tillë.

Gjatë prezantimit të punës për vitin e kaluar, Maqedonci tha se kanë nënshkruar marrëveshje bashkëpunimi me 15 shtete.

“Jemi duke marrë pjesë në vazhdimësi në grupin e kontaktit në Ukrainë. Kemi ofruar mbështetje për Ukrainën në disa fusha. Kemi ofruar Qendrën e Kërkim Shpëtimt. Kemi mbështetur edhe me transport të ndihmave”, tha ai.

Gjatë vitit 2024, Maqedonci shtoi se ka pasur rritje të buxhetit prej 100 për qind.

“Gjatë vitit të kaluar është bërë rrtija e pagave për Ushtrinë e Kosovës duke vendosur në fokus gradat e ulëta sepse aty ka qenë edhe nevoja më e madhe për ndërhyrje. Grada e ushtarit nga 422 euro, paga është rritur në 588, që nënkupton 39 përqind. Tetari i karrierës nga 465 në 609, është një rritje prej 31 përqind dhe tetari nga 489 euro në 609 që është rritje 31 përqind”, shtoi ai.

Mbi 1000 mijë qytetarë nga Turqia kanë marrë leje të punës në Kosovë gjatë vitit 2023. Pas Turqisë rendit Bangladeshi me numrin prej mbi 700 qytetarëve që kanë marrë leje të punës në

Kështu thuhet në një publikim të Institutit GAP, në të cilin bëhet e ditur se në vitin 2023, numri i lejeve të punës të lëshuara nga Kosova për shtetasit e huaj ishte 3 mijë 646 apo për 667 leje më shumë se në vitin 2022.

Sipas Institutit GAP, 440 qytetarë nga Shqipëria kanë marrë lejë të punës në Kosovë në vitin e kaluar.

Avokati serb, Cedomir Stojkoviq ka thënë se Perëndimi është përgjegjës për ledhatimin e presidentit të Serbisë, Aleksandër Vuçiq, derisa ka shtuar se prandaj Serbia po blen armë strategjike nga Moska.

Përmes një shkrimi në X, Stojkoviq ka thënë se kjo nuk është disfata e vendit të tij, porse e Bashkimit Evropian dhe e Amerikës.

Ai ka potencuar se në disa takime me amerikanë ka theksuar qartazi se Vuçiq nuk do të vendosë sanksione ndaj Rusisë dhe se do të vazhdonte të zbatonte politikën e presidentit rus, Vladimir Putin, shkruan KosovaPress.

Sipër videos që ka shpërndarë, avokati serb ka thënë se injoranca krijon luftëra.

“Por unë ju them po aq me besueshmëri, siç ju thashë gjithçka me besueshmëri më parë – nëse nuk filloni t’i korrigjoni këto gabime tuaja ME MILIONA DOLLARË DHE EURO të investuara në vendet e duhura, me mbështetje logjistike inteligjente ndaj njerëzve me integritet të gatshëm për të luftuar, do të keni të njëjtat armë strategjike ruse në Serbi që keni sot në Kaliningrad!”, ka shkruar ai mes tjerash.

Shkrimi i plotë i tij:

Hej BE & SHBA. Ju pyetët, tani shikoni: Serbia = Kalinigrad 2!

Së shpejti me armë strategjike nga Moska.

Kjo nuk është disfata e vendit tim. Kjo është disfata juaj! Ashtu si ardhja në pushtet e R. Fico-s së Putinit në Bratislavë nuk është disfatë e Sllovakisë, por disfatë e politikës dhe sistemit tuaj të sigurisë.

Në vitin 2020, unë protestova me një grup të vogël njerëzish përpara ambasadës amerikane për shkak të mbështetjes së SHBA për agjentin e Putinit, Aleksandar Vuçiç. Këshilltarët nga administrata e Donald Trump u dehën në gomonen e Beogradit me bartësit e korrupsionit të rëndë nga qeveria e Vuçiqit (sipas raportimeve, Serbia u bë një nga vendet më të korruptuara në botë nën regjimin e Aleksandër Vuçiqit). Ata na kanë ofenduar dhe acaruar neve në Ballkan që donim demokraci, paqe, prosperitet dhe aleancë me Perëndimin – dhe asgjë nga këto nuk ishte, nuk është dhe nuk do të jetë e mundur me agjentët e Putinit në pushtet.

Ju e keni krijuar këtë! NE luftuam kundër kësaj dhe ju mbështetët dhe sollët në pushtet ata që ia sollën Serbisë këtë të keqe.

Ju keni një borxh ndaj rajonit!!! Dhe ju keni një borxh ndaj Serbisë dhe ndaj secilit prej fëmijëve të saj të devijuar!

Sepse ju e përkëdhelet Aleksandar Vuçiqin në supe, ndërsa ai rrihte, arrestonte, shante, shkatërronte, varfëronte, degradonte ÇDO serb perëndimor, demokrat, liberal!

Mund ta ndalonim atë (!!!) po të mos i jepte politika juaj pushtetin, pushtetin me të cilin na mundi! Me të cilën na shkatërroi!

Ju u tërhoqët nga media e lirë dhe atë media ia dhatë Aleksandar Vuçiqit! (B92, TV Prva…) Ju ia dhatë ato atij pa i dhënë mundësi askujt tjetër për t’i blerë! Kjo ishte marrëveshja juaj me të! Kjo nuk ishte marrëveshja jonë me të! Ne protestuam kundër kësaj!

Ne demokratët dhe serbët perëndimorë e evropianë KURRË nuk do të lejonim që këto media të bëhen pronë e ministrit të propagandës së Millosheviqit dhe agjentit të Putinit – Aleksandar Vuçiqit, pra kumbarëve dhe shokëve të tij! KURRË!

Me ato media mbolli propagandën e Putinit! Përmes atyre mediave, ai shkatërroi demokracinë në Serbi, e cila do të kishte mbijetuar – nëse ato media do të kishin mbetur në pronësi të atyre që e duan gazetarinë dhe demokracinë. Por ju i keni dhënë ato media si DHURATË atyre që nxisin diktaturën dhe propagandën – popullit pro Putin të Vuçiqit!

Dhe unë ju them: ju e keni fajin për këtë! Dhe ju na detyroheni ta korrigjoni këtë gabim! Sepse fajin e keni ju dhe jo ne!

Në vitin 2023 (!!! Dymijë e njëzetetre), në takimet me disa amerikanë thashë qartë se Aleksandar Vuçiq nuk do të vendoste sanksione dhe do të vazhdonte të zbatonte politikën e Putinit.

Unë, një serb, ju thashë ju amerikanëve! Unë, një serb, ju thashë amerikanëve se si të luftoni kundër kësaj! Dhe se mënyra për të luftuar kundër kësaj NUK është mënyra për të bashkëpunuar me Aleksandar Vuçiqin.

Unë, një serb, përsërita të njëjtën gjë edhe në Bashkimin Evropian! Unë, një serb, ju thashë nga Brukseli se si të luftoni kundër kësaj!

Ju nga Bashkimi Evropian thatë se ‘nuk e shihni propagandën ruse në Serbi’. Në vitin 2023 (!!!) ju e thatë këtë!

Ju nga Bashkimi Evropian në Beograd i keni nënçmuar takimet për atë temë!

Unë nuk isha serbi që ju poshtëroi nga Brukseli ashtu siç e poshtëroi Putini Macron-in në atë tryezë të gjatë të bardhë. Përkundrazi, ju nga Brukseli më poshtëruat mua, një serb, në zyrën tuaj në të njëjtën tryezë të gjatë. Ne shtetin tim! Duke më thënë se “nuk ka propagandë ruse dhe ndikim rus në Serbi, ndërsa në të njëjtën kohë qindra njerëz të koordinuar nga Moska dhe Shën Petersburgu ishin të përkushtuar për të shkatërruar karrierën dhe reputacionin tim – në vendin tim! Sepse unë luftoj kundër Putinit në vendin tim!

Prandaj – MOS FAJSONI SERBET! Sepse serbët donin të luftonin kundër kësaj!

JU NDALOJ TE FAJSONI (vetëm) SERBET! Sepse nuk mund të fajësosh as lituanezët, letonët dhe estonezët se janë pushtuar nga Rusia. As nuk i fajësoni çeçenët për rusifikimin dhe humbjen e identitetit.

Po kështu, nuk mund të fajësoni (vetëm) serbët, një komb me mezi 7 milionë banorë, sepse ne e humbëm betejën tuaj gjeopolitike kundër Rusisë dhe betejën tonë për identitet kombëtar. Beteja në të cilën ju nga Brukseli dhe Uashingtoni e ndihmuat Rusinë, në vend të Serbisë, në atë betejë! Për ta fituar kundër serbëve. Pikërisht këtë bëtë duke ndihmuar Vuçiqin!

Ju i dhatë mediat tona agjentit të Putinit, Vuçiqit, dhe bashkëpunëtorëve të tij nën ndikimin e Putinit. Ju i dhatë atij demokracinë tonë. Ju i dhatë atij miliona nga Brukseli për t’i përdorur kundër nesh. I sollët investime/fabrika ku mund të punësoheshin vetëm ata që i përshtateshin….

Dhe tani ju keni Kaliningrad 2.

Luftërat nuk krijohen nga agresioni. Injoranca krijon luftëra.

Ju mund ta shpërfillni këtë video dhe këto fjalë përsëri.

Por unë ju them po aq me besueshmëri, siç ju thashë gjithçka me besueshmëri më parë – nëse nuk filloni t’i korrigjoni këto gabime tuaja ME MILIONA DOLLARË DHE EURO të investuara në vendet e duhura, me mbështetje logjistike inteligjente ndaj njerëzve me integritet të gatshëm për të luftuar, do të keni të njëjtat armë strategjike ruse në Serbi që keni sot në Kaliningrad!

Dhe do t’i keni falë gabimeve tuaja.

Sepse serbët donin të luftonin. Për interesat që kemi të përbashkëta.

Dhe ata pak serbë që kanë mbetur me identitetin e tyre të qartë dhe integritetin e ruajtur – ne kemi të drejtë t’i themi të gjitha këto kritika në fytyrën tuaj. Sepse kështu bëhet në familje!

Dhe nëse nuk jemi familje, atëherë më falni, atëherë nuk ndajmë të njëjtat vlera, dhe më pas fyhemi nga këto kritika në të njëjtën mënyrë që Putini dhe Vuçiq e gjejnë veten të ofenduar lehtësisht.

(Për ata që nuk e dinë – video shfaq tifozët e klubit më të madh të futbollit në Serbi – Red Star, një klub i financuar nga Industria e Naftës së Serbisë, pronar i të cilit që nga viti 2008 është Gazprom rus, që bleu Industrinë e Naftës së Serbisë me atë kontratë korruptive dhe kriminale. Për atë kontratë, në vitin 2023, ju kam dorëzuar një projekt se si mund ta anulojmë atë në mënyrë të pavarur nga qeveria serbe – por JU ZGJEDHET ta shpërfillni edhe atë.

Kur shihni sistemet ruse të raketave Iskander në Serbi në vitin 2025 – mos harroni t’u përmendni mbikëqyrësve “detajin” që NIS është bartësi i operacioneve strategjike ruse në Ballkan dhe mënyra për të dëbuar Rusinë nga NIS – ju zgjodhët ta shpërfillni) .

Deri atëherë, vetëm mbani mend: ora po troket!

Gjatë kësaj jave, Kuvendi i Kosovës do t’i mbajë tri seanca parlamentare. Këtë e ka bërë të ditur shefja e Grupit Parlamentar të VV-së, Mimoza Kusari Lila, pas përfundimit të mbledhjes së Kryesisë, raporton EO.

Kusari-Lila tha se të enjten do të jenë dy seanca, ku në rend dite do të jenë marrëveshjet ndërkombëtare.

“Nga mbledhja e rregullt e Kryesisë me GP u dakorduam qe për këtë jave Kuvendi të mbaj 3 seanca plenare. E para është të mërkurën e cila do të vazhdojmë me seancën e papërfunduar. Ditën e enjte seanca e re është në ora 10:00, plotësim-ndryshimet e Kushtetueses sa i përket Vettingut. Vazhdon seance tjetër të enjten në ora 10:30, vazhdohet me votimin e Marrëveshjeve Ndërkombëtare”, tha ajo.

E sa i përket marrëveshjeve ndërkombëtare tha se PDK-ja nuk ka ndryshuar qëndrim.

“Sot është diskutuar shkurt çështja e votimit në seancë të marrëveshjeve ndërkombëtare, LDK dhe AAK-ja do ti votojnë”, tha ajo.

Si rezultat i përpjekjeve të vazhdueshme për të mbledhur tatimet në përputhje me ligjin, Administrata Tatimore e Kosovës ka njoftuar me rezultatet e të hyrave të mbledhura për muajin e parë të vitit 2024.

Në muajin e parë të vitit 2024, ATK-ja ka arritur të mbledhë një shumë prej 111.22 milionë euro e të hyrave të mbledhura ku ka tejkaluar pritshmëritë e ATK-së, duke arritur të mblidhen 14.5 milionë euro më tepër se periudha e njëjtë e vitit të kaluar, si dhe 4.26 milionë euro apo 4 % më tepër se plani.

Në njoftimin e ATK-së thuhet se, këto rezultate janë tregues i përpjekjeve të vazhdueshme për të forcuar zbatimin e ligjit dhe për të siguruar integritetin, besueshmërinë dhe profesionalizmin në mbledhjen e tatimeve, duke theksuar që ky sukses reflekton punën e palodhshme të punonjësve të ATK-së si dhe bashkëpunimin e mirë me institucionet e rendit dhe ligjit por edhe me tatimpaguesit.

Njoftimi i plotë:

Ish – kryeministri Avdullah Hoti, i ka reaguar Qeverisë aktuale për rritje të ngarkesës tatimore në pronë, duke thënë se të krijohet përshtypja sikur nuk ka zot shtëpie që kujdeset për ekonominë e vendit.

Ai me anë të një postimi në Facebook, është shprehur se gjatë vitit 2023 qytetarët kanë paguar 33% më shumë tatim në pronë se me vitin paraprak për shkak të vendimit të Qeverisë për rritje të ngarkesës tatimore në pronë.

Këtë vendim Hoti e ka quajtur absurd, pasi që është në kulm të krizës nga inflacioni dhe krizës energjike, ku e kanë dyfishuar koston e jetës.

Më tej, ai ka përmendur raportin preliminar të buxhetit për vitin 2023 ku e tregon një situatë të rënduar ekonomike dhe sociale.

Postimi i plotë: