Category: Lajme

Më shumë se 280 nxënës të shkollës nigeriane janë rrëmbyer në qytetin veriperëndimor të Kuriga, thonë zyrtarët.

Nxënësit ishin në terren rreth orës 08:30 kur dhjetëra persona të armatosur me motoçikleta shkuan në shkollë, tha një dëshmitar.

Nxënësit, nga mosha 8 deri në 15 vjeç, u morën së bashku me një mësues, shtuan ata.

Bandat e rrëmbyesve, të njohura si banditë, kanë kapur qindra njerëz vitet e fundit, veçanërisht në veri-perëndim, shkruan BBC, transmeton KosovaPress.

Megjithatë, ka pasur një reduktim të rrëmbimeve masive të fëmijëve gjatë vitit të kaluar deri në këtë javë.

Rrëmbimi u konfirmua nga Uba Sani, guvernatori i shtetit Kaduna, ku përfshihet edhe Kuriga.

Ai tha se 187 nxënës ishin zhdukur nga një shkollë e mesme dhe 125 nga shkolla fillore lokale, por se 25 ishin kthyer që atëherë.

Dëshmitari okular, ndërkohë, tha se një vajzë ishte qëlluar nga personat e armatosur dhe po merrte kujdes mjekësor në spitalin Birnin Gwari.

Një mësues që arriti të shpëtonte tha se njerëzit vendas ishin përpjekur të shpëtonin fëmijët, por ata u zmbrapsën nga personat e armatosur dhe një person u vra.

Pothuajse çdo familje në qytet mendohet se ka një fëmijë mes viktimave të rrëmbyera dhe forcat e armatosura kanë nisur një operacion për gjetjen e tyre.

“Asnjë fëmijë nuk do të mbetet pas,” u zotua guvernatori.

Në janar, banditët vranë një drejtor shkolle në zonë dhe rrëmbyen gruan e tij.

Instituti Demokratik i Kosovës (KDI), ka lansuar të premten Studimin e Sistemit të Integritetit Kombëtar I njohur si NIS (National Integrity System Assessment), raporton EO.

Aty u tha se ky studim është gati dyvjeçar dhe po bëhet për herë të tretë nga KDI. Studimi vlerëson nivelin e integritetit në 15 institucionet dhe sektorët kyç të vendit, përfshirë Kuvendin, Qeverinë, Partitë Politike, Bizneset, Shoqërinë civile e deri tek Ndërmarrjet Publike.

Drejtori ekzekutiv i IKD-së, Ismet Kryeziu, tha se Kosova ka ende rrugë para drejt një luftimit të korrupsionit.

“Jemi të orientuar të kemi një legjislacionin më përputhje me të drejtat e qytetarëve, jemi angazhuar t’i edukojmë ata për pasojat e korrupsionit dhe rolin e tyre në parandalimin e tij”, tha Kryeziu.

Kryeziu tha se gjetejet e NIS-it i dha Kosovës 67 pikë nga 100, krahasuar me vitin 2015 me 51 për qind.

Drejtori i “Transparency International”, Daniel Eriksson, tha se studimet e nxjerra flasin për ndërhyrjet që duhen përmirësuar në mënyrë strategjike nga qeveria, agjencitë e shoqërive civile.

Sipas tij zyrtarët publik nuk duhet të ndikohen nga interesat private gjatë punës së tyre, teksa tha se mesatarja e korrupsionit është 39 për qind. Kjo sipas tij tregon se sa duhet te luftohet korrupsioni dhe si qytetarët të reagojnë.

“Sistemet e drejtësisë duhet të jenë të pavarura. Kosova ka marr hapa në drejtimin e duhur, tashmë duhet implementim i ligjeve të reja, megjithatë ligji kundër korrupsioni është mjeti kryesor i arritjes së ndikimit”, tha ai.

Jarmo Felkis Helppikans, shef i seksionit për Sundim të Ligjit dhe të Drejta të Njeriut në zyrën e BE-së në Kosovë tha se korrupsioni mbetet një sfidë e madhe ende nëpër shumë vende dhe se kjo ka të bëj me njerëz me pushtet të madh.

Helippikans tha se për prokurorët është gjithmonë se si ti gjejnë kriminelët e zbulimet e rasteve mirëpo sipas tij kjo kërkon resurse e ligje sepse pa zbatim të tyre nuk mundet të ofrohet asgjë, duke thënë se qeveria është e zotuar në luftimin e korrupsionit.

Eugen Cakolli, menaxher i programit në këtë organizatë prezantoi gjetjet kryesore të studimit të Sistemit të Integritetit Kombëtar në Kosovë duke thënë se përmban Mbi 2 mijë burime, me 170 indikator.

Gjetje që i prezantoi edhe institucionet që kanë nivel të ultë të integritetit.

“Bizneset, partitë politike, KQZ dhe Kuvendi i Kosovës”, tha ai.

“Efikasiteti i gjykatave, policisë jo i duhur. Kosova ka legjislacion të konsoliduar, problem kryesor zbatimi praktik i ligjeve. Fokus kryesor, ndryshimi i ligjeve që përcaktojnë pavarësi buxhetore të institucioneve duke pasur parasysh rritjen e inflamacionit, Kosova duhet te miratoj ligj për trajtim të lobimit legjislativ”, tha ai.

Deputeti i Lëvizjes Vetëvendosje, Visar Korenica, ka thënë se ka deputetë brenda VV-së, që janë të shqetësuar për raportet me ShBA-në.

Ai tha se këto çështje diskutohen vazhdimisht brenda grupit parlamentar.

Korencia theksoi se raportet me ShBA-në nuk cenohen me qëllim.

“I marrim me shqetësim, i diskutojmë në takime me grupin parlamentar, por që pajtohem. Ka njerëz që janë të shqetësuar sa i përket situatave kur kemi këtë mospëlqyeshmëri të situatave të caktuara të cilat dalin publike nga SHBA. I trajtojmë me shqetësim që të mos cenohen raportet. Nuk besoj që raportet cenohen me qëllim, sepse atëherë do ishin skandaloze”, tha ai.

Tutje Korenica tha se në dialogun me Serbinë Kosova është treguar konstruktive, kurse Serbia jo.

Partia Socialdemokrate (PSD) ka zhvilluar aksion simbolik para Qeverisë së Kosovës në shënim të 8 Marsit – Ditës Ndërkombëtare të Grave, raporton EO.

Aktivistët e kësaj partie në hyrje të qeverisë kanë shënuar me ngjyrë të kuqe “Kryeministër kryej punët e shtëpisë! Largoj konservatorët prej partisë!”.

Një dyqan i veshjeve të shtrenjta dhe me marka të njohura të modës në Zveçan, që është pronë e nënkryetares së komunës së Zvecanit, Natasha Timonic, është djegur mbrëmë gjatë natës.

Vetë Timonic ka thënë për KosovaPress se demi është i madh, derisa ka shtuar se dyshon në Listën Srbska dhe në të ashtuquajturën ‘Severna Brigada’, pasi siç tha ajo, kanë politika të kundërta.

“Dyshoj në ‘Severna Brigada’ dhe në Listën Srbska se e kanë kryer këtë akt. Kjo për faktin se unë jam e punësuar në një institucion të Republikës të Kosovës, ku politikat tona janë në kundërshtim me atë të tyre”, tha ajo për KosovaPress.

Timonic ka bërë të ditur se zjarri në lokalin e saj ka ndodhur gjysmë ore pas mesnate me koktej molotovi, derisa i ka dërguar KosovaPress-it edhe videon pas zjarrit.

Kryetari i Aleancës për Ardhmërinë e Kosovës (AAK), Ramush Haradinaj, ka uruar 8 Marsin, Ditën Ndërkombëtare të Gruas.

Përmes një postimi në Facebook, Haradinaj ka thënë se duhet dashuri, përkrahje e barazi.

“Shumë dashuri, përkrahje e barazi!

Urime 8 Marsi – Dita Ndërkombëtare e Gruas”, ka shkruar Haradinaj.

Miratimi nga ana e qeverisë e Ligjit për Zyrtarët Publik pa asnjë konsultim publik, sipas Aleancës për Ardhmërinë e Kosovës po e rrezikon demokracinë dhe është kapje politike e administratës.

Shefi i Grupit Parlamentar të AAK-së Besnik Tahiri, ka thënë se ky Ligj u miratua pa përfshirjen e asnjë rekomandimi të vetë zyrtarëve publikë dhe pa trajtimin e sugjerimeve të BE-së.

“Sot, Qeveria e Kosovës e ka në miratim Ligjin për Zyrtarët Publik në mbledhjen elektronike. Ky Ligj u miratua pa asnjë ditë të konsultimit publik, pa përfshirjen e asnjë rekomandimi të vetë zyrtarëve publikë dhe pa trajtimin e sugjerimeve të BE-së. Sot, me këtë ligj po kapet politikisht administrata e shtetit”, ka thënë Tahiri.

Kryetari i Kuvendit, Glauk Konjufca, për nder të Ditës së Gruas, 8 Marsi, është shprehur se vazhdimisht janë angazhuar për të marrë masa në drejtim të luftimit të pabarazisë gjinore.

Me anë të një postimi në Facebook, Konjufca ka thënë se arritjet janë të numërueshme, siç është tepër evidente se edhe më shumë mbetet për t’u bërë, teksa ka shtuar se më shqetësuesja nga të gjitha ngelet dhuna në familje që pavarësisht masave ligjore dhe institucionale, vazhdon të jetë e lartë.

Dita e Gruas, e shënuar më 8 Mars vijon ta zgjojë ndërgjegjen e gjithsecilit për të ecur në rrugën drejt barazisë.

“Vazhdimisht jemi angazhuar për të marrë masa në drejtim të luftimit të pabarazisë gjinore. Arritjet janë të numërueshme, siç është tepër evidente se edhe më shumë mbetet për t’u bërë. Më shqetësuesja nga të gjitha ngelet dhuna në familje që, pavarësisht masave ligjore dhe institucionale, vazhdon të jetë e lartë”

Kreu i Kuvendit ka theksuar se pabarazia gjinore shpërfaqet në sferën shoqërore, politike dhe ekonomike, e mirëmbajtur edhe nga gjuha që e normalizon atë, tutje ka thënë se sa më shumë që e shprehim kur e evidentojmë këtë pabarazi, aq më shumë zgjerohet mundësia e emancipimit.

“Pabarazia gjinore shpërfaqet në sferën shoqërore, politike dhe ekonomike, e mirëmbajtur edhe nga gjuha që e normalizon atë. Sa më shumë e reflektojmë dhe e shprehim në kritikë kur e evidentojmë këtë pabarazi, aq më shumë zgjerohet mundësia e emancipimit, si përparim diskursi shoqëror dhe kornize ligjore, si kapërcim në ndërveprimin socio-kulturor dhe ushtrimin institucional.”

“Ta ruajmë në vëmendje se kur themi grua, aty për aty kemi prekur gjysmën e popullsisë së një vendi, por edhe të gjithë botës. Në këtë kuptim, përveç se e drejtë, ngritja e pozitës së gruas është diçka prej të cilës fitojnë të gjithë, sepse angazhimi i plotë i shoqërisë përbën një rendiment maksimal të gjithanshëm. Ndërsa pabarazia, si padrejtësi, është edhe kundërshoqërore, kundërpolitike dhe kundërekonomike”

“Në shoqërinë tonë ne kemi edhe figurën e gruas luftëtare, figurë e tejkalimit të paracaktimit, që angazhon aftësitë në shërbim të lirisë së përbashkët. Kjo na nderon, por dhe na shërben si shembull që duhet përthyer bashkërisht në figurën e gruas përballë sfidave të paqes”

“Gruas i duhet sfera publike, por sferës publike i duhet gruaja edhe më shumë, sepse pa gruan ajo nuk mund të jetë e mirëfilltë. E në anën tjetër, domeni socio-ekonomik pa gruan e integruar plotësisht, ngelet vetëm një rend ku menaxhohet dhuna apo shtypja, e përmasave dhe natyrave të ndryshme, herë duke bërë bujë e më shpesh në heshtje. Të përfitojmë nga rasti që na ofron 8 Marsi, duke e dëgjuar atë si thirrje për reflektim dhe angazhim të pandërprerë, deri në emancipim të plotë, i cili na përmbush të gjithëve.”

Është arrestuar hajni i tretë i dyshuar për vjedhjen e bagëtive në rajone të ndryshme të Kosovës dhe për vjedhjen e një traktori në Terrnac të Skenderajt që ka ndodhur me 18 shkurt të këtij viti.

Sipas policisë, i dyshuari së bashku me dy të arrestuarit e djeshëm, bagëtitë e vjedhura në rajone të ndryshme përmes rrugëve malore dyshohet se i kishin dërguar në Serbi.

“Fshati Terrnac, Skenderaj 18.02.2024 – 03:00. Lidhur me rastin, është arrestuar edhe i dyshuari tjetër (i treti) kosovar i cili dyshohet se në bashkëpunim edhe me kryes të tjerë kishin vjedhur makineri bujqësore-traktor dhe bagëti në rajone të ndryshme të Kosovës dhe përmes rrugëve malore dyshohet se i kishin dërguar në Serbi”, thuhet në raportin e policisë.

Me vendim të prokurorit, i dyshuari është dërguar në mbajtje.

Shtetet e Bashkuara, së bashku me aleatët dhe partnerët, nuk do të përkulen para agresionit rus dhe ambicieve të diktatorit të Kremlinit Putin, i cili kërkon të pushtojë territoret e vendeve fqinje dhe të shkatërrojë rendin global.

Korrespondenti i Ukrinform raporton se presidenti i SHBA Joe Biden e tha këtë gjatë fjalimit të tij në Kongres, duke u kërkuar ligjvënësve të miratojnë një projekt-ligj që parashikon ndihmë të mëtejshme për Ukrainën.

“Mesazhi im për presidentin Putin, të cilin e njoh prej kohësh, është i thjeshtë: nuk do të largohemi. Nuk do të përkulemi, nuk do të përkulem”, tha kreu i shtetit amerikan.

Ai theksoi se historia po e shikon zhvillimin e ngjarjeve tani.

“Unë ia them këtë Kongresit: ne duhet t’i rezistojmë Putinit. Më dërgoni projekt-ligjin dypartiak të sigurisë kombëtare. Historia po shikon fjalë për fjalë,” theksoi presidenti i SHBA.

Ai shprehu gjithashtu besimin se e gjithë NATO, e cila u zgjerua pas pranimit të Finlandës vitin e kaluar dhe Suedisë këtë javë, ruan një qëndrim të unifikuar për frenimin e agresionit rus. Lidhur me këtë, Biden ka përgëzuar kryeministrin e Suedisë, i cili ka marrë pjesë personalisht në sallën e Kongresit, duke theksuar se tani Aleanca është bërë më e fortë seç ka parë ndonjëherë bota.

Siç raportoi Ukrinform më herët, gjatë fjalimit për Gjendjen e Bashkimit, Presidenti Joe Biden tha se Ukraina mund të ndalojë marshimin e Vladimir Putin nëse i jepet mbështetja e nevojshme.