Ambasadori i BE-së në Kosovë, Tomas Szuyong, ka takuar sot peshkopin Teodosije.
Me të, ambasadori thotë se ka diskutuar për zbatimin e vendimit të Manastirit të Deçanit.
”Gëzohem që takova Peshkopin Teodosije sot me të cilin diskutova çështjet që kanë të bëjnë me Kishën Ortodokse Serbe në #Kosovë, duke përfshirë zbatimin e vendimit të Manastirit të Deçanit”, shkruan ambasadori në X.
Bëhuni gati për një mundësi fantastike për të fituar disa shpërblime të pabesueshme nga Ujë Rugove. Gjithçka ka të bëjë me mbledhjen e kapakëve, dhe, shpërblimet padyshim ia vlejnë!
Për t’u bërë pjesë e kësaj loje emocionuese shpërblimi, gjithçka që duhet të bëni është të grumbulloni gjithsej 12 kapakë në total. Sigurohuni që të keni 2 kapakë Ujë Rugove të çdo ngjyre (5 ngjyra) dhe dy kapakë Ujë Kllokoti. Më pas vendosni kapakët në zarf të bardhë, shkruani Emrin, Mbiemrin, Adresën dhe Numrin e Telefonit dhe dërgoni zarfin përmes postës në adresën postare: Ujë Rugove, Shkabaj, Obiliq 15000.
Pasi të keni dërguar zarfin, ju jeni zyrtarisht pjesë e lojës. Ju mund të dërgoni më shumë se një zarf, për t’i rritur gjasat për të fituar!
Shpërblimet janë nga më të ndryshmet, duke filluar nga:
30 Trotinetë Birdie për fëmijë,
10 Skuterë Elektrik Yadea G5,
1 Mondial Pagani,
5 udhëtime çift në Romë,
5 udhëtime çift në Paris,
5 udhëtime çift në Barcelonë,
5 udhëtime çift në Budapest.
Çfarë po pret? Filloni blerjet e shisheve të Ujë Rugove dhe Ujë Kllokoti 0.5l dhe 1.5l, mblidhni kapakët dhe dërgoni me postë. Shpërblimet janë vetëm një hap larg!
Një 31-vjeçare është nën hetim, pasi ushtroi dhunë ndaj vjehrrës së saj, në Braçanj të Devollit.
“Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi në gjendje të lirë për shtetasen A. Xh., 31 vjeçe, banuese në fshatin Braçanj, Devoll, pasi dyshohet se ka ushtruar dhunë ndaj vjehrrës së saj”, thuhet në njoftimin e policisë shqiptare.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme. /Tch
Policia e Kosovës në Gjilan gjatë një kontrolli rutinë bazuar në ligjin e ri të trafikut kanë ndalur në tri raste të veçanta automjete me targa vendore dhe gjatë kontrollit është vërtetuar se vozitësit drejtonin mjetet e tyre edhe pse kishin ndalesë të drejtimit të mjetit si masë mbrojtëse dhe afat të skaduar të regjistrimit.
Të njëjtëve iu është shqiptuar gjoba në vlerë prej 500 eurosh, pesë pikë negative dhe vazhdim i masën së përkohshme të ndalim vozitjes së mjeteve motorike në afat edhe për gjashtë muaj, si dhe konfiskim i mjetit, respektivisht për dy kundërvajtje të mjetit të paregjistruar nga 200 euro.
Drejtoria rajonale e Policisë në Gjilan inkurajon qytetarët që për të gjitha kundërvajtjet në komunikacion të njoftojnë stacionin më të afërm të policisë, apo përmes aplikacionit “Lajmëro Policinë”, e-mail: [email protected] dhe numrat 192, 0385045047001. Të dhënat do të ruhen në konfidencialitet të plotë.
Departamenti i Shtetit ka qenë në një bisedë aktive me Kongresin e SHBA në lidhje me nevojën për të miratuar ndihmën e mëtejshme për Ukrainën.
Kjo sipas Ned Price, zëvendës përfaqësuesi i SHBA në OKB, i cili mori pjesë në Samitin Ndërkombëtar të kryetarëve të Bashkive në Kishinau, Moldavi, më 11 prill, sipas Ukrinform.
“Ne jemi plotësisht të përshtatur me nevojën e vazhdueshme për të qëndruar me Ukrainën, jo vetëm në mënyrë retorike, por edhe me burime reale. Dhe kështu për shumë muaj tani ne kemi qenë të angazhuar në një bisedë shumë aktive me Kongresin dhe ajo bisedë është në vazhdim”, tha Price.
“Por ne kemi dëgjuar nga Kongresi ditë pas dite, nga demokratët dhe nga republikanët, se ata mbështesin solidaritetin e vazhdueshëm me Ukrainën. Unë e di që ka mbështetjen dërrmuese të popullit amerikan, mbështetjen dërrmuese dypartiake të anëtarëve të Kongresit, popullit amerikan, Kongresit të Shteteve të Bashkuara, sigurisht që kjo administratë e kupton imperativin e vazhdimit të qëndrimit me Ukrainën”, tha Price.
Siç raportoi më herët Ukrinform, Kanadaja ka rritur mbështetjen e saj për Ukrainën mes vonesave në miratimin e një pakete të re ndihme nga Kongresi i SHBA-së, sipas ministres kanadeze të financave Chrystia Freeland.
Nëntë persona kanë humbur jetën dhe 15 të tjerë janë të zhdukur pas mbytjes së anijes së fundit me emigrantë në Mesdheun jugor të mërkurën vonë.
Viktimat përfshijnë një vajzë që konsiderohet të jetë e moshës nga katër deri në tetë.
Roja bregdetare italiane arriti të shpëtojë 22 persona në një operacion në zonën malteze të kërkim-shpëtimit. Të mbijetuarit dhe trupat e viktimave u dërguan në Lampedusa, ishulli më jugor i Italisë dhe destinacioni i barkave të emigrantëve nga Afrika e Veriut. Gjashtë nga të mbijetuarit janë në spital.
Kushtet e trazuara të detit, me dallgë mbi dy metra të larta, po ndërlikojnë në kërkimin për personat e zhdukur, tha të enjten roja bregdetare. Varka mbante 46 persona nga Guineja, Burkina Faso, Mali, dhe Bregu i Fildishtë. Varka u nis nga Sfax në Tunizi të dielën. /ANSA
Një person u vra dhe shumë të tjerë u plagosën, duke përfshirë dy fëmijë, në të shtëna me armë në Uashington të mërkurën në mbrëmje.
Policia ka lëshuar një alarm publik për makinën që besohet se mbante personin e armatosur që u largua nga vendi i ngjarjes.
Detajet mbeten të pakta, por zyrtarët konfirmuan se një burrë u shpall i vdekur në vendngjarje dhe se pesë të tjerë, përfshirë një nëntë-vjeçar dhe një 12-vjeçar, u dërguan në spital me lëndime jashtë rrezikut për jetën.
Zyrtarët kanë konfirmuar se të shtënat ndodhën rreth orës 18:10 në veri-lindje të qytetit dhe se ndoshta dy të personat e armatosur janë të lirë.
Megjithëse vrasjet dhe llojet e tjera të krimeve të dhunshme janë ulur 22% nga kjo kohë vitin e kaluar, raportohet se ka pasur tre raste me të shtëna të tjera në kryeqytetin amerikan këtë javë që lanë shumë njerëz të plagosur. /The Guardian
Kryetari i sindikatës së minatorëve të “Trepçës” në Stantërg, Ibrahim Januzi ka konfirmuar se është ndalur greva e minatorëve pas një marrëveshje me menaxhmentin e kësaj ndërmarrje.
Sipas Januzit nëse nuk përmbushen kërkesat, protestat dhe grevat do të vazhdojnë. Ai ka treguar nëpërmjet telefonit për kushtet të cilat i kanë pranuar për ndërprerjen e grevës, pas një takimi me kryeshefin e “Trepçës”, Bashkim Kurti.
“Minatorët në ndërrimin e parë rreth 2 orë kanë protestuar për mos realizmin e pagës, mirëpo pas ftesës së kryeshefit për të ardhur për të dhënë sqarime dhe informata të hollësishme, është arritur të dakordohen mes minatorëve dhe kryeshefi. 40 për qind e pagës veçse është realizuar edhe 30 për qind, del sot eventualisht nesër dhe deri në javën e ardhshme të përmbyllen të gjitha obligimet ndaj minatorëve. Në rast se nuk përmbushen, protestat dhe grevat do të vazhdojnë…Kanë filluar minatorët, janë kthyer në vendin e punës, kanë filluar të punojnë. Pas dakordim me shefin për t’i dhënë hapësirë, për të gjetur zgjidhje t’i kryej të gjitha obligimet ndaj minatorëve…Presim deri në javën e ardhshme, kur besojmë fundi i javës së ardhshme është afati kohor dhe nëse nuk realizohen nuk na mbete asgjë tjetër, vetëm të punojnë 800 metra në thellësi të tokës dhe në fund mos ta gëzosh pagën e cila është obligim ligjor i ndërmarrjes për t’i kryer të gjitha obligimet ndaj minatorëve, nuk mbetet gjë tjetër përveçse protestë, grevë”, ka thënë ai.
Ndërrimi i parë i minatorëve në ndërmarrjen “Trepça” kanë bojkotuar punën të enjten, për shkak që ende nuk i kanë marrë pagat e plota.
Dy ditë më parë, Komisioni për liri qytetare dhe punë të brendshme i Parlamentit Evropian miratoi raportin për liberalizimin e vizave për bartësit e pasaportave të Serbisë, që jetojnë në territorin e Republikës së Kosovës.
Raporti u përpilua nga deputeti slloven, Matjazh Nemec, dhe u votua me 34 vota pro, raporton Indeksonline.
Dhënia e këtyre pasaportave u jep mundësinë banorëve serbë të Kosovës të mos pajisen me pasaporta kosovare, teksa liberalizimi i vizave për ta vjen 4 muaj pas liberalizimit të vizave për Republikën e Kosovës.
Asistentja parlamentare e PE-së, njëherazi edhe avokuese e madhe e sovranitetit të Kosovës, Federica Woelk, thotë se një vendim i tillë është për keqardhje.
“Fatkeqësisht, vendimi i fundit i komisionit përgjegjës të Parlamentit Evropian lidhur me njohjen e pasaportave të lëshuara nga Serbia (përmes strukturave paralele) për serbët e Kosovës është thellësisht për keqardhje. Vendimi mundëson vetëm destabilizimin e mëtejshëm dhe me siguri nuk arrin qëllimet që BE-ja i ka vendosur vetë. Për mendimin tim, Serbia ka punuar shumë për të arritur këtë rezultat” ka thënë Woelk, në një intervistë për Indeksonline-n.
Vendimi në fjalë, sipas Woelk-ut, kërcënon sovranitetin e Kosovës, meqë edhe zyrtarisht “tashmë i njeh strukturat paralele, të cilat shteti po përpiqet t’i luftojë”.
Sipas Woelk-ut, njohja e këtyre pasaportave në mënyrë implicite nënkupton lejimin e funksionimit të strukturave paralele ilegale.
Pasaportat në fjalë, për banorët kryesisht të veriut dhe jo vetëm, janë dhënë nga Drejtoria Koordinuese në Serbi, që funksionon në kuadër të MPB-së serbe.
“Kjo është krejtësisht e papranueshme. Në përgjithësi kam frikë se sovraniteti i Kosovës është realisht i rrezikuar dhe as që njihet seriozisht nga ndërkombëtarët”, ka shtuar Woelk.
Për qasjen e PE-së karshi kësaj situate, Woelk-u vlerëson se Parlamenti… në fakt nuk ka shumë njohuri për situatën në Kosovë dhe kështu e shohin vetëm sipërfaqen.
Ajo thekson se po të diskriminoheshin vërtet serbët e Kosovës, atëherë do të ishte tjetër qasje. Megjithatë, Woelk-u pohon se bëhet fjalë për struktura paralele që vetëm sa e rrezikojnë sigurinë e qytetarëve të Republikës së Kosovës, qofshin ata shqiptarë apo serbë.
“Për fat të keq, mendoj se serbët e Kosovës tashti do të mendojnë të marrin më shumë pasaportën serbe, sepse në fund pasaporta kosovare ofron të njëjtin përfitim. Nuk po flas për ata që realisht po përpiqen të integrohen brenda Kosovës, por për ata që janë ende të pasigurt dhe ndihen më “rehat” duke u rreshtuar me Serbinë. Kjo është pengesa kryesore për një integrim të duhur për serbët e Kosovës, jo për qeverinë kosovare.”
Mbikëqyrësi i Dhomës së Posaçme të Gjykatës Supreme, Sahit Sylejmani gjatë raportimit për tremujorin e punës së kësaj gjykate, ka thënë se numri i gjyqtarëve nuk është i mjaftueshëm për t’u përballur me numrin e madh të lëndëve që posedojnë.
Sylejmani këtë e tha të enjten në mbledhjen e 324-të të Këshilli Gjyqësor të Kosovës (KGJK), duke shtuar se kanë pozita të lira të paplotësuara e po ashtu edhe probleme me përkthimin e dokumenteve, raporton “Betimi për Drejtësi”.
“Numri i gjyqtarëve nuk është i mjaftueshëm për me u përball me këtë numër që ende është i madh në Dhomën e Posaçme. Kemi pozita të lira të paplotësuara edhe në grupin e zyrtarëve ligjor që po financohen nga GP-ja ku jena tri pozita edhe në grupin e pozitave që janë të rregulla për bashkëpunëtorë profesional, për përkthyes dhe për staf tjetër që është një kohë bukur e gjatë që janë të lira. Ne i kemi bërë kërkesat për plotësimin e këtyre pozitave në Sekretariatin e Këshillit Gjyqësor, ende për tash nuk i kemi të plotësuara. Si problem është edhe çështja e përkthimit. E kam cek po e ceki prapë kemi vonesa bukur të mëdha në përkthimin e dokumenteve për shkak se nuk kemi zyrtarë përkthyes të mjaftueshme në njësinë e përkthimeve”, tha ai.
Sylejmani tha se kanë probleme edhe me hapësirë pasi sipas tij, e kanë stafin e grumbulluar në shumë zyre për shkak të hapësirës jo të mjaftueshme. Megjithatë, ai tha se një problem teknik me të cilin përballën tri zyre në Dhomat e Posaçme të Gjykatës Supreme është edhe dritaret e mbyllura si dhe sistemi i ventilimit jofunksional.
Pas kësaj, kryesuesi i KGJK-së, Albert Zogaj njoftoi se ata planifikojnë që më 23 prill të miratojnë rregulloren për rekrutim. Ai tha se pas kësaj date beson që do të hapen konkurset për pozitat e lira.
Mbikëqyrësi i Dhomës së Posaçme të Gjykatës Supreme, Sahit Sylejmani tha se gjatë kësaj periudhe i kanë pasur të angazhuar 14 gjyqtarë në zgjedhjen e lëndëve e që 11 prej tyre në shkallën e parë dhe tre në shkallën e dytë.
Sylejmani tha se gjatë këtij tremujori kanë qenë në punë mbi 13 mijë e 600 lëndë.
“Lëndët në punë gjatë këtij tremujori: Gjithsej në të dy shkallët e kësaj janë trashëguar nga tremujori paraprak 13 mijë e 295 lëndë. Janë pranuar 375 lëndë të reja kështu që gjatë tre mujorit kanë qenë në punë 13 e 670 lëndë. Prej tyre, janë zgjidhur 854 lëndë ndërsa kanë mbetur të pazgjidhura gjithsej 12 mijë 816 lëndë në të dy shkallë. Nëse e shohim sipas shkallëve gjyqësore, në shkallën e parë nga 12 mijë e 452 sa kanë qenë në punë janë zgjedhur 627 lëndë ndërsa kanë mbetur pa u zgjidhur 11 mijë e 826 lëndë. Ndërsa, në shkallën e dytë nga 1217 lëndë sa kanë qenë në punë janë zgjidhur 227 lëndë ndërsa kanë mbetur pa u zgjidhur 990 lëndë”.
Tutje, mbikëqyrësi i Dhomës së Posaçme në Gjykatën Supreme tha se shkalla e efikasitetit të lëndëve të kryera në raport me lëndët e reja të pranuara gjatë tremujorit të parë është 227.73 % pasi sipas tij, janë kryer 854 lëndë ndërsa janë pranuar 375 lëndë të reja.
Po ashtu ai tha se ka rënie të lehtë në kryerjen e lëndëve pasi sipas tij në këtë tre mujor janë kryer 42 lëndë më pak se sa në tremujorin paraprak. Ndërsa, sa i takon publikimeve Sylejmani tha se janë publikuar 382 vendime e që 301 prej tyre të shkallës së parë. Kurse, për seancat e mbajtura gjatë kësaj periudhe, ai tha se numri i tyre është 102.
Ndërsa, gjatë raportimit të tij, kryetari i Gjykatës Supreme, Fejzullah Rexhepi tha se gjatë këtij tremujori kanë pranuar në punë gjithsej 697 lëndë të reja e që të trashëguara nga tremujori i kaluar kanë qenë 889 lëndë. Po ashtu ai tha se nga këto lëndë janë përfunduar 596 prej tyre dhe 303 të tjera kanë mbetur pa epilog përfundimtar.
Rexhepi tha se si Gjykatë, numri më i madh i kërkesave të cilat ata i kanë pranuar kanë qenë për mbrojtje të ligjshmërisë të cilat gjatë këtij 3 mujori janë pranuar 220 dhe janë kryer 210 prej tyre.
Sipas Rexhepit, karakteristike për këtë tremujor ka qenë numri i madh i lëndëve civile të ndryshme e që si rrjedhojë ka rritur numrin e lëndëve të ardhura për këtë periudhë kohore.
“Çka është karakteristike për këtë tremujor është se janë ardhur një numër i madh i lëndëve civile të ndryshme, gjithsej 196, çka ka rritur numrin e lëndëve të ardhura për këtë tre mujor për çka janë kryer 123. Këto kërkesa janë kryesisht lëndë që kanë ardhur për konflikt kompetence nga Gjykata kryesisht Komerciale dhe Departamenti Administrativ. Për shumicën e këtyre çështjeve që vendos, këto lëndë prap vazhdojnë të vijnë. Nuk e di se cila është arsyeja e gjyqtareve që nuk arrijnë të kuptojnë se ku janë kompetent dhe ku s’janë kompetent apo qëllimi është që të zvarrisin procedurat në raste konkrete. Megjithatë, kjo çështje don ndoshta edhe përgjegjësi”, tha ai.
Po ashtu, ai tha se shkalla e efikasitetit për këtë tremujor ka qenë e ulët.
“Në përgjithësi, shkalla e efikasitetit për këtë tremujorë për shkak të numrit të lëndëve që kanë ardhë ka qenë me e ulët. Kanë qenë 86.75 % numri i lëndëve të ardhura në raport me numrin e lëndëve të kryera”, tha ai duke njoftuar se ata kanë kryer edhe disa vizita pune duke përfshirë edhe atë në Gjykatën Evropiane për të Drejtat e Njeriut në Strasburg.
Gjatë raportimit për tremujorin e punës së Gjykatës Supreme, Rexhepi tha se janë publikuar 819 aktgjykime dhe aktvendime prej të cilave 485 vendime kanë qenë të Gjykatës Supreme dhe 334 prej tyre vendime të Dhomës së Posaçme.
Ai tha se i kanë pasur pesë kërkesa sa i takon procedurave disiplinore e që për katër prej tyre është marrë vendim dhe një është ende në punë.
Sa i takon punës së administratës, Kryetari i Gjykatës Supreme tha se nuk ka ndonjë pengesë në punën e tyre përveç vendeve të paplotësuara të cilat sipas tij e bëjnë punën e gjykatës më të vështirë.
Pas kësaj, doli në votim raporti për tremujorin e parë të Gjykatës Supreme për vitin 2024 i cili u miratua.
Sa i takon problemeve që përballën në Dhomat e Posaçme të Gjykatës Supreme, Sylejmani tha se një ndër ato është numri i pamjaftueshëm i gjyqtarëve, pozitat e lira të paplotësuara, problemet me përkthimin etj.
“Numri i gjyqtarëve nuk është i mjaftueshëm për me u përball me këtë numër që ende është i madh në Dhomën e Posaçme. Kemi pozita të lira të paplotësuara edhe në grupin e zyrtarëve ligjor që po financohen nga GP-ja ku jena tri pozita edhe në grupin e pozitave që janë të rregulla për bashkëpunëtorë profesional, për përkthyes dhe për staf tjetër që është një kohë bukur e gjatë që janë të lira. Ne i kemi bërë kërkesat për plotësimin e këtyre pozitave në Sekretariatin e Këshillit Gjyqësor, ende për tash nuk i kemi të plotësuara. Si problem është edhe çështja e përkthimit. E kam cek po e ceki prap kemi vonesa bukur të mëdha në përkthimin e dokumenteve për shkak se nuk kemi zyrtarë përkthyes të mjaftueshme në njësinë e përkthimeve”, tha ai.
Sylejmani tha se kanë probleme edhe me hapësirë pasi sipas tij e kanë stafin e grumbulluar në shumë zyre për shkak të hapësirës jo të mjaftueshme. Megjithatë, ai tha se një problem teknik me të cilin përballën tri zyre në Dhomat e Posaçme të Gjykatës Supreme është edhe dritaret e mbyllura si dhe sistemi i ventilimit jofunksional.
Pas kësaj, kryetari i KGJK-së njoftoi se ata planifikojnë që më 23 prill të miratojnë rregulloren për rekrutim. Ai tha se pas kësaj date beson që do të hapen konkurset për pozitat e lira.