Category: Lajme

Kryeministri Edi Rama ka reaguar pas raportit të Reporterëve pa Kufij në lidhje me lirinë e medias në Shqipëri.

Sipas raportit për nga liria e medias dhe siguria e gazetarëve, Shqipëria ndodhet në vend të fundit. Ndërkohë që Rama me anë të një postimi në X, ka bërë hapa pas, duke theksuar se do të ndërmerren veprime për të përmirësuar mjedisin mediatik. Rama shkruan se raporti do të analizohet dhe dotë konslutohen me gjitha palët përkatëse për të ndërmarrë hapa konkretë.

Postimi i Plotë:

Çështja e lirisë së informacionit është një nga më të rëndësishmet sot dhe dua të falënderoj Reporterët pa Kufij për raportin e tyre depërtues. Ne do ta analizojmë atë me kujdes, do të konsultohemi me të gjitha palët përkatëse dhe do të ndërmarrim veprime të mëtejshme për të përmirësuar mjedisin mediatik, për të mbrojtur lirinë e informacionit, për të luftuar dezinformimin dhe për të forcuar të drejtat e gazetarëve. Ne jemi shumë të shqetësuar nga gjetja kryesore e raportit: se liria e medias është nën kërcënim globalisht. Qeveria shqiptare është e gatshme të marrë të gjitha përgjegjësitë e nevojshme për të ndihmuar në përballjen e kësaj tendence.

The issue of freedom of information is one of the most important today and I want to thank Reporters Without Borders for their insightful report. We will analyse it carefully, consult with all relevant parties and take further action to improve the media environment, protect…

— Edi Rama (@ediramaal) May 3, 2024

Sipas raportit të organizatës Reportërt Pa Kufij, Shqipëria mbetet në vend të fundit në Evropë për nga liria e Medias. Jo më larg se dje gazetarët janë mbledhur para hyrjes së Kuvendit, për të protestuar për të drejtat e tyre. Në prag të Ditës Ndërkombëtare të Lirisë së Shtypit, gazetarët kanë protetojnë me pankarta në duar, për të përçuar mesazhin se duan liri dhe siguri për raportimet e tyre.

Kosova po vazhdon të lobojë me intensitet të lartë për anëtarësimin e saj në Këshillin e Evropës. Kështu bëri të ditur për Radio Kosovën zëvendësministri i Punëve të Jashtme, Kreshnik Ahmeti, i cili tha se nuk sheh arsye që kjo çështje të mos jetë në agjendën e 16 dhe 17 majit. E njohësit e çështjeve ndërkombëtare thonë se përfaqësuesit shtetërorë duhet të lobojnë çdo ditë për anëtarësim në Këshillin e Evropës.

Muaji maj është i rëndësishëm për Kosovën, pasi pritet që të votohet për anëtarësimin e saj në Këshillin e Evropës. Zëvendësministri i Punëve të Jashtme, Kreshnik Ahmeti, tha për Radio Kosovën se Kosova i ka plotësuar të gjitha standardet dhe parakushtet për të qenë anëtare e kësaj organizate, derisa theksoi se po vazhdojnë të lobojnë me intensitet të madh te vendet anëtare të BE-së.

“Pra, mbetet vetëm edhe votimi përfundimtar, ku me këtë rast do të duhej të dërgohej ftesa prej Komitetit të Ministrave te Republika e Kosovës për t’u bërë anëtare e Këshillit të Evropës. Edhe në Asamblenë Parlamentare kemi bërë një lobim intensiv ku rezultuam me një opinion jashtëzakonisht pozitiv që bënë thirrje që Kosova të anëtarësohet pa parakushte dhe ky opinion u mbështet nga 82 për qind e votave, të cilat u hodhën atë ditë. I njëjti intensitet i lobimit është duke vazhduar edhe më tutje. Nga vizita që kisha e para së bashku me delegacionin e kryeministrit në Berlin, po ashtu edhe në Stazburg, ku takova një numër të ambasadorëve të vendeve anëtare dhe mund të them që mbështetja është aty që procesi të ecë përpara”, deklaroi Ahmeti.

Zëvendësministri Ahmeti theksoi se nuk sheh asnjë arsye që votimi të shtyhet apo të ketë ndonjë lloj hezitimi.

“Është e vërtetë që ka disa zëra, por jo zyrtarë, që paraqesin një lloj ideje që të përzihen proceset, pra, procesi i dialogut në Bruksel me këtë të anëtarësimit në KiE, por kjo nuk është kredibile si ide. KiE është një organizatë e veçantë, ku përfituesit kryesorë janë qytetarët e Republikës së Kosovës, e veçanërisht minoritetet brenda shtetit tonë. Për më tepër, në dialogun në Bruksel jemi jashtëzakonisht konstruktiv, por kemi një qasje jo konstruktive nga Serbia. Prandaj, nëse këto procese ndërlidhen, atëherë e tëra çfarë ndodh është që i jepet e drejta e vetos Serbisë që të vendosë në një farë forme nëse Kosova do të anëtarësohet apo jo në Këshillin e Evropës. Unë jam optimist se të gjitha këto do të sqarohen para ministerialit dhe nuk shoh arsye që Kosova të mos jetë pjesë e agjendës me 17 maj”, tha Ahmeti.

E njohësi i çështjeve ndërkombëtare, Shqiprim Pula, tha për Radio Kosovën se përfaqësuesit shtetërorë duhet çdo ditë të lobojnë për anëtarësimin e Kosovës në Këshillin e Evropës.

“Të lobojnë në mënyrë që të fitohet vullneti politik edhe i atyre shteteve që mund të kenë mëdyshje rreth votimit të tyre. Prandaj, në këtë kuptim unë mendoj që institucionet përkatëse janë duke e bërë punën e tyre, por mbetet për t’u parë në rezultatet që do të kemi edhe pak ditë nga takimi i Komitetit të Ministrave”, tha Pula.

Këshilli ndërqeveritar i Evropës këtë muaj do të marrë një vendim përfundimtar nëse do ta pranojë Kosovën në këtë organizatë. Asambleja Parlamentare e Këshillit votoi me një shumicë dërmuese më 16 prill për të mbështetur kërkesën e Kosovës për anëtarësim. Por, ditët e fundit, Franca dhe Italia kanë dërguar sinjale se po e kushtëzojnë mbështetjen e tyre për Kosovën me zbatimin e Asociacionit të komunave me shumicë serbe.

Zëdhënësi i Vetëvendosjes, Arlind Manxhuka, ka thënë se rënia e Kosovës në indeksin e lirisë së shtypit në raportin e Reporterëve pa Kufij është bërë bazuar në elemente që nuk kanë të bëjnë me presionin e kufizimet nga qeveria.

“Raporti i Reporterëve pa Kufij nuk na gëzon por mediat në Kosovë janë të lira”, thotë Manxhuka.

Sipas Manxhukës, Kosova ka qenë shtet i kapur kur Vetëvendosje ka marrë pushtetin, ndërsa thotë se sot ajo mendësi “nuk ekziston më”.

“Disa që sot po i gëzohen raportit negativ të RSF duke e akuzuar qeverinë, e patën akuzuar qeverinë edhe për dërgimin e kryetarëve në dy komunat në veri me 29 maj dhe e akuzuan qeverinë madje edhe për sulmin në Banjskë”.

Reagimi i plotë:

Raporti i Reporterëve pa Kufij nuk na gëzon por mediat në Kosovë janë të lira.

Në raportin e Reporterëve pa Kufij këtë vit Kosova ka shënuar një rënie prej 8 pikësh në rezultat dhe 19 vende në renditjen globale bazuar elemente që janë krejtësisht të qarta, e që nuk kanë të bëjnë me presionin e kufizimet nga qeveria.

Është evidente që në këtë rezultat ka ndikuar edhe rasti i Klan Kosovës. Ky rast, i zbuluar nga mediat dhe më pas i trajtuar nga organet përkatëse, ka të bëjë me një biznes të regjistruar me dokumente ilegale të Serbisë ku qytetet e Republikës së Kosovës janë me emërtime të Serbisë, që paraqet shkelje të Kushtetutës dhe ligjit. Klan Kosova e ka pranuar këtë kur i ka përmirësuar të dhënat në regjistrin e bizneseve në ARBK me të dhëna të Republikës së Kosovës. Po të mos kishte bërë shkelje nuk kishte nevojë t’i përmirësonte.

Reporterët Pa Kufij si duket nuk e kanë marrë parasysh këtë gjë.

Rasti tjetër ka të bëjë me sulmin ndaj gazetarëve në veri të vendit në kohën kur bandat kriminale të organizuara nga Beogradi nuk lejonin që të shtrihej kushtetushmëria dhe ligjshmëria atje, duke sulmuar fizikisht kështu çdokënd që raportonte të vërtetën.

Sa i përket shqetësimit për RTK-në duket e çuditshme kur kujtojmë që ka pasur lëvdata nga shumë akterë në vend që kanë theksuar mënyrën dhe transparencën që nga zgjedhja e bordit e deri te rekrutimet e tjera atje.

Kosova ka qenë shtet i kapur kur ne kemi marrë pushtetin. Sot ajo mendësi nuk ekziston më. Por, elementet e shtetit të kapur ishin jo vetëm në politikë e qeveri por edhe te tajkun të mediave.

Kosova po ballafaqohet me sulme nga Serbia në veri të cilat vitin e kaluar në Banjsë rezultuan me sulm terrorist dhe vrasjen e rreshterit, heroit, Afrim Bunjaku.

Disa që sot po i gëzohen raportit negativ të RSF duke e akuzuar qeverinë, e patën akuzuar qeverinë edhe për dërgimin e kryetarëve në dy komunat në veri me 29 maj dhe e akuzuan qeverinë madje edhe për sulmin në Banjskë.

Ishin gabim atëherë e janë gabim edhe tash.

Republika e Kosovës është shtet i të gjithëve dhe i takon secilit ta mbrojë duke e thënë dhe luftuar për të vërtetën.

Kryetari i Prishtinës, Përparim Rama ka thënë se qytetarët në nevojë tani e tutje mund të furnizohen në këtë dyqan çdo muaj falas, me produkte ushqimore e higjienike

Kryetari i Prishtinës, Përparim Rama ka njoftuar se është hapur dyqani i parë social në kryeqytet.

Përmes një postimi në Facebook, ai ka thënë se qytetarët në nevojë tani e tutje mund të furnizohen në këtë dyqan çdo muaj, falas, me produkte ushqimore e higjienike.

“Qytetarët në nevojë tani e tutje mund të furnizohen në këtë dyqan çdo muaj, falas, me produkte ushqimore e higjienike”, ka shkruar Rama.

Zëdhënësi i Partisë Demokratike të Kosovës, Faton Abdullahu, thotë për Ekonomia Online se regresi për 19 vende në indeksin vjetor për lirinë e medies nga “Reporterët pa Kufij”, është tregues se kjo Qeveri nuk e dëshiron të vërtetën.

Zëdhënësi i PDK-së, ka akuza sa i përket trajtimit të gazetarëve nga pushteti, teksa thotë se Qeveria “nuk e duron të vërtetën por preferon gënjeshtrën”.

“Ky raport është serioz dhe si i tillë duhet të trajtohet. Ajo çfarë na flet ky raport, ajo çfarë tregon ky raport me faktin se Kosova ka zbritur 19 vende më poshtë se sa që ishte më herët sa i përket lirisë së mediave na tregon se kjo qeveri nuk e duron të vërtetën kjo qeveri nuk e don të vërtetën për më keq kjo Qeveri preferon gjysmë të vërteta dhe jo rrallë preferon edhe gënjeshtra. Thjesht nuk ka si shpjegohet ndryshe ky degradim sa i përket lirisë së mediave veçse anti-demokratike”, thotë Abdullahu.

Abdullahu ka përmendur edhe raportin e Departamentit amerikan të Shtetit, në të cilën flet për korrupsion qeveritar dhe ndërhyrje në gjyqësor. Thotë se këto raporte tregojnë për demon që kjo Qeveri po ia bën qytetarëve të Kosovës.

“Ky raport sa i përket lirisë së mediave është rrjedh logjike e asaj çfarë po bën kjo Qeveri në të vërtetën çfarë nuk po bën edhe atij vlerësimi që ja bëjnë institucionet e ndryshme ndërkombëtare. Ditë më parë patëm raportin e DASh-it ku u tha se kemi të bëjmë me korrupsion serioz të qeverisë ku u tha se kemi të bëjmë me involvim të politikës në gjyqësor dhe tani ky raport i një institucioni tjetër kredibil gjithsesi thotë kemi të bëjmë me mungesë demokracie në raport me media dhe ky trekëndësh ku ka korrupsion, ku involvohen gjyqësori dhe mandej ku ka presion ndaj lirisë së mediave tregon atë që ne si Parti Demokratike e themi kohë të gjatë se kemi të bëjmë me një qeveri populiste e cila po e dëmton Kosovën dhe e cila po e dëmton qytetarin e Kosovës”, u shpreh Abdullahu.

Policia në Gjilan njofton se gjatë periudhës kohore 26.04.2024–02.05.2024, në vazhdën e implementimit të planit operativ ‘’Siguria në trafikun rrugor’’ kanë realizuar aktivitete në zonën e përgjegjësisë që mbulon shtatë komuna.

Bëhet e ditur se gjatë kësaj periudhe janë shqiptua1 mijë e 245 gjoba për kundërvajtësit të cilët kanë rënë ndesh me ligjin për rregullat e trafikut rrugor.

• Hetim i 6 aksidenteve të trafikut me dëme materiale,
• Hetim i 25 aksidenteve të trafikut me të lënduar,
• Janë shqiptuar masa e ndalim drejtimit të mjeteve motorike për 26 ngasës,
• Janë tërhequr nga trafiku 11 motoçikleta

Agjencia e Projekteve Kërkimore të Avancuara të Mbrojtjes (DARPA) publikoi fotografi të reja të një arme të gjeneratës së ardhshme që është në zhvillim për Ushtrinë Amerikane këtë javë, një mjet nënujor me rreze të gjatë, pa ekuipazh (UUV) i aftë për të gjuajtur një ngarkesë në objektivat e armikut.

Prototipi Manta Ray i ndërtuar nga Northrop Grumman është duke u testuar në ujërat në brigjet e Kalifornisë Jugore, tha agjencia në një deklaratë.

“Testimi tregoi performancë hidrodinamike në det, duke përfshirë operacionet e zhytjes duke përdorur të gjitha mënyrat e shtytjes dhe drejtimit të automjetit: lëvizshmëria, helikat dhe sipërfaqet e kontrollit”, thuhet në deklaratë. “Northrop Grumman dërgoi prototipin Manta Ray në nënseksione nga vendi i ndërtimit në Maryland në vendndodhjen e tij të testimit në Kaliforni. Lehtësia e demonstruar e transportit dhe montimit mbështet mundësinë e vendosjes së shpejtë në të gjithë botën pa mbushur hapësirën e vlefshme të skelës në objektet detare.

Manta Ray do të jetë në gjendje të operojë për misione me rreze të gjatë dhe me kohëzgjatje të gjatë në një gamë të gjerë mjedisesh detare “pa nevojën e mbështetjes logjistike të pranishme njerëzore ose mirëmbajtjes që ofrojnë potencialin për operacione të vazhdueshme në mjediset e ardhshme”.

Ministrja e Punëve të Jashtme dhe Diasporës, Donika Gërvalla në takimin me gazatarët Julius Strauss, Vaughan Smith dhe Leman Kamberi-Muriqi, ka thënë se pa punën vetëmohuese dhe sakrificën e gazetarëve vendorë dhe atyre ndërkombëtarë, bota do të ishte në terr për krimet dhe masakrat e tmerrshme të Serbisë ndaj popullatës civile në Kosovë gjatë viteve 1998-1999.

Gërvalla ka thënë po ashtu se informimi i drejtë i gjeneratave të reja rreth luftës së fundit në Kosovë është një domosdoshmëri, e cila kërkon përkushtimin e institucioneve, studiuesve, sistemit të arsimit, mediave dhe shoqërisë në përgjithësi.

“Pa punën vetëmohuese dhe sakrificën e gazetarëve vendorë dhe atyre ndërkombëtarë, bota do të ishte në terr për krimet dhe masakrat e tmerrshme të Serbisë ndaj popullatës civile në Kosovë gjatë viteve 1998-1999.

Julius Strauss, Vaughan Smith dhe reporterë e kameramanë të tjerë arritën që pavarësisht rreziqeve, duke qenë në vendin e ngjarjes, me pamjet dhe raportimet e tyre të informojnë botën rreth krimeve dhe gjenocidit serb në Kosovë. Pamjet dhe intervistat e tyre shpejtë vërshuan botën duke treguar tmerrin që po përjetonin qytetarët e Kosovës.

Ishin pamjet e tyre që zgjuan ndërgjegjen ndërkombëtare dhe vetëdijësuan botën se sa urgjente ishte ndërhyrja për të ndalur gjenocidin në Kosovë.

Në takimin me Julius Strauss, Vaughan Smith dhe Leman Kamberi-Muriqi, të cilët jo rrallë ishin ndër të parët për të raportuar nga vendi i ngjarjes pas krimeve dhe masakrave të tmerrshme, biseduam rreth përjetimeve të tyre gjatë viteve 1998-99 dhe bashkëpunimit në fusha të ndryshme në të ardhmen.

Informimi i drejtë i gjeneratave të reja rreth luftës së fundit në Kosovë është një domosdoshmëri, e cila kërkon përkushtimin e institucioneve, studiuesve, sistemit të arsimit, mediave dhe shoqërisë në përgjithësi.

I falënderova për kontributin e tyre në informimin e botës rreth masakrës në familjen Deliu, luftën me 5,6 dhe 7 mars të familjes Jashari, masakrën e Reçakut dhe shumë masakra e krime tjera në Kosovë.”, ka thënë Gërvalla.