Category: Lajme

Policia e stacionit në Ferizaj me datën 10.05.2024 rreth orës 04:15 në rrugën “Reçaku ” në Ferizaj ka ndaluar shoferin A.A (M/K) i moshës 29 vjeçar, i cili ka drejtuar veturën nën ndikim të alkoolit, ku rezultoi 0.85 promila dhe nën masën mbrojtëse, ku me ligjin e ri parashihet gjobë, vazhdim i masës mbrojtëse, pikë negative dhe konfiskim i automjetit.

Ndaj shoferit policia i ka shqiptuar një gjobë kundërvajtëse prej pesëqind (500) euro, pesë (5) pikë negative, vazhdim i masës mbrojtëse edhe për gjashtë (6) muaj, si dhe i është konfiskuar përkohësisht automjeti.

Me këtë rast policia rajonale e Ferizajt, apelon tek shoferët e automjeteve që të respektojnë ligjin e komunikacionit rrugor dhe mos të drejtojnë automjetet nën ndikimin e alkoolit.

Shtetet e Bashkuara janë duke e përgatitur një paketë të re ndihmë ushtarake, në vlerë 400 milionë dollarë, për Ukrainën, e cila ka hasur në vështirësi për t’i zmbrapsur trupat ruse në rajonin verilindor, Harkiv.

Kjo paketë përfshin artileri, raketahedhës NASAM dhe municione për të, municione antitanke, autoblinda dhe armë të vogla të cilat mund vihen në përdorim menjëherë në fushëbetejë.

Njoftimi i SHBA-së vjen vetëm një ditë pasi forcat ruse e nisën një ofensivë tokësore të premten në afërsi të qytetit të dytë më të madh të Ukrainës, Harkiv, në verilindje të vendit.

Forcat ruse shënuan përparim të vogël në Harkiv dhe e hapën një front të ri në një luftë që për kohë të gjatë është zhvilluar në lindje dhe në jug.

SHBA-ja i ka dhënë Ukrainës ndihmë ushtarake në vlerë rreth 50 miliardë dollarë, prej se Rusia e nisi pushtimin e saj në shkurt 2022.

Të enjten, ministri i Mbrojtjes i Gjermanisë, Boris Pistorius, tha se tre sisteme të tjera raketore të artilerisë me lëvizshmëri të lartë, HIMARS, do t’i dërgohen Ukrainës nga aleatët e saj perëndimorë.

Paraprakisht, presidenti i Ukrainës, Volodymyr Zelensky, tha se vendi i tij mund t’i ndalojë forcat ruse të përparojnë në lindje, nëse aleatët i rrisin furnizimet me armë.

Të shtunën, Zelensky, tha se një “betejë e ashpër” po zhvillohej në Harkiv, nga ku u evakuuan qindra ukrainas.

Rajoni i Harkivit ka qenë kryesisht nën kontrollin e Ukrainës prej shtatorit 2022.

Por, muajve të fundit, Rusia ka intensifikuar sulmet me dronë dhe raketa në këtë rajon dhe kryeqytetin e tij, përderisa forcat ukrainase po përballen me mungesë të municioneve dhe sistemeve të mbrojtjes ajrore./REL/

Ish-kryeministri Avdullah Hoti i ka reaguar kryeministrit Albin Kurti pasi ky i fundit ka ftuar partitë opozitare për koordinim rreth agjendës së Kuvendit për sesionin pranveror. Hoti ka thënë se sjellja e Kurtit bashkë me deputetët e VV-së dhe GUXO-s ndaj institucionit të Kuvendit dhe ndaj opozitës e ka cenuar demokracinë parlamentare në Kosovës.

Hoti tutje ka shkruar se nga monitorimi i Kuvendit që është bërë, gjetjet janë shqetësuese, përfshirë mungesën e transparencës në vendime dhe nxjerrje të ligjeve, vendimeve kundër kushtetuese, pamundësimi i kuorumit për komisione hetimore dhe mos përgjigje nga ana e Qeverisë në pyetjet e deputetëve.

Reagimi i plotë:

Kryeministri Kurti po kërkon koordinim me opozitën për agjendën e Kuvendit për sesionin pranveror, por sjellja e tij bashkë me grupin VV-Guxo ndaj institucionit të Kuvendit dhe opozitës gjatë këtij mandati e ka cenuar demokracinë parlamentare në Kosovë.

Të gjeturat e IKD-së nga monitorimi i Kuvendit të Kosovës janë shqetësuese për rendin demokratik: mungesë transparence në vendime dhe nxjerrje të ligjeve, vendime kundërkushtetuese e kundërligjore, moszbatim i rregullores së punës, Kuvendit iu ka pamindësuar të kërkojë llogari nga Qeveria, mazhoranca ka pamundësuar kuorumin dhe i ka dështuat seancat dhe komisionet hetimore, Qeveria nuk është përgjigjur në pyetjet e deputetëve dhe nuk ka marrë pjesë në seanca të jashtëzakonshme, e shumë gjetje të tjera që paraqiten në vijim.

Edhe kur është hedhur gaz lotsjellës, Kuvendi ka funksionuar më mirë, ka qenë më transparent e më efikas dhe ka marrë vendime kushtetuese e ligjore.

Ky degradim i punës së Kuvendit është cenim i demokracisë me pasoja të gjera për të gjithë aparatin shtetëror dhe shtyllat e pushtetit në Kosovës.

Ja disa nga të gjeturat kryesore të raportit:

1. Kuvendi me vendime në kundërshtim me Kushtetutën dhe të kundërligjshme.

2. Viti 2023 nisi me tetë seanca plenare të papërfunduara nga viti 2022, me gjithsej 54 pika të rendit të ditës, dhe u përmbyll me 30 pika të papërfunduara që u bartën në 2024.

3. Shumica parlamentare e keqpërdori mekanizmin e seancës së jashtëzakonshme për miratimin e pikave të rregullta të rendit të ditës.

4. Kuvendi zhvilloi punime në tre raste pa e miratuar rendin e ditës.

5. Shumica parlamentare pamundësoi kryerjen e mandatit të Komisionit Hetimor lidhur me furnizimin dhe menaxhimin me rezervat shtetërore. Problemet që e përshkruan këtë komisionin ishin konstituimi i vonshëm i komisionit dhe mospjesëmarrja e vazhdueshme e anëtarëve të shumicës parlamentare.

6. Deputetët ndërhynë në drejtësi duke bërë deklarata publike dhe duke sulmuar drejtues të organeve të drejtësisë.

7. Kuvendi ka vazhduar të përballet me mungesë të thellë të transparencës duke vazhduar mospublikimin e materialeve nga seancat parlamentare. Kuvendi ka dështuar t’i publikojë materialet e komisioneve hetimore. Në faqen zyrtare nuk mund të gjendet asnjë procesverbal i mbledhjes publike i ndonjërit nga komisionet hetimore.

8. Kuvendi ka dështuar të funksionalizojë votimin elektronik, duke pamundësuar përcjelljen e punës së deputetëve, si dhe nuk e publikon votimin e deputetëve me dorë menjëherë pas përfundimit të seancës plenare.

9. Qeveria ka injoruar Kuvendin te pyetjet parlamentare, te komisionet hetimore dhe te debatet parlamentare për të dhënë përgjegjësi për punën e vet dhe për programin qeverisës.

10. Lidhur me dialogun, Kryeministri nuk e ka mbajtur të informuar Kuvendin, siç kërkohet me rezoluta të Kuvendit. Kryeministri raportoi vetëm me kërkesë të grupeve parlamentare opozitare.

11. Pati mungesë kronike të kuorumit që në shumicën e rasteve u shkaktua nga deputetët e shumicës parlamentare.

12. Shumica parlamentare është treguar arrogante sa i përket bashkëpunimit me opozitën në miratimin e Ligjit për Ndarjet Buxhetore Vjetore për vitin 2024. Asnjë nga 54 amendamentet e propozuara në buxhetin vjetor të parashtruara nga deputetët e opozitës nuk janë votuar.

13. Kuvendi ka shkelur standardet minimale të konsultimit publik për koeficientin e pagave duke e miratuar projektligjin me procedurë të përshpejtuar brenda një dite, që është në kundërshtim me Rregulloren ku parashihen dëgjimet publike legjislative.

14. Kuvendi ka rritur përdorimin e miratimit të projektligjeve me shmangie nga afatet e rregullta.Kuvendi përdori procedurat e shmangies në 22 raste, pesë raste më shumë se sa në vitin 2022 dhe të gjitha propozimet erdhën nga grupi parlamentar i Lëvizjes Vetëvendosje.

15. Në të vetmen interpelancë gjatë vitit 2023, kryeministri nuk qëndroi në sallë. Kryeministri dhe Ministri i Punëve të Brendshme nuk morën pjesë në seancën e jashtëzakonshme për të diskutuar mbi mbështetjen urgjente financiare për Policinë e Republikës së Kosovës.

Policia e Kosovës njofton se për 24 orë ka shqiptuar 2140 gjoba në trafik.

Sipas policisë, gjatë 24 orëve të fundit janë evidentuar disa aksidente në trafikun rrugor, ku 11 kanë qenë me lëndime, ndërsa 37 me dëme materiale.

Policia njofton se janë arrestuar 18 persona, ndërkaq 11 të tjerë janë dërguar në mbajtje, kurse persona në vuajtje të dënimit janë dërguar 2.

Qindra njerëz janë evakuuar nga zonat pranë kufirit rus në rajonin Kharkiv të Ukrainës, një ditë pasi Moska e nisi një ofensivë befasuese tokësore, njoftuan zyrtarët.

Forcat ruse shënuan përparim të vogël në këtë rajon, gati dy vjet pasi ishin zmbrapsur.

“Në përgjithësi, 1.775 njerëz janë evakuuar”, tha guvernatori rajonal i Kharkivit, Oleg Synegubov.

Ai tha se Rusia i bombardoi mbi 30 vendbanime në 24 orët e fundit.

Presidenti i Ukrainës, Volodymyr Zelensky, tha se një “betejë e ashpër” po zhvillohej në Kharkiv.

“Ne duket t’i ndalim patjetër ofensivat ruse dhe Ukraina ta marrë iniciativën”, tha Zelensky të shtunën.

Rajoni i Kharkivit ka qenë kryesisht nën kontrollin e Ukrainës prej shtatorit 2022.

Rajoni verilindor ukrainas i Kharkivit gjendet në kufi me Rusinë, dhe në periferi gjendet dhe kryeqyteti rajonal me po të njëjtin emër. Ky qytet ndodhet 25 kilometra nga vijat e frontit.

Me një popullsi prej 1.4 milion banorësh – sipas të dhënave të popullsisë para se të niste lufta – Kharkivi është qyteti i dytë më i madh i Ukrainës dhe një prej qyteteve në të rëndësishme ekonomike dhe industriale.

Ai ishte ndër qytetet e para që u përball me sulmet ruse, pasi Moska e nisi pushtimin e Ukrainës në shkurt të vitit 2022.

Kundërofensiva e suksesshme ukrainase në shtatorin e vitit 2022 çoi në çlirimin e pothuajse të gjithë rajonit të Kharkivit.

Por, muajve të fundit, Rusia ka intensifikuar sulmet me dronë dhe raketa në këtë rajon dhe kryeqytetin e tij, përderisa forcat ukrainase po përballen me mungesë të municioneve dhe sistemeve të mbrojtjes ajrore./REL/

Inspektorati i Prishtinës në bashkëpunim me Policinë e Kosovës në katër javët e fundit, kanë shqiptuar rreth 200 gjoba të taksitë ilegal. Ndërkaq, përgjatë katër muajve të fundit, kanë shqiptuar rreth 500 gjoba.

Sa i përket shumës së gjobave të cilat variojnë nga 50 deri në 500 euro, drejtori i Inspektoratit të Prishtinës, Florian Dushi, shpreson që të ketë ndryshime në legjislacion dhe gjobat për këtë lloj veprimtarie ilegale të ashpërsohen akoma më shumë.

Dushi për KosovaPress-in, ka thënë se gjobat janë shqiptuar ndaj taksive të rregullt por pa leje të punës, autobusë që shpeshherë nuk respektojnë orarin e tyre dhe hyn nëpër qendër të qytetit për të arritur në destinacionet e tyre më lehtë, kombi-busa dhe gjithçka që inspektorati konsideron se janë duke funksionuar pa lejen e organeve kompetente të kryeqytetit.

“Këto katër javët e fundit janë mbi 200 gjoba të cilat janë shqiptuar për arsye të ndryshme, për taksi të rregullt por pa leje të punës, të cilëve u ka skaduar apo akoma nuk janë pajisur, por si kompani kanë licencë për të vepruar, kemi taksi ilegal që veprojnë gjithandej në kryeqytet edhe nga komunat e tjera përreth dhe të cilët me thënë të drejtë shkaktojnë mjaft probleme të mëdha në mbarëvajtjen e komunikacionit në kryeqytet, për autobusë të cilët shpeshherë nuk respektojnë orarin e tyre, por futen nëpër qendër të qytetit, për të arritur në destinacionet e tyre më lehtë, dhe për taksi të tjerë të cilët funksionojnë, kombi-busë”, ka thënë Dushi.

Sipas tij, inflacioni ka përfshirë edhe këto gjoba, prandaj duket si të mos jenë të efektshme, për faktin se pavarësisht që inspektorati po shqipton gjoba, taxit ilegale, kombi-busët dhe autobusët po vazhdojnë veprimtarinë e tyre ilegale.

“Inflacioni ka përfshirë edhe këto gjoba dhe prandaj po duken të mos jenë mjaftueshëm të efektshme për faktin se pavarësisht që ne po shqiptojmë gjoba, ata po vazhdojnë veprimtarinë e tyre. Në anën tjetër, gjobat e pamjaftueshme dhe kapacitetet e pamjaftueshme të inspektoratit për të qenë vazhdimisht në teren, po e mundësojnë që megjithatë ata gjejnë hapësirë të veprojnë dhe të ushtrojnë veprimtarinë e tyre ilegale”, është shprehur ai.

Ai ka shtuar se është në fazën e diskutimeve edhe konfiskimi i mjeteve, çoftë autobus, vetura apo kombi-busë për një periudhë më të gjatë kohore, e cila do të ndikojë pozitivisht në vënien në rend të kësaj problematike.

“Variojnë varësisht nga natyra e shkeljes, nga 50 deri në 500 euro, ka gjoba të cilat shqiptohen, konfiskohen targat për një periudhë të caktuar të shkurtët kohore. Megjithatë jemi duke shpresuar edhe në disa ndryshime të cilat janë duke ndodhur në legjislacionin në fuqi, ku parashihen që gjobat për këto lloj veprimtarie ilegale të ashpërsohen akoma më shumë..3:24 Parashihet madje edhe konfiskimi i mjeteve, çoftë autobusëve, veturave ose kombi-busëve për një periudhë më të gjatë kohore. Edhe ngritja e gjobave do të ndikojë pozitivisht në vënien në rend të kësaj problematike”, ka shtuar Dushi.

Kryetari i Odës Ekonomike të Kosovës (OEK) Lulzim Rafuna, në një intervistë për Ekonomia Online ka thënë se sipas parashikimeve të tyre inflacioni është në rënie si në vendet e Bashkimit Evropian (BE) edhe në Kosovë dhe se në muajt në vijim pritet që të ketë stabilizim të çmimeve të produkteve dhe ulje të normave të interesit të bankave.

Ai ka thënë se në rritjen e çmimeve të produkteve ndikon edhe fakti që Kosova është e varur nga importi që bën nga shtetet e ndryshme.

Rafuna ka thënë se qytetarët janë duke u përballur me çmimet e larta të produkteve bujqësore për faktin se në vendin tonë në këtë periudhë nuk kultivohen produktet këto produkte por që ato importohen nga venet e tjera.

“E para sa i përket produkteve bujqësore është ndërrimi i sezones dhe ne importojmë në këtë kohë për arsye se ende nuk është periudha kur kultivohen produktet tona për atë arsye janë edhe më të shtrenjta. Ndërsa sa i përket inflacionit, inflacioni është në rënie, jo vetëm në Kosovë por është edhe në vendet e BE-së. Ne kemi thënë edhe në fillimi të vitit kur e kemi prezantuar raportin e OEK-ut por edhe parashikimet tona kemi paraparë që këtë vit do të ketë ulje të inflacionit por do të ketë edhe ulje të normave të interesit të bankave. Që është një lajm i mirë edhe për qytetarët po është një lajm i mirë edhe për bizneset. Kështu që me rënin e inflacionit ne besojmë shumë që do të shkojnë duke rënë edhe çmimet, për arsye se sipas dinamikes së sotme, sipas dinamikës së sotme, sipas indikacioneve që i kemi sot nuk pritet që do të ketë një rritje të inflacionit apo një rritje të çmimeve”, ka thënë ai.

Ai ka thënë se me afrimin e muajve të verës çmimet do të shkojnë duke rënë.

“Ne besojmë që edhe pritjet tona janë që me ofrimin e muajve të verës çmimet do të shkojnë duke rënë. Ne jemi duke importuar prej Turqisë edhe prej vendeve të tjera produktet bujqësore se nuk është koha tani që kultivohen në Kosovë. Me afrimin e muajve të tjerë do të fillojnë edhe produktet tjera tonat që dalin në treg do të fillojnë edhe çmimet të bien”, ka thënë ai.

Kryetari i OEK-ut ka thënë se së pari pritet që të këtë stabilizim të çmimeve për shkak të rënies së inflacionit dhe rëni të çmimeve, por sipas tij, nëse çmimet nuk bien duhet të ndërhyjnë institucionet përgjegjës.

“Së pari do të ketë stabilizim të çmimeve për shkak të rënies së inflacionit, sepse nuk ka logjikë inflacioni të bie e çmimet të rriten. Nuk ka arsye, nëse ndodh kjo me të vërtet na duhet me ndërhyrë inspektorati dhe organet kompetente për të parë. Mirëpo e them me përgjegjësi të plotë se anëtaret e OEK-ut janë shumë të kujdesshëm ndaj klientëve të tyre dhe as një here nuk ka ndodhur që ta mbingarkojnë konsumatorin me çmim i cili nuk është i arsyeshëm. Kështu që ne dihet edhe shumë here e kemi thënë që ne po jemi të varur prej importit, ende prodhimin nuk e kemi filluar që ta mbulojmë me import dhe kështu që sa më shumë që ka inflacion aq më shumë e importojmë ne inflacionin. Do të thotë ne jemi duke e importuar inflacionin për këtë arsye edhe çmime janë më të larta. Mirëpo me rënien e inflacionit, jo vetëm Kosovë por edhe në vende e BE-së duhet që edhe çmimet të bien dhe pritjet tona janë që kanë me rënë çmimet”, ka thënë ai.

Deputeti Lëvizjes Vetëvendosje, Armend Muja, ka mohuar akuzat e opozitës se në Kosovë nuk do të ketë rritje të lartë të zhvillimit ekonomik. Muja për Ekonomia Online thotë se rritja do të jetë 4 deri në 5 për qind.

Për gjitha këto “suksese”, Muja ia faturon qeverisjes së Albin Kurtit, teksa Kosovën e radhit me Malin e Zi sa i përket rritjes ekonomike. Rritje ekonomike, Muja sheh edhe vitin e ardhshëm, madje me përqindje më të lartë.

“Ekzistojnë disa vende, tri, katër vende që kanë rritje ekonomike pozitive dhe nga to është Kosova. Janë disa veprime kryesisht që i ka bërë qeveria që na ka ndihmu me pas rritje ekonomike se përndryshe edhe ne do të kishim rritje të vogël, siç ka edhe rajoni, përjashtim ish Mali i Zi dhe Kosova që kanë pas rritje solide ekonomike por sipas këtij raporti Kosova dhe Mali i Zi prin për nga rritja ekonomike bile edhe vitin e ardhshëm do të prin sepse ne kemi pas fatin që mërgata diaspora e Kosovës në kuadër të shërbimeve e ka dhënë një kontribut të jashtëzakonshëm për Kosovën dhe e dyta është fakti që për shkak të formalizimit të ekonomisë dhe veprimeve qeveritare edhe raporti i bankës botërore tregon që Kosova ka pas rritje të shpenzimeve qeveritare e cila ka ardh në sajë të mbledhjes së mirë të tatimeve sipas bankës botërore dhe ajo e MEF-it”, thotë Muja.

Ndërsa, sa i përket raportit të Bankës Botërore, Muja thotë se është pozitiv për Kosovën, llogaritur faktin e periudhës së ndjeshme që ka pas Evropa, përfshirë krizën energjetike.

“Kosova ka pas rritje ekonomike, ajo ka ardh për shkak të kërkesës që ka pas në BE dhe rritja ekonomike në vendet Eurostat ka qenë 3-4 për qind në Kosovë mund të ketë qenë 4 deri në 5 për qind, mirëpo tash llogarite Eurostatin ose Eurozonën mund të ketë rritje 1 për qind. Ndërkohë, Kosova ka rritje 4 për qind siç thotë raporti, mendoj që është pozitiv mendoj që është mirë, sepse ka pas një periudhë shumë të ndjeshme në Evropë pas shokut asimetrik që ka ardh për shkak të naftës, krizës energjetike, krizë pas krize po befasisht besoj se është një zhvillim pozitiv i Kosovës që ekonomia jonë i ka tejkalu me pak vështirësi por i ka tejkalu këto krizat e mëdha që është ballafaqu Kosova edhe unë besoj që qeveria e ka dhënë një kontribut të jashtëzakonshëm për këtë administrim, përndryshe do ishte vështirë”, thotë Muja.

Policia e Kosovës ka arrestuar një burrë në Prishtinë, meqë i njëjti dyshohet se ka sulmuar fizikisht nënën e tij.

Përmes raportit 24 orësh, Policia ka bërë me dije se i dyshuari është dërguar në mbajtje.

“Prishtinë 10.05.2024 – 06:20. Është arrestuar i dyshuari mashkull kosovar, për shkak se e kishte sulmuar fizikisht nënën e tij, viktimën femër kosovare, e cila ka pësuar lëndime trupore. I dyshuari pas intervistimit me vendim të prokurorit është dërguar në mbajtje”, thuhet në njoftimin e policisë.