Category: Lajme

Pasi mediat iraniane dhe njësitë speciale të shpëtimit njoftuan se Presidenti Ebrahim Raisi, Ministri i Jashtëm Hossein Amir-Abdollahian dhe pjesa tjetër e delegacionit u vranë në një aksident me helikopter, agjencitë në Iran publikuan fotot dhe videot e para nga vendi i rrëzimit.

Sipas asaj që shihet nga video e regjistruar nga ajri, helikopteri është rrëzuar në një zonë tejet të vështirë malore, ndërsa ekipeve të shpëtimit iu deshën orë të tëra për të mbërritur te delegacioni që ndodhej në helikopter.

Informacioni i parë që u bë i ditur ishte se në vendin e aksidentit nuk u gjet asnjë me shenja jete.

“Zbulimi i vendit të aksidentit nuk zbuloi shenja jete në mesin e pasagjerëve të helikopterit”, tha kreu i Gjysmëhënës së Kuqe iraniane, Pir Hossein Kolivand.

Fotot e publikuara nga mediat iraniane tregojnë se helikopteri me shumë gjasa ka marrë flakë kur ka rënë.

Iranian Deputy President for Executive Affairs Mohsen Mansouri confirms the death of Iranian President Ebrahim Raisi and others in helicopter crash.

Footage show the area where Iranian president found ⤵️ pic.twitter.com/HRwToCLwCm

— Anadolu English (@anadoluagency) May 20, 2024

Zëvendësministri i Ministrisë së Infrastrukturës, Hysen Durmishi ka bërë të ditur sot se rruga Prishtinë- Gjilan nuk është e qarkullueshme për shkak të rrëshqitjes së dheut.

“Pas reshjeve të shiut, në mëngjes është bllokuar rruga nga rrëshqitjet e dheut në fshatin Kishnicë.

Ekipet janë duke punuar vazhdimisht që sa më parë të hapet për qarkullim rruga Prishtinë – Gjilan.”, shkruar Durmishi në Facebook.

Gjatë ditës së djeshme ka qenë e bllokuar edhe rruga Klinë-Gjakovë, për shkak të rrëshqitjes së dheut.

Policia e Kosovës ka njoftuar se gjatë 24 orëve të fundit ka shqiptuar 1609 gjoba në trafik.

Sipas policisë, gjatë kësaj periudhe kohore janë evidentuar disa aksidente në trafikun rrugor, ku 23 aksidente kanë qenë me lëndime, ndërsa 22 me dëme materiale.

Po ashtu, policia njofton se janë arrestuar 10 persona.

Kryeministri i Kosovës, Albin Kurti dhe ministri i Shëndetësisë, Arben Vitia morën pjesë në ceremoninë e përurimit të rinovimeve në Klinikën e Onkologjisë, raporton EO.

Kryeministri Kurti ka thënë se kemi një investim substancial prej 600 mijë euro.

“Kemi një investim substancial prej 600 mijë euro që e ka transformuar në mënyrë fort domethënëse për mjekët, infermierët, stafin mbështetës që janë gjithsej 70 por para së gjithash për pacientët. I kanë pasur 45 shterët e tash i kanë 60 shtretër. Dhe së shpejti do të jenë 110. Me aksliratorin e ri të cilin e kemi instaluar lista e pritjes është zero. Ky investim kap shifrën 1 milion e 444 mijë euro. Unë jam I lumtur që mora vesh se procesi I dhënies së vaksinës HPV-së i sëmundjes së kancerit të mitrës është duke shkuar mirë, lista esenciale e barnave është zgjedhuar dhe se buxheti është shtuar. Nga 24 milion euro në 60 milion euro. Në Kosovë qytetarët e Republikës blejnë 120 milion barna gjysmën e blejnë ata e gjysmën tjetër paguan shteti. Nga dy rezonanca magnetike vetëm këto tri vite janë edhe tri rezonanca të reja. Terapia tabletare tash ipet edhe në Prizren. Është një ditë e veçantë për pacientët, mjekët e stafin të cilët i falënderoj nga zemra”, ka thënë Kurti.

Nga ana tjetër ministri i Shëndetësisë, Arben Vitia ka thënë se është shumë i lumtur pasi që tash pacientët marrin shërbime pa listë të pritjes.

“Shumë i lumtur e i gëzuar që një Klinikë kaq vitale për një grup të pacientëve tash e tutje do të marrin shërbime pa listë të pritjes. Falënderoj stafin e Klinikës së Onkologjisë të cilët kanë ndihmuar të rinovimin rrënjësor. Uroj të ketë më pak sëmundje të tilla. Rrallë kund edhe në rajon i kanë mundësitë të marrin shërbime të tilla modern”, ka thënë Vitia.

Qeveria e Kosovës ka miratuar Projektligjin për Ratifikimin e Traktatit ndërmjet Kosovës dhe Danimarkës.

Ky traktat parashikon shfrytëzimin e Institucionit Korrektues në Gjilan për ekzekutimin e dënimeve të shtetasve danezë.

Kështu është bërë e ditur përmes një njoftimi për media.

“Qeveria e Republikës së Kosovës ka zhvilluar mbledhje elektronike në të cilën ka miratuar Projektligjin për Ratifikimin e Traktatit ndërmjet Republikës së Kosovës dhe Mbretërisë së Danimarkës, për shfrytëzimin e Institucionit Korrektues në Gjilan me qëllim të ekzekutimit të dënimeve daneze”, thuhet në njoftim.

Traktati, i nënshkruar nga Ministrat e Drejtësisë të të dy vendeve më 26 prill 2022 në Prishtinë dhe më 16 maj 2022 në Kopenhagë, synon të përmirësojë kapacitetet dhe bashkëpunimin në fushën e drejtësisë penale midis Kosovës dhe Danimarkës.

“Çështja kryesore e trajtuar në këtë projektligj është ratifikimi i Traktatit ndërmjet Republikës së Kosovës dhe Mbretërisë së Danimarkës për shfrytëzimin e Institucionit Korrektues në Gjilan me qëllim të ekzekutimit të dënimeve daneze, të nënshkruar nga Ministrat e Drejtësisë të të dy vendeve, më 26 prill 2022 në Prishtinë dhe 16 maj 2022 në Kopenhagë të Danimarkës”, thuhet në njoftim.

Qeveria e Kosovës ka theksuar rëndësinë e këtij traktati, duke theksuar se ai do të kontribuojë në forcimin e marrëdhënieve bilaterale dhe do të ndihmojë në menaxhimin më efikas të dënimeve penale.

Institucioni Korrektues në Gjilan do të përdoret për të vuajtur dënimet e shtetasve danezë, duke lehtësuar kështu presionin mbi sistemin korrektues të Danimarkës dhe duke siguruar kushte të përshtatshme për të burgosurit.

Pas takimit me presidenten Vjosa Osmani, ministrja e Katarit për Zhvillim Social dhe Familje, Maryam bint Ali bin Nasser Al Misnad, është drejtuar tek ndërtesa e Qeverisë për takim me kryeministrin Albin Kurti, raporton EO.

Edhe në këtë takim, mediat janë lejuar të marrin vetëm pamje.

Policia e Kosovës ka njoftuar se ka arrestuar një serb në pikën kufitare në Vërmicë, pasi i njëjti kishte futur para në dokumentet, duke tentuar t’i jap ryshfet zyrtarëve policor.

Rasti është cilësuar si “Dhënie e ryshfetit”

“Është arrestuar i dyshuari mashkull serb pasi i njëjti gjersa ishte duke drejtuar automjetin për transport të udhëtarëve (autobus), në momentin kur i kishte dhënë dokumentet zyrtarëve policor kishte futur në dokumente para duke thënë se ato para ishin për zyrtarët policor. Me vendim të prokurorit i dyshuari është liruar, rasti vazhdon në procedurë të rregullt”, thuhet në raport.

Në lagjen Aktash, situata është bërë veçanërisht problematike pasi disa rrugë janë bërë të pakalueshme.

Një nga zonat më të prekura është rruga “Ali Pashë Tepelena,” e cila është shndërruar në një “lumë” për shkak të sasisë së madhe të ujit.

Megjithatë, kjo nuk është hera e parë që kjo rrugë përmbytet gjatë reshjeve intensive.

Situatë e ngjashme është edhe në rrugën A”, e cila është duke u ndërtuar, por reshjet e shiut kanë shkaktuar përmbytje të rrugës.

Po ashtu, pamjet e publikuara në rrjetet sociale tregojnë se situata është e vështirë nga vërshimet edhe në lagjen Emshir.

Instituti Hidrometeorologjik i Kosovës ka njoftuar se gjatë gjithë javës së ardhshme, vendi do të vazhdojë të përballet me reshje të dendura shiu.