Category: Lajme

Komuna e Rahovecit ka vendosur që ta rrënojë stadiumit e qytetit në Rahovec “Jahja Danuza”, dhe në vendin e tij ta ndërtojë sheshin qendror të këtij qytetit. Rrënimi i stadiumit nga punëkryerësi i kontraktuar ka nisur sot, andaj klubi i futbollit “Rahoveci” ka dal me një komunikatë duke shprehur shqetësimin se nga sot e tutje as gjeneratat e reja nuk kanë ku t’i zhvillojnë stërvitjet.

Komunikata e plotë e KF Rahovecit:

Ju njoftojmë që sot në orët e para të ditës ka filluar të rrënohet stadiumi i qytetit ”Jahja Danuza” nga punëkryesi që është i kontraktuar nga Komuna e Rahovecit, me qëllim të ndërtimit të sheshit qendror të qytetit tonë.

Ne si klub kishim një marrëveshje paraprake me Komunën e Rahovecit të cilët na kishin premtuar dhe janë zotuar që stadiumi i qytetit nuk do të rrënohet pa u krijuar një alternativ tjetër për të zhvilluar garat dhe për të stërvitur, ne në vazhdimësi kemi komunikuar me DKRS-në të cilët janë të njoftuar mirë me kërkesat tona elementare për të na mundësuar kushte optimale për të zhvilluar gara dhe për tu stërvitur.

Realisht komuna na ka mirëkuptuar dhe priti përfundimin e kampionatit që ne ta përfundojmë në shtëpinë tonë, por që tani brenga jonë është shkolla e futbollit ku janë të anëtarësuar qindra fëmijë e që fatkeqësisht nga sot nuk kanë ku të stërviten përderisa nuk përfundojnë punimet në qendrën e re sportive! Lutemi dhe urojmë në një zgjidhje sa më të shpejtë ti bëhet shqetësimeve tona.

Qeveria e Maqedonisë së Veriut ka dalë me njoftim në lidhje me informacionet se disa qytetarë kanë pranuar SMS porosi nga pushteti ekzekutiv, për të marrë kompensim një shumë parash.

Nga Qeveria thonë se nuk kanë dërguar SMS dhe mesazhe të tilla që ofrojnë kompensim.

“Njoftojmë opinionin se Qeveria e Republikës së Maqedonisë së Veriut NUK ka dërguar SMS dhe mesazhe të tjera që ofrojnë kompensim. Në rastin konkret të shfaqur në orët e kaluara (të paraqitura në fotografitë e mëposhtme) bëhet fjalë për mashtrim dhe phishing mashtrim i cili është raportuar dhe tashmë po veprohet nga shërbimet përkatëse”.

“Përderisa qytetarët pranojnë ose kanë pranuar tashmë një mesazh me përmbajtje të tillë apo të ngjashme, në të cilin dërguesi është shënuar Qeveria, duhet ta konsiderojnë atë si rrejshëm dhe të mos klikojnë në lidhjet e dhëna dhe as t’u përgjigjen mesazheve që kanë pranuar”.

“Ju bëjmë thirrje qytetarëve që të mos bien pre e mesazheve të rrejshme nga numrat e telefonit dhe emailet e huaja dhe të mos japin të dhëna personale. Qytetarët duhet të jenë të kujdesshëm dhe të përgjegjshëm për të dhënat e tyre personale, pra të mos i ndajnë dhe shkëmbejnë me persona të panjohur, si dhe me persona identiteti i të cilëve nuk mund të vërtetohet paraprakisht”, thonë nga Qeveria.

Zëvendës Ndihmës Sekretaren e Departamentit të Shtetit nga byroja për Demokraci, të Drejta të Njeriut dhe Punë, Nicole Chulick po qëndron për vizitë në Kosovë.

Para takimit me presidenten Vjosa Osmani e kryeministrin Albin Kurti, ajo është pritur nga ambasadori i ShBA-së në Kosovë, Jeffrey Hovenier.

Ky përmes një njoftimi ka treguar arsyet e vizitës së zyrtares amerikane në Kosovë.

“Gjatë vizitës së saj, Chulick do të fokusohet në çështje kritike për marrëdhëniet tona dypalëshe, duke përfshirë të drejtat e pakicave dhe të drejtat e njeriut në Kosovë”, ka shkruar ai ndër të tjera.

Chulick është pritur në takim nga presidentja Osmani, ndërsa me kryeministrin Kurti pritet të takohet në ora 14:30.

Udhëheqësi suprem i Iranit Ali Khamenei shpalli pesë ditë zi publike për presidentin Ebrahim Raisi pas vdekjes së tij në një aksident me helikopter dhe konfirmoi Mohammad Mokhber si kreun e përkohshëm të degës ekzekutive të vendit.

“Shpall pesë ditë zie publike dhe shpreh ngushëllimet e mia për popullin e dashur të Iranit”, tha Khamenei në një deklaratë të transmetuar nga agjencia zyrtare e lajmeve IRNA.

“Mokhber do të menaxhojë degën ekzekutive dhe është i detyruar me krerët e degëve legjislative dhe gjyqësore për të zgjedhur një president të ri brenda një maksimumi prej 50 ditësh,” tha ai.

Sipas nenit 131 të kushtetutës së Iranit, një këshill i përbërë nga zëvendëspresidenti i parë, kryetari i parlamentit dhe kreu i gjyqësorit duhet të përgatisë rrugën për zgjedhjen e një presidenti të ri. /The Guardian/

Qasja realiste dhe pragmatike e kryeministrit hungarez Viktor Orban ndaj politikës dhe tregtisë ndërkombëtare u shfaq javën e kaluar ndërsa presidenti kinez Xi Jinping mbërriti në Hungari për të nënshkruar 18 marrëveshje bashkëpunimi, duke shtuar miliardat e investuara tashmë në vend.

Qasja e Orbanit e ka tërhequr gjithnjë e më shumë drejt Lindjes, ku ai vëllazërohet jo vetëm me Kinën por edhe me Rusinë, Emiratet e Bashkuara Arabe dhe autokracitë e Azisë Qendrore.

Në ndjekjen e tij për idealin e tij të vet quajtur qeverisje, “shtetin joliberal”, Orban gjithashtu shfaq shkathtësi në marrëdhëniet e tij me vendet e Ballkanit Perëndimor, perspektivat e anëtarësimit të të cilëve në BE ai i ka mbështetur sistematikisht.

Midis gjashtë vendeve shpresëdhënëse të BE-së, megjithatë, Serbia spikat si partneri i preferuar i Budapestit, i cili, ndoshta jo rastësisht ishte ndalesa e Xi-t përpara se të mbërrinte në Hungari javën e kaluar.

Marrëdhëniet e ngushta të Hungarisë me Beogradin, të çimentuara mbi lidhjet e forta politike, ekonomike dhe sociale, përbëjnë një pjesë të madhe të qasjes së saj ndaj zgjerimit të BE-së.

Në dritën e këtij partneriteti të privilegjuar, shfaqen disa shqetësime në lidhje me marrëdhëniet e Hungarisë me vendet e tjera në rajon – rasti më kritik është Kosova.

Hungaria e gjen veten në një pikë kyçe midis Serbisë dhe Kosovës, ku përfiton nga lidhjet e kultivuara me kujdes me të parën dhe mban marrëdhënie të përzemërta diplomatike me (dhe njeh) të dytën. Megjithatë, bilanci është vendosur të anohet në favor të Beogradit, pasi Hungaria do të ndjekë një politikë që mbështet qëllimet e brendshme dhe ndërkombëtare të Serbisë, edhe nëse kjo rrezikon interesat kombëtare të Kosovës dhe vë në pikëpyetje njohjen e saj nga Hungaria.

Zëvendëskomandanti i misionit të KFOR-it të udhëhequr nga NATO, gjeneral brigade Federico Bernacca, e ka vizituar sot Aeroportin Ushtarak të Sllatinës, i cili shërben si Port Ajror i Debarkimit të KFOR-it, njoftoi misioni paqeruajtës përmes një komunikate për media.

“Në emër të KFOR-it, falënderoj mbrojtësit tanë në Aeroportin Ushtarak të Sllatinës, për profesionalizmin, përkushtimin dhe shërbimin e paçmuar, të cilat janë çelësi i suksesit të misionit tonë”, tha zëvendëskomandanti i KFOR-it.

KFOR-i thotë se “vizita e gjeneral Bernacca përfshinte një përshkrim të detajuar të infrastrukturës së sigurisë së aeroportit, një vlerësim të procedurave operacionale, një vlerësim të përmirësimeve të fundit të bëra në protokollet e sigurisë dhe diskutime me personelin kryesor përgjegjës për menaxhimin e përditshëm të masave të mbrojtjes së forcave”.

KFOR-i, si zakonisht rikujton se vazhdon ta zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt për të gjitha komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

Me rastin e dhënies së fjalës përfundimtare i akuzuari në rastin e njohur si “Vivant 1”, Masar Gërdovci tha se babai i tij kishte vdekur si pasojë e thashetheme për këtë rast.

“Shprehi keqardhje të madhe për rastin që ka ndodh familjes U,… sherri i thashethemeve ka vdek baba”, tha i akuzuari Gërdovci, raporton “Betimi për Drejtësi”.

Tutje, Gërdovci kishte një lutje për njërin nga pronarin e lokalit “Bon Vivant”, Uran Ismajli që të tregojë se ku gjinden kamerat e lokalit, duke thënë se nëse dalin kamerat shesh atëherë e gjithë e vërteta do të dal në shesh.

Paraprakisht, fjalën përfundimtare e dha prokurori, Armend Hamiti, i cili deklaroi se është fakt i pamohueshme se me rastin e gjuajtës me armë ka vdekur një person dhe se dy të akuzuarit bashkërisht kanë kontribuuar në kryerjen e kësaj vepre penale.

Po ashtu prokurori Hamiti tha se gjykata me rastin e shqiptimit të dëmit duhet të marrë parasysh rrethanat rënduese dhe lehtësuese dhe faktin nga provat e administruara del se se vrasja nuk ka qenë e planifikuar.

Ndërkaq, mbrojtësi i të akuzuarit Gërgovci tha se në asnjërin gjykim të mbajtur në këtë rasti nuk është arritur të jepet përgjigje se kush ka gjuajtur në ditën kritike me armë e që për pasojë ka mbetur i vrarë Rr.U.

Tutje, avokati Rudari tha se ndërtimi i rastit nga ana e prokurorisë ka qenë i gabuar pasi që nuk është bërë një hetim i mirëfilltë që të dihen sekt të gjitha detajet e rastit dhe duke kërkuar që në mungesë të provave ndaj Grabovcit të shpallet aktgjykim lirues.

Më pas fjalën përfundimtare e dha edhe mbrojtësi i të akuzuarit tjetër Sherif Krasniqit, avokati Haxhi Millaku i cili tha se i ndjeri Rr.U para vrasjes i kishte rrahur dy të akuzuarit.

Po ashtu ai tha se nga provat materiale del se Krasniqi të jetë fajtor për veprën penale të pjesëmarrjes në rrahje por se edhe për këtë vepër del se duhet të lirohet pasi që e njëjta është parashkruar pasi që rasti ka ndodhur para 10 vitesh.

Më pas gjykimi i shpall i përfunduar nga gjykatësi i rastit Avni Syla.

Pas ankesave, Gjykata e Apelit rastin e kishte kthyer në rigjykim.

Më 18 dhjetor 2020, gjykata e shkallës së parë në rigjykim sërish kishte marrë aktgjykim dënues, ashtu që të akuzuarit Masar Gërdovci dhe Sherif Krasniqi, i kishte shpallur fajtorë për vrasjen e rojës në lokalit “Bon Vivant”, duke i dënuar me 24 vjet burgim (së bashku).

Lidhur me ketë vendim, Gjykata Supreme rastin e kishte kthyer në rigjykim pasi që sipas kësaj instance të akuzuarit Gërdovci dhe Krasniqi, janë shpallur fajtorë për veprime të cilat dallojnë nga ato për çka janë akuzuar.

Vendimi i fundit lidhur me këtë rast është marrë më 13 janar 2023, ku Themelorja, Gërdovcin e dënoi me 18 vite burgim dhe 1 mijë e 500 euro gjobë, kurse Krasniqin me 7 vite burgim. Apeli e ktheu çështjen në rigjykim më 13 qershor 2023.

Aktakuza ndaj Masar Gërdovcit dhe Sherif Krasniqit ishte ngritur nga Prokuroria Themelore në Prishtinë më 7 korrik 2015. Ata thuhet se në bashkëkryerje, kishin privuar nga jeta të ndjerin Rr.U, duke kryer kështu veprat penale vrasje të rëndë dhe armëmbajtje pa leje.

Ndryshe, në seancën e 26 shtatorit 2023, prokurori Armend Hamiti kishte bërë rikualifikimin e veprës penale për të cilën po akuzohet Masar Gërdovci, duke e kualifikuar të njëjtën nga “vrasje e rëndë” në “vrasje”.

Me aktgjykimin e vitit 2019, Masar Gërdovci ishte dënuar me 21 vjet e 8 muaj burgim, pasi që ishte shpallur fajtor për vrasje, ndërkaq Sherif Krasniqi, ishte dënuar me 4 vjet e 3 muaj.

Pas ankesave, Gjykata e Apelit rastin e kishte kthyer në rigjykim.

Më 18 dhjetor 2020, gjykata e shkallës së parë në rigjykim sërish kishte marrë aktgjykim dënues, ashtu që të akuzuarit Masar Gërdovci dhe Sherif Krasniqi, i kishte shpallur fajtorë për vrasjen e rojës në lokalit “Bon Vivant”, duke i dënuar me 24 vjet burgim (së bashku).

Lidhur me ketë vendim, Gjykata Supreme rastin e kishte kthyer në rigjykim pasi që sipas kësaj instance të akuzuarit Gërdovci dhe Krasniqi, janë shpallur fajtorë për veprime të cilat dallojnë nga ato për çka janë akuzuar.

Vendimi i fundit lidhur me këtë rast është marrë më 13 janar 2023, ku Themelorja, Gërdovcin e dënoi me 18 vite burgim dhe 1 mijë e 500 euro gjobë, kurse Krasniqin me 7 vite burgim. Apeli e ktheu çështjen në rigjykim më 13 qershor 2023.

Aktakuza ndaj Masar Gërdovcit dhe Sherif Krasniqit ishte ngritur nga Prokuroria Themelore në Prishtinë më 7 korrik 2015. Ata thuhet se në bashkëkryerje, kishin privuar nga jeta të ndjerin Rr.U, duke kryer kështu veprat penale vrasje të rëndë dhe armëmbajtje pa leje.

Udhëheqësi suprem i Iranit, Ayatollah Ali Khamenei ka shpallur pesë ditë zie pas rrëzimit të helikopterit që vrau presidentin Ebrahim Raisi, ministrin e Jashtëm dhe shtatë persona të tjerë.

Në një mesazh të transmetuar nga agjencitë shtetërore të lajmeve të Iranit, Khamenei shprehu ngushëllimet e tij për viktimat dhe konfirmoi se zëvendëspresidenti i parë i Iranit, Mohammad Mokhber tani do ta drejtojë presidencën.

“Ai është i obliguar të arrijë dakordim me drejtuesit e autoriteteve legjislative dhe gjyqësore për zgjedhjen e një presidenti të ri brenda maksimumi pesëdhjetë ditësh”.

Ali Bagheri Kani, i cili udhëhoqi delegacionet iraniane përmes negociatave indirekte me Shtetet e Bashkuara për çështjet bërthamore dhe shkëmbimin e të burgosurve, u zgjodh si ushtrues i detyrës së ministrit të jashtëm pas vdekjes së Hossein Amir-Abdollahian, njoftoi agjencia shtetërore e lajmeve IRNA.

Gjykata Ndërkombëtare Penale po kërkon urdhër-arrest për liderin e Hamasit, Yahya Sinwar dhe kryeministrin izraelit Benjamin Netanyahu, me akuza për krime lufte dhe krime kundër njerëzimit lidhur me sulmin e 7 tetorit në Izrael dhe luftën në Gaza.

Kryeprokurori Khan tha se ICC po kërkon gjithashtu urdhër për ministrin izraelit të mbrojtjes Yoav Gallant, si dhe dy liderë të tjerë të lartë të Hamasit.

Urdhëresat kundër politikanëve izraelitë janë hera e parë që ICC i ka vënë në shënjestër..

Khan tha se akuzat kundër Sinwar, Haniyeh dhe al-Masri përfshinin “shfarosje, vrasje, pengmarrje, përdhunim dhe sulm seksual”.

“Bota u trondit më 7 tetor kur njerëzit u nxorën nga dhomat e tyre të gjumit, nga shtëpitë e tyre në Izrael”, tha Khan për Amanpour, duke shtuar se “njerëzit vuajtën jashtëzakonisht shumë”.

Akuzat kundër Netanyahut dhe Gallantit përfshijnë “shkaktimin e shfarosjes, nxitjen e urisë si metodë lufte, duke përfshirë mohimin e furnizimeve me ndihmë humanitare, shënjestrimin e qëllimshëm të civilëve në konflikt”, tha Khan.

Kur dolën raporte muajin e kaluar se kryeprokurori i GJNP-së po shqyrtonte një veprim të tillë, Netanyahu tha se çdo urdhër arresti i ICC-së kundër zyrtarëve të lartë të qeverisë dhe ushtrisë izraelite “do të ishte një neveri e përmasave historike” dhe se Izraeli “ka një sistem të pavarur ligjor që heton me rigorozitet të gjitha shkeljet e ligjit”.

Kur u pyet nga Amanpour në lidhje me komentet e bëra nga Netanyahu, Khan tha: “Askush nuk është mbi ligjin”.

Ai tha se nëse Izraeli nuk pajtohet me ICC-në, “ata janë të lirë, pavarësisht nga kundërshtimet e tyre ndaj juridiksionit, ta kundërshtojnë atë para gjyqtarëve të gjykatës dhe unë i këshilloj ta bëjnë këtë.”

Shefi i Grupit Parlamentar të AAK-së, Besnik Tahiri, ka nënvizuar sërish se nuk do të përkrahin iniciativën për shpërndarjen e Kuvendit të Kosovës.

Ai tha se e vetmja formë për shkuarjen e zgjedhjeve të parakohshme duhet të jetë përmes dorëheqjes apo shkarkimit të kryeministrit Albin Kurti.

Ai tha se më debatin e së premtes për tri vjet qeverisje të Kurtit do të shpalosin edhe një mocion për shkarkimin e tij.