Category: Lajme

Të premten, më 21 Qershor, përgatituni për një ngjarje që do të ndryshojë rrjedhën e verës tuaj! Në TV Dukagjini, në emisionin Reload, prej orës 15:30, do të bëhet përzgjedhja e fituesëve të lojës së madhe shpërblyese të organizuar nga Korporata Rugove.

Kjo lojë shpërblyese e jashtëzakonshme sjell me vete një varg shpërblimesh që do t’i bëjnë ëndrrat tuaja realitet.

A jeni gati për të udhëtuar në disa nga qytetet më mahnitëse të botës? Nëse po, atëherë mbani frymën!

Kjo lojë shpërblyese e jashtëzakonshme sjell me vete një varg shpërblimesh që do t’i bëjnë ëndrrat tuaja realitet. A jeni gati për të udhëtuar në disa nga qytetet më mahnitëse të botës? Nëse po, atëherë mbani frymën!

Korporata Rugove ju mundëson të bëheni fitues i shumë udhëtimeve magjepsëse për çifte si:

Udhëtim për 5 Çifte në Romë – Ndjeni magjinë e qytetit të përjetshëm dhe përjetoni historinë e lashtë të Romës.

Udhëtim për 5 Çifte në Paris – Udhëtoni në qytetin e dashurisë dhe zbulojeni bukurinë e pafundme të Parisit.

Udhëtim për 5 Çifte në Barcelonë – Shijoni arkitekturën madhështore të Gaudit dhe atmosferën e gjallë të Barcelonës.

Udhëtim për 5 Çifte në Budapest – Përjetoni bukurinë e Danubit dhe madhështinë e Budapestit.

Përpos shpërblimeve më lartë, juve ju presin edhe shumë dhurata tjera si:

30x Trotinetë Birdie për fëmijë, për t’u dhuruar fëmijëve tuaj çastet e paharrueshme të lirisë dhe kënaqësisë me këto trotineta të shkëlqyera.

10x Skuter Elektrik Yadea G5, për ta liruar veten nga trafiku dhe për të përjetuar udhëtimet e qeta dhe të shpejta me këta skuterë elektrikë të mahnitshëm.

1x Mondial Pagani 1948 125cc, për të apasionuarit pas motorëve, ky është një shpërblim që do t’ju bëjë të ndiheni të pamposhtur në rrugë!

Mos e humbisni këtë mundësi unike! Kush e di? Pikërisht ju mund të jeni fituesi që do ta shijojë një nga këto shpërblime fantastike.

Me Rugove, çdo moment është një shans për të fituar dhe për të përjetuar diçka të jashtëzakonshme.

Fito me Rugove!

Kryediplomati i Bashkimit Evropian, Josep Borrell, ua ka dorëzuar vendeve anëtare të BE-së raportin lidhur me masat që i janë vënë Kosovës më shumë se një vit më parë, ka konfirmuar zëdhënësi i bllokut, Peter Stano.

Në raport është bërë vlerësimi nëse duhet hequr masat ndaj Kosovës, të vëna për shkak të tensionimit të situatës në veri të vendit, në maj dhe qershor të vitit 2023.

Atëbotë, BE-ja pati thënë se Kosova nuk ka bërë mjaftueshëm për shtensionim të situatës.

Megjithatë, nuk dihet nëse Borrelli ka rekomanduar heqjen e masave.

Diskutimi i parë rreth këtij raporti do të mbahet të mërkurën në nivel të ambasadorëve të vendeve anëtare të BE-së.

Megjithatë, në atë takim nuk pritet të merret një vendim se si të veprohet për masat.

Dorëzimi i këtij raporti, qoftë edhe me rekomandim të qartë, nuk do të thotë se masat hiqen menjëherë.

Ky raport vetëm do t’iu shërbejë vendeve anëtare për ta rikthyer këtë çështje në agjendë dhe për të filluar shqyrtimin e mundësisë së heqjes së masave në të ardhmen.

Ndonëse ka kaluar një vit, pak dihet se kush saktësisht është prekur prej këtyre masave.

Zyrtarët kanë thënë publikisht se janë pezulluar takimet mes zyrtarëve evropianë dhe atyre të Kosovës, janë pezulluar disa takime në kuadër të procesit të stabilizim-asociimit dhe janë pezulluar dhe janë ndaluar prokurimet e reja të projekteve që burojnë nga IPA 2023 [Instrumentet e Para-Anëtarësimit], dhe nuk kanë filluar diskutimet për IPA 2024.

Zyrtarë të BE-së kanë diskutuar për herë të parë rreth mundësisë së heqjes së masave në prill të këtij viti, andaj edhe kanë kërkuar një raport prej Borrell-it.

Dorëzimi i raportit është shtyrë disa herë.

Si njëra prej arsyeve për shtyrje është përmendur aksioni i Policisë së Kosovës në veri të vendit për mbyllje të degëve të Bankës Kursimore të Postës së Serbisë, por edhe kundërshtimet e ndryshme të disa zyrtarëve të Komisionit Evropian.

Disa burime diplomatike i patën thënë Radios Evropa e Lirë atë muaj se shumica e vendeve të bllokut kanë qenë në favor të heqjes së masave kufizuese për Kosovën.

Dallimi i vetëm mes vendeve anëtare ka qenë nëse masat duhet të hiqen menjëherë apo gradualisht./REL

Në 25-vjetorin e çlirimit të Skenderajt, është përuruar skulptura e Leutrim Ahmetit, 7-vjeçarit të vrarë gjatë luftës së fundit në Kosovë, raporton Ekonomia Online.

Kryetari i Komunës së Skenderajt, Fadil Nura, tha se krahas shtatores së kryekomandantit legjendar, Adem Jashari, sheshi i këtij qyteti do ta mbajë edhe shtatoren e Leutrimit shtatëvjeçar që përfaqëson çdo viktimë të vrarë në luftën e Kosovës.

“Në këtë datë në shënojmë dy momente të rëndësishme: ditën e çlirimit të Skenderajt dhe ditën e përkujtimit të dëshmorëve dhe martirëve të komunës sonë. Pa mbështetjen e shteteve mike, Kosovës vështirë do t’i vinte liria që ka pritur me shekuj. Kjo pjesë e sheshit të qytetit tonë nga sot do të personifikohet nga dy figura që u bënë të njohura me historinë e tyre. Nga Adem Jashari që personifikon trimërinë dhe guximin e trimave të UÇK-së duke dhënë jetën në shërbim të lirisë së popullit shqiptare për liri dhe nga Leutrim Ahmeti që përfaqëson çdo viktimë të vrarë në luftën e Kosovës. Pyetja e vetme që shtrohet më adresën e është se çfarë faji pati Leotrimi. Ai si 7 vjeçar në qendër të Skenderajt do të na ligjëroj mbi konventën e OKB-së për të drejtat e fëmijëve”, ka thënë ai.

Profesor Nusret Pllana, fjalimin e tij e filloi duke i përshëndetur të pranishmit me fjalinë e tij të njohur “Ju flet Kosova e lirë.

Ai pati kritika për zyrtarët qeveritar pasi nuk kanë ngritur një obelisk për të përkujtuar të gjithë fëmijët e vrarë gjatë luftës.

“Drenica djep dhe buka e Ushtrisë Çlirimtare të Kosovës, andaj jo rastësisht krimet e para kundër popullit shqiptarë janë bërë në Qirez, Likoshan, dhe Prekaz. Qëndresa ishte buka dhe uji i çdo qytetari i kësaj treve heroike. Askujt tjetër nuk i ka hije 25-vjetori i çlirimit se sa Drenicës”, ka thënë ai

Në emër të familjes Ahmeti, foli Milaimi, i cili kërkoi që të ndërtohet një obelisk që përkujton të gjithë fëmijët e vrarë. Ai nuk la pa përmendur edhe ish-krerët e UÇK-së në Hagë.

“Dhembjes së Leotrimit sot i shtohet edhe më shumë mungesa e çlirimtarëve, e bashkëluftëtareve të Malushit (babait të tij) që po mbahen padrejtësisht në Hagë. Sa e sa Leotrima të tjera anë e mbanë Kosovës ranë që ne sot të gëzojmë e festojmë me dhimbje e krenari. Sot Leotrimi po kthehet në qytetin e tij të lindjes si një shembull i ndërgjegjes botërore të dhimbjes shekullore të shqiptarëve”, u shpreh ai.

Pas deklaratave të kryetarit të Lëvizjes Vetëvendosje, njëherësh kryeministrit Albin Kurti se janë të bindur se në vitin 2025 do t’i fitojnë zgjedhjet parlamentare dhe ato lokale, analistët politikë e konsiderojnë të domosdoshme përafrimin e partive opozitare për t’iu kundërvënë kreut qeveritar.

Sipas tyre, nëse opozita s’ka një kauzë të përbashkët kundër partisë në pushtet, atëherë kryeministri aktual, Albin Kurti do të dëshmohet sërish si një lider i pakontestueshëm dhe opozita do të ketë rezultat të dobët zgjedhor. Megjithatë ka edhe dyshime që tri partitë opozitare PDK, LDK dhe AAK do të gjejnë gjuhë të përbashkët për të garuar si një front opozitarë.

Analisti politik, Artan Muhaxhiri, thotë për KosovaPress se është e pakuptueshme sesi liderët opozitarë nuk po arrijnë së paku formalisht dhe në pika të gjera të arrijnë një dakordim që si front i përbashkët opozitarë ta kundërshtojnë kryeministrin Kurti.

“(Përafrimi opozitarë) Kjo është absolutisht e domosdoshme të ndodh, pasi partitë opozitare e kanë kundërshtar kryesor kryeministrin Kurti dhe Vetëvendosjen. Një parti që ka më shumë se 50 për qind të votave. Me dobësimin e Lëvizjes Vetëvendosje do të krijohet më shumë hapësirë për përfitime opozitare elektorale. Ndërsa nëse kjo nuk ndodh atëherë kryeministri Kurti do të dëshmohet sërish si një liderë i pakontestueshëm dhe kjo do të dëmtojë kauzën edhe ashtu të cenuar opozitare dhe do të ketë ndikime negative në rezultatin e tyre zgjedhore. Është krejtësisht e pakuptueshme sesi liderët opozitarë nuk arrijnë së paku formalisht dhe pika të gjera të arrijnë një dakordim në mënyrë si një front i përbashkët të kundërshtojnë Kurtin në çështjet kryesore dhe pastaj natyrisht t’i theksojnë dallime ideologjike dhe partiake që i kanë”, thotë Muhaxhiri.

Megjithëse e konsideron të nevojshme unifikimin e opozitës, analisti politik, Arbnor Sadiku, thotë se në bazë të gjendjes në teren ka përafrim më të madh të PDK-së me partinë në pushtet, Lëvizjen Vetëvendosje.

Sipas tij, LDK-ja është e vendosur për të qëndruar edhe një mandat në opozitë, mirëpo me kushtin që të fitoi sërish Prishtinën në zgjedhjet lokale. Ndërkaq sa i përket AAK-së, Sadiku deklaron se partia e Ramush Haradinajt s’ka marrë asnjë premtim nga LVV-ja se do të marrë në koalicion.

“Si i kemi pa aktivitetet e fundit afrimet (e LVV-së) kanë qenë më të mëdha me Partinë Demokratike të Kosovës. Gatishmëria ka qenë më e madhe për shkak të problemeve të brendshme që i ka PDK-ja që të hyjë në një qeveri të ardhshme me Vetëvendosjen. Kurse LDK-ja si duket është e vendosur që të jetë edhe një mandat në opozitë dhe të mundohet të ruaj Prishtinën me çdo kusht. Ndërsa sa i përket AAK-së ata nuk kanë qenë të gatshëm të hyjnë në zgjedhje se nuk kanë pasur asnjë premtim nga LVV-ja që do të marrin në koalicion. Arsyeja për të hyrë në zgjedhje për ta ka qenë vetëm për të konfirmuar edhe një herë Ramush Haradinajn si kryetar të Aleancës, gjë e cila ka qenë e pamjaftueshme për ta”, thekson Sadiku.

Lideri i LVV-së, Albin Kurti, në tubimin e djeshëm me strukturat e partisë, duke aluduar në fitimin e zgjedhjeve parlamentare dhe lokale tha se LVV-ja vitin e ardhshëm duhet të fitoj kampionatin dhe kupën.

“Të dashur aktivistë e miq të Lëvizjes, në vitin 2025 do t’i kemi zgjedhjet e ardhshme lokale përveçse do ta kremtojmë 20-vjetorin e Lëvizjes Vetëvendosjes, por patjetër do t’i kemi edhe ato parlamentare meqë opozita nuk mund t’i shtyjë ato pafundësisht. Meqë tash jemi në periudhën e emocioneve futbollistike, dhe të gjithë po shohim me shumë kënaqësi Shqipërinë tonë që i urojmë fitore në Gjermani, më lejoni ta marr një shembull nga futbolli edhe për zgjedhjet që do të jenë në vitin 2025. Le ta marrim si shembull një ekip të suksesshëm futbolli, fjala vjen “Ballkan”-in e Suharekës. Le ta fitojë Vetëvendosje në 2025, edhe kampionatin edhe kupën. Kjo kërkon të jemi të gatshëm dhe të përshtatshëm, të guximshëm dhe të disiplinuar, për lojë ekipore, por edhe për shkëlqim individual”, tha Kurti.

Zgjedhjet e ardhshme parlamentare pritet të mbahen mes muajve janar-shkurt të vitit 2025, ndërkaq zgjedhjet lokale janë paraparë të mbahen në vjeshtën e po të njëjtit vit.

Ministrja e Arsimit, Shkencës, Teknologjisë dhe Inovacionit, Arbërie Nagavci dhe përfaqësuesi i Zyrës së Bashkimit Evropian në Kosovë, Johannes Madsen kanë bërë lansimin e projektit e-Twinning, që i mundëson sistemit arsimor në Kosovë, të bashkëpunojë me sistemet arsimore në 40 shtete të Evropës, raporton Ekonomia Online.

Ministrja e Arsimit, Shkencës, Teknologjisë dhe Inovacionit, Arberie Nagavci, theksoi rëndësinë e këtij bashkëpunimi, duke thënë se përmes këtij projekti, bëhet promovimi i mësimit të bazuar në projekte dhe qytetarinë digjitale duke mundësuar të zhvillohen aftësitë digjitale në gjeneratat e reja.

“Jemi bashkë për të lansuar zyrtarisht projektin E-Twinning, pasi që këtë vit jemi bashkuar komunitetit të E-twinning, platformë kjo online që mundëson bashkëpunimin e mësuesve, nxënësve dhe stafit të shkollave nga vende të ndryshme dhe Kosova për herë të parë po bëhet pjesë e platformës me më shumë së 40 shteteve të cilat tashmë kanë qasje por edhe mundësi të bashkëpunimit. kjo është bërë e mundur përmes bashkëpunimit të MASHTI-t si bashkfinancuese me Komisionin Evropian duke ofruar mundësi për bashkëpunim me shkollat e 40 shteteve”, tha Nagavci.

Ajo ka falënderuar të gjithë zyrtarët e BE-së, të cilat ndihmuan në punën e përbashkët që të ofrojnë mundësi për shkollat e Kosovës.

“Po e fillojmë për herë të parë në Kosovë që këto mundësi që ofrohen në programin Erasmus+ ti zhvillojmë edhe në arsimin parauniversitar në të gjitha nivelet. që nga viti 2015 Erasmus ka qenë programi më i madh evropian i cili ka hapur dyert për mundësi të panumërta në fushën e bashkëpunimit në mes të institucioneve tona, organizata ndërkombëtare dhe vendore në arsimin e lartë dhe profesional e tani po e krijon këtë mundësi edhe për arsimin parauniversitar. Kosova është me fat që është pjesë e këtyre skemave por njëkohësiht edhe evropianët e rinj të Kosovës, djem vajzat tona e meritojnë te jenë në mesin e bashkëmoshatarëve të tyre evropianët e vendeve të ndryshme për të bashkëpunuar, ndarë dijet por edhe rezultatet, para pak muajve bashkë me zotin Madsen në këtë sallë i prezantuam arritjet e programit Erasmus+ në Kosovë me fokus përfshirjen sociale e cila është pjesë e pandashme e projekteve tona qeveritare dhe në atë kohë prezantuam që sivjet numri i përfituesve nga Kosova është më i arrituri ndonjëherë sikurse edhe përfitimet e shndërrua në aspektin financiar”, theksoi ajo.

Nga fillimi i këtij viti Kosova i është bashkuar projektit të E-twining përmes projektit të zyrës mbështetëse kombëtare për E-twinning në Kosovë.

E përfaqësuesi i zyrës së BE në Kosovë Johannes Madsen, shprehu kënaqësinë e tij për inaugurimin e një projekti te tillë në Kosovë, sikurse E-twinnig.

“E konsideroj këtë iniciativë si gurthemel shumë të rëndësishëm për rrugëtimin e afrimit të shkollave të BE-së dhe do i pasuroj përvojat edukative të mësimdhënësve. Programi është financuar nga erasmus plus në bashkëpunim më MASHTI-n. Ky program ofron platfromë digjitale për stafin për të bashkëpunuar me shkollat e vendeve evropiane duke i ndarë edhe përvojat e tyre në rrugëtim. E-twinnig përdorë pushtetin e teknologjisë për t’i ndërlidh”, tha ai.

Të pranishëm në këtë lansim ishin edhe Përfaqësues të departamenteve komunale të arsimit.

Presidentja, Vjosa Osmani, ka publikuar fotografi nga takimi në Samitin e Paqes për Ukrainën në Zvicër, raporton Ekonomia Online.

Në faqen zyrtare në Facebook, Osmani, ka shkruar se ka publikuar një album me fotografi nga atje.

Në postim, presidentja shihet me shumë figura politike nga shumë shtete të botës.

“Foto album – – Samiti i Paqes për Ukrainën në Zvicër”, shkruan presidentja.

Ministri i Punëve të Brendshme të Serbisë, Ivica Daçiq, ka thënë se kryeministri Albin Kurti, po kërkon që serbët e Kosovës të pajtohen me atë që ai thotë, dhe sipas tij kjo të bëhet legjitime.

Ky koment i tij erdhi ndërsa po flitej për themelimin e Asociacionit të komunave me shumicë serbe.

Sa i përket anëtarësimit të Kosovës në Këshillin e Evropës, Daçiq tha se, po të mos ishte Franca, ai vendim do të kishte kaluar.

”Sepse ishte Franca ajo që tha se nuk do të jepte pëlqimin për anëtarësim derisa të shohin hapat që do të tregojnë qartë se Këshilli i Europa do të formohet”.

I pyetur nëse rezoluta për Srebrenicën është një dënim për Serbinë, Daçiq i tha TV Pink se asnjë nga fuqitë e mëdha nuk është kurrë e kënaqur, transmeton klankosova.

“Perëndimi nuk është i kënaqur me vizitën e presidentit kinez Xi Jinping, por edhe pse Serbia nuk vendosi sanksione ndaj tyre, rusët nuk janë plotësisht të kënaqur me parimet e Beogradit në lidhje me integritetin territorial të Ukrainës”.

”’Të gjithë kanë pritshmëri të caktuara, por çfarë ju tha për dënimin, nëse dikush dëshiron ta tërheqë Serbinë, po vepron në të kundërtën, po na detyrojnë gjithnjë e më shumë në krahët e Rusisë, Kinës dhe të tjerëve”.