Category: Lajme

Ministrja e Drejtësisë, Albulena Haxhiu ka pritur në takim ambasadoren e Mbretërisë së Holandës, Carin Lobezzo.

Haxhiu gjatë takimit shprehu mirënjohje të thellë për përkushtimin dhe kontributin e jashtëzakonshëm të Lobezzoz.

“Angazhimi i ambasadores në forcimin e marrëdhënieve në mes Mbretërisë së Holandës dhe Kosovës ka qenë dhe do të mbetet me një peshë tejet të rëndësishme”.

“Bashkëpunimi me ministrinë Drejtësisë, veçanërisht në fuqizimin e drejtësisë tranzicionale do të mbetet një nga rezultatet më të mira të arritura në këtë partneritet”, tha Haxhiu.

Ambasadorja shprehu interesimin për rezultatet e arritura të ministrisë së Drejtësisë për të cilat uroi që të vazhdohet suksesshëm edhe në të ardhmen.

Ndërsa ambasadorja Lobezzo do të nisë kapitullin e ri të saj, ministrja Haxhiu i uroi përzemërsisht suksese, duke i shprehur miqësinë e përjetshme dhe mikpritjen e përhershme në Kosovë.

Një kopmani me ushtarë grekë në kuadër të Batalionit të 2-të shumëkombësh të Forcës Rezervë Operacionale të KFOR-it, janë nisur nga Greqia për në kampin Bondsteel në Kosovë, siç njofton faqja e ushtrisë greke “për të kontribuar në aftësinë e reagimit të menjëhershëm të NATO-s në rajonin e Kosovës”, shkruan Express.

“Batalioni i II-të Shumëkombësh i Rezervave Operacionale përbëhet nga Komanda Shumëkombëshe me një staf përkatës, e cila përbëhet nga personel nga Greqia, Shqipëria, Bullgaria dhe Rumania dhe komanda e së cilës deri në dhjetor 2024 mbahet nga vendi ynë”, thuhet në njoftim.

Tutje theksohet se kjo është hera e dytë që forcat e ushtrisë greke dislokohen në Kosovë, pas dislokimit të parë të ndodhur nga shtatori në dhjetor 2023.

Athina zyrtare rizgjedhjen e ushtrisë greke për dislokim në Kosovë e shohin si vendim tregon demonstrimin dhe kontributin vendimtar në shfaqejn e Greqisë si shtyllë sigurie dhe stabiliteti në rajonin e “ndjeshëm të Ballkanit”.

Αναχώρηση Δύναμης του 2ου Πολυεθνικού Τάγματος της «Kosovo Force Operational Reserve Force»

Ανακοίνωση Τύπου➡️ https://t.co/T0nFd2vwYq

#ΕλληνικόςΣτρατός, #HellenicArmy pic.twitter.com/BUKTFvp223

— Γενικό Επιτελείο Στρατού-Hellenic Army Gen. Staff (@HAspokesman) June 21, 2024

Të shtunën parashihet të mbajë mot me diell dhe vranësira të shpërndara, sipas Institutit Hidrometeorologjik të Kosovës.

Temperaturat minimale do të lëvizin ndërmjet 17-20 gradë celsius, ndërsa maksimalet e ditës parashihen të lëvizin ndërmjet 31deri 36 gradë celsius.

Derisa, të dielën parashihet të mbajë mot me diell dhe vranësira të pjesshme , të cilat gjatë pjesës së dytë të ditës mund të sjellin riga lokale shiu.

Temperaturat minimale do të lëvizin ndërmjet 15-18 gradë celsius, ndërsa maksimalet e ditës parashihen të lëvizin ndërmjet 30-33 gradë celsius.

Nga Institutit Hidrometeorologjik i Kosovës bëhet e ditur poashtu se java e ardhshme parashihet të ketë riga shiu dhe ulje të temperaturave.

Në lagjen Kalabria në Prishtinë, dikush i ka vënë zjarrin mbeturinave, ku si pasojë ka shkaktuar ndotje të ajrit tek ndërtesat përreth, raporton ATV.

Siç edhe mund të shihni në pamjet e siguruara nga ATV, tymi i zi pas kësaj zjarrevënie ka shqetësuar banorët, pasi që afër vendit të mbeturinave është edhe hapësirë për parkimin e automjeteve.

Bashkimi Evropian (BE) do t’i fillojë bisedimet e anëtarësimit me Ukrainën dhe Moldavinë javën e ardhshme, njoftoi të premten Belgjika, e cila kryeson presidencën e BE-së.

“Këshilli i BE-së i miratoi qëndrimet e përgjithshme të BE-së, përfshirë kornizat e bisedimeve, për bisedimet e anëtarësimit me Ukrainën dhe Moldavinë”, tha ajo në rrjetin social X, duke shtuar se “kjo e hap rrugën për fillimin e bisedimeve të martën, më 25 qershor, në Luksemburg”.

Këshilli i BE-së mbledh përfaqësuesit e qeverive të 27 vendeve që e përbëjnë bllokun.

Nisja zyrtare e bisedimeve me Ukrainën do të bëhet në orën 15:30, ndërsa me Moldavinë në orën 18:00.

Njoftimi vjen dy javë pasi Komisioni Evropian rekomandoi hapjen e procesit, duke thënë se të dyja vendet janë përgatitura mjaftueshëm për hapjen formale të procesit për t’u bërë anëtare të BE-së.

Ukraina dhe Moldavia aplikuan për t’iu bashkuar BE-së pak pasi filloi pushtimi, ndërsa statusin e vendit kandidat e morën në qershor 2022.

Në dhjetor, ato e morën dritën jeshile për nisjen e bisedimeve.

Presidentja e Moldavisë, Maia Sandu, reagoi në X pas lajmit të premten, duke thënë se e ka nënshkruar dokumentin për hapjen e bisedimeve për anëtarësim me bllokun.

“Anëtarësimi në BE është rruga jonë drejt paqes, prosperitetit dhe një jete më të mirë për të gjithë qytetarët”, shkroi Sandu.

Duke reaguar ndaj njoftimit të Brukselit, zëdhënësi i Kremlinit, Dmitry Peskov, tha të premten integrimi në BE është çështje sovrane e Kishinjevit, por shtoi se ka “shumë moldavë të cilët duan edhe lidhje më të ngushta me Rusinë”./REL/

Komuna e Prishtinës ka përuruar pllakën Përkujtimore për nder të ish-udhëheqësit të shërbimit shëndetësor të Shoqatës Humanitare Bamirëse “Nëna Terezë”, doktor Gani Demollit, me të cilën ka emëruar Qendrën Kryesore të Mjekësisë Familjare në Prishtinë, raporton EO.

Kryetari i Komunës, Përparim Rama, ka thënë se emri tij dhe vepra profesionale, humane e morale e doktor Gani Demollit, do të përjetësohen tash e tutje në këtë institucion që çdo ditë jep ndihmë mjekësore e shërbime profesionale.

“Sot në këtë dite të veçantë për vet qendrën kryesore të mjekësisë familjare dhe kryeqytetin jemi mbledhur bashkë që t’i japim trajtë e kuptim përmes vënies së emrit të këtij institucioni. Dr. Gani Demolli, emri tij dhe vepra profesionale, humane e morale do të përjetësohen tash e tutje në këtë institucion që çdo ditë jep ndihmë mjekësore e shërbime profesionale janë mbi të gjitha njerëzore”, ka thënë ai

Drejtori i shëndetësisë, Izet Sadiku, ka thënë se me këtë veprim po e nderojnë veprën dhe punën e atyre mijëra mjekeve, infermiereve e punëtorëve teknik që mundësuan formimin dhe zhvillimin e sistemit paralel të shëndetësisë se Republikë së Kosovës.

“Tani në shenjë vlerësimi dhe nderimit të punës dhe veprës se dr. Gani Demolli. Kemi vendosur qendra Kryesore e Mjekësia Familjarë në kryeqytet të emërohet dr. Gani Demollit. Me këtë veprim ne po nderojmë veprën dhe punën e atyre mijëra mjekeve infermiereve punëtorëve teknik shofereve pronarëve të cilët lëshuan shtëpitë e tyre dhe mundësuan formimin dhe zhvillimin e sistemit siç njihej atëherë paralel të shëndetësisë se Republikë së Kosovës. Urime 25 vjetori i shëndetësisë së kryeqytetit më të arriturat e tij dhe me projekte për zhvillimin dhe forcimin e institucioneve shëndetësore në kryeqytet”, tha Sadiku.

Ndërsa Haki Demolli falënderon kryetarin Rama dhe drejtorin për angazhimin dhe kontributin e dhënë që të merret ky vendim

“Faleminderit kryetarit Rama dhe drejtorit Izet Sadiku për angazhimin dhe kontributin e dhënë që të merret ky vendim. Po ashtu falënderoj këshilltarët e Ramës të cilën në vazhdimësi janë interesuar në këtë çështje deri sa ka ardhur ky vendim”, ka thënë ai.

Me tensione të mëdha është përcjellë seanca gjyqësore ndaj serbit Millosh Pleskoviq, pasi ky i fundit nuk e pranoi fajësinë. E mos pranimi i fajësisë, irritoi vëllanë e viktimave, i cili më pas u largua nga zyrtarët e Shërbimit Korrektues, raporton EO.

Fillimisht, prokurori i rastit, Ilir Morina, lexoi aktakuzën me të cilën e ngarkon serbin, Pleskoviq. Tha se i njëjti ka kryer vrasjen e dy vëllezërve, Binak dhe Reshat Daçaj gjatë luftës së fundit në Kosovë.

“Prokuroria e Kosovës me datën 06.06.2024 ka ngritur aktakuzë ndaj Millosh Pleakoviq. I ka shkelur rëndë rregullat e së drejtës ndërkombëtare kundër personave civil. Duke kryer vrasjen e binjakeve Binak dhe Reshat Daçaj, në periudhën kohore forcat policore ushtarake të Serbisë ishin stacionuar në kundrën rrethi Prizrenit për shkak të konfliktit të armatosur. Ndërsa 11 shtator 1998 ne afërsi të Prizren viktimat kanë shkuar në malin e tyre për të marr dru për ngrohje dhe derisa ishin duke ecur kanë hasur në 7-8 persona të forcave serbe. Fillimisht i kanë kërkuar qe të ndaleshin pastaj i kanë fyer, në atë moment i pandehuri ka shtënë me kallashnikov. Viktimat Binak Fatmir dhe Reshak Dacaj kanë mbetur në vendin e ngjarjes të vrarë për shkak të shtënave me armë.. Viktimat ishin të gjymtuar l, njeri nga ata nuk e kishte kokën në trup”, thuhet në dosjen e Prokurorisë, të lexuar nga prokurori Morina.

Ndërsa kryetari i trupit gjykues, Rrahman Beqiri, tha se në këtë seancë vetëm do të merren deklarata e të akuzuarit, për shkak që është në gjykim fillestar.

I akuzuari nuk e pranoi fajësinë, dhe për këto vrasje “duhet të gjykohet ai që e ka kryer veprën”.

“Nuk e pranoj aktakuzën më vjen keq për viktimat duhet të përgjigjet ai që e ka kryer atë krim dhe jo unë”, tha Pleskoviq.

Ndaj të akuzuarit me nofkën “Qeli” ka edhe një procedurë tjetër si i akuzuar për tjetër vepër penale.

Pala e dëmtuar ka kërkuar kompensim të dëmit në rast se Pleskoviq del fajtor në fund të gjykimit.

Avokatja e të pandehurit kërkoi për ndryshimin e masës së sigurisë, mirëpo u kundërshtua nga ana e prokurorit, Ilir Morina.

Sipas Morinës, gjendet një dëshmitar anonim që ka frikë nëse Pleskoviq është i lirë.

“Mendoj që kërkesa për ndryshimin e masës të refuzohet sepse nuk ka ndryshuar asnjë formë juridike. E vetmja mundësi bazë është mundësia e arratisjes. Siç e din Gjykata kemi një dëshmitar anonim i cili ka frikë për jetën e vet dhe mbi bazën e kësaj nëse i pandehuri gjendet në liri mund t’ia rrezikoj jetën e tij. Sa i përket bazës se arratisjes i kemi dhënë arsyet me shkrim të aktakuzës”, tha prokurori Morina.

Ministri i Infrastrukturës, Liburn Aliu, ka bërë me dije se kjo ministri po bënë gjithçka për të përshpejtuar punimet në rrugën Mitrovicë – Prishtinë.

Ai ka treguar se punimet në këtë rrugë po avancojnë çdo ditë.

“Po bëjmë gjithçka për të ofruar të gjithë infrastrukturën e nevojshme për një nga rrugët më të rëndësishme për zhvillimin ekonomik të vendit”, ka shkruar Aliu.

humë qytete në Shqipëri, Mal të Zi, Bosnje e Hercegovinë dhe Kroaci janë përballur me ndërprerje të energjisë elektrike, më 21 qershor.

Operatori i Sistemit të Transmetimit (OST) në Shqipëri tha se shkaktarët e ndërprerjes së rrymës kanë qenë volumet e larta të transmetimit dhe temperaturat ekstreme, që kanë shkaktuar defekte në linjën e interkoneksionit me Greqinë.

“Defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin”, tha OST përmes një njoftimi duke shtuar se po merren masa për rikthimin e energjisë elektrike për të gjithë konsumatorët, raporton REL.

Sistemi për shpërndarjen e rrymës në Mal të Zi njoftoi përmes një postimi në Facebook se ka ndërprerje të energjisë elektrike dhe se pothuajse i tërë vendi është pa rrymë.

Ndërkaq, drejtori i Kompanisë së Energjisë Elektrike në Republikën Sërpska, Luka Petroviq, i tha Radios Evropa e Lirë se arsyeja e ndërprerjes së rrymës në pothuajse tërë territorin e Bosnjës është për shkak të një “problemi në rrjetin e energjisë në Mal të Zi”. Autoritetet në Republikën Sërpska thanë se presin që situata me energji të stabilizohet shpejt.

Edhe Kroacia njoftoi se disa pjesë të vendit janë përballur me ndërprerje të rrymës, përderisa autoritetet kroate, së bashku me homologët e tyre në shtetet fqinje, thanë se po analizojnë shkakun e ndërprerjes së rrymës.

Nga Kompania e Furnizimit me Energji Elektrike të Kosovës (KESCO) kanë konfirmuar për Radion Evropa e Lirë se nuk ka probleme me furnizim me energji elektrike në Kosovë. Probleme me rrymë nuk janë raportuar as në Serbi dhe Maqedoni të Veriut.

Ditëve të fundit, Kosova është përballur me temperatura mbi 35 gradë Celsius. /REL

Ministria e Ekonomisë (ME) të premten në organizimin e ngjarjes digjitale “Si mund ta kthesh një krizë në mundësi për të mirë – Si të ndërtojmë një qeveri të shtyrë nga rezultatet duke filluar nga njerëzit”, u theksua që digjitalizimi të përgjigjet për nevojat e qytetarëve dhe më pas të ngrit standardet për komunikim më të mirë për ta, raportet EO.

Ministrja e Ekonomisë, Artane Rizvanolli, ka thënë, se janë 175 shërbime si platforma online, përmes të cilave qytetarët mund të qasen në shërbimet të fushave si gjendja civile, çertifikata të lindjes, vaksinimit e të tjera.

“Në tri vitet e fundit kemi shtuar më shumë se 175 shërbime që janë platforma online, pra këto shërbime fusin fusha të gjendjes civile, çertifikata të lindjes, shëndetësinë, vaksinimit dhe shumë skema të ndryshme dhe të mira sociale”, tha ministrja.

Rizvanolli u krenua me platformën online E-Kosova, përmes të cilës tha se mbi 30 mijë biznese dhe familje kanë aplikuar në këtë platformë.

“Për qeverinë tonë ka qenë një prioritet më i lartë për kushtet globale dhe çfarë kemi bërë si qeveri, reduktumin e konsumit të energjisë për arsye se për ne është dasht që fondet t’i ndajmë më shpejt dhe të jemi transparent, rigoroz me procedura. Digjitalzimi është një pjesë e zgjedhjes në mbi 30 mijë biznese dhe familje kanë aplikuar përmes e-Kosova që e ka bërë të lehtë punën”, tha Rizvanolli.

Tamara Srzentic, ish-ministre e Administratës Publike, Transformimit Digjital dhe Mediave në Malit të Zi, tha se është shumë e rëndësishme, që digjitalizimi të përgjigjet për nevojat e qytetarëve dhe më pas të ngrit standardet për komunikim më të mirë për ta.

Srzrntic, prezantoi websiten e Malit të Zi, së si atje janë zgjidhur disa probleme e që janë pothuajse të ngjashme me vendin tonë.

“Unë jam një shërbyese publike me pasion dhe mendoj se me komunitetin e juaj në ndërtimin e këtij parku ka të bëjë me arritshmerinë e lartë, ka sfida dhe për këtë udhëtimi ynë edukativ ka qenë përmes shumë shteteve, me qeverinë e Kalifornise kemi punuar për të dhëna të qasshme, kemi pas buxhete të dedikuara, kemi pas zyra për inovacion dhe këto shërbime i kemi bërë për vite”, tha ajo.

“Nëse bazohemi te databaza dhe dizajni duhet Qeveria të komunikojë me të tjerët. Kemi marrë disa publikime të disa vendimeve të Gjykatës për abort, ne të gjitha pas këtij ligji kemi vendos në website të gjitha klinikat për të iu ndihmuar grave për abort. Ne kemi klasifikuar hapat si bëhet një gjë e tillë”, shtoi ajo.

“Duhet të shohim së si të ndërtojmë një element mbi bazë dhe qendër të kemi njeriun për këtë një transformim duhet të kalojë nga klasikja në të reja. Ka nevojë të shikohen edhe nevojat e njerëzve, qeveria duhet të kyçet prej projektit në prodhim”, tha Srzrntic.

Mikey Dickerson, zëvendësshef i Informacionit në ShBA, tha se është e rëndësishme që programet e subvencionimit të bëhen kur nuk ka kriza.

“Çdo sistem është i rëndësishëm për ju është sistemi hibrid. Nësë dëshironi të ndryshoni të bënin programe të subvencioneve do duhej të bëni kur nuk ka kriza, prandaj mesazhi im këto ditë është se është e përshtatshme të kaloni kohë dhe të depërtoni nga këto kriza për të mirë. Këto organizata të cilat nuk bëjnë ndryshim rrezikohen”, tha ai.

Ndryshe, Shërbimi Digjital i Shteteve të Bashkuara të Amerikës, është një njësi për teknologji e vendosur brenda Zyrës Ekzekutive të Presidentit të Shteteve të Bashkuara, e cila ofron shërbim këshillimi për agjencitë federale mbi Teknologjinë e Informacionit.