Category: Lajme

Ambasada e Shteteve të Bashkuara të Amerikës në Shqipëri ka reaguar pas ndarjes nga jeta të shkrimtarit Ismail Kadare.

“Jemi thellësisht të pikëlluar për ndarjen nga jeta të Ismail Kadaresë”, shkruan Ambasada e SHBA-së, duke shtuar se letërsia e tij frymëzon lexues në mbarë botën.

Ndërsa kujtoi që Ambasada e SHBA-së ka nderuar Kadarenë me Çmimin Ndërkombëtar Neustadt për Letërsinë në vitin 2020.

“Vepra e tij ka krijuar ura midis Shqipërisë dhe botës dhe trashëgimia e tij do të jetojë si një dëshmi e gjeniut të tij në letra”, thuhet në postim.

“Jemi thellësisht të pikëlluar për ndarjen nga jeta të Ismail Kadaresë, letërsia e të cilit frymëzon lexues në mbarë botën. Kujtojmë me kënaqësi që Ambasada e SHBA nderoi Kadarenë me Çmimin Ndërkombëtar Neustadt për Letërsinë në vitin 2020″.

“Vepra e tij ka krijuar ura midis Shqipërisë dhe botës dhe trashëgimia e tij do të jetojë si një dëshmi e gjeniut të tij në letra. Mendimet tona janë me familjen e tij, me të dashurit e tij dhe me popullin shqiptar”, shkruan Ambasada Amerikane.

Është ndarë nga jeta në moshën 88-vjeçare, shkrimtari i madh shqiptar Ismail Kadare.

Ai ishte një nga të paktët autorë shqiptarë të njohur dhe të përkthyer në mbarë botën. Ai vdiq të hënën në Tiranë.

Ishte romani i parë i Ismail Kadaresë, Gjenerali i ushtrisë së vdekur – botuar në Shqipëri në vitin 1963 – që i solli famë, duke e bërë menjëherë një nga të paktët shkrimtarë shqiptarë të njohur ndërkombëtarisht. I përkthyer në mbi 45 gjuhë dhe fitues i çmimeve më prestigjioze letrare (Man Booker, Prince of Asturias, Jerusalem Prize), Kadare vdiq në Tiranë të hënën, më 1 korrik, në moshën 88-vjeçare, shkruan gazeta e njohur franceze, Le Monde.

Ai lindi më 28 janar 1936, në Gjirokastër, një qytet që ndodhet 200 kilometra larg Tiranës, në jugun malor të Shqipërisë. I listuar si një sit i Trashëgimisë Botërore të UNESCO-s – ai njihej nën Perandorinë Bizantine si Argyropolis, “Qyteti i Argjendtë” – ky qytet historik luajti një rol të rëndësishëm në punën e tij. Kadare e përshkroi atë në romanin e tij të vitit 1971 “Kronikë në gur” dhe në veprën e tij madhështore autobiografike të vitit 2015, “Kukulla”. Në jetën e tij si në tregimet e tij, Kadare kthehej gjithmonë në Gjirokastër, “qyteti më i pjerrët në Europë”.

Le Monde kujton fjalët e Kadaresë në një intervistë për këtë gazetë në vitin 2001, ku ai nuk e fshehu lodhjen e tij për t’i shmangur gjithmonë dyshimet e paqartësisë për të kur e pyetën për Shqipërinë dhe kohën e komunizmit. “Më vjen neveri të shpenzoj kaq shumë energji duke folur për këtë. Në thelb, ajo që njerëzit më pyesin është se si dola i gjallë nga sistemi. Por ju mund të qëlloheni për gjërat më të vogla, kështu që pse duhet ta sakrifikoja veten? Ata që lekturojnë më thotë: ‘Nuk ishe i sinqertë me diktatorët’. Por a është e nevojshme të jesh i sinqertë me banditët dhe kafshët e egra?”.

Sinqeriteti i tij, tha ai, ushtrohej në artin e tij. Në të vërtetë, letërsia ishte me të që në moshë të re. Në moshën 9-vjeçare, kur komunizmi u përhap në vendin e tij, ai tashmë ishte “i fiksuar pas idesë për të gjetur kuptimin e fjalëve”. Në moshën 12-vjeçare, ai shkroi vargjet e tij të para.

Kryetari i Lidhjes Demokratike të Kosovës, Lumir Abdixhiku ka shkruar një telegram ngushëllimi për vdekjen e shkrimtarit Ismail Kadare.

Abdixhiku shkruan se Kadare ” i ka dhënë nder e dinjitet të përbotshëm artit, kulturës dhe gjuhës shqipe”.

“Sot bota shqiptare u zgjua në zi. U nda nga jeta Ismail Kadare, shkrimtari i përmasave ndërkombëtare, ai i cili për shumë dekada i dha letërsisë shqipe dhe asaj botërore kryevepra, që do mbesin gjithmonë referenca për kulturën dhe letërsinë, si vlera universale që kapërcejnë kufijtë nacional. Kolosi Ismail Kadare, përmes veprave të tij, i ka dhënë nder e dinjitet të përbotshëm artit, kulturës dhe gjuhës shqipe”, shkroi ai.

“Ai ka paraqitur tablon e errët nëpër të cilën ka kaluar Shqipëria komuniste, vuajtjet, sakrificat, por edhe vlerat e mirëfillta shqiptare. Ai përmes mijëra faqeve të shkruara ka promovuar traditën dhe kulturën shqiptare në botë, duke i dhënë një vlerë të shtuar jo vetëm letërsisë shqipe, por edhe mbarë kontinentit dhe më gjerë”, thuhet në telegramin e ngushëllimit.

Abdixhiku shkruan se “Kadare do të mbetet ikonë e letërsisë, mjeshtër i papërsëritshëm, një intelektual i shquar, një patriot i përkushtuar dhe një zë i fuqishëm që përfaqësonte denjësisht Shqipërinë në botë”.

“Nga sot Shqipëria dhe bota e letërsisë humbën një personalitet të madh, i cili u shua vetëm fizikisht por vepra e tij është e përjetshme; siç dhe emri e kontributi i tij në kulturën dhe letërsinë botërore do të mbetet i përjetshëm”.

Në telegramin e ngushëllimit thuhet gjithashtu se në LDK kujtojnë “me mirënjohje angazhimin e tij të palodhshëm për çështjen e Kosovës, kontributi i të cilit është i paçmueshëm”.

“Në emrin tim personal dhe të Lidhjes Demokratike të Kosovës, shpreh ngushëllimet më të sinqerta për familjen, miqtë, komunitetin letrar dhe gjithë shqiptarëve kudo që janë. Dritë pastë shpirti i tij!”.

Ministrja e Drejtësisë, Albulena Haxhiu, ka publikuar një letër që ia ka dërguar ministres së Drejtësisë në Serbi, Maja Popovic, ku kërkon transferimin e katër shtetasve të Kosovës që aktualisht po mbahen në burgjet e Serbisë.

Bëhet fjalë për Nezir Mehmetajn, Hasan Dakajn, Sadik Durakun dhe Tefik Mustafën.

“Nezir Mehmetaj, Hasan Dakaj, Sadik Duraku dhe Tefik Mustafa duhet kthyer në Kosovë per tu gjykuar drejtë dhe paanshëm nga institucionet e drejtësisë në Republikën e Kosovës.”

Kryetari i Aleancës për Ardhmërinë e Kosovës, Ramush Haradinaj, tha se Ismail Kadare ngërthen në vete krejt vlerat më të larta që mund t’i ketë njeriu.

Pas lajmit për vdekjen e shkrimtarit, Haradinaj tha se Kadare letërsinë e një kombi të vogël e futi në “analet e letërsisë së përbotshme”.

“Sot nuk ka emër më të madh ndër shqiptarë, se sa emri Ismail Kadare. Jo vetëm se ai mbetet emblema e letërsisë, e krijimtarisë dhe e krenarisë shqiptare, por sepse ishte shqiptari më i famshëm në Glob. Njeriu që e lartësoi Kombin, që e lartësoi Shqipërinë, që lartësoi Kosovën dhe që letërsinë e një kombi të vogël e futi në analet e letërsisë së përbotshme”, shkroi Haradinaj.

“Ne sot e kemi humbur gjeneralin e letrave shqipe, e kemi humbur ambasadorin e krijimtarisë shqiptare në Botë, e kemi humbur Ismail Kadarenë, emri i të cilit i ngërthen në vete krejt vlerat më të larta që mund t’i ketë njeriu! Ky emër do t’i jetojë epokat! Lamtumirë Mjeshtër!”, shtoi ai.

Anëtari i Kryesisë së Partisë Socialdemokrate (PSD), Zgjim Hyseni, ka thënë për Ekonomia Online se Programi Legjislativ i qeverisë aktuale është i dëmshëm për qytetarët.

Ai shton se përkundër numrit të ligjeve e që janë 54, nuk do të thotë asgjë, për faktin se rëndësi më të madhe do t’i jepej faktit se sa kanë arritur të hyjnë në funksion ato ligje.

“Ligjet që i kanë bë, kanë qenë të këqija, d.m.th nuk është puna se kanë qenë pak, por problemi është se këta kanë prodhuar ligje problematike. Ligje që d.m.th ia ngushtojnë hapësirën e ligjeve njerëzve. Si ligji për KPK-në, konfiskim të pasurisë krejt këto janë ligje që qëllim kryesorë kanë koncentrimin e pushtetit të ekzekutivit të kryeministrit”, ka thënë Hyseni.

“Kjo shumicë qeverisëse përkundër numrave, nuk është dëshmuar që d.m.th prania e madhe e numrave përkthehet në efikasitet, sa i përket ligjeve në parlament, një mënyrë qysh mundet me u pa puna e një shumicës qeverisëse është numri i ligjeve mirëpo që d.m.th volumi i punës, mbi të gjitha ne duhemi me pa cilësinë e ligjeve çfarë ligje kanë sjell dhe çfarë qëllime ka mbrapa atyre ligjeve”, ka thënë ai për EO.

Ligjin për Byronë, Ligjin për Konfiskimin e Pasurisë, sipas Hysenit janë ligjet më antikushtetuese.

“Në këtë drejtim ne duhemi me pa cilat janë ato ligje me të cilat është identifikuar kjo shumicë qeverisëse edhe që janë konsideru sikur prove për ndryshimin që pushteti aktual e ka propagandu sa ka qenë në opozitë ato ligje kanë qenë Byroja për Konfiskimin e Pasurisë së Pajustifikueshme e formimi i gjyqësorit etj etj, mirëpo secila prej këtyre ligjeve ka dalë me qenë antikushtetuese”, ka deklaruar ai.

Tutje, Hyseni tha se krahas përqindjes së ulët të miratimit të ligjeve, janë prodhuar edhe ligje “problematike”.

“Nëse janë 11 për qind sigurisht se janë shumë pak mirëpo kjo është veç një mënyrë është volumi i ligjeve dhe sigurisht se deputetët janë aty për me bë ligje për me i’a përmirësu jetën qytetarëve mirëpo duhet analiza me qenë edhe cilësore duhet me pa edhe çfarë ligje po bëhen, se ligjet që i kanë bë kanë qenë të këqija d.m.th nuk është puna se kanë qenë pak por problemi është se këta kanë prodhuar ligje problematike ligje që d.m.th ia ngushtojnë hapësirën e ligjeve njerëzve si ligji për KPK-në, konfiskim të pasurisë, krejt këto janë ligje që qëllim kryesorë kanë koncentrimin e pushtetit të ekzekutivit të kryeministrit”, ka thënë Hyseni.

Kryetari i Kuvendit, Glauk Konjufca, ka thënë se institucionet e Kosovës kanë informata të sakta se një grup terroristësh janë duke u trajnuar në Serbi për të sulmuar Kosovën, raporton EO.

Sipas tij, Kosova është e gatshme dhe e koordinuar më të gjithë aleatët që t’i bëjë ballë çfarëdo sulmi të mundshëm nga Serbia.

“Ne si institucione Mendoj se qëndrojmë të unifikuar sa i përket këtyre tri kushteve. Serbia e ka marr pozicioni që nuk e zbaton marrëveshjen, për Kosovën ajo marrëveshje ishte e favorshme… Serbia nuk e ka nënshkruar këtë marrëveshje dhe mbi bazën e mos nënshkrimet nuk po e zbaton. E dyta për kriminelët Radojiçiq që e ka pranuar fajin, ai ndodhet i lirë në Serbia dhe vepra e tij në Serbi po trajtohet me e lehtë se ai ta kishte shkelur ndonjë rregull trafiku. E ka mbrojtjen shtetërore të Serbisë. Institucionet tona kanë informacione të sakta se një grup po ushtrohen në Serbi. Ne jemi gjithmonë të përgatitur për çfarë do sulm nga ana e Serbisë dhe me një koordinimi me të gjithë. E treta letra e Brnabiqit, ajo thotë se klauzolat e marrëveshjes së Brukselit do t’i zgjedhin sipas dëshirës. Kjo i ka dhënë goditje kësaj marrëveshje”, tha Konjufca.

Presidentja e Kosovës, Vjosa Osmani, ka pritur në takim kryetaren e Kuvendit të Sllovenisë, Urška Klakočar Zupančič, raporton EO.

Takimi është duke u zhvilluar në presidencë dhe mediat janë lejuar që të marrin pamje vetëm në fillim të takimit.

Kryetarja Klakočar Zupančič, është takiar sot gjatë ditës edhe me kryeparlamentarin Glauk Konjufca, e cila pas takimit në një konferencë për media ka thënë se dialogu është e vetmja rrugë përpara, dhe se Kosova dhe Serbia duhet ta njohin njëra-tjetrën.

Kryetarja Klakočar Zupančič gjatë ditës do të zhvillojë takim edhe me ministren e Punëve të Jashtme dhe Diasporës, Donika Gërvalla-Schwarz.

Kryetarja e Kuvendit të Sllovenisë, Urška Klakočar Zupančič, ka thënë se shteti i saj do të jetë e përkushtuar për stabilitetin e Kosovës, ndërsa dialogun me Serbinë e sheh rrugën e vetme të Kosovës drejtë Bashkimit Evropian, raporton Ekonomia Online.

Pas takimit që ka mbajtur me kryetarin Konjufca, kryeparlamentarja sllovene ka thënë se e mbështesin perspektivën integruese të Kosovës dhe anëtarësimin për në Këshill të Evropës.

“Ne kemi pasur një takim të këndshëm në një atmosferë miqësor dhe raporte ndër dy vendet janë miqësore pa ndonjë pyetje të hapur politike. Ne dëshirojmë që të zhvillohet ky bashkëpunim në të gjitha fushat. Bashkëpunimi jonë është i kënaqshëm në aspektet të ekonomisë. Kuvendi është i gatshëm që t’i ndaj praktikat e mira sa i përket eksperiencës që Sllovenia e ka me BE-në dhe me përmbushjen e kritereve për anëtarësim. Kosova dëshiron që të bëhet anëtare e BE-së dhe Sllovenia mund ta ndihmojë Kosovën këtu shumë. Ne mbështesim perspektivën integruese të Kosovës dhe anëtarësimin në KiE. Në përmbushjen e marrëveshjes si pjesë e dialogut është kyçe për këtë sukses. Dialogu është e vetmja rrugë përpara. Sllovenia mbetet e përkushtuar për stabilitetin e Kosovës dhe ne do të jemi prezent këtu si pjesë e KFOR-it”, ka thënë ajo.

Ish-shefi i Shtabit të Përgjithshëm të Ushtrisë Çlirimtare të Kosovës, Bislim Zyrapi, është dëshmitari i 75 i ZPS-së në çështjen kundër katërshes së UÇK-së, Hashim Thaçi, Kadri Veseli, Jakup Krasniqi dhe Rexhep Selimi.

Zyrapi, si asnjë dëshmitar më parë, është planifikuar të dëshmojë për plot 7 ditë, pasi Prokuroria ka kërkuar 8 orë për ta marrë në pyetje ndërkaq ekipet e mbrojtjes 25 orë.

Poashtu, Bislim Zyrapi u paraqit në gjykatoren e Gjykatës Speciale me avokat mbrojtës, belgun Rik Vanreusel, meqë sipas kryegjyqtarit Charles Smith ekziston rreziku i vetëinkriminimit nga ana e Zyrapit, gjatë kohës sa ky do të flas për veprimtarinë, strukturën, qasjen dhe bashkëpunimet e UÇK-së gjatë periudhës së aktakuzës.

Për ta dëgjuar dëshminë e ish shefit të Shtabit të Përgjithshëm të UÇK-së, në sallë janë të pranishëm që të katër të akuzuarit, përfshi Jakup Krasniqi që gjatë javëve të fundit ishte paraqitur vetëm me video-lidhje.