Category: Lajme

Prishtina vazhdon të jetë komuna me popullsinë më tëmadhe në Kosovë me 227 mijë e 154 banorë, apo 28.257 banorë më shumë sesa më 2011.

Por rritjen më të madhe që atëherë e pati komuna fqinje e kryeqytetit, Fushë Kosova.

Nga 34.827 banorë sa kishte më 2011, tash Fushë-Kosova numëron plot 64.078 banorë.

29.251 qytetarë iu shtuan Fushë-Kosovës në 13 vjetët e fundit, duke e bërë kështu komunën merritjen më të madhe të popullsisë. Njëherësh Fushë-Kosova ka edhe dendësinë më të madhe me 762 banorë në 1 km2.

Në fakt, janë vetëm 9 komuna që patën rritje të popullsisë dhe gjysma e tyre, komuna me shumicë serbe, që në 2011-tën kishte refuzuar të regjistrohej.

Në pjesën tjetër prej 29 komunave, vërehet rënie e madhe e popullsisë.

Prizreni edhe pse e dyta për nga popullsia, ka rënie të numrit të banorëve prej mbi 30 mijë.

Ferizajt duke iu shtuar 735 banorë, e bënë vendin e tretë me më së shumti banorë në Kosovë.

Ulje të numrit të banorëve pati edhe në 4 qendrat e mëdha të vendit.

Gjakova doli me mbi 15 mijë qytetarë më pak se në 2011. Hiç më mirë nuk doli as Peja që pati rënie mbi 13 mijë qytetarë.

Numri i popullsisë u tkurr edhe në Gjilan e në Mitrovicë, me nga mbi 7 mijë qytetarë.

Ikje e madhe vërehet edhe në komunat më të vogla.Podujeva pati rënie mbi 17 mijë qytetarë, Skenderaj e Drenasi mbi 10 mijë, ndërkaq Vushtrria mbi 8 mijë banorë.

Në komunat me shumicë serbe kryesisht pati rritje, derisa prin Graçanica me afro 10 mijë banorë më shumë se më 2011.

Kështu në nivel vendi, krahasuar me regjistrimin e para 13 vjetëve, Kosova shënoi rënie të popullsisë prej 153 mijë banorësh, sipas statistikave preliminare./atvlive.tv

Për më shumë klikoni linkun e mëposhtëm:

https://www.youtube.com/watch?v=oyKjdljFVHU

Në fshatin Izbicë të Skenderajt, më 28 mars të 1999-s, u ekzekutuan me armë automatike 130 persona, prej të cilëve 114 viktima u identifikuan gjatë hetimit nga Prokuroria Speciale, kurse 12 civilë mbijetuan.

Gjykata e shkallës së parë e ka vërtetuar se pjesë e forcave paramilitare serbe që e kishin kryer këtëmasakër, ishte edhe Muhamet Alidemaj, të cilit i shqiptoi dënim me burgim prej 15 vjetësh.

Vendimin, Gjykata tha se përveç provave materiale, e mori bazuar edhe në dëshmitë e dëshmitarëve okularë,sikurse Xhemile Osmani 

Mbrojtja e Alidemajt, i cili u dënua edhe për dëbim tëcivilëve, djegie të shtëpive e cenim të integritet trupor, tha se do ta apelojë vendimin. Gjatë gjykimit avokatët pretenduan se ai gjatë periudhës së luftës nuk ishte në Kosovë, por në Serbi.

Por ndryshe mendojnë banorët e Izbicës, që ishin pjesë e këtij gjykimi.

Muhamet Alidemaj është në paraburgim nga 31 mars 2021-s, kur u arrestua në fshatin e lindjes, në Kërninë, ndërsa aktakuza u ngrit një vit pas.

Sipas të dhënave të Policisë dhe Prokurorisë Speciale, për 22 vjet ai asnjëherë nuk ishte kthyer në Kosovë.

Ai ishte raportuar nga familjarët pas luftës si person i zhdukur, për çka gjatë procesit gjyqësor u prezantuan dokumentacione, dhe dëshmoi motra e tij, e cila sipas Prokurorisë, pati deklarata kundërthënëse. 

Përveç saj, u dëgjuan edhe 20 dëshmitarë. Ndërkohë,masakra e Izbicës ishte pjesë edhe e aktakuzës në Tribunalin e Hagës, ndaj ish-udhëheqësve serbë si Millan Millutinoviq, Sreten Llukiq dhe të tjerëve./atvlive.tv

Për më shumë klikoni në linkun e mëposhtëm:

https://youtu.be/HL2HjlHSw8A?si=-IJlO2wLXYFunSIG

Presidentja Vjosa Osmani ka qëndruar në Uashington këto ditë për të marrë pjesë në Samitin e NATO-s për përvjetorin e 75-të të Aleancës.

Në këtë samit, Osmani ka zhvilluar një takim me homologun e saj francez, Emmanuel Macron.

Ajo tha se temë diskutimi ka qenë e ardhmja euroatlantike e Kosovës, mes tjerash.

“Diskutim përmbajtjesor me Presidentin Macron në Samitin e NATO-s në Washington D.C lidhur me të ardhmen euroatlantike të Kosovës, reformat në fushën e sundimit të ligjit dhe forcimin e marrëdhënieve bilaterale ndërmjet Kosovës dhe Francës”, shkroi Osmani në Facebook.

Në ambientet e amfiteatrit të Ministrisë së Mbrojtjes së Shqipërisë, Kolegji i Mbrojtjes dhe Sigurisë në Shqipëri ka organizuar sot ceremoninë e diplomimit të kursantëve të Kursit të Komandës dhe Shtabit të Përgjithshëm dhe Kursit të Lartë të Oficerit.

Programet e kurseve ofrojnë dhënien e njohurive të nevojshme për planifikimin dhe drejtimin e operacioneve luftarake në një mjedis operacional kompleks që lidhet me sigurinë kombëtare, aftësimin për të marrë vendime të drejta dhe për të dhënë këshilla të sakta në rastet kur shqyrtohet përdorimi i forcës ushtarake.

Në këtë ceremoni në Kursin e Komandës dhe Shtabit të Përgjithshëm (KKSHP) kanë diplomuar katër oficerë nga FSK-ja si dhe në Kursin e Lartë të Oficerit (KLO) dy oficerë.

Forcat e Armatosura të Shqipërisë, në kuadër të bashkëpunimit me Forcën e Sigurisë së Kosovës, po ndihmojnë në ngritjen e kapaciteteve profesionale në të gjitha nivelet e edukimit ushtarak, thuhet në postimin e FSK-së në Facebook.

Drejtuesi i një trotineti elektrik ka marrë lëndime trupore si pasojë e një aksidenti me një veturë, raporton atvlive.tv.

Aksidenti ka ndodhur para pak minutash në afërsi të mbikalimit në Fushë-Kosovë.

Siç shihet në pamjet e siguruara nga ATV-ja, autoambulanca dhe policia tashmë ndodhen në vendin e ngjarjes.

Punëtorët teknik të Kuvendit të Kosovës paralajmërojnë se do të hyjnë në grevë nga java e parë e muajit shtator.

Kështu është bërë e ditur nga kryetari i Sindikatës së Punëtorëve të Sektorit Privat, Jusuf Azemi, i cili ka theksuar se shkak i grevës janë pagat e ulëta.

“Ju njoftojmë se sot në takim me udhëheqjen e shoqatës sindikale të punëtorëve teknik që kryejnë shërbime ne objektin e Kuvendit te Kosovës u mor vendim, se nga java e parë e shtatorit këta punëtor do të hidhen në grevë për shkak të pagave të tyre të ulëta. Deri te kjo datë u shty për shkak të pushimeve vjetore të punëtorëve, dhe nga fillimi i shtatorit punëtorët deklarohen se më nuk do të punojnë fare, deri në rritjen e pagës 450 euro”, thuhet në njoftimin e publikuar nga Azemi.

Ky njoftim i është dërguar edhe kryetarit të Kuvendit të Kosovës, Glauk Konjufcës, sekretarit të Kuvendit Arben Loshi, drejtorit të Administratës së Kuvendit, Emrush Haxhiu dhe kompanisë së kontraktuar për mirëmbajtjen e Kuvendit.

Gjykata Themelore në Prishtinë e ka shpallur fajtor Muhamet Alidemajn dhe e ka dënuar me 15 vjet burgim për krime lufte gjatë vitit 1999 në Izbicë.

Sipas aktakuzës, Alidemaj kishte marrë pjesë bashkë me pjesëtarë të forcave policore dhe ushtarake serbe në vrasjen e civilëve shqiptarë në masakrën e Izbicës që kishte ndodhur në mars 1999, e ku ishin vrarë e masakruar 130 shqiptarë, raporton “Betimi për Drejtësi”.

Aktgjykimi ndaj Alidemajt u shpall të premten nga gjykatësi, Vesel Ismaili, i cili tha se në dënimin me burgim, të njëjtit do t’i llogaritet edhe koha e kaluar në paraburgim.

Po ashtu, të akuzuarit Alidemaj i vazhdohet masa e paraburgimit deri në plotfuqishmëri të aktgjykimit, por jo më shumë se dënimi i shqiptuar.

Kurse, ndaj tij u shpall aktgjykim refuzues për veprën tjetër, pra për dëmtim të kufomave, pasi në fjalën përfundimtare në seancën e 9 korrikut 2024, prokurori Ilir Morina u tërhoq nga pika e dytë e dispozitivit të aktakuzës, për shkak se nuk ishte arritur të vërtetohet se i akuzuari Alidemaj ka marrë pjesë në zhvarrosjen e viktimave.

Ndryshe, sipas aktakuzës së përpiluar më 29 mars 2022, Muhamet Alidemaj gjatë periudhës kohore 24 mars 1999 – 11 qershor 1999, gjatë konfliktit të armatosur në Kosovë, si pjesëtar i forcave policore dhe ushtarake serbe, së bashku me pjesëtarët e tjerë të forcave policore dhe ushtarake serbe, me dhunë i ndajnë gratë e fëmijët dhe dhunshëm i detyrojnë që të shkojnë në drejtim të Shqipërisë.

Ndërsa, aktakuza thotë se burrat e mbetur i ekzekutojnë me armë automatike duke i vrarë 130 persona, prej të cilëve 114 viktima u identifikuan, kurse 12 civilë i mbijetuan ekzekutimit. Pas dy muajve, thuhet se i zhvarrosën trupat me ekskavator dhe i larguan duke i transportuar me disa kamionë në drejtim të panjohur. Ndërsa, pas përfundimit të luftës trupat e viktimave u gjetën në varreza masive në Batajnicë të Serbisë, në fshatin Suhodoll të Mitrovicë dhe në fshatin Novolan të Vushtrrisë.

Me këtë, akuzohej se në bashkëkryerje, e ka kryer veprën penale “Krimi i luftës kundër popullsisë civile”, e sanksionuar me nenin 142 lidhur me nenin 22 të Ligjit Penal të Republikës Socialiste Federative të Jugosllavisë, si ligj në fuqi në kohën e kryerjes së veprës penale, aktualisht i sanksionuar sipas veprës penale “Krimet e luftës në shkelje të rëndë të nenit 3 të përbashkët për konventat e Gjenevës”, nga neni 146, lidhur me nenin 31 të Kodit Penal të Republikës së Kosovës. Aktakuzën e plotë mund të gjeni KËTU./BetimipërDrejtësi