Category: Lajme

Policia e Kosovës ka arrestuar një grua në Prishtinë. Sipas raportit të policisë, ajo është arrestuar pasi dyshohet se ka penguar procesin mësimor.

E dyshuara është dërguar në mbajtje.

Raporti i plotë:

CENIM I PAPREKSHMËRISË SË BANESAVE DHE OBJEKTEVE

Prishtinë / 03.09.2024 – 17:00. Është arrestuar e dyshuara femër kosovare, pasi e njëjta kishte penguar procesin mësimor. Me vendim të prokurorit, e dyshuara është dërguar në mbajtje.

Në Dhomat e Specializuara të Kosovës (DhSK) në Hagë, edhe të mërkurën po e vazhdon dëshminë dëshmitari Rrustem Tetaj në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit. Tetaj tha se nëse flet për Veselin dhe Krasniqin vetëm mund të bëjë spekulime, ngase ata dy nuk i ka parë kurrë gjatë luftës.

Këto deklarime, Tetaj, i cili është dëshmitari i84-të i Zyrës së Prokurorit të Specializuar (ZPS), i bëri duke u përgjigjur në pyetjet e avokates së Veselit, Annie O’Reilly.

“Unë Kadri Veselin jashta në televizor edhe sot që po e shoh qitu se kurrë nuk e kam pa edhe masi nuk e kam pa dhe nuk ka qenë në zonën e luftës, ju lutem unë nuk di se çka ka me thanë për ta. Këta e kam deklaru edhe para Prokurorisë. Vetëm për Hashim Thaçin që jam taku me të dhe Rexhep Selimin në Jabllanicë e ato që i kam fol përpara, unë për Jakupin dhe Kadri Veselin vetëm se çka spekuloj se nuk kam ni”, tha dëshmitari.

Në fillim të seancës, i përfundoi kundërpyetjet e tij avokati i Thaçit, Luka Mishetiq i cili u fokusua sërish tek takimi i Tahir Zemajt me Thaçin, Bislim Zyrapin e persona të tjerë, ku ua ishte kumtuar emërimi i Ramush Haradinajt në pozitën e komandantit të zonës, , raporton “Betimi për Drejtësi“.

Sipas kryetarit të trupit gjykues, Charles Smith III, të pranishëm në sallën e gjyqit janë të gjithë të akuzuarit.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Në Kuvendin Komunal në Zubin Potok, ka nisur të mbahet dëgjimi publik për Kornizën Afatmesme Buxhetore për vitin 2025-2027, i pari në këtë komunë me kryetar shqiptar.

ATV ka siguruar projekt propozimet të cilat do të diskutohen gjatë ditës së sotme në komunën e Zubin Potokut.

Është zhdukur një person në Istog.

Policia ka bërë të ditur se rasti është duke u hetuar.

“Ankuesi kosovar ka raportuar se viktima mashkull kosovar ka dalë nga shtëpia e tij dhe nuk dihet vendndodhja e tij. Rasti duke u hetuar”, thuhet në raportin e policisë.

Policia e Kosovës ka konfirmuar se në orët e hershme të së mërkurës është hedhur një mjet shpërthyes në oborrin e një shtëpie të banuar me serbë në Zubin Potok.

Zëvendësdrejtori i Policisë së Kosovës për veriun, Veton Elshani, ka thënë se dyshimet ekzistojnë që bëhet fjalë për granatë dore.

“Ka pasur dëme materiale në vetura dhe në dritaren e shtëpisë”, ka thënë ai, duke treguar se Policia ka nisur hetimet për këtë rast.

Elshani nuk ka bërë të ditur nëse ka pasur pasoja në njerëz.

Një rast si ky nuk është i rrallë në veriun e Kosovës në vjetët e fundit.

Për hedhje të mjeteve shpërthyuese dhe djegie të veturave është raportuar disa herë në këtë rajon, sidomos në kohën e riregjistrimit të makinave me targa ilegale serbe në ato RKS – Republika e Kosovës.

Zubin Potoku, bashkë me Mitrovicën e Veriut, Zveçanin dhe Leposaviqin, janë katër komunat me shumicë serbe në veri.

Tensionet në atë pjesë kanë qenë relativisht të larta në muajt e fundit, për shkak të atyre që Qeveria i konsideron si hapa për shtirje të sovranitetit në atë pjesë./REL

Nënkryetari i Listës Serbe, Dragisha Milloviq, ka thënë mbrëmë se është kërkuar nga kryetarët serbë të komunave paralele në veri të Kosovës të japin deklarata për shkak të nënshkrimeve të falsifikuar.

Menjëherë ka pasuar reagimi i drejtorit të ashtuquajturës zyre serbe për Kosovën, Petar Petkoviq, ku ka thënë se kryeministri i Kosovës, Albin Kurti, “vazhdon të kryejë terror në veri dhe se tani dëshiron të arrestojë përfaqësuesit politikë të popullit serb për të realizuar planin e tij – të dëbojë gjysmën e serbëve dhe të arrestojë gjysmën tjetër”.

“Urdhëresat për marrjen në pyetje të liderëve të Listës Serbe si të dyshuar, për shkak të “gjoja” falsifikimit të dokumenteve, është tregues i persekutimit brutal politik të liderëve të serbëve nga veriu i Kosovës, i urdhëruar nga Albin Kurti, i cila do të ketë pasoja të mëdha”, ka shkruar Petkoviq në rrjetin social X, transmeton Paparaci.

Sipas pretendimeve të tij, udhëheqja e institucioneve serbe “nuk ka falsifikuar asgjë dhe ka bërë gjithçka ekskluzivisht në përputhje me ligjin, duke ofruar shërbime si për serbët ashtu edhe për shqiptarët. Sikur Kurti ta kishte formuar Asociacionin, sot nuk do të ishim në këtë situatë”.

“Beogradi menjëherë ka njoftuar komunitetin ndërkombëtar dhe KFOR-in për këtë akt të fundit të dhunës së Kurtit. Nëse veprimet maksimale të tyre janë njoftimet dhe dënimet verbale pa asnjë reagim konkret, bëhet e qartë se cila është prapavija e persekutimit të serbëve nga Kurti”, ka përfunduar Petkoviq.

Një aksident i rëndë ka ndodhur pasditen e djeshme në Kroaci, ku një makinë me targa shqiptare është përplasur me një pikë karburanti.

Mediat kroate raportojnë se në orën 17:45 në autostradën A1 pranë Mosor-it një “BMW” është përplasur me një gjenerator në një pikë karburanti, dhe për pasojë një person ka humbur jetën, ndërsa tre të tjerë ndodhen në spital në gjendje të rëndë.

Gjithashtu është shkrumbuar nga flakët edhe një Citroen me targa shqiptare.

Ministri i Punëve të Brendshme, Davor Bozhinoviq, konfirmoi të martën se një person mbeti i vdekur dhe disa të tjerë u plagosën nga zjarri në një pikë karburanti në autostradën A1, në stacionin e pushimit Mosor Jug afër Omishit, duke shtuar se zjarri është nën kontroll nga zjarrfikësit.

Identiteti i viktimës nuk dihet ende, ndërsa tre të plagosurit kanë pësuar djegie të shumta në trup për shkak të shpërthimit të makinës.

Një djalë 10-vjeçar qëlloi për vdekje ish-kryebashkiakun 82-vjeçar të Minden, një qytet në veriperëndim të Luizianës, dhe vajzën e tij 31-vjeçare.

Trupat e Joe Cornelius Sr dhe Keisha Miles u gjetën mëngjesin e të dielës me plagë të shumta nga arma zjarri.

Autoritetet nuk zbuluan lidhjen që kishte fëmija, i cili është arrestuar, me Cornelius dhe Miles dhe thanë se çdo motiv i mundshëm ishte nën hetim.

Fqinjët i thanë një stacioni televiziv lokal se dëgjuan Cornelius dhe fëmijën duke u grindur dhe më vonë dëgjuan disa të shtëna me armë.

Cornelius ishte anëtar për një kohë të gjatë i Këshillit të Qytetit Minden. Pas vdekjes së kryebashkiakut të qytetit, Cornelius u emërua ushtrues detyre i kryetarit të bashkisë në vitin 2013.

Parlamenti i Ukrainës mori një letër dorëheqjeje nga Ministri i Punëve të Jashtme, Dmytro Kuleba.

Kështu thotë kryetari i parlamentit, Ruslan Stefanchuk, transmeton Ukrinform.

Parlamenti do të shqyrtojë mocionin në një nga mbledhjet e tij të ardhshme, shtoi kryetari i parlamentit në një përshkrim në fotografinë e letrës së Kuleba.

Siç raportoi më herët Ukrinform, Presidenti Volodymyr Zelensky njoftoi të martën ndryshimet e personelit në Kabinetin e Ministrave dhe Zyrën Presidenciale, duke i shpjeguar ato me nevojën për të forcuar disa fusha të qeverisë.

Presidenti tha në një fjalim drejtuar kombit se ai “po llogariste në një peshë paksa të ndryshme për fusha të caktuara të politikës sonë të jashtme dhe të brendshme”.

Të martën, parlamenti mori letra dorëheqjeje nga Ministri i Industrive Strategjike Oleksandr Kamyshin, Ministri i Drejtësisë Denys Maliuska, Ministri i Mbrojtjes së Mjedisit dhe Burimeve Natyrore Ruslan Strilets, Zëvendëskryeministrja për Integrimin Evropian dhe Euro-Atlantik Olha Stefanishyna, dhe kreu i Fondi i Pronës Shtetërore Vitaliy Koval.

Presidenti Zelensky gjithashtu shkarkoi Rostyslav Shurma nga posti i Zëvendës Shefit të Zyrës Presidenciale.