Category: Lajme

Sporti është mjet thelbësor për zhvillimin e demokracisë në Kosovës, por edhe në njohjen dhe ndërkombëtarizimin e shtetësisë së Kosovës. Kështu është thënë në panelin e diskutimit me temë “Sporti dhe demokracia: Një vizion i ri për të ardhmen”.

Në këtë panel morën pjesë deputet të kuvendit të Kosovës si dhe përfaqësues të federatave të ndryshme sportive të Kosovës.

Me këtë rast, ish-drejtori i NDI në Kosovë, Alex Chavarria në fjalën e tij potencoi rëndësinë e madhe që sporti ka në zhvillimin e demokracisë përmes aktiviteteve të ndryshme që sjellin bashkimin e njerëzve dhe thyen barriera të mëdha ndërmjet tyre.

“Është shumë me rëndësi të shohim se sa i rëndësishëm është roli i zhvillimit të demokracisë. Sporti i bashkon njerëzit, i rrëzon barrierat sociale dhe promovon përfshirjen dhe barazinë. Mendoj që këtë nuk e kuptojmë sa duhet në jetën tonë të përditshme…Si i tille, nuk ka dyshim se sporti ka ndikim të thellë në demokracinë e Kosovës, është ndjenjë e krenarisë nacionale, kombëtare që mund të krijohet nga ndërveprimi sportiv sepse kështu duhet të veprojmë me shoqërinë…Sporti ia ka dhënë mundësinë Kosovës që të njihet ndërkombëtarisht gjithashtu dhe që atëherë, kanë qenë tri Lojëra Olimpike që kur Kosova është bërë pjesë dhe nëse kam numëruar mirë, i keni pesë medalje të arta”, theksoi

Ndërsa, deputetja e Kuvendit të Kosovës, Elixa Hoxha ka vënë në pah rëndësinë që ka sporti për imazhin e Kosovës jashtë vendit, duke e arritur këtë në formën më të mirë përmes sukseseve të mëdha në garat sportive ndërkombëtare.

“Nëse flasim për kulturë dhe për sport, zakonisht Kosova ndryshon në sytë e të tjerëve si imazh dhe si brenda i një shteti të ri për shkak të sukseseve që kjo kategori e njerëzve ose kjo platformë sportive u krijon mundësi edhe të rinjëve por edhe krijon një pikëpamje të re dhe një mundësi të re të leximit të potencialit të shtetit se çfarë mund të jetë nga brenda dhe çfarë mund t’i jap Evropës dhe botës një shtet me një shoqëri shumë të re”, theksoi Hoxha.

Ndërsa kryetari i Federatës së Basketbollit të Kosovës kërkoi më shumë gjithëpërfshirje të grave në vendimmarrje nëpër federatat sportive, duke theksuar se FBK është shumë e përkushtuar në këtë drejtim.

Fetahu: FBK përkrah gjithërfshirjen dhe parimin e demokracisë në organet e saj.

“Ne e kemi këtu deficitin si vend, jo vetëm në basketboll por në të gjitha sportet besoj dhe ne kemi vendosur që ato t’i subvencionojmë në të gjitha nivelet. Prej garave shkollore që organizohen si pjesë e programit Sport në shkolla e deri tek garat seniore, nëse merresh me basketboll në Kosovë, nuk do të paguash asgjë. Kjo ishte për ta trajtuar çështjen e barazisë gjinore dhe të gjithpërfshirjes si parime të tjera të demokracisë. Masat stimuluese janë aty jo vetëm për femrat, masat stimuluese kemi edhe për të rinj, por edhe për veteran, kemi edhe më programin Sport në shkolla”, tha Fetahu.

Në panel gjithashtu u kërkuar më shumë përfshirje të grave në proceset vendimmarrëse të të gjitha feteratave dhe organizatave të ndryshme sportive në vend. /kp

Presidentja e Kosovës, Vjosa Osmani, ka pritur në takim ministren e shtetit për Evropë dhe Klimë të Republikës Federale të Gjermanisë, Anna Lührmann.

Nga ky takim mediat janë lejuar të marrin vetëm pamje, ndërsa nuk është paralajmëruar ndonjë konferencë me gazetarë.

Gjermania ka kërkuar të gjendet një mundësi që Kosova t’i largojë masat e sigurisë për mallrat serbe, në mënyrë që të arrihet pajtim për ndryshim të statusit të përfaqësimit në CEFTA.

Emisari special i Gjermanisë për Ballkanin Perëndimor, Manuel Sarrazin ka paralajmëruar se Kosova mund të mbetet jashtë Procesit të Berlinit. Ai thotë se “nëse Kosova e bllokon CEFTA-n do të jetë shumë e vështirë që t’i bashkëngjitet pastaj Planit të Rritjes dhe qasjes në tregun e BE-së”.

Osmani ka konfirmuar së fundmi se ekziston kërcënimi që Kosova të largohet nga Procesi i Berlinit.

Presidentja e Kosovës, Vjosa Osmani ka pritur në takim kreun e Bashkësisë Islame të Kosovës, Naim Tërnava.

Në komunikatën për media thuhet se në takim është diskutuar për angazhimin e Bashkësisë Islame në forcimin e pozitës ndërkombëtare të Kosovës, traditën e tolerancës ndërfetare dhe nevojës për vazhdimin e kultivimit të saj.

Osmani shprehu vlerësimin e thellë për përpjekjet e Bashkësisë Islame të Kosovës (BIK) për dialog, mirëkuptim dhe unitet ndërmjet të gjithë komuniteteve fetare në Kosovë.

“Në një kohë ku paqja dhe mirëkuptimi global janë më të rëndësishme se kurrë, Kosova është krenare që vazhdon ta mbajë lart nivelin e tolerancës dhe harmonisë ndërfetare”, ka theksuar Osmani.

Në takim u potencua roli jetik i të gjitha bashkësive fetare dhe nevoja e një angazhimi të përbashkët kundër gjuhës së urrejtjes dhe në favor të tolerancës, mirëkuptimit dhe respektit të ndërsjellë.

Kryeministri Albin Kurti bashkë me ministrin për Komunitete dhe Kthim, Nenad Rashiq, mirëpriten në Prishtinë për një mëngjes pune bashkëthemeluesin dhe ish-udhëheqësin e Lidhjes së Social Demokratëve të Vojvodinës, Nenad Çanak, i shoqëruar nga Mitropoli i Kishës Ortodokse të Malit të Zi, Boris Bojoviq.

Në njoftimin e lëshuar për media thuhet se gjatë bisedës u diskutua mbi çështje aktuale, zhvillimet në rajon, pasojat e vazhdueshme të agresionit ushtarak rus në Ukrainë dhe rrezikun që lufta atje vazhdon të paraqes për sigurinë e kontinentit të Evropës dhe rajonin e Ballkanit.

“Millan Çanak, djali i Nenad Çanak, që po ashtu ishte në këtë takim e i cili së fundmi është kthyer nga një mision humanitar në Ukrainë, ndau nga përvoja e tij atje dhe foli për gjendjen në terren, trimërinë dhe moralin e lartë të ushtrisë ukrainase në fushëbetejë dhe për mobilizimin qytetar për rezistencë. Në takim u diskutua edhe për raportet e Kosovës me Serbinë, për historikun, aktualitetin dhe perspektivën e tyre, dhe për gjendjen e pakicës serbe në Kosovë”, thuhet në njoftim.

Ndër tjera theksohet se Kurti tha se agresioni i Rusisë ndaj Ukrainës ka shpërfaqur qartë rreziqet që regjimet autoritare paraqesin për shtetet fqinje, përveçse për të drejtat e njeriut dhe mirëqenien e popullatës vendëse.

Ai veçoi rëndësinë që demokratizimi i shoqërive, pluralizmi partiak, sundimi i ligjit, mbrojtja dhe promovimi i të drejtave të njeriut dhe bashkëpunimi rajonal kanë në përballje me këto rreziqe, krahas mbështetjes të vazhdueshme ndaj Ukrainës në luftën e saj çlirimtare – të cilën Republika e Kosovës po e mbështetet fuqishëm me gjithë kapacitetet e saj.

Është gjetur i vdekur një person në ditën e pestë të kërkimit në fshatin Vuçë të Leposaviqit.

Kjo u bë e ditur nga Shoqata e Kosovës për Kërkim dhe Shpëtim, ku thuhet se gjetja e fshatarit është bërë në bashkëpunim me Policinë e Kosovës, zjarrëfikësit dhe bashkëfshatarët e të ndjerit.

“Është gjetë trupi i pa jetë në ditën e 5 të kërkimit i fshatarit nga fshati Vuçë e Leposaviqit nga Pjestarët e Policisë së Kosovës në bashkpunim me Shoqatën Shoqata e Kosovës për Kërkim dhe Shpëtim, zjarrëfiksit dhe bashkfshatarë”, thuhet në postimin e tyre të plotë.

Për nder të Ditës së Demokracisë, Kuvendi i Kosovës ka organizuar një sërë aktivitetesh. Njëra ndër to ishte edhe “Panairi i organizatave të shoqërisë civile”, raporton EO.

Përfaqësuesja e Institutit Demokratik të Kosovës, Violeta Haxholli ka thënë se ky panair ka për qëllim prezantimin të gjitha publikimet dhe hulumtimeve të tyre gjatë këtij viti tek deputetët e Kosovës dhe qytetarët që do të vizitojnë këtë panair.

“Ne si përfaqësues të Institutit Demokratikë të Kosovës, marrim pjesë çdo vit në këtë panair që organizohet nga Kuvendi i Kosovë për nder të shënimit të Ditës së Demokracisë në Kosovë. Qëllimi është që të gjitha shoqatat e shoqërisë civile të prezantojnë të gjitha gjatë publikimet këtij viti apo me herët në mënyrë që qytetarët që do të vijnë në Kuvend do të kenë mundësinë që të njoftohen më shumë me punën e organizatave te shoqërisë civile, pastaj mundësia e shkëmbimit e këtyre informacione me deputetët e Kosovës që janë prezent dhe akterët tjerë në Kuvend. Ka një numër të madh të organizatave që monitoron punën e Kuvendit, ky është qëllimi ynë që të prezantojmë punën tonë dhe të shkëmbejnë informacione edhe me deputetët e Kuvendit dhe të evokojmë të gjeturat që dalin nga hulumtimet tona dhe panairi është mundësi për ta bërë”, ka thënë Haxholli.

Blerina Recica nga organizata INDEP ka thënë për EO se kjo organizatë ka të bëjë me fushën e demokracisë dhe transparencës në institucionet e Kosovës.

“Ne si organizatë punojnë nga viti 2011 punojmë në fushën e demokracisë dhe transparencës. Kemi të bëjmë me llogaridhënie në institucionet në Kosovë e ministrive. Kjo organizatë më shumë kemi të bëjmë me llogaridhënie me politikat e gjelbëra me fokus të veçantë të energjisë së ripërtrishme”, ka thënë Reçica.

Kandidati i PDK’së për kryeministër të Kosovës, Bedri Hamza, ka njoftuar se sot është takuar me ambasadorin e Finlandës, Matti Nissinen.

Hamza ka thënë se Finlanda është mike e Kosovës dhe përkrahëse e madhe e integrimit euroatlantik.

Ai bëri të ditur se në takim është biseduar për zhvillimet politike në vend, rritjen e bashkëpunimin ndërshtetëror dhe për sigurinë, paqen dhe stabilitetin në Ballkanin Perëndimor.

“Ditën e sotme e nisa me një takim me Ambasadorin e Finlandës, Matti Nissinen. Finlanda është një mike e Kosovës dhe një përkrahëse e madhe e integrimit tonë euroatlantik. Ne biseduam për zhvillimet politike në vend, për rritjen e bashkëpunimit ndërshtetëror dhe për sigurinë, paqen dhe stabilitetin në Ballkanin Perëndimor.”

Kryetari i Mitrovicës ka shtuar se sfidat deri tani Kosova i ka tejkaluar me përkrahjen e aleatëve.

“Kosova, të gjitha sfidat e deritashme, duke u bërë partnere konstruktive, i ka përballuar dhe i ka tejkaluar me përkrahjen e aleatëve!”.

Pasi stuhia “Boris” solli shira të rrëmbyeshëm dhe përmbytje katastrofike në pjesë të Evropës Qendrore dhe Lindore, autoritetet e Budapestit nuk po i lënë asgjë fatit. Niveli i ujit në Danub është rritur tej mase. 350 ushtarë janë angazhuar në mbrojtjen nga përmbytjet.

Me kërkesë të disa qarqeve, ministri i Mbrojtjes Kristóf Szalay-Bobrovniczky urdhëroi vendosjen e ushtarëve për përgatitjet e mbrojtjes nga përmbytjet në vendbanimet Mosonmagyaróvár, Neszmély, Pilismarót dhe përgjatë lumit Lajta.

Ministri i Brendshëm Sándor Pinter tha në një konferencë për shtyp të dielën se qeveria ka autorizuar departamentin e ministrisë së brendshme për të organizuar mbrojtjen nga përmbytjet.

Parashikimet thonë se niveli i ujit të Danubit dhe Lajtës do të arrijë, e ndoshta edhe do ta kalojë nivelin e ujit të vitit 2013, kur Budapesti u godit nga përmbytje të paprecedentë.