Category: Lajme

Gjykata e Apelit e ka caktuar për 7 tetor 2024 seancën në të cilën pritet të elaborohen ankesat e Pal Lekajt, Eset Berishës, Nebih Shatrit dhe Besim Tahirit, të dënuar nga Themelorja me 10 vjet e 3 muaj burigm (së bashku), për rastin e njohur si “53-milionëshi”.

Pal Lekaj, në cilësinë e ministrit të Ministrisë së Infrastrukturës (MI), Eset Berisha, në cilësinë e këshilltarit të lartë politik i tij, Nebih Shatri, si sekretar i Përgjithshëm në këtë ministri dhe Besim Tahiri, si drejtor i Prokurimit Publik në MI, ngarkohen nga Prokuroria për keqpërdorim të detyrës zyrtare në bashkëkryerje.

Sipas njoftimit të cilin e ka siguruar “Betimi për Drejtësi”, seanca në Apel pritet të mbahet më 7 tetor 2024, në ora 10:00.

Në njoftim janë ftuar që në këtë seancë të marrin pjesë pëfaqësues nga Prokuroria e Apelit, i akuzuari Lekaj me avokatin Artan Qerkini, i akuzuari Berisha me avokatin Afrim Salihu, i akuzuari Shatri me avokatin Florent Latifaj dhe i akuzuari Tahiri me avokatin Urim Vokshi, si dhe palëa e dëmtuar- Avokatura Shtetërore.

Sipas aktgjykimit të shpallur më 31 janar 2024, Pal Lekaj u dënua me 3 vite e 8 muaj burgim efektiv. Ndaj tij, gjykata shpalli edhe dënim plotësues, ndalimi i ushtrimit të funksionit publik në administratë publike ose në shërbimin publik në kohëzgjatje prej 3 vite e 6 muaj.

Këshilli Prokurorial i Kosovës në mbledhjen e 253-të si pikë të rendit të ditës ka vendosur miratimin e Rregullores për Emërimin e Kryeprokurorit të Shtetit dhe Kryeprokurorëve të Prokurorive të Republikës së Kosovës.

Përkitazi me Rregulloren në fjalë, Instituti i Kosovës për Drejtësi (IKD) ka dërguar komente në KPK. Duke mirëpritur adresimin e një pjese të komenteve, IKD gjënë se drafti i prezantuar për votim në KPK vazhdon të mos garantojë transparencë të duhur të procesit dhe krijon pabarazi mes anëtarëve të Këshillit, duke mos ndjekur standardet adekuate të miratuara nga Këshilli Gjyqësorë i Kosovës në raport me procesin e emërimit të kryetarëve të gjykatave.

Në komentet e dërguara, IKD rekomandoi detajimin e obligimeve lidhur me transparencën, në mënyrë që proceset për kryeprokurorë të jenë transparente para publikut, kandidatëve për kryeprokurorë dhe stafit të sistemit prokurorial. Një detajim të tillë nuk e përmban drafti që është dërguar për miratim në KPK, i cili përmban vetëm dispozita të përgjithshme në lidhje me transparencën. Dispozita të tilla lënë hapësira të mëdha interpretimi dhe arbitrariteti, të cilat më pastaj kthehen në mungesë transparence, problem ky i vazhdueshëm i këtyre proceseve të KPK-së.

Me qëllim të vlerësimit adekuat të kandidatëve, IKD rekomandoi mundësinë e marrjes së mendimeve apo informatave me karakter këshillëdhënës nga secili prokurorë për secilin kandidat për kryeprokuror. Për dallim nga KGjK, KPK nuk e morri për bazë këtë koment.

Sipas Draft Rregullores së dërguar për miratim, kryesues i Panelit për Vlerësim do të jetë Kryesuesi i KPK-së. IKD në komentet e dhëna ka rekomanduar që KPK të themelojë Panelin Vlerësues dhe me vendim të caktojë edhe kryesuesin e këtij paneli, duke mos përcaktuar që automatikisht Kryesuesi i KPK-së të jetë edhe kryesues i Panelit për Vlerësim. Dhënia e një detyre të tillë paraqet trajtim të pabarabartë mes anëtarëve të KPK dhe Kryesuesit të tij, i cili është “i pari në mesin e barabartëve”. Edhe në këtë rast, KPK nuk morri për bazë rekomandimin e IKD dhe nuk ndjeku linjën e KGjK.

Në anën tjetër, në mbledhjen e sotshme, në rend të ditës është edhe shqyrtimi i vendimit për pagën e anëtarëve jo-prokuror të KPK-së. Lidhur me këtë vendim, IKD i rekomandon KPK-së që të ketë një vëmendje të shtuar, duke respektuar dispozitat dhe parimet ligjore. Vendimi i marrë nga KPK në asnjë mënyrë nuk duhet të shërbejë si dekurajim për anëtarët jo prokurorë të KPK-së. Ky fakt vetëm sa do ta përforconte nivelin e korporatizmit brenda KPK-së, pasi një qasje e cila për anëtarët jo prokuror do të nënkuptohej potencialisht si përjashtuese.

Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se rreshteri i Policisë së Kosovës, Afrim Bunjaku, ra heroikisht në mbrojtje të paqes, sigurisë dhe jetës së qytetarëve.

Ai ka bërë homazhe te varri i tij dhe ia ka vizituar familjen në Samadrexhë të Vushrrisë, duke thënë se sakrifica e Bunjakut “është nder i përhershëm për Kosovën”.

Haradinaj është shprehur se Kosova dhe qytetarët do ta kujtojnë përgjithmonë rreshterin e vrarë në Banjskë.

“Në njëvjetorin e rënies, zhvillova homazhe pranë varrit të tij dhe vizitova familjen e tij në Samadrexhë të Vushtrisë. Me këtë rast, bashkëshortes së tij, Lumnijes, vajzës Arbenitës, djemve Jetlumit e Fatlumit dhe gjithë familjes Bunjaku, u shpreha respektin e përjetshëm për sakrificën e Afrimit, që është një nder i përhershëm për Kosovën dhe të gjithë qytetarët e saj. Kosova dhe qytetarët e saj do ta kujtojnë përgjithmonë me respekt dhe përulje heroin Afrim Bunjaku”, ka shkruar deputeti i AAK-së.

Përkundër kritika të partive opozitare, Komisioni për Shëndetësi ka dërguar për në seancë Projektligjin për Sigurimin e detyrueshëm të Kujdesit Shëndetësor, raporton Ekonomia Onlinë.

Opozita e cilësoi të vonuar dhe pa zgjidhje të qëndrueshme, ndërsa nga partia në pushtet konsiderojnë se “reforma në shëndetësi po merr një dinamizëm më të madh”.

Deputeti i Lidhjes Demokratike të Kosovës, Armend Zemaj ka theksuar se ky projektligj është i obligueshëm në bazë të rregullores së punës së Kuvendit dhe pa marr parasysh verdiktin ky projektligj detyrimisht shkon në Kuvend për shqyrtim.

Zemaj theksoi se projektligji për sigurime shëndetësore është i vonuar dhe se i njëjti në përmbajtje nuk ofron zgjidhje të qëndrueshme.

“Më shumë është përgatitur për të mbuluar dështimin katërvjeçar të qeverisë në sektorin e shëndetësisë dhe ky ligj nuk mund të improvizohet në fund të mandatit sa për të mbuluar procedurën legjislative”, ka theksuar Zemaj.

Deputeti i Grupit Parlamentar të Vetëvendosjes, Haxh Avdyli ka theksuar se reforma në shëndetësi po merr një dinamizëm më të madh.

“Besoj që deri në fund të mandatit do të kemi edhe ligjin për shëndetësi, ligjin për inspektoratet po edhe ligjin për sigurimet shëndetësore të cilat do të rrumbullakojmë reformën në shëndetësi”, ka theksuar Avdyli.

Sipas tij, ky projektligj i ka adresua të gjitha mangësitë të cilat kanë penguar që Kosova deri më sot mos të ketë sigurime shëndetësore.

Kurse deputeti i Aleancës për Ardhmërinë e Kosovës, Shemsedin Dreshaj tha se do të jetë shumë e vështirë që të përjetësohet në praktikë, sepse sipas tij ka ardhur vonë dhe nuk është koha të amandamentohet.

Sipas tij për të realizuar sigurime shëndetësore nevojiten minimumi katër vite që të grumbullohet fondi dhe që të funksionalizohet procesi.

“Është e çuditshme pse pas tri viteve qeverisje sillet këtu, sikur ta kishim pasur në fillim të vitit 2021 vërtetë do të kishim dhënë kontributin tonë”, theksoi Dreshaj

Dreshaj u shpreh se ky projektligj me të gjitha premisat është i paraparë të dështoj.

Sot është bërë saktësisht një vit nga sulmi terrorist në Banjskë, kur sipas të dhënave zyrtare u vra një polic i Kosovës dhe tre serbë. Ky aksion është organizuar dhe udhëhequr, sipas pranimit të tij, nga ish-nënkryetari i Listës Serbe, Milan Radoiçiq.

Nova në përmbledhjen e përvjetorit të këtij sulmi shkruan se Radoiçiq është i lirë, ai ka një pronë luksoze në Dedinje.

Më 24 shtator të vitit të kaluar të shtënat me armë zjarri kanë pasur jehonë në rajonin e fshatit Banjskë gjatë gjithë mëngjesit. Vendasit ishin shumë të frikësuar dhe të mbyllur në shtëpitë e tyre.

Së shpejti, Eparkia e Rashkës-Prizrenit njoftoi se një grup personash të armatosur, të maskuar hynë në manastir me automjet të blinduar dhe depërtuan nëpër portën e mbyllur. Në atë moment, në manastir ishte një grup besimtarësh nga Novi Sadi, me priftin, igumenin Danilo dhe vëllezërit e manastirit. Persona të maskuar të armatosur lëviznin nëpër oborr dhe herë pas here dëgjoheshin të shtëna armësh.

Ministri në Qeverinë e Kosovës, Nenad Rashiq, i tha Nova-s atë ditë se një pjesë e sulmuesve kanë hyrë në manastir dhe se policia i ka thirrur të dorëzohen me megafon. Ai gjithashtu deklaroi se sulmuesit, bazuar në burime policore, ishin të organizuar mirë dhe dyshohet se ishin të armatosur me armë të rënda, armë dhe mortaja.

Policia e Kosovës më pas ka njoftuar opinionin se në shkëmbimin e zjarrit në veri të Kosovës janë vrarë tre terroristë.

Gjithashtu, janë arrestuar gjashtë persona, nga të cilët një person është i lidhur drejtpërdrejt me të shtënat, ndërsa katër prej tyre dyshohen për mbështetje logjistike.

Sipas informacioneve të para, me atë rast janë gjetur qindra armë, uniforma dhe pajisje logjistike, mes të cilave armë ushtarake të kalibrit të rëndë si granata, pistoleta, mitralozë, kallashnikovë, automatikë…

Në Serbi heshtje deri në mbrëmje

Autoritetet serbe nuk u deklaruan gjatë gjithë ditës, deri në fjalimin e presidentit të Serbisë, Aleksandar Vuçiq, në orën 20:00. Ai dënoi vrasjen e një polici shqiptar, por fajtorin kryesor për ngjarjet në Banajskë e vuri në dukje kryeministrin e Kosovës Aljbin Kurti.

“Në vetëm një orë e njëzet minuta, ata disa dhjetëra serbë u rrethuan plotësisht, padyshim kjo u bë së bashku me forcat ndërkombëtare. Ndaj tyre u krye një sulm brutal dhe ne në fillim menduam se pse nuk e bëri KFOR-i, do të kishte më pak viktima. Sipas informacioneve që disponojmë, thuhet se janë vrarë tre serbë nga Kosova. Dy sigurisht nga zjarri snajper, kur nuk ishte e nevojshme që të likuidoheshin. Dy prej tyre janë plagosur rëndë dhe ekziston frika se është vrarë edhe një i katërt”, tha Vuçiq.

Mirëpo, vetëm pesë ditë më vonë, nënkryetari i atëhershëm i Listës Serbe, Milan Radoiçiq, merr përgjegjësinë për sulmin ndaj policisë së Kosovës në fshatin Banjskë dhe jep dorëheqje nga pozita e nënkryetarit të Listës Serbe.

Avokati Goran Petronijeviq, si përfaqësues i Radoiçiqit, ka lexuar letrën e tij drejtuar opinionit, në të cilën ndër të tjera shkruan:

“Unë personalisht kam bërë të gjitha përgatitjet logjistike për mbrojtjen e popullit tonë kundër pushtuesit dhe ky akt i imi nuk ka të bëjë fare me përfshirjen time të mëparshme politike”.

Në fillim të dhjetorit Interpoli lëshoi ​​një urdhër arresti për të, pikërisht për ngjarjet e ndodhura më 24 shtator në Banjskë.

Pothuajse një vit pas konfliktit në Banjskë, Prishtina ka ngritur padi kundër 45 personave, mes tyre edhe Radoiçiq.

“Kemi kryer afro 66 intervista me dëshmitarë dhe të pandehur, kemi analizuar afërsisht 120 pajisje elektronike, kemi sekuestruar afërsisht 1266 armë dhe pajisje të tjera dhe kemi siguruar qindra dokumente që përmbajnë prova kyçe për këtë rast”. Ndër të pandehurit kryesorë është edhe një person me pozitë kyçe si udhëheqës i grupit, Milan Radoiçiq, i cili ka luajtur një rol të rëndësishëm në koordinimin dhe aktivitetet kriminale. Kemi bërë dhjetëra kërkesa për bashkëpunim juridik ndërkombëtar, duke përfshirë vendet e Bashkimit Evropian, Shtetet e Bashkuara të Amerikës dhe vendet tjera nga të cilat kemi arritur të sigurojmë prova të rëndësishme”, tha prokurori i rastit Banjska, Naim Abazi.

Në Beograd ende nuk është ngritur aktakuza dhe Qeveria e Kosovës ka refuzuar kërkesën e Serbisë për bashkëpunim në lidhje me rastin Banjska dhe sigurimin e provave për Milan Radoiçiq.

Kumbarët dhe shokët ndërtojnë

Në ndërkohë, Radoiçiq është i lirë dhe i është lejuar të ndërtojë prona të paluajtshme luksoze në Dedinje, praktikisht në të njëjtin lokacion ku do të vendosen pallatet e kumbarit të tij Zvonko Veselinoviq dhe po ashtu kumbarit të presidentit të Serbisë, Nikolla Petroviq.

“Milan Radoiçiq, lideri joformal i pjesës veriore të Kosovës, Nikola Petroviq, kumbari i Presidentit të Serbisë, dhe gruaja e kumbarit të Radoiçiqit, Zvonko Veselinoviç, po blejnë pasuri të re të patundshme me vlerë në një lokacion prestigjioz në Beograd. Vila luksoze janë në ndërtim e sipër në parcelat stërgjyshore të Radoiçiqit dhe gruas së Veselinoviçit, dhe emëruesi i përbashkët për të gjitha këto prona është Davor Macura, pronari i Alta Bank, i cili shpesh lidhet me Partinë Progresive Serbe në pushtet”, shkruan BIRN.

Siç kanë thënë më tej, nga fundi i vitit të kaluar e deri më sot, Radoiçiq, Ljiljana Bozhoviq, bashkëshortja e Zvonko Veselinoviqit dhe Nikolla Petroviq, kumbari i Presidentit të Serbisë, janë bërë pronarë të mijëra metrave katrorë tokë në Dedinje. dhe parcelat e tyre ndodhen pranë njëra-tjetrës. Siç zbulon BIRN, investitori që po ndërton një ndërtesë banimi me një sipërfaqe totale prej 1550 metrash katrorë në parcelën e Radoiçiqit është kompania Danica Park e Davor Macura, pronari i Alta Bank, i cili shpesh lidhet me Partinë Progresive Serbe në pushtet.

Kryeministri Albin Kurt, kryeparlamentari Glauk Konjufca e ministra të kabinetit qeveritar, kanë bërë homazhe pranë varrit të heroit të Kosovës, Afrim Bunjaku në njëvjetorin e vrasjes së tij, raporton EO.

Nga aty, kryeministri Kurti tha se sakrifica e heroit nuk do të harrohet kurrë, duke shtuar se Bunjaku humbi jetën “duke mbrojtur sovranitetin dhe integritetin territorial të Republikës së Kosovës”.

Kurti tha se rreshteri Afrim Bunjaku ra heroikisht në mbrojtje të paqes dhe sigurisë së vendit.

“Rënia e Afrim Bunjakut është dëshmi që Kosova edhe i del zot vetes edhe ngadhënjen në çdo betejë. Sot që po flasim, Kosova nuk ka burime të brendshme që e cenojnë sigurinë apo stabilitetin e të cilat ne nuk arrijmë t’i kontrollojmë apo menaxhojmë. Anembanë Kosovës, në çdo cep është shteti i Kosovës, shteti i Republikës demokratike dhe të pavarur të Kosovës, të cilës i shërbejmë me nder dhe përkushtim. Numri i policëve me kadetë të rinj po rritet, morali i policisë sonë edhe ushtrisë tonë kurrë s’ka qenë më i lartë, andaj kjo sakrificë, ky flijim i rreshterit të policisë, të heroit Afrim Bunjaku ia ka vlejtur fort për Policinë, për shtetin dhe për gjeneratat e ardhshme”, tha Kurti.

Ai tha se me rënien e tij nuk ranë policë të tjerë, ndërsa për kolegët e Afrim Bunjakut që ishin me të kur u sulmuan, tha se nuk lejuan që trupi i tij të bie në dorën e grupit terrorist.

“Duke rënë Afrim Bunjaku nuk kanë rënë shumë policë të tjerë dhe ata policë që ishin në betejë bashkë me të nuk lejuan që trupi i pajetë i heroit tonë të bie në duart e forcave armike e forcat që ishin të financuara dhe të dirigjuara nga Serbia me paramilitarë që kishin shumë më tepër armatim sesa Afrim Bunjaku me shokë ikën me turp, i lanë të vrarët dhe të plagosurit e tyre dhe sot fshihen nëpër Serbi sepse e dinë që e kanë humbur betejën njëherë e përgjithmonë me shtetin tonë dhe me popullin tonë liridashës”, u shpreh Kurti.

Kurti tha se për vrasjen e rreshterit Afrim Bunjaku përgjegjëse është Serbia dhe se ajo duhet të japë përgjegjësinë. Këtu ai kërkoi ndihmën e ndërkombëtarëve.

“Serbia është përgjegjëse, andaj Serbia duhet të japë përgjegjësi. E në këtë pikë ne kërkojmë mbështetjen, ndihmën, përkrahjen e faktorëve ndërkombëtarë. Idealet e dëshmorëve për neve do t’i jetësojmë e po i jetësojmë, ndërkaq kujtimin tonë për ta do ta përjetësojmë e po e përjetësojmë. Sot në Banjskë të Zveçanit është vendosur tabela në të cilën shkruan rruga ‘Afrim Bunjaku’. Kjo është rruga e të gjithë neve”, deklaroi Kurti.

Kryeparlamentari Glauk Konjufca tha se Afrim Bunjaku do të kujtohet përgjithmonë. Konjufca tha se heroi Afrim Bunjaku është shembulli më i mirë për vetëmohim.

“Afrim Bunjaku ra heroikisht në mbrojtje të sovranitetit. Ai dha shembullin më të vyer se kur atdheu rrezikohet dhe kërcenohet se si duhet të jepet jeta. Ai e la shembullin më të vyet edhe për vëllezërit dhe motrat e tij që janë në Policinë e Kosovës se si duhet të veproj njeriu kur e kërkon shteti”, shtoi ai.

Homazhe kanë bërë edhe disa ambasadorë të akredituar në Kosovë.

Gjithashtu, në këtë delegacion ishte edhe Komandanti i Policisë së Kosovës Gazmend Hoxha dhe disa përfaqësues të Policisë së Kosovës.

Rreshteri Afrim Bunjaku është vrarë më 24 shtator të vitit të kaluar në Banjskë të Zveçanit nga grupi terrorist i Milan Radoiçiqit. Nga sulmet e grupit terrorist ishin plagosur edhe dy policë tjerë të Kosovës.

Kryetari i Aleancës për Ardhmërinë e Kosovës, Ramush Haradinaj, ka bërë homazhe tek varri i Heroit të Kosovës, Afrim Bunjaku, me rastin e njëvjetorit të rënies së tij.

Haradinaj ka thënë se porosia e rënies së Heroit Bunjaku është që Kosova ka njerëz që mbrojën gjithë territorin e saj, rendin e ligjin, të drejtat kushtetuese edhe shtetin ligjor.

“Në njëvjetorin e rënies së rreshterit të Policisë tashmë Heroit të Kosovës Afrim Bunjaku, në sulmin terrorist në Banjskë, e nder të varri i tij. Porosia e rënies heroike të tij është që Kosova ka njerëz që mbrojnë Kosovën, e mbrojtën gjithë territorin e Kosovës, rendin dhe ligjin të drejtat kushtetuese edhe shtetin ligjor. Afrim Bunjaku me jetën e tij e dërgoj këtë porosi, i përulemi me respekt”, u shpreh Haradinaj.