Category: Lajme

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, mirëpriti në takim mëngjesin e sotëm Kryetarin e Këshillit Kombëtar Shqiptar, Nevzad Lutfiu.

Përmes një komunikate thuhet se ata biseduan për një sërë çështjesh të rëndësishme të cilat lidhen me aktualitetin dhe situatën e shqiptarëve në komunat e Preshevës, Bujanocit dhe Medvegjës.

Ndër temat të cilat u diskutuan në këtë takim sipas njoftimit ishte edhe nevoja për përkrahje të shtuar për shqiptarët atje, të cilët vazhdojnë të përballen me sfida të shumta, duke përfshirë diskriminimin dhe shtypjen sistematike.

“Me këtë rast, zëvendëskryeministri Bislimi shprehu shqetësimet e thella në lidhje me vazhdimin e praktikave diskriminuese ndaj shqiptarëve në Luginën e Preshevës si dhe ritheksoi përkushtimin për të qëndruar pranë dhe për të mbështetur të drejtat e ligjshme të shqiptarëve atje. Zëvendëskryeministri Bislimi tha se Qeveria e Republikës së Kosovës do të vijojë të ofrojë mbështetje të gjithanshme për komunitetin shqiptar në Luginën e Preshevës, me fokus kryesor në avancimin e të drejtave të tyre dhe për një perspektivë më të ndritur për bashkatdhetarët tanë”, thuhet në komunikatë.

Në Ditën e Dytë Ndërkombëtare të Shëndetit Mendor, psikologët nga Kosova dhe ata nga Shqipëria, kanë vlerësuar se pa një baraspeshë të shëndetit mendor dhe fizik nuk do të ketë individë që do të jenë funksional për një shoqëri të shëndosh, raporton EO.

Për këtë, gjatë kongresit ndërkombëtar “Shëndeti mendor, sfidat dhe e ardhmja”, të organizuar nga Shoqata e Psikologëve të Kosovës ata kërkuan që politikbërësit të ndërgjegjësohen për rëndësinë e shëndetit mendor.

Kryetari i Shoqatës së Psikologëve të Kosovës, Ilir Havolli, tha se shëndeti mendor është faktori kryesor i mirëqenies së qytetarëve, teksa shqetësuese e konsideron mungesën e psikologëve klinik nëpër komuna.

“Ajo çka ne zhvilluam këtu është se na tregoi shumë se me të vërtetë shëndeti mendor kërkon një impenjim të veçantë nga ne si profesionist të shëndetit mendor, nga institucionet tona dhe nga institucionet e Shqipërisë. Ajo çka u elaburua dje këtu, na bëri me dije se me të vërtetë se ne duhet të veprojmë dhe të reagojmë në mënyrë imediate në inkorpurimin e psikologëve nëpër strukturat e ndryshme publike, duke filluar nga shëndeti primar, sekondar, terciar e nga sisteme arsimore”.

“Shëndeti primar në Kosovë në të gjithat qytetet, janë vetëm tri komuna që QKMF-të kanë psikolog klinik. Kjo me të vërtetë është shqetësuese, prandaj i bëjmë thirrje institucioneve tona që të fillojnë inkorporomini e psikologëve brenda strukturave organizative”, u shpreh Havolli.

Anëtari i Komisionit për Shëndetësi dhe Mirëqenie Sociale, Burim Meta, tha se ekzekutivi e legjislativi duhet të marrin shembull Mbretërinë e Bashkuar, të cilët sipas tij, i kanë dhënë theks të veçantë trajtim adekuat shëndetit mendor, po aq sa shëndetit fizik, raporton EO.

“Në një takim timin në vitin 2015 në njërën nga fondacionet e shëndetit mendor në Londër, u theksua fakti se edhe në shtetet e Mbretërisë së Bashkuar, profesionistët shëndetësor iu kishin mbushur mendjen përfaqësuesit e shëndetit mendor, Qeverisë britanike që të vejnë theks të veçantë dhe trajtim adekuat shëndetit mendor, po aq sa shëndetit fizik. Edhe tek ne një qëndrim i tillë është që në vitet e ardhshme, shëndeti mendor të ketë konsideratë edhe nga legjislativi por edhe nga ekzekutivi. Natyrisht si profesionist mund të them se impakti është më pozitiv se sa i viteve të kaluara”, u shpreh Meta.

Xhezide Lumi, mjeke në një klinikë në Zvicër, apeloi te kolegët e saj që të tregojnë thjeshtësi me pacientët e tyre.

“Si metaforë unë e kam kopshtin. ‘T’i vjelim frutat e mira nga kopshtet e huaja’ pra ato që neve na mungojnë e jo t’iu marrim të kalbta, sepse ne gjithmonë jemi të orientuar tek ato të prishurat t’i marrim prej kulturave tjera”.

“Ne kemi mjaft tonat të prishura, uthull nuk mundemi të marojmë të gjitha, prandaj e kisha një mesazh që të jeni të thjeshtë dhe kur të jeni të thjeshtë edhe pacientët, ata e çmojnë atë dhe ndihen më të rehatshëm te ju dhe t’i lemë anash termet mjekësore se nuk i kuptojnë ata se nuk janë të gjithë psikolog e logoped”, u shpreh ajo.

Sipas kryetarit të AAK-së, Ramush Haradinaj, bisedat e Mimoza Kusari-Lilës me terroristin Radoiqiq nuk kanë qenë kryenëvete por detyrë e dhënë nga kryeministri Albin Kurti.

Tutje, Haradinaj ka thënë se shpreson se do të ketë ndryshime më 9 shkurt, sepse Qeveria Kurti po ia vështirëson ShBA-së që ta përkrahë Kosovën.

Ai ka shtuar se është takuar edhe me emisarin e ShBA-së, Alexander Kasanov, me të cilin ka diskutuar rreth vështirësive të vendit.

“Jam takuar me Kasanov, kemi shprehur konsideratën tonë për angazhimin e vazhdueshëm të SHBA-së, edhe në këtë vizitë. Është diskutuar për vështirësitë që ka përpara Kosova, e vërtetë që ShBA- ja e përkrahë Kosovës për kundër vështirësive që i shkakton Qeveria e Kosovës”.

“Ka shpresë që do të ndodhin ndryshime nga ne me 9 shkurt. Edhe këtu shihet dyfytyrësia e Kuetit sepse Kusari-Lila nuk e ka bërë në krye në vete por detyrë prej Kurtit dhe do të duhej të dilte dhe të tregonte se un e kam dhëne detyrën. Le ti qesin krejt faktet, faji më i madh i Lilës nuk është biseda me te edhe pse është faj, por faji me i madh është qe e ka bërë fshehtë. Ne nuk jemi fshehur më kë jemi takuar kemi tregu Kosovës”, ka thëne ai, raporton EO.

Shefi i Grupit Parlamentar të Partisë Demokratike të Kosovës, Abelard Tahiri e ka quajtur fatkeqësi të madhe mosprezencën e Lëvizjes Vetëvendosjes në seancën e jashtëzakonshme, ku po debatohet për përgjimet e publikuara të kryetares së Grupit Parlamentar të Lëvizjes Vetëvendosje, Mimoza Kusari – Lila me ish nënkryetarin e Listës Serbe, terroristin, Millan Radojiçiq.

Ai tha se mazhoranca duhet të ballafaqohet me të vërtetën dhe të tregojë se cilat ligje janë miratuar nën ndikimin e Radojiçiqit.

Sipas tij, komunikimi Kusari-Lila me Radojiçiq e ka cenuar sigurinë kombëtare, andaj Prokuroria e Shtetit duhet të ketë një hetim penal për këtë çështje.

“Është fatkeqësi e madhe me pa këtë kuvend dhe pa një shumicë prej 50 për qind që ka fitua zgjedhjet dhe me i ikë një ballafaqimit me të vërtetën. Këtë se kemi pa asnjëherë në të kaluarën dhe shpresoj që të jetë hera e fundit që po e shohim kështu. Kuvendi ku do të duhej të ishte zonja Mimoza Kusari-Lila së bashku me deputetët e LVV-së, ata që na kanë sjellë në Kuvend, Millan Radojiçiqin të jenë sot dhe të ballafaqohen me të vërtetat”, theksoi ai.

Ai kërkoi nga Kusari-Lila që të gjitha aludimet e saj se ka zyrtarë të shtetit të Kosovës në përurimin e shtëpisë së Radoijçiq t’i publikojë.

“Dje në këtë foltore zonja Mimoza Kusari-Lila pati aludime se të nxjerrën fotografi, dhurata, pamje nga përurimi i shtëpisë me zyrtarë të shtetit të Kosovës. I bëj thirrje që është në interes të shoqërisë dhe shtetit të Kosovës me pa se kush janë ata njerëz që kanë marrë pjesë në përurimin e shtëpisë së Radoiçiqit. Kush janë ata njerëz që kanë dërguar dhurata për familjen dhe fëmijët e tij. Është në interes pasi një gjë e tillë e cenon sigurinë kombëtare të vendit tonë”, thekson ajo.

Tahiri tha se Radojiçiq përmes Kusari-Lilës ka imponuar agjendën në Kuvend.

“Kemi arritur në një pikë ku BIA serbe përmes Milan Radojiçiqit te Lëvizja Vetëvendosje përmes Mimoza Kusarit neve na kanë imponuar agjendën e Kuvendit. Ajo çka më intereson mua se cilat janë projektligjet dhe politikat nën ndikimin e Radojiçiqit së bashku me LVV-në i kanë miratuar nga marsi i vitit 2021 deri në tetorin e vitit 2022. Cilat janë çështjet e përbashkëta që këta i kanë shty…I kërkoj prokurorit të shtetit që të ketë një hetim penal për këtë çështje. Është cenuar siguria jonë kombëtare”, thekson Tahiri.

Një shpërthim i fuqishëm ka ndodhur sot në Pejë, ku një person ka humbur jetën pas shpërthimit të një cisterne në një pompë të derivateve.

Sipas burimeve të ATV-së nga vendi i ngjarjes, viktima nuk ishte punonjës i kompanisë ku ndodhi shpërthimi, por një kontraktor i jashtëm.

Raportohet gjithashtu se trupi i pajetë i viktimës ende ndodhet në vendngjarje, teksa autoritetet përkatëse po hetojnë shkaqet e këtij incidenti tragjik. /atvlive.tv

Kryetarja e Komisionit për Mjedis, Ushqim, Bujqësi, Planifikim dhe Zhvillim, Fitore Pacolli ka informuar për dy hulumtime të cilat i ka bërë komisioni e që lidhen me tjetërsimin e dy pronave publike, për çfarë tha se në bazë të analizave, është kuptuar se tjetërsimi ka ndodhur në mënyrë të jashtëligjshme.

Në një konferencë për media, Pacolli ka thënë se bëhet fjalë për tjetërsimin e pronës publike tek Fakulteti Teknik dhe për tjetërsimin e pronës publike të Radio Televizionit të Kosovës. Ndërsa, ka thënë se këtë lëndë do të dorëzojnë tek prokurori i shtetit.

Ajo ka thënë se rasti i parë bëhet fjalë për tjetërsimin e pronës publike me sipërfaqe prej 68 ari, pronë kjo në kompleksin e parcelave të Fakultetit Teknik.

“Neve na kanë ardhë si kërkesa në komisionin tonë që t’i trajtojmë, sepse Komisioni për Mjedis, Ushqim, Bujqësi, Planifikim dhe Zhvillim mbulon edhe çështjen e kadastrit që i bie çështjen e pronave, kështu na kanë kërkuar qytetarët që ne ta analizojmë këtë gjendje dhe të shohim se cilat janë hapat ose të rekomandojmë hapa tutje. Ne si komision i kemi analizuar dy rastet. Rasti i parë bëhet fjalë për tjetërsimin e pronës publike me sipërfaqe prej 68 ari, pronë kjo në kompleksin e parcelave të Fakultetit Teknik dhe nga të gjeturat që kemi bërë si komision dyshohet se prona publike është tjetërsuar kundërligjshëm nga se edhe në bazë të hulumtimeve origjinalin e këtij aktgjykimi nuk e kemi gjetur në asnjë vend në Kosovë. Pra, kanë munguar dokumentet bazë të cilat e dëshmojnë që tjetërsimi ka mundur të ndodhë në mënyrë ligjore. Tani, Universitetit të Prishtinës pikërisht për këtë lëndë i kërkohen mbi 2 milionë euro qira për t’i paguar kësaj toke për shfrytëzimin e saj”, tha Pacolli.

Ndërsa, ka shtuar se rasti i dytë bëhet fjalë për pronën publike të Radio Televizorit të Prishtinës me sipërfaqe prej 3.92 hektarë, në zonën kadastrale të Çagllavicës.

“Rasti i dytë bëhet fjalë për pronën publike të Radio Televizorit të Prishtinës me sipërfaqe prej 3.92 hektarë, pra në zonën kadastrale të Çagllavicës. Ky tjetërsim i pronës publike është bërë në mënyrë të kundërligjshme. Dyshimet sërish janë se ky aktgjykim mund të jetë i falsifikuar, prandaj ne si deputetë e kemi kërkuar origjinalin e këtij aktgjykimit në Gjykatën Themelore të Prizrenit, në Arikvën Shtetërore të Kosovës dhe askund nuk e kemi gjetur…Ne sot këtë lëndë menjëherë pas konferencës e dorëzojmë tek prokurori i shtetit, sepse roli jonë si deputet përfundon këtu. Pra, ne kemi gjetur gjitha të dhënat që janë shumë interesante të rëndësishme që t’i trajtojë prokurori i shtetit”, ka shtuar Pacolli.

Në anën tjetër, deputeti, Milazim Salijaj ka thënë se në këtë hulumtim nuk kanë gjetur dokumentacionin origjinalë dhe kjo krijon dyshime në tjetërsim të paligjshëm. Ai ka shtuar se vlera e rastit të RTP-së, është mbi 12 milionë euro.

“Kemi shqyrtuar të dy shqetësimet dhe për pronën te Fakulteti Teknik kemi ngritur shqetësimet tona në lidhje me tjetërsimin e kësaj prone…Kemi analizuar me detaje dhe nuk kemi gjetur dokumentin origjinal dyshohet… Konform kësaj, përkundër këtij aktgjykimi që është i dyshimtë, prona është tjetërsuar paraprakisht në emër të Azemine Sahiti. Nga ajo që kemi vërejtur bëhet fjalë për tjetërsim të kundërligjshëm të pronës publike…Gjithashtu komisioni pas hetimeve të ngritura nga ana e sindikatës së Radio Televizonit të Prishtinës kemi kontaktuar dhe kjo çështje është ngritur gjithashtu në komision, e kemi trajtuar në detaje, kemi vizituar me anëtarët tjerë të komisionit paraprakisht zyrën kadastrale në Prizren, aty ku e ka edhe burimin ky keqpërdorim, kemi vizituar Gjykatën Themelore në Prizren…Vlera e pronës është diku mbi 12 milionë euro, jemi ardhur në përfundim qe nuk është gjetur askund një dokument origjinal”, tha Salijaj. /kp

Liverpool ka njoftuar vdekjen e ish-mesfushorit të tyre Peter Cormack në moshën 78-vjeçare. Klubi anglez konfirmoi se ish-reprezentuesi skocez ndërroi jetë mbrëmjen e së enjtes.

“Jemi thellësisht të pikëlluar për ndarjen nga jeta të ish-mesfushorit Peter Cormack, 78 vjeç. Pusho në paqe, Peter”, thuhet në njoftimin e Liverpoolit, përcjellë KosovaPress.

Cormack kaloi katër vjet në Anfield gjatë sundimit të Bill Shankly dhe Bill Paisley, duke bërë 178 paraqitje për klubin, duke shënuar 26 gola.

Ka nisur seanca e jashtëzakonshme e Kuvendit të Kosovës, ku do të debatohet për komunikimet e kryetares së Grupit Parlamentar të Lëvizjes Vetëvendosje, Mimoza Kusari – Lila, me ish-nënkryetarin e Listës Serbe, terroristin, Milan Radojiçiq. Mirëpo në seancë nuk po marrin pjesë deputetët e partisë në pushtet, Lëvizjes Vetëvendosje.

Në sallën plenare janë vetëm deputetë të partive opozitare.

Seancën po e kryeson nënkryetari i Kuvendit, Enver Hoxhaj./KP