Category: Lajme

Bartësit e pasaportave serbe nga Kosova, të lëshuara nga Drejtoria Koordinuese e Serbisë, prej sot mund të udhëtojnë pa viza në vendet e BE-së, pasi ka hyrë fuqi Rregullorja për heqjen e vizave, e cila është publikuar në Gazetën Zyrtare të BE-së më 23 shtator.

“Kjo Rregullore është plotësisht e detyrueshme dhe zbatohet drejtpërdrejt në shtetet anëtare në përputhje me Traktatet”, shkruan në dokument, raporton televizioni publik serb RTS.

Danijell Apostolloviq, ambasadori i Serbisë në BE, ka thënë se ky është një lajm i mirë, sepse sipas fjalëve të tij, “eliminoi padrejtësinë dhe trajtimin diskriminues të BE-së ndaj serbëve nga Kosova”, sepse ata ishin të fundit nga Ballkani Perëndimor që iu mundësua regjimi pa viza.

Ai ka thënë se vendimi ishte rezultat i një lufte diplomatike të zyrtarëve serbë.

“Siç e dini, pala prishtinase e kundërshtoi miratimin e këtij vendimi, me argumente “të pakuptimta”, e cila edhe një herë tregoi jokonstruktivitet dhe mbi të gjitha qëndrim çnjerëzor ndaj qytetarëve dhe se qëllimi i tyre nuk është normalizimi i përditshmërisë së njerëzve. Për fat të mirë argumentet e palës sonë fituan”, ka thënë Apostolloviq.

Ai ka shprehur mirënjohjen e tij për komisioneren Ilda Johansson, për Matjazh Nemec, i cili ishte raportues për këtë çështje, si dhe deputetë të shumtë të Parlamentit Evropian që e miratuan këtë vendim me shumicë votash. Prej tyre 406 votuan për, 97 ishin kundër, përkujtoi ambasadori Apostolloviq.

Më 18 shtator, në Strasburg, përfaqësuesit e Parlamentit Evropian (PE) dhe Këshillit të Bashkimit Evropian (BE) nënshkruan ligjin për heqjen e vizave për serbët e Kosovës me pasaporta të lëshuara nga Drejtoria Koordinuese e Serbisë, të cilat Kosova i cilëson si ilegale.

Më 22 korrik, Këshilli i BE-së miratoi vendimin për heqjen e vizave për mbajtësit e këtyre pasaportave.

Komisioni Qendror i Zgjedhjeve sot do të mbaj mbledhjen e radhës në të cilën parashihet që të shqyrtohet dhe miratohet qarkorja buxhetore për vitin 2025.

Sipas njoftimit për medie, mbledhja do të filloj në ora 13:30 në zyrat e KQZ.

Rendi i plotë i ditës:

1. Hyrje: z. Kreshnik Radoniqi, Kryesues i mbledhjes së KQZ-së

2. Procesverbali i mbledhjes së KQZ Nr.53, 54 dhe 55/2024

3. Aktivitetet e SKQZ

4. Raportet e Këshillave 4.1.1 Shqyrtimi dhe miratimi i Qarkorës së Buxhetit 2025/2, qarkorja finale dhe kufijtë buxhetor.

5. Të ndryshme

Një grua është raportuar e zhdukur në Prizren.

Lidhur me rastin, policia ka nisur hetimet.

“Është raportuar se viktima femër kosovare ka dalë nga shtëpia dhe nuk dihet vendndodhja e saj. Njësitë relevante policore janë duke e hetuar rastin për të cilin është njoftuar prokurori”, thuhet në raportin policor.

Në Institutin e Mjekësisë Ligjore nuk ka staf mbështetës. Mjeku mundohet ta kryejë funksionin e psikologut për mbështetje të viktimës nga dhuna. E domosdoshme shihet mbikëqyrja e viktimës nga profesionistë të shëndetit mendor e social.

Në Institutin e Mjekësisë Ligjore, stafi i ekspertëve kryen dokumentimin e dëmtimeve dhe pjesës klinike mjeko-ligjore.

Por në këtë institut mungon stafi mbështetës.

“Ne nuk kemi staf mbështetës, sociolog, psikolog për mbështetjen e mëtutjeshme të viktimave. Por fatkeqësisht ne funksionojmë në këto kushte që i kemi dhe mundohet mjeku me e marrë detyrën ose funksionin që e kish kry psikologu në një situatë tjetër”, tha doktoresha Bergita Curri.

Prandaj nga IML e shohin më se të nevojshme që stafi mbështetës të jetë pjesë e këtij instituti.

“Do të kishte qenë mirë me e pasë një psikolog, sidomos për faktin se ne kemi të bëjmë me viktimat e moshës së ulët, ndonjëherë kemi edhe fëmijë të cilët është shumë e vështirë me i qetësu edhe me i sjell deri në situatën që ata të bashkëpunojnë për ta kryer ekzaminimin”, tha ajo.

Punën e profesionistëve të shëndetit mendor e social e tregon sociologu Genc Xërca.

“Mund të dimë gjendjen e viktimës çfarë është. Pastaj të jepen predispozita dhe këshillime se si të vazhdohet më tutje me trajtime; a të kthehet në rrethin e mëparshëm tek familja apo t’i gjindet ndonjë strehim i përkohshëm dhe adaptimi apo integrimi në shoqëri. Pra këto kapacitete psikologjike dhe sociale janë të domosdoshme që ta mbikëqyrin viktimën dhe të jepin rekomandime”, tha Xërca.

Nga Ministria e Drejtësisë është paraparë renovimi i Institutit të Mjeksësisë Ligjore në vlerë mbi 800 mijë euro.

Grupi Parlamentar i Lëvizjes Vetëvendosje sot do të mbajë konferencë për media.

Ngjarja nis nga ora 11:00 në zyret e këtij grupi në Kuvendin e Kosovës.

Nuk dihet se kush do të jenë folësit apo cila do të jetë tema që do të trajtohet.

Ditën e sotme moti do të jetë me diell dhe vranësira të shpërndara.

Temperaturat minimale do të lëvizin ndërmjet 3 dhe 7 gradë Celsius, ndërsa maksimalet e ditës parashihen të lëvizin ndërmjet 18 dhe 21 gradë Celsius, njofton Instituti Hidrometeorologjik i Kosovës.

Do të fryjë erë kryesisht nga drejtimi i veriperëndimit e lehtë deri mesatare.

NATO fillon stërvitjen e saj vjetore bërthamore, në të cilën do të marrin pjesë rreth 2000 personel ushtarak nga tetë baza ajrore gjatë dy javëve të ardhshme, me theksimin se nuk është një përgjigje ndaj pushtimit rus të Ukrainës, por me një sinjal të qartë për Moskën, se NATO është gati të mbrohet.

Në stërvitjen “Steadfast Noon”, 60 avionë do të marrin pjesë në fluturime stërvitore mbi Evropën Perëndimore. Këto përfshijnë avionë luftarakë të aftë për të mbajtur bomba bërthamore amerikane të stacionuara në Evropë dhe bombardues me rreze të gjatë, si dhe aeroplanë vëzhgimi dhe furnizimi me karburant.

“Asnjë nga stërvitjet nuk do të përfshijë armë luftarake”, tha NATO.

Stërvitja e këtij viti do të zhvillohet në bazat ajrore në Belgjikë dhe Holandë, si dhe në hapësirën ajrore mbi Britaninë, Danimarkën dhe Detin e Veriut. Avionët pjesëmarrës vijnë nga gjithsej 13 vende të aleancës.

NATO thekson se Mesdita e palëkundur është një “aktivitet stërvitor rutinë dhe i përsëritur” dhe jo një përgjigje ndaj pushtimit rus të Ukrainës. Megjithatë, synohet t’i dërgohet një sinjal i qartë Moskës se NATO është e gatshme të mbrohet me armë bërthamore nëse është e nevojshme.

“Parandalimi bërthamor është një gur themeli i sigurisë aleate,” tha Sekretari i Përgjithshëm i NATO-s Mark Rutte.

Dhe Mesdita e palëkundur, shtoi ai, është një provë e rëndësishme e parandalimit bërthamor të Aleancës dhe i dërgon një mesazh të qartë çdo kundërshtari se NATO do të mbrojë dhe mbrojë të gjithë aleatët.