Category: Lajme

Ministri i Punëve të Brendshme, Xhelal Sveçla, ka vizituar sot veriun e Mitrovicës.

Ai ka qëndruar në objektin e ri të MPB-së, i cili deri para pak kohësh ka shërbyer për strukturat paralele, ndërsa nuk ka dashur të deklarohet për media.

“Unë jam në punë të zakonshme dhe në orar të punës”, ka thënë shkurt për gazetarë Sveçla.

Së bashku me Sveçlën ishte edhe ministri i Administrimit dhe Pushtetit Lokal, Elbert Krasniqi.

Nuk dihet agjenda e ministrit dhe nëse ai ka vizituar objektet tjera në veri të vendit. /kp

Kosova po përgatitet të kalojë një transformim të rëndësishëm në menaxhimin e pronës publike dhe të drejtat pronësore, me miratimin e një ligji të ri që synon të sjellë transparencë dhe efikasitet.

Në kuadër të Komiteti ndërministror për administrimin e tokës dhe infrastrukturës kombëtare për informacionin hapësinor në Kosovë, Ardian Mehmeti nga Ministria e Drejtësisë ka thënë se fakti se vet miratimi i këtij ligji të ri si një ligj substancial është sfidë në vete për arsyeje se kërkon një angazhim të madh institucional në hartimin dhe harmonizimin e ligjeve të veçanta që rregullojnë këtë pjesë me ligjin për pronën publike tani e tutje.

Mehmeti ka shtuar se kjo do të sigurojë një transparencë dhe administrim të përgjithshëm me pronën publike në mënyrë që të promovohet ruajtja e vlerës së pronës publike dhe shfrytëzimi efikas për realizimin e qëllimeve ekonomike, infrastrukturore dhe qëllimet tjera të parapare në interes publik.

“Me përjashtim të pronës private llojet e tjera të pronës nuk janë të përkufizuara në mënyrë të qartë në Republikën e Kosovës në shumë raste shprehjet e përdorura në ligjet aktuale kanë dykuptimshmëri dhe krijojnë konfuzion dhe pasiguri juridike lidhur me autorizimet për administrimin e pronës publike dhe të drejtat dhe detyrimet që rrjedhin nga ai autorizim. Prandaj, si Ministri e Drejtësisë kemi marrë iniciativën që të hartojmë një ligj të ri, për herë të parë në Republikën e Kosovës me qëllim që të sigurojmë një përkufizim standard të pronës publike, të qartësojmë kategoritë e pronës publike, format si dhe çështjet tjera që kanë të bëjnë me dispononim, shfrytëzimin, mbrojtjen, dhe mbikëqyrjen, menaxhimin, vlerësimin e sendeve dhe të tjera që janë në pronësi publike. Kjo do të sigurojë një transparencë dhe administrim të përgjithshëm me pronën publike në mënyrë që të promovohet ruajtja e vlerës së pronës publike dhe shfrytëzimi efikas për realizimin e qëllimeve ekonomike, infrastrukturore dhe qëllimet tjera të parapare në interes publik”, tha Mehmeti.

Në anën tjetër, Korab Ahmetaj ka realizuar një prezantim nga aktiviteti i USAID-it, Qeverisja e Pronës.

Ahmetaj ka thënë se me këtë aktivitet synohet të përmirësohet sistemi i të drejtave pronësore në përgjithësi në vend, kështu duke rritur formalizmin dhe regjistrimin e pronave në sistemin e informacioneve kadastrale të tokës në Kosovë.

“Aktiviteti i USAID, qeverisja e pronës është një aktivitet pesëvjeçar që në thelb synon të përmirësojë sistemin e të drejtave pronësore në përgjithësi në Kosovë, duke rritur formalizimin dhe regjistrimin e pronave në sistemin e informacioneve kadastrale të tokës në Kosovë, duke reduktuar korrupsionin, rritur fuqizimin e grave në të drejtat pronësore dhe mbi të gjitha si qëllim kryesor është që të avancojë zhvillimin ekonomik dhe demokratik të Republikës së Kosovës. Për ta arritur këtë qëllim, parësor dhe kryesor, aktiviteti i USAID, qeverisja e pronës ka ndarë tre objektiva kryesore që ka të bëjë me rritjen e të drejtave formale apo regjistrimin e të drejtave pronësore në kadastër, duke standardizuar proceset dhe praktikat që janë në Kosovë, rritjen e angazhimit aktiv të shoqërisë civile dhe qytetarëve me institucionet kur kemi të bëjmë me te drejtat pronësore si dhe angazhimin më të madh të sektorit privat për të forcuar regjimin e te drejtave pronësore në Kosovë”, tha ai.

Ndërkaq, Idriz Shala ka folur për rolin e gjeoinformacionit në REKOS 2024: Metodat Inovative dhe Standardet për të. Ai ka thënë se projekti i regjistrimit të popullsisë është një ndër projektet më të mëdha, komplekse dhe kushtueshme për një vend.

“Projekti i regjistrimit të popullsisë është një ndër projektet më të mëdha, komplekse dhe kushtueshme për një vend. Kosova e realizoj këtë projekt, i dyti me radhë pas pavarësisë së vendit…ASK ka siguruar rreth 3 mije e 500 tabletë, të gjithë kanë qenë të lidhur me internet, kartela, të dhënat janë transmetuar direkt në server pas çdo interviste, të dhënat kanë qenë të koduara, masa shtesë ka pas për çështje të sigurisë së sistemit. Cilësia e të dhënave është shumë e lartë krahasim me regjistrimin e kaluar, teknologjitë e aplikuara, sistemi i monitorimit dhe shfrytëzimi i burimeve tjera paraprake ndihmuan në cilësi…Në raport me 2011, piramida ka marrë orientim tjetër, është duke u plakur popullsia e Kosovës”, tha ai.

Komiteti ndërministror për administrimin e tokës dhe infrastrukturës kombëtare për informacionin hapësinor në Kosovë, ka mbajtur takimin e radhë në të cilën u theksua rëndësia e së drejtës së pronësisë.

Ministrja e Drejtësisë, Albulena Haxhiu ka kritikuar UNMIK-u dhe EULEX-in se nuk i kanë adresuar siç duhet krimet e luftës, duke thënë se një gjë e tillë e paraqet tendencë për balancimin e krimeve nga Serbia në Kosovë.

Në konferencën ndërkombëtare të organizuar nga Qendra Kosovare për Rehabilitimin e të Mbijetuarve të Torturës (QKRMT), ministrja Haxhiu ka thënë se atë që nuk e kanë bërë institucionet shtetërore e kanë bërë organizatat e shoqërisë civile.

“Atë që institucionet nuk e kanë bërë me kohë, e kanë bërë organizatat e shoqërisë civile në Republikën e Kosovës… 29:40 Mendoj që as UNMIK as ELUEX nuk i kanë adresuar si duhet krimet e luftës dhe atyre u ka munguar vullneti, madje e konsideroj që ka qenë edhe politike, një tendencë për të bërë balancë ndërmjet krimeve që ka kryer Serbia në Kosovë. Kam përshtypjen që qëllimshëm nuk janë trajtuar, siç duhet dosjet e shumta të krimeve të luftës…30:33 Ne nuk kemi parë drejtësi nga këto misione “, ka thënë Haxhiu.

Prokurori special Ilir Morina theksoi se Prokuroria Speciale ka hasur në disa sfida gjatë trajtimit të krimeve të luftës, duke përfshirë kornizën ligjore dhe mungesën e bashkëpunimit ndërkombëtar. Ai tha se deri në vitin 2023, janë regjistruar rreth 80 raste të dhunës seksuale si krime lufte.

“Qe nga koha e UNMIK-ut, EULEX-it dhe deri në vitin 2023, Prokuroria Speciale ka të regjistruar mbi 77 raste të dhunës seksuale si krim i luftës, prej tyre ka 6 aktakuza të ngritura, kurse rastet tjera janë në trajtim. Në trajtimin e këtyre rasteve, Prokuroria Speciale ka hasur në shumë sfida, përfshirë këtu edhe sfidat lidhur me kornizën ligjore. Tjetër sfidë që ende vazhdon të na përcjellë është mungesa e bashkëpunimit ndërkombëtar, veçanërisht me Serbinë”, ka thënë Morina.

Ish- prokurorja speciale e Kosovës që ngriti për herë të para aktakuzë për dhunë seksuale Drita Hajdari ka kujtuar viktimën e parë të dhunës seksuale, që trokiti në dyert e saj për të kërkuar ndihmë e drejtësi.

“Me pranimin e të gjitha rasteve në fund të 2018 ku ishin mbi 900 raste për krime lufte dhe 2 mijë persona të zhdukur, nuk ishte asnjë rast i vetëm për dhunë seksuale gjatë luftës. Unë si prokurore për krime lufte, nuk trashëgova asnjë model. Rasti i parë në të cilin është ngritur aktakuza, filloi ashtu që viktima erdhi tek unë në zyrë. Ajo kishte dhënë dëshmi në UNMIK dhe EULEX dhe asgjë nuk kishte ndodhur. Viktimën, e mora në pyetje në lokalet e KRCT-së, erdha në ide që në këtë mënyrë të shmang ardhjen e viktimës në prokurori. Ky model i krijuar ne rastin konkret është aplikuar edhe në raste të tjera”, është shprehur ajo.

Gjithashtu, themeluesja dhe drejtoresha ekzekutive e QKRMT-së Feride Rushiti ka theksuar se në periudhën e pasluftës ka munguar aspekti psiko-social i trajtimit, periudhë në të cilën UNMIK dhe EULEX edhe pse kanë pasur me dhjetëra dëshmi të dëshmuara kanë përfunduar pa asnjë rezultat. /kp

Ministria e Industrisë, Ndërmarrësisë dhe Tregtisë në bashkëpunim me Agjencinë e Luksemburgut për Bashkëpunim Zhvillimor (LuxDev), kanë mbajtur sesion informues për bizneset e interesuara për aplikim në Skemën e Granteve për Inovacion, raporton Ekonomia Online.

Në këtë sesion biznese e pranishme patën mundësi që në hollësi të informohen dhe të shtrojnë pyetje se si mund të aplikohet për të përfituar nga kjo grand-skemë. Gjatë diskutimit patë ankesa nga bizneset edhe për sfida në aplikim në platformën E-Kosova.

Drejtori i Përgjithshëm i Agjencisë për Investime dhe Përkrahjen e Ndërmarrjeve në Kosovë (KIESA), Zef Dedaj, tha se qëllimi i kësaj grand-skeme është që të rritet punësimi dhe eksportit. Ai ka thënë se kjo grand-skemë kapë vlerën e 1.9 milionë euro

“Ka për qëllim t’i mbështes ndërmarrjet stra-up, ndërmarrjet e vogla dhe të mesme. Kjo grand-skemë është lansuara ditë më parë. Ka një vlerë prej 1.9 milionë euro. Nga 1.9 milionë euro, 1.1 milion euro janë të deidkuara për bizneset star-up që janë të regjistruara nga viti 2018 deri me 29 shkurt të këtij viti, për bizneset që sjellin projekt propozime me koncepte inventive. Pjesa tjetër prej 800 mijë euro është i dedikuara për të njëjtin koncept, por për ndërmarrjet e vogla dhe të mesme”.

“Ndërmarrjet e vogla dhe të mesme do të mbështeten me 50 për qind të projekti kjo nënkupton që në vlerë ata do të përfitojnë deri në 40 mijë euro. Për start-up do t’i mbështesin deri 80 për qind dhe 20 për qind është bashkëfinancim nga ana e tyre vlera totale do të jetë 15 mijë euro, 13 mijë euro janë që i dedikohen biznese star-up, ndërsa 3 mijë euro janë për bizneset përfituese që të shfrytëzojnë mundësin e përfitimeve nga garnd skemat”,

Një përfaqësues i një biznesi, pati kritika sa i përket aplikimit në platformën për të cilën kërkoj që të lehtësohet aplikim.

Ai pati kritika që bizneset e reja nuk janë duke përfituar, por që sipas tij, bizneset e njëjta po marrin fonde disa here.

“Duhet ta rregulloni platformën që të kemi më të lehtë për të aplikuar. Sepse në nuk kemi kohë, na mundësoni që të aplikojmë përmes platformës. Janë përfitues që përfitojnë me vite një masë një dhe ne të rinjtë nuk kemi shanca që të përfitojmë. Komunikimin e keni zero”, ka thënë ai.

Dedaj tha se kjo akuzë nuk qëndron, pasi sipas tij, në këtë thirrje nuk kanë të drejt aplikimi bizneset që kanë përfituar dy vitet e fundit, raporton EO.

“Kjo e fundit nuk është e vërtetë, jemi kujdesur që në këtë thirrje të mos mund të përfitojnë biznes që kanë përfituar dy vitet e fundit”, ka thënë ai.

Norma vjetore e inflacionit të Eurozonës ra në 1.7% në muajin shtator, niveli më i ulët që nga prilli 2021, raportoi Eurostat të enjten.

Rritja vjetore e çmimeve ishte 2.2% në gusht, me shifrën e inflacionit të shtatorit pak më poshtë pritjeve të tregut prej 1.8%.

Në eurozonë, shërbimet dhanë kontributin më të madh në inflacionin vjetor, të ndjekura nga ushqimi, alkooli dhe duhani.

Në të gjithë BE-në, norma e inflacionit u regjistrua në 2.1%, nga 2.4% në gusht, duke arritur gjithashtu nivelin më të ulët që nga prilli 2021.

Irlanda shënoi normën më të ulët të inflacionit me 0%, e ndjekur nga Lituania (0.4%), Sllovenia dhe Italia (të dyja me 0.7%). Rumania pa inflacionin më të lartë me 4.8%, me Belgjikën (4.3%) dhe Poloninë (4.2%) afër.

Krahasuar me gushtin, inflacioni vjetor ra në 20 vende anëtare të BE-së, mbeti i qëndrueshëm në dy dhe u rrit në pesë./AA/

Banka Botërore thotë se shumica e ekonomive të gjashtë shteteve të Ballkanit Perëndimor përjetuan një rritje të moderuar ekonomike gjatë këtij viti.

Ndërsa kjo rritje solide thuhet se po nxit punësimin në rajon, Banka Botërore thotë se Kosova e ka numrin më të madh të të papunëve.

“Në Kosovë, përkundër përfitimeve të fundit, vlerësohet se vetëm 37.1 përqind e popullsisë në moshë pune është e punësuar”, thuhet në raportin e fundit të Bankës Botërore, me titull “Ruajtja e Ritmit të Rritjes”.

Shkalla e punësimit në vendet tjera të rajonit (grup-mosha mbi 15 vjeç e aftë për punë) sipas raportit, ka shënuar përmirësim, duke arritur në 48.5 për qind këtë vit. Në Shqipëri, në fund të vitit 2023, shkalla e punësimit ishte 66.7%.

Është mbajtur takimi i Komitetit ndërministror për administrimin e tokës dhe infrastrukturës kombëtare për informacionin hapësinor në Kosovë, në të cilën u theksua rëndësia e së drejtës së pronësisë.

Gjatë këtij takimi po ashtu u tha se me zbatimin e suksesshëm të kësaj strategjie nga të gjitha institucionet, përfitimet do të jenë shumë të mëdha, si në aspektin financiar e po ashtu edhe në aspektin e rritjes së cilësisë së shërbimeve të të gjitha institucioneve.

Zëvendësministri Mjedisit, Planifikimit Hapësinor dhe Infrastrukturës, Jeton Raka ka thënë se e drejta e pronësisë është e garantuar dhe e qartë vetëm përmes një sistemi kadastral të strukturuar sipas standardeve më të larta ndërkombëtare.

Ai derisa ka thënë se në kuadër të kësaj qeveria ka miratuar disa ligje, shtoi se tani është thelbësore të shqyrtojnë kërkesat për plotësim dhe ndryshim të ligjit për administrim dhe pushtetit lokal në mënyrë që të funksionalizohet në tërësi këtë ligj.

“E drejta e pronësisë është e garantuar dhe e qartë vetëm përmes një sistemi kadastral të strukturuar sipas standardeve më të larta ndërkombëtare. Përmes së cilës do të krijojmë një treg të sigurt për pronën i cili do të jetë një katalizator për tërheqjen e investimeve të huaja dhe zhvillimin ekonomik të vendit tonë. Kam kënaqësinë të ju njoftoj që për të arritur nivelin e shërbimeve kadastrale në fund të vitit të kaluar është miratuar ligji për kadastër për pronën e paluajtshme. Ky ligj përfaqëson një hap të rëndësishëm në organizmin vertikal dhe tani është thelbësore të shqyrtojmë kërkesat për plotësim dhe ndryshim të ligjit për administrim dhe pushtet lokal në mënyrë që ta funksionalizojmë në tërësi këtë ligj. Ky ligj do të realizojë një reformë të rëndësishme në organizimin e kadastrit duke unifikuar shërbimet kadastrale në të gjitha komunat e vendit, që do të ndihmojnë në rritjen e efikasitetit dhe transparencës. Më tej përmes këtij ligji po hapim rrugën për realizimin e projektit të rindërtimit të informacioneve katastrale për 120 zona katastarle, një iniciativë që do të sjell përfitime të drejtpërdrejta për qytetarë”, tha Raka.

Ndërsa, drejtori ekzekutiv i Agjencisë Kadastrale të Kosovës, Avni Ahmeti ka theksuar se me zbatimin e suksesshëm të kësaj strategjie nga të gjitha institucionet përfitimet do të jenë shumë të mëdha, si në aspektin financiar e po ashtu edhe në aspektin e rritjes së cilësisë së shërbimeve të të gjitha institucioneve.

“Republika e Kosovës është angazhuar për të implementuar një infrastrukturë moderne të administrimit të tokës duke ndjekur praktikat më të mira nga vendet anëtare të BE-së. Si Agjenci Kadastrale kemi arritur një serë reformash legjislative, është thelbësore tani që të shqyrtojmë ndryshimet e ligjit për administrimin e pushtetit lokal në mënyrë që të sigurojmë funksionalizimin e plotë të ligjit të ri për kadastër. Me aprovimin e strategjisë dhe planit të veprimit tashmë janë të qarta punët dhe obligimet që na presin secilin prej institucioneve që jemi këtu dhe jo vetëm. Me zbatimin e suksesshëm të kësaj strategjie nga të gjitha institucionet përfitimet do të jenë shumë të mëdha, si në aspektin financiar e po ashtu edhe në aspektin e rritjes së cilësisë së shërbimeve të të gjitha institucioneve…Po shpresojmë që edhe informimi për qytetarët do të jetë në kohë dhe i saktë për gjitha aktivitetet që realizohen prej shumicës së institucioneve”, tha Ahmeti.

Ndërsa, Helege Onsrud nga Banka Botërore është shprehur e lumtur që është zhvilluar progres në zbatimin e projektit të infrastrukturës patundshmërive dhe gjeohapësirës.

“Jemi shumë të lumtur që shohim progresin e zbatimit të projektit të infrastrukturës së patundshmërive dhe gjeohapësirës që financohet nga Banka Botërore dhe zbatohet nga Agjencia Kadastrale e Kosovës. Ndërkohë ne jemi të ndërgjegjshëm për diskutimin për një zgjatje të këtij projekti edhe për 12 muaj të tjerë, KCA (Agjencia Kadastrale e Kosovës) aktualisht është në proces të zbatimit të një plani veprimi për aktivitetet. Dhe me këtë që theksuam, ne vazhdojmë mbështetjen tonë praktike dhe jemi shumë të lumtur që shohim bashkëpunimin duke vazhduar me organizata të tjera si ATRC për ndërgjegjësimin e publikut në të ardhmen e afërt”, tha ai.

Drejtoresha e aktiviteteve të USAID, Jennifer Ober ka thënë se po bashkëpunojnë ngushtë me sistemin dhe institucionet e ndryshme që të sigurohet një qasje e mirë në të dhënat kadastrale.

“Aktiviteti për përmirësim të qeverisjes synon përmirësimin e sistemit katastral në Kosovë që rritë transparencën dhe llogaridhënien. Ne bashkëpunojmë ngushtë me sistemin dhe institucionet e ndryshme që të sigurohet një qasje e mire në të dhënat katastrale. Sa po kemi filluar një program tre-vjeçar dhe po punojmë në 19 komunat e Kosovës përmes komitetit për praktika të mira që udhëhiqet nga agjencia… Një nga shtyllat kryesore ka qenë digjitalizimi i shërbimeve dhe të dhënat e hapjes katastarale dhe kjo është kyqe për ta harmonizuar regjistrimin e të dhënave dhe për të siguruar të dhëna katastrale transparente”, ka thënë ajo.

Drejtori ekzekutiv në ATRC, Kushtrim Kaloshi, ka theksuar se qëllimi kryesor i këtij programi është informimi i qytetarëve të Kosovës në përgjithësi me target të veçantë gratë, pakicat etnike dhe të rinjtë për qasjen në pronë.

Ndërsa, ka shtuar se deri më dje kanë arrit që diku 3 mijë e 600 familje të vizitohen fizikisht, në këtë drejtim të shpërndahen informacione për procedurat e regjistrimit të pronës.

“Qëllimi kryesor i këtij programi është informimi i qytetarëve të Kosovës në përgjithësi me target të veçantë gratë, pakicat etnike dhe të rinjtë për qasjen në pronë, regjistrim të pronës. Deri tash kemi krijuar partneritete me rreth 11 konzurciume të organizatave joqeveritare në Kosovë, diku 22 organizata janë të përfshira dhe gjitha këto organizata janë angazhuar në gjithë territorin e Kosovës, në gjitha komunat me shumicë serbe dhe kanë zhvilluar fushatën derë më derë të informimit të qytetarëve kryesisht grave për të drejtën e pronës. Deri më dje kemi arrit që diku 3 mijë e 600 familje të vizitohen fizikisht, të shpërndahen informacione për procedurat e regjistrimit të pronës dhe nevojën e regjistrimit të punës…”, tha ai.

Në anën tjetër, Amir Sogujeva ka prezantuar në detaje çështjen e sistemit të adresave dhe ndërlidhjen e qytetarit me adresën zyrtare. Derisa ka thënë se deri më tani janë të identifikuara rreth 22 mijë rrugë ose zona qarkullimi publik.

“Deri më tani rezultat e arritura sa i përket sistemit të adresave është korniza ligjore duke përfshirë ligjin, udhëzimet administrative dhe doracakun për sistemin e adresave, këto dy të fundit tashmë të rishikuara në vitin 2019, pastaj është ngritja e kapaciteteve profesionale në komuna dhe nivelin qendror, identifikimi dhe emërtimi i zonave të qarkullimit publik, mbledhja e të dhënave të adresave në terren, digjitalizimi dhe numërtimi i të dhënave të adresave në ARIS, sinjalizimi i adresave duke përfshirë emrat e rrugëve dhe numrat e adresave, përditësimi i të dhënave të adresave dhe ndërlidhja e adresave me sistemet elektronike shtetërore”, theksoi ai.

Përfaqësuesi nga Ministria e Bujqësisë, Idriz Gashi, ka thënë se janë 130 mijë ekonomi familjare, duke theksuar se është shumë me rëndësi sepse që në regjistrimin e fundit kanë qenë 170 mijë. Ai po ashtu u shpreh se ka rënë numri i ekonomive familjare por është rritur sipërfaqja për ekonominë familjare.

“Këtu janë të dhënat për sektorin agrar në Kosovë. Siç shihet sipërfaqja e shfrytëzuar e tokës bujqësore është 420 mijë hektar. Është shumë më rëndësi të dihet se sipërfaqja e madhe e këtyre është e shfrytëzueshme duke mundësuar fonde që qeveria i shpërndanë për fermerët qoftë për pagesat direkte, qoftë përmes fondeve të zhvillimit rural. I kemi 130 mijë ekonomi familjare, është shumë me rëndësi sepse që në regjistrimin e fundit kanë qenë 170 mijë, ka rënë numri i ekonomive familjare por është rritur sipërfaqja për ekonominë familjare”, tha ai.

Ndërsa është aprovuar procesverbali nga takimi i Komitetit Ndërministror për Administrimin e Tokës dhe IKIH, mbajtur me 6 qershor 2024. /kp

Ministrja e Drejtësisë, Albulena Haxhiu e pyetur për qëndrimin e saj ndaj përgjimeve që janë publikuar kohën e fundit mes koordinatores së Lëvizjes Vetëvendosje, Dejona Mihali dhe ish-kryeshefit të KEK-ut, Nagip Krasniqit, ka thënë se kjo është një luftë hibride që po bëhet kundrejt Lëvizjes Vetëvendosje.

Haxhiu, ka shtuar se personalisht, si ministre e çmon shumë Dejona Mihalin.

“Unë besoj se keni parë qëndrimin tonë. Kjo është një luftë hibride që po bëhet kundrejt Lëvizjes Vetëvendosje. Dejona, natyrisht që është një bashkëpunëtore e jona, një aktiviste e hershme e LVV-së, të cilën unë e çmoj shumë”, është shprehur Haxhiu.

Kohën e fundit në media është raportuar lidhur komunikimin në mes të ish-kryeshefit të KEK-ut, Nagip Krasniqi dhe Dejona Mihalit.

Mbështetja financiare e Ministrisë së Bujqësisë, Pylltarisë dhe Zhvillimit Rural për fermerët në tre vjetët e fundit arrin në mbi 300 milionë euro, ndërsa rritja e mbështetjes përmes programeve arrin deri në 275 për qind për disa kultura bujqësore, përkrahje kjo e cila ka reflektuar në rritje të pjesëmarrjes në aktivitete bujqësore për 27 për qind.

Këto të dhëna janë bërë të ditura sot nga ministri i BPZHR-së, Faton Peci në “Konferencën për bujqësinë e qëndrueshme dhe vendimmarrjen e bazuar në të dhëna”, e cila është organizuar nga MBPZHR-ja në bashkëpunim me PPSE (Promoting Private Sector Employment), projekt i Agjencisë Zvicerane për Zhvillim dhe Bashkëpunim, që implementohet nga Swisscontact dhe instituti “Riinvest”.

Me këtë rast, Peci ka theksuar se krahas rritjes së mbështetjes gjatë mandatit të tij në tre vjetët e fundit, sektori i bujqësisë ka pësuar një ndryshim rrënjësor në mënyrën e menaxhimit dhe zhvillimit. Kjo sipas tij është arritur përmes zbatimit të praktikave të qëndrueshme, rritjes së investimeve në sektor, luftimit të korrupsionit dhe rritjes së transparencës.

“Pas 9 vjetëve ngecje nga 4 qeveri radhazi, kemi avancuar legjislacionin dhe dokumentet strategjike, me ç’rast kemi aprovuar 28 ligje, përgjatë mandatit tonë e për herë të parë kemi hartuar dhe aprovuar Strategjinë për zhvillimin e bujqësisë. Angazhimi ynë për të përmirësuar konkurrencën dhe qëndrueshmërinë e sektorit agroushqimor është kyç për të ardhmen tonë. Në strategjinë për zhvillimin e bujqësisë, kemi vendosur që qëndrueshmëria të jetë në qendër të objektivave tona duke vendosur si objektivi strategjik të parë rritjen e konkurrencës së sektorit agroushqimor dhe përmirësimin e efikasitetit dhe qëndrueshmërisë së prodhimit të fermës”, tha ministri Peci.

Ai ka treguar se sipërfaqja e punuar e tokës sipas Agjencisë së Zhvillimit të Bujqësisë si institucioni më relevant për të dhënat në bujqësi, në vitin 2019 ishte 81,517ha, ndërsa në vitin 2023 sipërfaqja e punuar është 121,650,17ha apo 49,23% më shumë, se në vitin 2019.

Ndërkaq, në kuadër të angazhimit të tij, Peci ka theksuar se për hartimin e projekt-ideve për fondet IPA 2025-2027, si prioritet kanë trajtuar fuqizimin e bujqësisë së qëndrueshme në Kosovë, duke harmonizuar atë me politikat evropiane, si Marrëveshja e Gjelbër dhe strategjia “Farm to Fork”.

Nga ana tjetër, Jean-Christophe Fave, përfaqësues nga Agjencia për Zhvillim dhe Bashkëpunim, tha se bashkëpunimi ndërmjet fermerëve, bizneseve dhe institucioneve është shumë i rëndësishëm dhe se në këtë mënyrë po kontribuojnë jo vetëm në ekonominë, por në transformimin e shoqërisë. “Kosova po u bashkohet e forcave globale për mjedis. Bashkëpunimi ndërmjet fermerëve, bizneseve dhe institucioneve është shumë i rëndësishëm”, tha ai.

Ndryshe, gjatë kësaj konference, zyrtarë të MBPZHR-së kanë mbajtur prezantime lidhur me mbështetjen institucionale për Sektorin e bujqësisë dhe zhvillimit rural, përkrahjen e Sektorit të bujqësisë përmes granteve dhe vendimmarrje bazuar në të dhëna, si dhe prezantime që tregojnë rezultate të studimeve për bujqësinë e qëndrueshme.

Gjatë protestës së deputetëve të opozitës përpara Kuvendit të Shqipërisë ka pasur një mosmarrëveshje me tone të lartë mes drejtuesve të gardës dhe forcave të ndërhyrjes së shpejtë që u zhvendosën në parlament me lëvizjen e protestuesve përpara bashkisë.

Ka qenë pikërisht momenti i tensionuar kur deputeti Luan Baçi pretendon se një efektiv me skafandër i nxori pistoletën, kur një drejtues i Gardës ka dalë përpara policëve dhe iu ka kërkuar të largohen me tone të larta.

Pas disa momentesh forcat e FNSH-së u larguan dhe situata u qetësua, shkruan A2.

LEXONI EDHE:

Deputetët e përjashtuar opozitarë tentojnë të hyjnë me forcë në seancën e Kuvendit në Shqipëri