Category: Lajme

Sekretari amerikan i Shtetit, Antony Blinken, u zotua se do të punojë me “urgjencë” për zgjidhje diplomatike, me qëllim që t’i jepet fund ofensivës së Izraelit në Liban, por tha se fillimisht është thelbësore që të ketë mirëkuptim për çarmatosjen e Hezbollahut.

Hezbollahu është grup militant dhe parti politike që kontrollon shumicën e jugut të Libanit. Shtetet e Bashkuara e kanë shpallur atë organizatë terroriste, ndërkaq Bashkimi Evropian ka vetëm krahun politik të grupit në listën e zezë. Partia e Hezbollahut ka ulëse në Parlamentin libanez.

Gjatë takimit me kryeministrin libanez, Najiv Mikati, në Londër, Blinkeni po ashtu u zotua për mbrojtjen e civilëve, por nuk kërkoi një armëpushim të menjëhershëm nga Izraeli, i cili varet nga mbështetja diplomatike dhe ushtarake e SHBA-së.

“Ne kemi një ndjenjë të urgjencës për arritjen e një zgjidhjeje diplomatike dhe zbatimin e plotë të Rezolutës 1701 të Këshillit të Sigurimit të Kombeve të Bashkuara, në mënyrë që të ketë një siguri të vërtetë përgjatë kufirit mes Izraeli dhe Libanit”, tha Blinken për gazetarët, duke shtuar se është i angazhuar “në mënyrë intensive”.

Rezoluta 1710, e miratuar më 2006, pas një lufte mes Izraelit dhe Hamasit, bën thirrje për çarmatosjen e grupeve joshtetërore në Liban, që është një aluzion për Hezbollahun, që financohet nga Irani, grup që ka ushtrinë e tij. Rezoluta po ashtu kërkon tërheqjen e plotë të Izraelit nga shteti.

Blinkeni tha se është thelbësore që të ketë “mirëkuptimin e nevojshëm për zbatimin e plotë të Rezolutës 1701”.

“Sa më shpejt që të bëhet kjo, aq më shpejt do të arrijmë te një zgjidhje”, tha Blinken.

Ai bëri thirrje për mbrojtjen e civilëve dhe ushtarëve libanezë, pasi të paktën 11 nga ta janë vrarë që kur Izraeli nisi ofensivën tokësore në Liban muajin e kaluar.

SHBA-ja ka bërë thirrje për forcimin e Forcave të Armatosura të Libanit dhe Qeverisë së brishtë qendrore në Bejrut, në mënyrë që të mund të ketë ndryshim të sigurisë dhe Hezbollahu të lihet në hije.

Kryeministri libanez Mikati tha se vetëm shteti dhe ushtria libaneze duhet të ketë armë.

Ndërkaq, në një takim të ndarë me Blinkenin, ministri i Jashtëm i Jordanisë, Ayman Safadi, i tha kryediplomatit amerikan se Qeveria libaneze e ka bërë të qartë se do ta respektojë Rezolutën 1701.

“Agresioni në Liban duhet të ndalet menjëherë. Asgjë nuk mund të justifikohet me vazhdimin e tij”, tha Safadi.

Hezbollahu dhe Izraeli kanë këmbyer zjarr në kufi që kur nisi lufta në Gazë më 7 tetor 2024, pasi Hamasi – grupi palestinez i shpallur organizatë terroriste nga SHBA-ja dhe BE-ja – sulmoi Izraelin, duke vrarë afër 1.200 persona dhe duke rrëmbyer afër 250 të tjerë. Që atëherë, si pasojë e ofensivës izraelite, në Gazë janë vrarë më shumë se 42.000 palestinezë.

Ndërkaq, në fillim të tetorit të këtij viti tensionet mes Hezbollahut dhe Izraelit u përshkallëzuan dhe Izraeli njoftoi për nisjen e një operacioni tokësor në jug të Libanit kundër Hezbollahut./REL

Është rritur numri i përfituesve nga skema e pensioneve të Forcës së Sigurisë së Kosovës. Sipas të dhënave, në muajin shtator 2024, krahasuar me muajin shtator 2023, kishte rritje të numrit të përfituesve nga skema e pensioneve të Forcës së Sigurisë së Kosovës për 14,0%.

Po ashtu janë rritur edhe skemat për përkrahje financiare familjeve që kanë fëmijë me aftësi të kufizuara(13,7); skema për Pensionet Paraplegjike dhe Tetraplegjike (8,0%); skema e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 (5,9%); skema e pensioneve të Trupave Mbrojtëse të Kosovës (TMK) (4,7%); skema e pensioneve bazike të moshës (3,1%); skema e pensioneve për personat me aftësi të kufizuara (2,0%); skema për veteranët e luftës (1,3%); skema e pensioneve kontribut-paguese të moshës (0,2%).

Ndërsa sipas të dhënave të Agjencisë së Statistikave të Kosovës (ASK), kishte rënie të përfituesve nga skemat e pensioneve, krahasuar me një vit më parë , nga punonjësit e Trepçës, kanë përfituar 1 174 persona, ku krahasuar me periudhën e njëjtë të vitit paraprak, që ishin 1 482 përfitues, vërehet një rënie prej -20,8%.

“Në muajin shtator 2024, krahasuar me muajin shtator 2023, kishte rënie të numrit të përfituesve nga: skema për pensionet e Trepçës (-20,8%); skema për pensionet invalidore (-18,0%); skema e ndihmës sociale (-9,9%); skema për pensionet familjare (-5,0%); skema e kompensimeve për personat e verbër (-2,5%); skema për familjet e dëshmorëve dhe invalidët e luftës (-1,0%)”,thuhet në raport.

Trupi Gjykues dje ka bërë të ditur se gjykimi në çështjen Januzi, Bahtijari dhe Shala do të fillojë më 14 nëntor 2024, në ora 09:30.

Në këtë datë, dhe potencialisht të nesërmen, ZPS-ja dhe ekipet e Mbrojtjes të Sabit Januzit dhe Haxhi Shalës do t’i paraqesin deklaratat e tyre hyrëse, ndërsa Mbrojtja e Ismet Bahtijarit ka bërë të ditur preferencën për të paraqitur deklaratën hyrëse pas përfundimit të paraqitjes së provave nga ZPS-ja.

Paraqitja e provave nga ZPS-ja do të nisë të hënën, më 9 dhjetor, në ora 09:30.

Policia e Kosovës ka shqiptuar gjithsej 2 mijë e 315 tiketa trafiku gjatë 24 orëve të fundit.

Po ashtu bëhet e ditur se gjatë kësaj periudhe kohore kanë ndodhur 23 aksidente trafiku me të lënduar dhe 35 me dëme materiale.

Grafite ofenduese janë vendosur në Prishtinë ndaj ish-deputetit Fadil Geci. Ky i fundit dëshmoi para disa ditësh në procesin gjyqësor ndaj ish-krerëve të Ushtrisë Çlirimtare të Kosovës (UÇK) në Hagë, Hashim Thaçi, Kadri Veseli, Rexhep Selimi e Jakup Krasniqi.

“Shk* i biri i shk*nës”, është mbishkrimi i vendosur në pllakën përkujtimore të ushtarëve të KFOR-it, e cila gjendet në sheshin “Nëna Tereza”, në Prishtinë.

Aty është vendosur edhe një fotografi e Gecit, ku ai shihet duke dëshmuar në Hagë.

Kancelari gjerman nuk sheh asnjë mundësi të ftojë Ukrainën në NATO menjëherë si sipas mendimit të tij, një vend në një gjendje lufte “pa mëdyshje nuk mund të bëhet anëtar” i aleancës.

Olaf Scholz e adresoi çështjen të enjten në një shfaqje në ZDF, raporton Ukrinform.

“Ne morëm një vendim në Uashington dhe në Vilnius, duke përshkruar perspektivat. Por unë besoj se aktualisht nuk ka nevojë për një vendim të ri përveç atij që ekziston tashmë”, tha ai.

Sipas Scholz, një vend që është në një gjendje lufte përfundimisht nuk mund të bëhet anëtar i NATO -s”, dhe të gjithë pajtohen me këtë”. Aktualisht, ai shpjegoi, ka diskutime rreth “garancive të sigurisë së pas luftës”.

Shkelja e rregullave ndërkombëtare të Rusisë kërkon veprime të veçanta, theksoi kancelari. Ai e sheh detyrën e tij si, nga njëra anë, duke e mbajtur aftësinë e Ukrainës për të mbrojtur veten, dhe nga ana tjetër, duke parandaluar që lufta të përshkallëzohet në një konflikt në shkallë të madhe, në një luftë midis Rusisë dhe NATO-s.

“Kjo është përgjegjësia ime dhe kjo është diçka që unë e kuptoj qartë. Dhe unë nuk do ta ndryshoj pozicionin tim, nuk do ta lejoj veten të lëkundem”, tha Scholz.

Në këtë kontekst, ai përsëriti se ai nuk pranon të dorëzojë raketa ‘Taurus ‘dhe armë të tjera në Ukrainë pasiqë ai beson se mund të kontribuojnë në përshkallëzim.

“Mendimi im është i qartë: Unë mendoj se do të ishte gabim”, tha udhëheqësi gjerman. Scholz shtoi se ai është “shumë skeptik” i diskutimeve që rrethojnë lejen për Ukrainën për të goditur objektiva thellë brenda Rusisë me armë perëndimore.

Në të njëjtën kohë, Scholz nuk u pajtua që Gjermania nuk bën sa duhet për të ndihmuar Ukrainën në krahasim me vendet e tjera. Ai përsëriti që Gjermania ofron më shumë mbështetje sesa pjesa tjetër e vendeve evropiane. Ai gjithashtu deklaroi se ai promovoi shpërndarjen e një kredie për Kievin në shumën prej 50 miliardë dollarë, të cilat do të shlyhen nga fitimet që rrjedhin nga asetet e ngrira ruse.

Sipas Shefit të Qeverisë Gjermane, ka ardhur momenti, përfshirë në fushën e betejës, kur është e nevojshme të shikoni se si të përfundoni luftën dhe të krijoni perspektiva për një paqe të drejtë për Ukrainën sa më shpejt që të jetë e mundur, jo një paqe të diktuar nga Rusia. Në të njëjtën kohë, ai tha se partnerët kryesorë të Kyiv pajtohen që asnjë vendim në lidhje me të ardhmen e Ukrainës nuk do të merret pas shpinës së vendit. Scholz gjithashtu shprehu shpresë se Rusia do të merrte pjesë në një samit të dytë të paqes.

Një nga rezultatet e luftës agresive të Rusisë, shtoi kancelari, është se Ukraina është bërë një komb i fortë.

Siç raportoi më herët Ukrinform, sondazhi i fundit tregoi se shumica e ukrainasve do të mbështesin nismat për t’u bashkuar me BE dhe NATO nëse do të mbahej një referendum në një afat të shkurtër./Ukrinform/

Një sulm ajror izraelit ka vrarë të paktën 38 persona në Han Junis, thanë zyrtarët shëndetësorë në Gazë më 25 tetor.

Sulmi, që ndodhi mëngjesin e së premtes, vjen teksa ushtria izraelite po vazhdon ofensivën në Liban dhe Gazë, pavarësisht presionit ndërkombëtar për armëpushim.

Ushtria izraelite tha përmes një njoftimi se “një numër i terroristëve janë eliminuar përmes sulmeve ajrore dhe tokësore” në jug të Gazës.

Përderisa forcat izraelite vazhdojnë të operojnë në mbarë Rripin e Gazës, javëve të fundit Izraeli ka intensifikuar sulmet ajrore dhe tokësore në veri të enklavës, pasi në këtë pjesë, sipas ushtrisë izraelite, kanë nisur të rigrupohen luftëtarët e Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Lufta në Gazë nisi pasi Hamasi vrau afër 1.200 persona dhe rrëmbeu afër 250 të tjerë gjatë sulmit të 7 tetorit të vitit të kaluar në Izrael. Që atëherë, si pasojë e ofensivës izraelite, në Gazë janë vrarë më shumë se 42.000 palestinezë.

Ndërkaq, në fillim të tetorit të këtij viti tensionet mes Hezbollahut dhe Izraelit u përshkallëzuan dhe Izraeli njoftoi për nisjen e një operacioni tokësor në jug të Libanit kundër Hezbollahut, grupit militant dhe partisë politike që kontrollon shumicën e jugut të Libanit.

Hezbollahu është shpallur organizatë terroriste nga Shtetet e Bashkuara. Ndërkaq, Bashkimi Evropian ka futur në listën e tij të zezë krahun ushtarak, por jo dhe partinë politike të grupit. Partia e Hezbollahut ka ulëse në Parlamentin libanez./REL/

Inspektorati Policor i Kosovës ka arrestuar mbrëmë një zyrtar policor në Pejë, nën dyshimin se i njëjti ka kryer veprën penale të ngacmimit seksual.

IPK-ja ka bërë të ditur se është rekomanduar masa e suspendimit, si dhe me vendim të prokurorit të shtetit, polici i dyshuar është dërguar në mbajtje.

“Me vendim të prokurorit kompetent, zyrtarit të dyshuar i është caktuar masa e ndalimit për 48 orë.

Si pjesë e procedurave administrative për zyrtarin e dyshuar IPK ka rekomanduar Policisë së Kosovës edhe suspendimin e tij.

Inspektorati Policor i Kosovës mbetet i përkushtuar drejt mbajtjes së standardeve të larta të integritetit brenda institucioneve të sigurisë publike përderisa hetuesit e IPK-së pritet të ndërmarrin edhe veprime të tjera hetimore drejt ndriçimit të të gjitha rrethanave të këtij rasti.”