ATV

Category: Lajme

  • Aktakuzë ndaj 5 zyrtarëve në Mamushë, futën në listë për përfitim nga dëmet persona që s’ishin fermerë

    Aktakuzë ndaj 5 zyrtarëve në Mamushë, futën në listë për përfitim nga dëmet persona që s’ishin fermerë

    Prokuroria Themelore në Prizren, ka njoftuar se ka ngritur aktakuzë kundër të pandehurve S.M., F.T., E.M., F.M., dhe V.Sh., kryetari dhe anëtarët e Komisionit për vlerësimin e dëmeve të shkaktuara në bujqësi nga vërshimet dhe shirat e rrëmbyeshëm në Komunën e Mamushës, për shkak të dyshimit të bazuar mirë, se në cilësinë e personave zyrtarë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

    Sipas aktakuzës ata kanë përfshirë jashtëligjshëm në listën e përfituesve 43 fermerë.

    Në njoftimin e Prokurorisë thuhet se sipas aktakuzës, me datë 29.01.2021 në Mamushë, në cilësinë e personave zyrtarë – duke shfrytëzuar detyrën apo autoritetin zyrtar, në bashkëkryerje i tejkalojnë kompetencat e tyre me qëllim që të përfitojnë çfarëdo dobie për vete ose për personin tjetër apo që t’i shkaktojë dëm personit tjetër ose që seriozisht t’i shkelin të drejtat e personit tjetër.

    “I pandehuri S.M., në cilësinë e Kryetarit të komisionit për vlerësimin e dëmeve të shkaktuara në bujqësi nga vërshimet dhe shirat e rrëmbyeshëm në Komunën e Mamushës, ndërsa të pandehurit F.T., E.M., F.M. dhe V.Sh., – si anëtarë të komisionit, përpilojnë Raportin mbi vlerësimin e dëmeve të shkaktuara dhe listën prej 169 fermerëve përfitues të mbështetjes financiare publike në shumën prej 416,874.77 €, me ç’rast 43 fermerë nga 169 sosh si fermerë përfitues, janë përfshirë në listën e përfituesve në kundërshtim me opinionin ligjor të MBPZHR-së – të datës 17.07.2018 dhe në kundërshtim me Vendimin për shlyerjen e njërit NIF (Numri Identifikues i Fermës) të cilët kanë përfituar mbështetje financiare në shumën prej 97,456.61 € si dhe 13 persona të tjerë të cilët ishin futur në listën e përfituesve pa qenë fare fermerë, me ç’rast këta të fundit kanë përfituar shumën prej 22,936.70 €, me ç’rast i kanë shkaktuar dëm material buxhetit të Republikës së Kosovës në shumën prej 120,393.31 € (njëqind e njëzet mijë e treqind e nëntëdhjetë e tre euro e tridhjetë e një cent)”, thuhet në njoftim.

    Me këto veprime, të pandehurit thuhet se kanë kryer veprën penale “Keqpërdorimi i pozitës apo autoritetit zyrtar” sipas KPRK-së.

  • Sulmoi ish-bashkëshorten e cila kishte urdhër mbrojtës, arrestohet i dyshuari në Gjilan

    Sulmoi ish-bashkëshorten e cila kishte urdhër mbrojtës, arrestohet i dyshuari në Gjilan

    Një person është arrestuar në Gjilan pasi dyshohet se sulmoi ish-bashkëshorten e tij, e cila kishte urdhër mbrojtës të lëshuar nga gjykata.

    Në raportin 24 orësh të Policisë, thuhet se rasti ka ndodhur të hënën rreth orës 08:50 dhe është iniciuar si “Dhunë në familje”.

    “Gjilan 23.12.2024-08:50. Është arrestuar i dyshuari mashkull kosovar, pasi që i njëjti ka sulmuar fizikisht ish bashkëshorten e tij viktimën femër kosovare edhe pse viktima ka pasur urdhër mbrojtës të lëshuar nga gjykata. Me vendim të prokurorit i dyshuari është dërguar në mbajtje”, thuhet në njoftim.

  • Prokuroria Speciale dhe SPAK nënshkruajnë marrëveshje për hetime të përbashkëta

    Prokuroria Speciale dhe SPAK nënshkruajnë marrëveshje për hetime të përbashkëta

    Kreu i Prokurorisë Speciale të Kosovës, Blerim Isufaj, është takuar sot me kreun e SPAK-ut, Altin Dumanin, me të cilin edhe kanë nënshkruar marrëveshje bashkëpunimi për krijimin e ekipeve të përbashkëta hetimore.

    Në komunikatën e lëshuar për media thuhet se gjatë këtij takimi dy kryeprokurorët diskutuan për ngritjen e nivelit të bashkëpunimit, koordinimit dhe efikasitetit në luftën kundër krimit dhe forcimin e sundimit të ligjit në të dyja shtetet.

    Ky bashkëpunim për krijimin e ekipeve të përbashkëta hetimore do të përbëhet nga prokurorë të të dyja prokurorive përkatëse.

    Siç njofton Sistemi Prokurorial, qëllimi i nënshkrimit të kësaj marrëveshjeje në mes të dy krerëve të institucioneve të ndjekjes parashikon bashkëpunim të ngushtë dhe koordinim të veprimeve të të dyja prokurorive në fusha të rëndësishme të luftës kundër krimit që prekin interesat ekonomike, financiare dhe shoqërore të të dyjave vendeve.

    “Kryeprokurori Isufaj dhe kreu i Prokurorisë së Posaçme, Dumani, nënshkrimin e kësaj marrëveshjeje e kanë vlerësuar të rëndësishme, duke theksuar se ky është një hap drejt përmirësimit të sigurisë dhe sundimit të ligjit në dy shtetet përkatëse, si dhe drejt ndërtimit të një partneriteti të fortë në mes të dy institucioneve të drejtësisë”, shkruhet në njoftim.

  • Nuk u certifikua nga KQZ-ja, Lista Serbe njofton se do të ankohet në PZAP

    Nuk u certifikua nga KQZ-ja, Lista Serbe njofton se do të ankohet në PZAP

    Lista Serbe ka njoftuar se do të ankohet në Panelin Zgjedhor për Ankesa dhe Parashtresa, një ditë pasi Komisioni Qendror Zgjedhor i Kosovës, nuk e certifikoi për pjesëmarrje në zgjedhjet e 9 shkurtit.

    Kryetari i Listës Serbe, Zllatan Ellek, tha se vendimi i KQZ-së, është jodemokratik dhe kundër serbëve.

    “Gjatë ditës do të paraqesim ankesë në PZAP dhe pres nga ata një vendim të qartë që do të hedhë poshtë këtë vendim absurd, antiserb dhe jodemokratik të [Albin] Kurtit”, deklaroi kryetari i Listës Serbe, Zllatan Ellek në një konferencë për media.

    Ellek tha se vendimi i KQZ-së, është urdhëruar nga kryeministri i Kosovës, Albin Kurti, për të cilin tha se “dëshiron të eliminojë serbët nga këto troje”.

    “Kjo është dhunë institucionale dhe ligjore ndaj popullit serb dhe ndaj Listës Serbe, sepse Kurti nuk dëshiron të shohë deputetët e Listës Serbe në parlamentin e Kosovës, por dëshiron të ketë serbë të bindur si i ashtuquajturi ministër, z. [Nenad] Rashiq”, theksoi Ellek.

    ​Moscertifikimi i Listës Serbe, ambasadori britanik me kërkesë për KQZ-në: Respektoni ligjin, jo interesat politike

  • ​Moscertifikimi i Listës Serbe, ambasadori britanik me kërkesë për KQZ-në: Respektoni ligjin, jo interesat politike

    ​Moscertifikimi i Listës Serbe, ambasadori britanik me kërkesë për KQZ-në: Respektoni ligjin, jo interesat politike

    Ambasadori i Mbretërisë së Bashkuar në Kosovë, Jonathan Hargreaves, ka reaguar ndaj moscertifikimit të Listës Serbe për zgjedhjet e 9 shkurtit nga Komisioni Qendror i Zgjedhjeve.

    Hargreaves ka kërkuar nga Komisioni Qendror i Zgjedhjeve që të respektojë procedurat ligjore në këtë rast.

    Po ashtu ai ka bërë thirrje që procesi zgjedhor të zhvillohet me integritet dhe në bazë të procedurave të duhura ligjore dhe jo interesave politike.

    “I lutem Komisionit Qendror të Zgjedhjeve të Republikës së Kosovës që të sigurojë që procesi zgjedhor të zhvillohet me integritet dhe në bazë të procedurave të duhura ligjore dhe jo interesave politike. Presim që KQZ dhe të gjithë anëtarët e saj të vlerësojnë certifikimin e Listës Serbe sipas aplikimit gjithëpërfshirës, transparent dhe të fuqishëm të rregulloreve përkatëse”, ka shkruar Hargreaves në rrjetin social Facebook.

    Për moscertifikimin e Listës Serbe edhe Shtetet e Bashkuara të Amerikës dhe BE kanë shprehur shqetësim.

    Një zëdhënës i Ambasadës Amerikane në Prishtinë ka reaguar duke thënë se si ambasadë janë thellësisht të shqetësuar me veprimet e disa anëtarëve të Komisionit Qendror Zgjedhor (KQZ) për të mos certifikuar kandidatët e Listës Serbe.

    Komisioni Qendror i Zgjedhjeve nuk e ka certifikuar Listën Serbe për pjesëmarrje në zgjedhjet e 9 shkurtit 2025 për shkak të “thirrjeve nacionaliste” të kryetarit të kësaj liste, Zllatan Ellek, gjatë prezantimit të listës zgjedhore.

    Perëndimi shpreh shqetësim për moscertifikimin e Listës Serbe: Këto veprime minojnë parimet themelore demokratike

  • Arrestohet e mitura në Pejë, tentoi ta sulmonte me thikë bashkëmoshataren

    Arrestohet e mitura në Pejë, tentoi ta sulmonte me thikë bashkëmoshataren

    Një e mitur është arrestuar të hënën në Pejë, pasi dyshohet se kishte tentuar të sulmonte me thikë një të mitur tjetër.

    Policia e Kosovës njoftoi se mjeti i mprehtë është sekuestruar, ndërsa e dyshuara është liruar më pas në procedurë të rregullt .Rasti është iniciuar si “armëmbajtje pa leje dhe sulm”.

    Pejë 23.12.2024-10:10. Është arrestuar e dyshuara femër kosovare e mitur, pasi që e njëjta kishte tentuar të sulmonte fizikisht me mjet të mprehtë (thikë) viktimën femër kosovare e mitur. Mjeti i mprehtë është sekuestruar, ndërsa e dyshuara pas intervistimit me vendim të prokurorit është liruar në procedurë të rregullt.

  • Ngjarje e rëndë në Sarandë, gruaja vret burrin në gjumë me sëpatë

    Ngjarje e rëndë në Sarandë, gruaja vret burrin në gjumë me sëpatë

    Një ngjarje e rëndë ka ndodhur në Sarandë ku një grua dyshohet se ka vrarë burrin e saj me sëpatë.

    Ngjarja ka ndodhur në fshatin Metoq në familjen Tahiraj. Mësohet se gruaja, Elivra, ka goditur burrin me sëpatë në kokë, Llazar Tahiraj teksa 55-vjeçari ishte duke fjetur gjumë.

    Elvira Tahiraj 49-vjeçe, është arrestuar nga policia.

    “Në orët e para të mëngjesit, në fshatin Metoq, Sarandë, dyshohet se gjatë një konflikti në familje, shtetasja E. T., 49 vjeç, ka vrarë me sëpatë bashkëshortin e saj, shtetasin Ll. T., 55 vjeç, në banesën e tyre.

    Shërbimet e Policisë kanë shoqëruar autoren e dyshuar në ambientet e Komisariatit të Sarandës për veprime të mëtejshme procedurale“-njofton policia.

    Grupi hetimor nën drejtimin e Prokurorisë po punon për zbardhjen dhe dokumentimin e plotë të kësaj ngjarjeje./Top Channel

  • Apelon Policia: Keni kujdes të shtuar në rrugët me borë dhe ngrica

    Apelon Policia: Keni kujdes të shtuar në rrugët me borë dhe ngrica

    Policia e Kosovës iu ka bërë apel ngasësve që të kenë kujdes të shuar në rrugët me borë dhe ngrica.

    Sipas njoftimit, Policia ka kërkuar që të përshtatet shpejtësia dhe të mbahet distanca në kushte të tilla atmosferike.

    “Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”, thuhet në njoftimin policor.

    Mëngjesin e së martës në disa qytete të Kosovës ka pasur reshje të borës.

  • Ish-presidenti amerikan Bill Clinton shtrohet në spital

    Ish-presidenti amerikan Bill Clinton shtrohet në spital

    Ish-presidenti amerikan Bill Clinton u shtrua të hënën në Spitalin Universitar MedStar Xhorxhtaun në Uashington pasi u raportuar se kishte ethe.

    78-vjeçari u shtrua në spital pasdite “për analiza dhe vëzhgim”, tha në një deklaratë Angel Urena, zëvendësshefi i stafit të Clinton.

    “Ai mbetet në gjendje të mirë shpirtërore dhe është shumë mirënjohës për kujdesin e shkëlqyer që po merr”, tha Urena.

    Clinton, një demokrat që shërbeu dy mandate si president nga janari 1993 deri në janar 2001, foli në Konventën Kombëtare Demokratike në Çikago këtë verë dhe bëri fushatë përpara zgjedhjeve të nëntorit për përpjekjen e pasuksesshme të zëvendëspresidentes demokrate Kamala Harris në garën për Shtëpinë e Bardhë.

    Në vitet që kur Clinton ka lënë Shtëpinë e Bardhë, ai ka pasur disa probleme shëndetësore.

    Në vitin 2004, iu nënshtrua një operacioni në zemër pasi përjetoi dhimbje të vazhdueshme në gjoks dhe vështirësi në frymëmarrje. Clinton u kthye në spital për një operacion në mushkëri në vitin 2005, dhe në vitin 2010 iu vendosën dy stenta në një arterie koronare.

    Në vitin 2021, ish-presidenti u shtrua në spital për gjashtë ditë në Kaliforni, ndërsa po trajtohej për një infeksion që nuk lidhej me COVID-19, në kohën kur pandemia ishte ende në kulmin e saj./REL

  • Zjarr i madh në një fabrikë municionesh në Turqi, raportohet për të vdekur

    Zjarr i madh në një fabrikë municionesh në Turqi, raportohet për të vdekur

    Një shpërthim i fuqishëm ka ndodhur mëngjesin e sotëm në një fabrikë të prodhimit të municioneve në Balikesir, në rajonin Marmara të Turqisë.

    Sipas një deklarate të guvernatorit të rajonit e publikuar nga mediat turke ka viktima dhe të lënduar.

    Informacionet e para flasin për 12 persona që humbën jetën dhe 3 të plagosur.

    Në zonë kanë mbërritur autoambulancat dhe makinat e policisë, ndërsa akoma nuk dihet shkaku i këtij zjarri të madh.