Category: Lajme

Kryeministri i Kosovës, Albin Kurti, ka komentuar mbi moscertifikimin e Listës Serbe për zgjedhjet e 9 shkurtit 2024, duke theksuar se kjo është një pasojë e lidhjeve të ngushta të kësaj partie me krimin dhe terrorizmin shtetëror serb, raporton Ekonomia Online.

Kurti në konferencën për media ka deklaruar se Lista Serbe ka lidhje me Milan Radojcic, duke shtuar se përderisa ai nuk dorëzohet tek autoritetet e Kosovës, kjo listë do të mbetet e lidhur me veprime dhe shkelje që pengojnë integrimin e serbëve në Kosovë.

“Për aq kohë që Milan Rajdociq nuk dorëzohet tek institucionet e Kosovës, Lista Serbe do të jetë krahu politik i tij dhe terrorizmi shtetëror serb. Unë besoj që Lista Serbe është pengesa më e madhe e integrimit të vërtetë të serbëve në Kosovë. Prej djegies të veturave e pronave e rrahja e serbë që integrohet deri tek ngacmimet kërcimet e shantazhet këto e mbajnë edhe nënshkrimin edhe vulën e Listës Serbe”, ka thënë Kurti.

Bashkëpunimi ushtarak midis Koresë së Veriut dhe Rusisë po intensifikohet, sipas ”Wall Street Journal”.

Sipas gazetës, Pheniani po rrit furnizimin me armë në Moskë për luftën në Ukrainë në këmbim të parave dhe naftës, duke lejuar ushtrinë ruse të fitojë terren.

”Në fakt, pamjet satelitore tregojnë se dhjetëra fabrika të Koresë së Veriut po punojnë me kapacitet të plotë”, shkruan gazeta amerikane.

Me një kosto njerëzore të cilën, megjithatë, Kim Jong-un duket i gatshëm ta paguajë për të siguruar aleancën ushtarake me Vladimir Putin.

Mijëra ushtarë të Koresë së Veriut të dërguar për të mbështetur ushtrinë ruse thuhet se kanë vdekur ose janë plagosur në front, kryesisht në Kursk, rajoni rus i pushtuar pjesërisht nga forcat e Kievit në verë dhe të cilin Moska po përpiqet ta ripushtojë.

Sipas presidentit ukrainas, Volodymyr Zelensky, i cili citon të dhënat paraprake nga kreu i forcave të tij të armatosura nga vija e frontit, humbjet e Koresë së Veriut kanë kaluar tashmë 3 000 burra.

”Por, kjo nuk e ndal Phenianin, i cili po mendon të dërgojë më shumë trupa dhe pajisje ushtarake”, paralajmëroi udhëheqësi ukrainas.

”Por, përtej shifrave”, konfirmoi Seuli, ”Kim është ende duke prodhuar dhe dorëzuar drone vetëshkatërrues në Rusi dhe furnizon raketahedhës të kalibrit 240 milimetra dhe armë vetëlëvizëse 170 milimetra.

Për të vulosur bashkëpunimin midis Moskës dhe Phenianit, ushtarët e Koresë së Veriut mund të ftohen gjithashtu të marshojnë në paradën në Sheshin e Kuq më 9 maj, në përvjetorin e tetëdhjetë të fitores sovjetike në Luftën e Dytë Botërore.

Këshilli Penal i Gjykatës Penale të Shkupit e ka hedhur poshtë ankesën e avokatit të arratisurit Artan Grubi ndaj gjykatësit të procedurës paraprake dhe e ka konfirmuar paraburgimin e caktuar 30 ditor.

Nga Gjykata rikujtojnë se më 17 dhjetor, gjykatësi i procedurës paraprake duke vepruar ndaj propozimit të prokurorit, caktoi paraburgim për Grubin dhe Përparim Bajramin, të dy të përfshirë në hetimin e Prokurorisë për “Lotarinë Shtetërore”. Vendimi, u miratua pas dërgimit të njoftimit nga MPB se Grubi dhe Bajrami nuk janë të kapshëm për organet e ndjekjes, e cila fillon të zbatohet sapo të gjenden personat, gjegjësisht të arrestohen. /Alsat.mk/

Ambasada e Italisë në Kosovë ka shprehur shqetësimin lidhur me vendimin të cilin e kanë quajtur politik që ka marrë KQZ-ja për mos certifikimin e kandidatëve të Listës Serbe për zgjedhjet e ardhshme.

Në reagimin e ambasadës thuhet se besojnë se sundimi i ligjit do të orientojë edhe njëherë veprimet e këtij institucioni vital, i cili është përgjegjës për mbajtjen e të drejtave politike të të gjithë qytetarëve të Republikës së Kosovës.

Një ditë pas protestës së opozitës që bllokuan 5 akse kryesore në Tiranë, policia arrestoi 7 protestues dhe 61 të tjerë i procedoi penalisht në gjendje të lirë, mes të cilëve edhe 40 deputetë dhe përfaqësues të Partisë Demokratike.

Ndaj tyre rëndojnë një sërë akuzash dhe vepra penale, si ajo e “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të policisë”, “Prishja e rendit dhe e qetësisë publike” dhe “Kundërshtimi i punonjësit të policisë”.

Shtatë protestuesit e arrestuar pritet të dalin para gjykatës së Tiranës për tu njohur me masën e sigurisë. Përveç arrestimit të tyre, policia e Tiranës procedoi në gjendje të lirë po për të njëjtat akuza 40 deputetë të Kuvendit të Shqipërisë dhe përfaqësues të Partisë Demokratike, Partisë Republikane dhe të Partisë së Lirisë, si dhe 21 qytetarë.

Mes deputetëve të proceduar janë Flamur Noka, Xhelal Mziu, Albana Vokshi, Oerd Bylykbashi, Elda Hoti, Gazment Bardhi dhe Agron Gjekmarkaj. Ky i fundit, nënkryetar i Kuvendit, njëherazi dhe drejtues politik i qarkut Lezhë, i pozicionuar në zonën e njohur si pallati me shigjeta, gjatë përplasjes me policinë, humbi ndjenjat dhe u dërgua në spital për të marrë ndihmën mjekësore. Përfaqësues të opozitës hodhën akuza të rënda teksa pohuan se Gjekmarkaj u dhunua nga policia, ndërsa vetë policia mohoi diçka të tillë. (A2 Televizion)

Shërbimi Shëndetësor Kombëtar (NHS) në Angli po nis një provë të parë botërore të një mjeti me Al që mund të identifikojë pacientët në rrezik të diabetit të tipit 2 më shumë se një dekadë përpara se të zhvillojnë këtë gjendje.

Bëhet e ditur se më shumë se 500 milionë njerëz në mbarë botën kanë diabet të tipit 2, dhe gjetja e mënyrave të reja për të dalluar njerëzit në rrezik përpara se të zhvillojnë këtë gjendje është një prioritet kryesor shëndetësor global.

Vlerësimet sugjerojnë se 1 miliard njerëz do të kenë diabet të tipit 2 deri në vitin 2050.

Gjendja është një shkak kryesor i verbërisë, dështimit të veshkave, sulmeve në zemër, goditjeve në tru dhe amputimit të gjymtyrëve të poshtme.

Shpesh lidhet edhe me të qenit mbipeshë ose joaktiv, ose me një histori familjare të diabetit të tipit 2, megjithëse jo të gjithë të diagnostikuarit janë në ato kategori.

Tani mjekët dhe shkencëtarët kanë zhvilluar një mjet transformues me AI që mund të parashikojë ata që janë në rrezik nga kjo gjendje deri në 13 vjet përpara se të fillojë të zhvillohet.

Raportohet se teknologjia analizon leximet e elektrokardiogramit (EKG) gjatë skanimeve rutinë të zemrës, shkruan the Guardian, përcjell Telegrafi.

Ai mund të zbulojë ndryshime delikate shumë të vogla për t’u vënë re nga syri i njeriut që mund të ngrenë alarmin herët për një pacient në rrugën drejt diabetit të tipit 2.

Gjithashtu, mund të mundësojë ndërhyrje të hershme dhe potencialisht t’i ndihmojë njerëzit të shmangin zhvillimin e sëmundjes krejtësisht, për shembull, duke bërë ndryshime në dietën dhe stilin e tyre të jetesës.

NHS do të fillojë testimin e mjetit në vitin 2025, duke u bërë sistemi i parë i kujdesit shëndetësor në botë që e bën këtë.

Ata që janë të përfshirë në zhvillimin e teknologjisë shpresojnë që ajo të mund të përhapet në të gjithë shërbimin shëndetësor të Anglisë dhe vendeve tjera gjatë viteve të ardhshme.

“AI ka një potencial të madh për të transformuar kujdesin që mund të çojë në përmirësime thelbësore në shëndet”, tha Dr. Libor Pastika.

Ndryshe, një ekip i udhëhequr nga D.r Fu Siong Ng dhe Dr. Arunashis Sau në Imperial e zhvilluan mjetin duke përdorur 1.2 milion EKG nga të dhënat spitalore.

Më pas ata përdorën të dhëna nga Biobank në Mbretërinë e Bashkuar, e cila mban të dhënat gjenetike dhe të dhënat mjekësore të më shumë se 500,000 njerëzve, për të vërtetuar aftësinë e mjetit për të zbuluar ndryshimet delikate në EKG.

Mjeti harton modelet e vogla të EKG-së më të zakonshme tek ata që do të vazhdojnë të zhvillojnë diabetin e tipit 2 në të ardhmen – dhe më pas kërkon të njëjtat modele në EKG-të e reja.

Shenjat treguese përfshijnë ndryshime në mënyrën se si udhëton sinjali elektrik i zemrës, të tilla si ndryshime të vogla në kohën, formën ose modelet e valëve të caktuara elektrike.

Mjeti gjithashtu mund të identifikojë kohë më të gjata të aktivizimit elektrik ose ndryshime në mënyrën se si rivendosen sinjalet elektrike të zemrës.

Ndërsa këto ndryshime mund të duken të vogla, ato pasqyrojnë efektet e hershme të diabetit në strukturën dhe funksionin e zemrës, shumë përpara se të shfaqen simptomat.

Testet kanë treguar tashmë se mjeti parashikon me saktësi rrezikun në njerëz të moshave, gjinive, etnive dhe prejardhjeve socio-ekonomike të ndryshme, në rreth 70% të rasteve.

Studiuesit kanë njoftuar se kur parashikimet e AI u kombinuan me informacionin gjenetik dhe klinik, si mosha dhe presioni i gjakut, saktësia u përmirësua më tej, duke ofruar një pamje edhe më të qartë të rrezikut.

Një sondë e Agjencisë amerikane Hapësinore (NASA) është duke bërë përpjekje që të bëjë histori duke bërë afrimin më të madh ndonjëherë me diellin.

Sonda diellore Parker synon të zhytet në atmosferën e jashtme të këtij ylli, duke iu rezistuar temperaturave brutale dhe rrezatimit ekstrem.

Pajisja nuk do të ketë sinjal për disa ditë, sa të jetë e ekspozuar në flakët e diellit, dhe shkencëtarët do të jenë në pritje të sinjalit më 28 dhjetor, nëse sonda nuk do të digjet.

I gjithë studimi është duke u bërë ashtu që njerëzimi të kuptojë se si funksionon dielli.

Ky studim ka nisur më 2018, duke pasur në qendër sistemin diellor.

Sondat kanë qarkulluar rreth diellit, në distanca shumë të largëta për 21 herë rresht, mirëpo misioni aktual mund të shënojë rekord.

Nëse gjithçka shkon si duhet, sonda do t’i afrohet diellit në distancë prej 6.2 milionë kilometrash, më të afërtën ndonjëherë.

Sondës do t’i duhet të durojë temperatura mbi 1.400 gradë Celsius dhe rrezatim të jashtëzakonshëm.

Shkencëtarët besojnë që përmes këtij studimi të zbulojnë më shumë për diellin dhe sistemin e tij./REL