Category: Lajme

Gjykata Themelore në Ferizaj, të mërkurën ka shpallur aktgjykim ndaj katër zyrtarëve komunalë të Ferizajt dhe një biznismeni, të cilët akuzoheshin për korrupsion dhe vepra tjera penale.

Ndaj të akuzuarave Fehmi Reka, Bahri Xhemajli, kjo gjykata ka shpallur aktgjykim dënuese, kurse të pandehurit Arbërie Bekteshi, Arbnora Sejdiu dhe Hajrush i ka liruar nga akuza.

Aktgjykimi është shpallur nga kryetari i trupit gjykues, Ilir Bytyqi, raporton “Betimi për Drejtësi”.

Sipas aktgjykimit, i akuzuari Reka për veprën penale “Keqpërdorimi i pozitës apo autoritetit zyrtar” është dënuar me dënim burgimi në kohëzgjatje prej 6 muajve, i cili dënim me pëlqimin e të njëjtit është zëvendësuar në dënim me gjobë në lartësi prej 5 mijë euro.

Kurse, i akuzuari Xhemajli për veprën penale “Falsifikimi i dokumenteve” është dënuar me gjobë në lartësi prej 12 mijë e 500 euro, ndërsa u lirua për veprën penale “Keqpërdorimi dhe mashtrimi në prokurim publik në bashkëkryerje”.

Ndërkaq, të akuzuarit Bekteshi, Sejdiu dhe Leka janë liruar nga akuza për veprën penale “Keqpërdorimi i pozitës apo autoritetit zyrtar në bashkëkryerje”, pasi që nuk është provuar se të njëjtit kanë kryer këtë vepër penale.

Inflacioni i përgjithshëm në Mal të Zi 2021-2024 arriti në 30.5 për qind, ndërsa vetëm çmimet e ushqimeve u rritën me 41 për qind, sipas të dhënave të Entit Statistikor (Monstat).

Zyra statistikore e BE-së, Eurostat, përdor Indeksin e Harmonizuar të Çmimeve të Konsumit për të krahasuar çmimet ndërmjet vendeve, i cili tregon se në katër vjetët e fundit çmimet në Mal të Zi janë rritur dukshëm më shumë se në eurozonë, dhe se vendi kishte norma inflacioni deri në katër herë më të larta se vendet më të pasura në Evropë.

Sipas të dhënave nga deklaratat tatimore, zinxhirët më të mëdhenj të shitjes me pakicë në Mal të Zi kishin rritje qarkullimi 40 deri në 50 për qind në vitin 2023 krahasuar me 2021 dhe një rritje të fitimit neto prej 120 deri në 196 për qind.

Fitimi neto i zinxhirëve të shitjes me pakicë u rrit me një ritëm katër herë më të lartë se rritja e të ardhurave të tyre, sipas mediave të Malit të Zi.

Një person ka humbur jetën pasi që u lëndua gjatë manovrimit – riparimit te një paragllajd. Policia për Rajonin e Pejës, njofton se sot rreth orës 10:48, ёshtё njoftuar se në fshatin Sine të Istogut, një person gjersa ishte duke manovruar-riparuar një paragllajd në oborrin e shtëpisë së tij, kishte pësuar lëndime të rënda trupore.

Në vend ngjarje kanë dalë njësitet kompetente policore, Prokurori i shtetit dhe auto ambulanca e cila e ka transportuar të lënduarin për në Spitalin Rajonal në Pejë.

“Për shkake të gjendjes së rëndë, viktima është dërguar për tretman në QKUK në Prishtinë, ku më pas është konfirmuar se ka ndërruar jetë”, njofton policia.

Më tej thuhet se me urdhër të Prokurorit të shtetit trupi i pa jetë u kthehet familjarëve për ceremoninë e varrimit.

Një gjykatë e Bosnjë dhe Hercegovinës refuzoi kërkesën e mbrojtjes së kryetarit të Republikës Serbe Milorad Dodik dhe ushtruesit të detyrës së drejtorit të “Gazetës Zyrtare të Republikës Serbe” Millosh Lukiq, për të lexuar sërish aktakuzën dhe për të thirrur dëshmitarët.

Gjyqtarja Sena Uzunoviq tha se kërkesa e Dodik është e pabazuar dhe do të çonte në zvarritje të procedurës para Gjykatës së BeH.

Në shpjegimin e saj, Uzunoviq tha se mbrojtja ka marrë audio incizime të seancave ku janë paraqitur provat dhe janë dëgjuar dëshmitarët. Ajo tha se të gjithë dëshmitarët janë marrë në pyetje direkt. Uzunoviq listoi gjithashtu se sa herë janë shtyrë seancat, duke përfshirë ato për shkak të ndërhyrjes kirurgjikale të Dodik.

“Për shkak të kësaj, gjykimi nuk mundi të vazhdonte me ritmin e planifikuar”, pohon ajo.

Pasi Uzunoviq refuzoi kërkesën për kthimin e shqyrtimit kryesor në fillim, Dodik tha se “e gjithë procedura kundër tij dhe Millosh Lukiq është me pasaktësi”.

“Kur ka kaluar më shumë se një muaj nga pezullimi i gjykimit, procedimi rifillon nëse njëra nga palët e kërkon. Ne kërkojmë që të fillojë nga e para”, tha ai.

Një incident ka ndodhur para Gjykatës së Bosnjë-Hercegovinës gjatë gjykimit të Dodik dhe Lukiq, të cilët akuzohen për moszbatim të vendimeve nga Përfaqësuesit të Lartë Christian Schmidt.

Një grup njerëzish të mbledhur, përfshirë bashkëpunëtorë të shquar politikë të Dodikut, erdhën për ta mbështetur. Në një moment është dëgjuar muzika e fortë, e cila ka sjellë reagimin e policisë, e cila është dashur të ndërhyjë për të vënë situatën nën kontroll.

Ndër më të zëshmit ishte përfaqësuesja e SNSD-së në Dhomën e Përfaqësuesve të Asamblesë Parlamentare të BeH, Sanja Vuliq, e cila udhëhoqi këngën dhe bërtiti parulla në mbështetje të Dodik. Të mbledhurit brohoritën parulla, duke protestuar ndaj gjyqit që po zhvillohej kundër kreut të RS.

Policia ka mbajtur prezencë para Gjykatës së BeH për të parandaluar incidente të reja të mundshme.

Sot, nga Njësiti i Hetimeve të Drejtorisë së Kryeqytetit, njësia e stacionit Veriu, janë arrestuar dy persona të dyshuar për grabitje.

Sipas policisë rasti ka ndodhur me datën 24 janar 2025 në fshatin Trudë të Prishtinës, saktësisht në një pompë derivatesh.

“Puna e hetuesve policor ka rezultuar me identifikimin dhe arrestimin e personave të dyshuar (meshkuj) V.I. 34 vjeç, dhe L.B 33 vjeç, të dy shtetas të Republikës së Kosovës, për të cilët ekziston dyshimi se të njëjtit kanë qenë të përfshirë në rastin e grabitjes”, thuhet në komunikatë.

Më tej thuhet se personat e dyshuar me vendimin e prokurorit të shtetit janë ndaluar në mbajtje përderisa hetuesit po kryejnë të gjitha veprimet e nevojshme hetimore e procedurale lidhur me rastin.

Administrata e Presidentit amrikan Donald Trump ka pezulluar për tre muaj pothuajse të gjitha ndihmat për të huajit, ndërsa autoritetet amerikane po verifikojnë se cilat nga këto ndihma i përshtaten politikës së presidentit “Amerika e para”. Organizatat humanitare dhe aktivistët e të drejtave të njeriut, paralajmërojnë se vendimi do të rrezikojë jetë të panumërta në mbarë botën.

Shtetet e Bashkuara kanë ndarë pothuajse 70 miliardë dollarë ndihma të huaja gjatë vitit fiskal 2023, shumica përmes Agjencisë Amerikane për Zhvillim Ndërkombëtar, USAID. Uashingtoni ofron shumicën e ndihmave humanitare në botë, përfshirë atë për mjekimin e pacientëve me virusin HIV përmes programit presidencial PEPFAR, shkran VOA.

Ish-drejtoresha e USAID-t, Samantha Power, në një video të agjencisë thotë se USAID-i, ndër të tjera, ka reaguar ndaj 84 krizave në 66 vende duke ndihmuar dhjetëra miliona njerëz.

Presidenti Donald Trump bllokoi shumicën e këtyre ndihmave në përpjekje për të verifikuar nëse ato i përshtaten politikës së tij, “Amerika e Para”. Urdhri presidencial ndalon përkohësisht ndihmat për 90 ditë ndërsa kryhet rishikimi.

Shtëpia e Bardhë ofroi një sqarim të ngjashëm dhe për ndalimin e përkohshëm të granteve dhe kredive federale të martën. Zëdhënësja e Shtëpisë së Bardhë Karoline Leavitt nuk sqaroi cilat programe të brendshme janë ndaluar.

“Gjatë katër viteve të fundit në kemi parë administratën Biden që shpenzon paratë pa përgjegjësi. Nuk jemi përballur pa arsye me krizë inflacioni në këtë vend. Është detyrë e kësaj administrate të sigurohet që të ketë llogari për çdo qindarkë të shpenzuar”, tha zonja Leavitt.

Shtëpia e Bardhë nuk iu përgjigj kërkesës së Zërit të Amerikës për të ofruar më shumë detaje se cilat programe ndërkombëtare do të preken nga vendimi.

Organizatat humanitare ngritën këmbanat e alarmit mbi ndalimin e ndihmës së huaj, përfshirë atë për barazinë gjinore, zhvillimet e bizneseve dhe atë që vlerësohet me rëndësi të madhe, programin që ofron ilaçe për pacientët me virusin HIV. Zyrtarët e administratës Biden e kanë vlerësuar këtë si “shtyllë kyçe” të lidhjeve të Uashingtonit me vendet në zhvillim.

“Sekretari i Përgjithshëm është i shqetësuar mbi ndaljen e përkohshme të ndihmës së huaj nga Shtetet e Bashkuara. Ai bën thirrje për përjashtime shtesë nga lista e programeve të ndaluara për të vazhduar ndihmat për zhvillim dhe ato humanitare për komunitetet e rrezikuara në të gjithë botën. Jetët e tyre varen nga kjo përkrahje”, thotë Stephane Dujarric, zëdhënës i Kombeve të Bashkuara.

Projekti më i madh i USAID-it për vitin fiskal 2023 ishte ndihma jo ushtarake për Ukrainën me vlerë 14 miliardë dollarë. Organizatat humanitare thonë se ato mirëpresin rishikimin e fondeve nga taksapaguesit amerikanë, por jo ndalimin e tyre, ndërsa ndodh rishikimi.

“Nëse doni të rishikoni të gjitha ndihmat, bëjeni. Ofroni qartësi të plotë se çfarë kërkoni, por mos ndaloni ndihmat që mbajnë gjallë njerëzit ndërsa bëni rishikimin”, thotë Nicole Widdersheim nga organizata “Human Rights Watch”.

Analistët gjithashtu kanë shprehur shqetësim rreth ndikimit të menjëhershëm nga vendimi.

“Shqetësimi ynë i vërtetë ka të bëjë me ndikimin e menjëhershëm të ndalimit të ndihmës së huaj. Nuk duhet harruar se këto ndihma përfshijnë edhe projekte humanitare, si ajo për shpërndarjen e vaksinave, për shembull, për fëmijët në të gjithë botën me qëllim që ata të mos infektohen nga sëmundje ngjitëse”, thotë për Zërin e Amerikës Esther Brimmer nga Këshilli për Marrëdhënie me Jashtë.

Në lidhje me çështjet botërore të shëndetit publik, qëndrimi i Presidentit Trump është i qartë. Presidenti i ri amerikan i nxori Shtetet e Bashkuara nga Organizata Botërore e Shëndetësisë, duke përmendur si arsye shqetësimin se vendi kishte një barrë të padrejtë financiare si donatori më i madh i organizatës.

Zyrtarët e Shtëpisë së Bardhë i kanë përcjellë Izraelit dëshirën e Trump për të tërhequr rreth 2000 trupa amerikane nga Siria.

Mediat ndërkombëtare raportojnë se Donald Trump thuhet se ka informuar kryeministrin izraelit Benjamin Netanyahu për vendimin për tërheqjen e forcave amerikane nga Siria, me të cilin do të takohet më 4 shkurt në Shtëpinë e Bardhë.

“Siria është një rrëmujë, por nuk është miku ynë dhe Shtetet e Bashkuara nuk duhet të kenë asnjë lidhje me të. Kjo luftë nuk është e jona. Lëreni të evoluojë. Mos u përfshini”, tha Donald Trump në një postim në platformën Truth Social.

Deri në vitin 2021, 900 trupa amerikane ishin vendosur në Siri, ndërsa në dhjetor 2024, numri i trupave arriti në 2000, ndërsa Pentagoni deklaroi se kishte pasur një rritje për shkak të ngjarjeve që çuan në rënien e regjimit të Asadit.

Policia e Kosovës ka njoftuar se ka arrestuar tre persona në Mitrovicë, të dyshuar për veprën penale “Vjedhje e rëndë”.

Në njoftimin e policisë thuhet se arrestimi ka ndodhur më datën 28 janar.

“Me datën 28 janar 2024, hetuesit e Sektorit Rajonal të Hetimeve, si rezultat i hetimeve te zhvilluara kanë identifikuar dhe arrestuar tre persona të dyshuar për veprën penale “vjedhje e rëndë’. Arrestimi i tre të dyshuarve të moshës se mitur, shtetas të Republikës së Kosovës, është bërë mbi dyshime të arsyeshme dhe provave të siguruara se me datën 25 janar 2025, në rrugën Marije Shllaku ” në Mitrovicë, në bashkëkryerje kanë kryer veprën penale “Vjedhje e rëndë” ku cak i kësaj vjedhje ishte një shtëpi nga ku kishin vjedhur një shumë të parave”, thuhet në njoftim.

Tutje, theksohet se në cilësi të provave materiale tek të dyshuarit është gjetur gjysma e shumes se parave të vjedhura. Ndërsa, pas intervistimit, tre të dyshuarit janë liruar në procedurë të rregullt./Telegrafi/