Category: Lajme

Presidenti i ShBA-ve, Donald Trump, tha herët në mëngjes të enjten se përplasja në ajër midis një helikopteri të ushtrisë amerikane dhe aeroplanit të pasagjerëve të American Airlines ishte një “situatë e rëndë që duket se mund të ishte parandaluar”.

“Aeroplani ishte në një linjë të përsosur dhe rutinë afrimi drejt aeroportit. Helikopteri po shkonte drejt në aeroplan për një periudhë të gjatë kohore. Është një natë e kthjellët, dritat në aeroplan po flakërojnë, pse helikopteri nuk u ngjit, as nuk u ul, as u kthye. Pse kulla e kontrollit nuk i tha helikopterit se çfarë të bënte në vend që të pyeste nëse e panë aeroplanin”, shkroi Trump në platformën e tij “Truth Social”.

“Kjo është një situatë e rëndë që duket se është mundur të parandalohet. JO MIRË!!!”, vazhdoi presidenti.

Nuk ishte menjëherë e qartë nëse postimi i Trump bazohej në informacionin mbi të cilin ai ishte informuar zyrtarisht.

LEXONI EDHE:

Dalin pamjet nga momenti i përplasjes së aeroplanit dhe helikopteri ushtarak në ShBA

Një aeroplan i American Airlines është përplasur me një helikopter të ushtrisë amerikane në Uashington DC, tha Administrata Federale e Aviacionit.

Sipas raportimeve të mediave amerikane, avioni i American Airlines që u rrëzua është ndarë në gjysmë në lumin Potomac. Helikopteri që u përfshi në përplasje ndodhet pranë avionit.

American Airlines ka konfirmuar se në bordin e avionit ndodheshin 60 pasagjerë dhe katër anëtarë të ekuipazhit.

Zyrtarët e policisë i kanë thënë CBS News se 18 trupa janë gjetur nga ekipet e kërkimit në vendin e përplasjes dhe se asnjë i mbijetuar nuk është gjetur deri më tani.

Nuk ka ende një përditësim zyrtar nga autoritetet për numrin e viktimave.

Ngjarja ndodhi gjatë afrimit të pistës 33 në Aeroportin Kombëtar të Uashingtonit Reagan rreth orës 21:00.

Kandidati për deputet nga PDK, Leutrim Retkoceri, në emisionin COMPASS në ATV, tha se me Bedri Hamzën si kryeministër, qeveria e ardhshme do të punojë për ta bërë Kosovën një vend më të mirë, duke u fokusuar në meritokracinë, llogaridhënien dhe qeverisjen efikase.

Sipas Retkocerit, lidershipi dhe ekspertiza e Bedri Hamzës do të sigurojnë një qeverisje që realizon aspiratat e qytetarëve të Kosovës.

“Ne, së bashku me kandidatin tonë për kryeministër, zotëri Bedri Hamza, i cili ka një lidership të jashtëzakonshëm, ekspertizë dhe besueshmëri të lartë, do të kujdesemi që t’i realizojmë aspiratat e popullit të Kosovës. Qëllimi ynë është ta bëjmë Kosovën një vend më të mirë” tha Retkoceri.

Ai tha se në mandatin e ardhshëm qeverisës, PDK do të sjellë ndryshime të prekshme dhe domethënëse për jetën e qytetarëve.

“Detyrimisht, duhet të kujdesemi që meritokracia, llogaridhënia dhe qeverisja të jenë më të mira në mandatin e ardhshëm qeverisës me kryeministër zotëri Bedri Hamza,” u shpreh Retkoceri.

Deklaratën e plotë të Leutrim Retkocerit në ATV, e gjeni në videon më poshtë:

Kandidati për deputet nga koalicioni AAK-NISMA, Edmond Hoxha, në emisionin COMPASS në ATV, tha se kjo legjislaturë do të mbahet mend si një nga më të dobëtat në historinë e Kosovës.

Sipas Hoxhës, Kuvendi është përdorur më shumë për shfaqje politike sesa për ofrimin e alternativave konkrete për zhvillimin e vendit.

“Kjo legjislaturë realisht do të mbahet mend si një ndër më të dobëtat në historinë e Republikës së Kosovës. Për këtë është përgjegjëse është qeveria, por edhe opozita, pasi Kuvendi është përdorur më shumë për shfaqje sesa për ngritje të alternativave”, tha Hoxha.

Ai tha se kjo qeveri ka larguar Kosovën nga rruga e integrimeve euroatlantike dhe e ka dëmtuar zhvillimin ekonomik të vendit.

“Kjo qeverisje e ka nxjerrë vendin nga binarët e duhur, nga integrimet euroatlantike dhe nga rruga e zhvillimit ekonomik. Sot po jetojmë me pasojat e kësaj, duke u përballur me sanksione ndërkombëtare”, u shpreh Hoxha.

Deklaratën e plotë të Edmond Hoxhës në COMPASS, e gjeni në videon më poshtë:

Kandidati për deputet nga Koalicioni për Familje, Donat Syla, në emisionin COMPASS në ATV, tha se subjekti i tij politik po fiton një përkrahje të jashtëzakonshme dhe se çështja e kalimit të pragut zgjedhor nuk është fare në diskutim.

Sipas Sylës, përkundër që Koalicioni për Familje është një subjekt i ri në skenën politike, ai ka marrë mbështetje të madhe dhe fryma për këtë lëvizje po rritet vazhdimisht.

“Ka qenë një sfidë interesante për ta parë veten dhe për të testuar këtë subjekt të ri politik, i cili, edhe pse i pasprovuar, ka marrë një përkrahje të jashtëzakonshme. Fryma është në rritje dhe tashmë çështja e pragut as që diskutohet”, tha Syla.

Ai tha se ka pasur oferta nga subjekte të tjera politike, por ka vendosur të sfidojë veten brenda këtij koalicioni të ri.

“Kam njohje personale me shumë kryetarë partish dhe kam pasur oferta nga të gjitha subjektet politike. Megjithatë, vendosa të sfidoj veten me këtë subjekt të ri dhe të shohim se si do të performojmë”, u shpreh Syla.

Deklaratën e plotë të Donat Sylës në COMPASS, e gjeni në videon më poshtë:

Udhëheqësi i rebelëve të Sirisë që rrëzuan presidentin Bashar Al- Assad muajin e kaluar u emërua president i përkohshëm i vendit të mërkurën.

Ahmad Al-Sharaa, një rebel dikur i lidhur me Al-Qaidan është kreu i grupit, Hayat Tahrir al-Sham (HTS) i shpallur terrorist nga Shtetet e Bashkuara.

Emërimi i tij erdhi pasi ish-kryengritësit anuluan Kushtetutën ekzistuese, duke thënë se një e re do të hartohej së shpejti.

Njoftimi u bë nga zëdhënësi për sektorin e ri të operacioneve ushtarake të qeverisë de fakto të Sirisë, kolonel Hassan Abdul Ghani, raportoi agjencia shtetërore e lajmeve SANA.

Al-Sharaa pritej të shfaqej në një fjalim televiziv pas takimit, por nuk e bëri këtë menjëherë dhe mbeti e paqartë nëse do ta bënte.

Mekanizmi i saktë sipas të cilit ai u zgjodh president të përkohshëm nuk ishte gjithashtu i qartë.

Al-Sharaa, i njohur më parë si Abu Mohammed Al-Jolani udhëhoqi ofensivën e rrufeshme që rrëzoi Asadin në fillim të dhjetorit.

Shtetet e Bashkuara kishin vendosur më parë një shpërblim prej 10 milionë dollarësh për kapjen e Al-Sharaas, por e anuluan atë muajin e kaluar pasi një delegacion amerikan vizitoi Damaskun dhe u takua me të.

Vendet perëndimore, megjithëse kanë lëvizur për të rivendosur lidhjet me Damaskun pas përmbysjes së Assadit, janë ende disi të kujdesshëm ndaj sundimtarëve të rinj islamikë të Sirisë.

Kandidati për deputet nga PDK, Perparim Gruda, në emisionin CONTEXT në ATV, tha se çështja e Gjykatës Speciale do të jetë fokusi kryesor i qeverisë së ardhshme, e udhëhequr nga Bedri Hamza.

Gruda tha se Gjykata Speciale është një problem serioz që ka rënduar mbi Kosovën dhe që qeveria do të luftojë për ta rivendosur atë në kuadrin e drejtësisë evropiane.

“Gjykata Speciale është një çështje serioze që rëndon edhe mbi Kosovën. Çështja e Gjykatës Speciale është prioriteti absolut i Qeverisë së Kosovës. Kandidati për kryeministër, zoti Hamza, e ka thënë këtë edhe në takim me veteranë”, tha Gruda.

Ai shtoi se qeveria do të dialogojë me vendet financuese, si SHBA dhe BE-në, për të kthyer institucionin në binarët normalë të drejtësisë.

Deklaratën e plotë të Perparim Grudës në CONTEXT, e gjeni në videon më poshtë: