Category: Lajme

Të dhënat për rezultatet preliminare të zgjedhjeve janë përditësuar sërish në webfaqen e Komisionit Qendror të Zgjedhjeve (KQZ), pasi janë numëruar 90.13% e fletëvotimeve.

Lëvizja Vetëvendosje (LVV) vazhdon të kryesojë me 41% të votave, ndërsa Partia Demokratike e Kosovës (PDK) ka marrë 22.37%. Lidhja Demokratike e Kosovës (LDK) është renditur e treta me 17.57%, e pasuar nga Aleanca për Ardhmërinë e Kosovës (AAK) me 7.56%. Koalicioni për Familjen ka marrë 2.30% të votave.

Në këto rezultate nuk përfshijnë votat me kusht, ato të personave me nevoja të kufizuara dhe votat e diasporës, të cilat mund të ndikojnë në përfundimin e rezultatit të zgjedhjeve.

Presidentja e Kosovës, Vjosa Osmani, ka udhëtuar për në Paris me ftesë të Presidentit të Republikës Franceze, Emmanuel Macron.

Gjatë qëndrimit në Francë, Osmani do të marrë pjesë në Samitin për Inteligjencën Artificiale, përkrah Presidentit Macron,

Zëvendëspresidentit të Shteteve të Bashkuara, James David Vance, Kryeministrit të Indisë, Narendra Modi, si dhe liderëve të tjerë botërorë, ka njoftuar Presidenca.

“Në kuadër të vizitës, Presidentja Osmani do të jetë e pranishme në darkën zyrtare në Pallatin Élysée, në pritjen zyrtare të organizuar nga delegacioni amerikan, si dhe në seancën plenare të bashkëkryesuar nga Presidenti Macron dhe Kryeministri Modi”, thuhet në njoftim.

Në komunat kryesore të Kosovës, më shumë se gjysma e qytetarëve të Kosovës me të drejtë vote nuk shfrytëzuan të drejtën e tyre kushtetuese drejt zgjedhjes së qeverisë së re për zgjedhjet parlamentare të 9 shkurtit.

Nga komunat e mëdha të Kosovës, përqindjen më të ulët të pjesëmarrësve në zgjedhjet parlamentare ka Gjakova. Pra, 34,68 për qind. Nga 119,237 e qytetarëve me të drejtë vote, veç 41,354 kanë shfrytëzuar të drejtën e tyre për të votuar. Pra, 77,883 e kanë bojkotuar procesin zgjedhor

Pas Gjakovës vjen Peja, ku 35,45 për qind e pejanëve morën pjesë në procesin zgjedhor. Pra, nga 115,679 e pejanëve, 41,009 nga ta shfrytëzuan të drejtën e votës. 74,670 e bojkotuan procesin zgjedhor në këtë komunë.

Prej 182,939 prizrenasve, 68,999 votuan. Pra, 37,72 për qind e tyre. Gjegjësisht, 113,940 prizrenas nuk shfrytëzuan të drejtën kushtetuese për të dalë në zgjedhje.

Lista e komunave të mëdha sipas pjesëmarrjes në zgjedhje:

Gjakova: 119,237 të drejtë vote – 41,354 dolën në votim– 34,68 për qind pjesëmarrës. 77,883 bojkotuan procesin zgjedhor.

Mitrovica: 81,482 të drejtë vote – 34,103 dolën në votim – 41,85 per qind pjesëmarrës. 47,379 bojkotuan procesin zgjedhor.

Pejë: 115,679 të drejtë vote, 41,009 dolën në votim – 35,45 për qind pjesëmarrës. 74,670 bojkotuan procesin zgjedhor.

Podujevë: 84,023 të drejtë vote, 38,612 dolën në votim – 45,95 për qind pjesëmarrës. 45,411 bojkotuan procesin zgjedhor.

Prishtinë: 212,515 të drejtë vote, 118,321 dolën në votim – 55,68 për qind pjesëmarrës. 94,194 bojkotuan procesin zgjedhor.

Prizren: 182,939 të drejtë vote, 68,999 dolën në votim – 37,72 për qind për qind pjesëmarrës. 113,940 bojkotuan procesin zgjedhor.

Skenderaj: 53,329 të drejtë vote, 20,336 dolën në votim – 38,13 për qind pjesëmarrës. 32,993 bojkotuan procesin zgjedhor.

Ferizaj: 118,288 të drejtë vote, 55,961 dolën në votim – 47,31 për qind pjesëmarrës. 62,327 bojkotuan procesin zgjedhor.

Të dhënat për rezultatet preliminare të zgjedhjeve janë përditësuar sërish në webfaqen e Komisionit Qendror të Zgjedhjeve (KQZ), pasi janë numëruar 89.62% e fletëvotimeve.

Lëvizja Vetëvendosje (LVV) vazhdon të kryesojë me 41.07% të votave, ndërsa Partia Demokratike e Kosovës (PDK) ka marrë 22.31%. Lidhja Demokratike e Kosovës (LDK) është renditur e treta me 17.58%, e pasuar nga Aleanca për Ardhmërinë e Kosovës (AAK) me 7.6%. Koalicioni për Familjen ka marrë 2.3% të votave.

Në këto rezultate nuk përfshijnë votat me kusht, ato të personave me nevoja të kufizuara dhe votat e diasporës, të cilat mund të ndikojnë në përfundimin e rezultatit të zgjedhjeve.

Ministri i Ministrisë së Zhvillimit Rajonal, Fikrim Damka dhe Fuat Damka janë arrestuar dje dhe me urdhër të prokurorit janë ndaluar për 48 orë.

Dy të arrestuarit dyshohen veprën penale “Kanosje dhe sulm”, ndaj dy personave të tjerë.

Rastin për KosovaPress e ka konfirmuar zëdhënësi i Policisë rajonale të Prizrenit, Shaqir Bytyqi, i cili tha se ngjarja ka ndodhur në afërsi të parkut “Korilla”, në qytetin e Prizrenit.

“Dje ka qenë një rast kanosje dhe sulm, ky dy persona kanë kanosur dy persona tjerë në Prizren në afërsi të parkut “Korrilla”, dhe pasi që rasti është raportuar janë intervistuar të dyshuarit dhe viktimat dhe dy të dyshuarit F.D dhe F.D tjetri janë ndaluar për 48 orë me vendim të kryeprokurorit”, tha Bytyqi.

Fikrim Damka, është kryetar i Partisë Demokratike Turke të Kosovës, e cila ka garuar në zgjedhjet parlamentare.

Gjatë ditës së djeshme në Kosovë janë mbajtur zgjedhjet parlamentare.

Kosova përmbylli dje procesin e rregullt zgjedhor për të zgjedhur parlamentin e ri, por nuk dha një rezultat të qartë për krijimin e një qeverie të re.

Me 88% të votave të numëruara, Lëvizja Vetëvendosje prin me 41,29% të votave, PDK e dyta me 21,83%, LDK e treta me 17,75%, ndërsa AAK-NISMA kanë marrë 7,68%. Koalicioni për Familjen nuk e ka kaluar pragun.

Me këto rezultate, është tërësisht e paqartë se si do të formohet qeveria e re.

Rezultati deri më tash i jep VV-së 46 deputetë, PDK-së 25 deputetë, LDK-së 20 deputetë dhe AAK-së 9 deputetë. Minoritetet marrin 20 deputetë.