Category: Lajme

Policia e Kosovës ka arrestuar sot një person në Gjilan dhe ka sekuestruar mbi 200 artefakte arkeologjike, prej të cilave 80 monedha nga periudha e sundimit romak, bizantin dhe mesjetar.

Arrestimi i të pandehurit D.H. është bërë me kërkesë të Prokurorisë Themelore në Gjilan, nën dyshimet se ka kryer veprën penale “Punimet e paautorizuara dhe përvetësimet e monumenteve kulturore” në vende arkeologjike me pajisje detektimi.

I njëjti dyshohet se me veprimet e tij ka kryer gërmime apo hulumtime arkeologjike pa autorizimin e organit kompetent.

Me urdhër të prokurorit të shtetit, i pandehuri D.H. është ndaluar për 48 orë.

Kryetari i KQZ’së Kreshnik Radoniqi, ka thënë se procesi i numërimit të votave do të zgjasë 10 ditë deri në 2 javë.

“Meqenëse nuk kemi filluar në të gjitha qendrat komunale të numërimit dhe me pa edhe atje se si po shkon procesi, atëherë nuk e kemi bërë një vlerësim se sa do të zgjasë procesi i numërimit, por e përafërt do të jetë 10 ditë deri në 2 javë”, tha ai.

Ajhan Saraçi, drejtori i Handicap Kosova, ka vdekur sot (13 shkurt 2025).

Lajmin për vdekjen e Saraçit e ka bërë të ditur vajza e tij, Berna Saraçi.

“Me pikëllim të thellë, ju njoftojmë se sot ndërroi jetë ma i dashuri ynë – babi, Ajhan Saraçi.

Varrimi i të ndjerit do të bëhet nesër, e Premte, më 14.02.2025 në orën 12:00, në varrezat e qytetit në Prishtinë”, thuhet në njoftimin mortor të saj.

Presidenti i SHBA-së Donald Trump do të shpallë tarifat reciproke të enjten për vendet në një konferencë shtypi në Zyrën Ovale.

Lajmi është bërë i ditur nga vetë kreu i shtetit amerikan përmes një postimi në rrjetin social Truth Social.

“Tri javë të mëdha, ndoshta më të mirat, por sot është e madhe: tarifa reciproke,” ka shkruar Trump.

Masa vjen pas një urdhri ekzekutiv që vendos një tarifë 25% për importet nga Kanada dhe Meksika dhe një tarifë 10% për mallrat kineze.

Për më tepër, SHBA vendosi një tarifë prej 25% për importet e çelikut dhe aluminit të hënën.

Ndërsa Brazili është përmbajtur nga hakmarrja, Kanada njoftoi me shpejtësi një taksë prej 25% për importet amerikane. Tarifat në Kanada dhe Meksikë u ndërprenë për 30 ditë, duke filluar nga 4 shkurti.

Tarifat përmbushin një premtim të fushatës për të mbrojtur industritë amerikane.

Presidenti i Ukrainës, Volodymyr Zelensky, ka deklaruar se ai nuk do të pranojë asnjë marrëveshje paqeje që do të arrihet mes SHBA-së dhe Rusisë pa pjesëmarrjen e Ukrainës.

Në një konferencë për shtyp pas bisedës me Donald Trump, Zelenskyy theksoi se Ukraina duhet të jetë pjesë e çdo negociate për t’i dhënë fund luftës. Ai sqaroi se anëtarësimi në NATO nuk ishte temë e diskutimit me presidentin amerikan, por theksoi se është i vetëdijshëm për qëndrimin amerikan se Ukraina nuk është e mirëpritur në aleancën ushtarake për momentin.

“Sot është e rëndësishme që gjithçka të mos shkojë sipas planit të Putinit, i cili dëshiron të zhvillojë negociatat në mënyrë dypalëshe me SHBA-në”, tha Zelenskyy, raporton euronews.

Ndërkohë, ish-presidenti amerikan Donald Trump ka shprehur optimizëm për mundësinë e arritjes së një marrëveshjeje paqeje. Trump deklaroi të mërkurën, pas bisedës me Putin, se ishte “jopraktike” që Ukraina të bëhej anëtare e NATO-s dhe se ishte e pamundur që ajo të rikthente të gjitha territoret e pushtuara nga Rusia.

Trump reagoi sërish këtë të enjte, përmes një postimi në platformën e tij Truth Social. Ai u shpreh se kishte pasur “bisedime të shkëlqyera” me Vladimir Putin dhe Volodymyr Zelenskyn dhe se ishte optimist për mundësinë e përfundimit të luftës në Ukrainë.

Të paktën katër persona u vranë dhe disa u plagosën në një shpërthim të dyshuar gazi në Tajvan të enjten, thanë autoritetet.

Shpërthimi ndodhi në dyqanin Shin Kong Mitsukoshi në lagjen Xitun në Tajvanin qendror gjatë rinovimeve në katet e 11-të dhe të 12-të, njoftoi kanali i lajmeve TVBS World Taiwan.

Agjencia Kombëtare e Zjarrfikësve, megjithatë, tha se ishte “ende e paqartë nëse ajo punë ishte shkaku i incidentit”.

Kryetarja e bashkisë Taichung, Lu Shiow-yen konfirmoi viktimat dhe tha se gjashtë persona pësuan arrest kardiak, ndërsa tetë u plagosën. Ajo tha se dy ishin të bllokuar në një ashensor.

Dyqani evakuoi klientët ndërsa autoritetet vendosën kontrolle të trafikut në rrugët aty pranë për të lehtësuar operacionet e shpëtimit.

Autoritetet po hetojnë aksidentin.

Një përplasje direkte ndërmjet autobusit me 65 pasagjerë dhe një kamioni tregtar me katër persona në Zimbabve jugore la të vdekur 24 persona të enjten.

Policia njoftoi se aksidenti ka ndodhur pranë një porte pagese në Masvingo-Beitbridge.

Autobusi që udhëtonte nga kryeqyteti kombëtar Harare në Beitbridge, po përpiqej të parakalonte një automjet tjetër kur ndodhi aksidenti.

“Trupat e viktimave u dërguan në morgun e Spitalit të Qarkut Beitbridge për vdekje, ndërsa të plagosurit janë shtruar në të njëjtin spital,” shkroi policia në X.

Numri i të plagosurve ende nuk është përcaktuar nga policia.

Të paktën 27 persona u lënduan në një sulm të dyshuar me veturë të enjten në Munih.

Ngjarja ka ndodhur në qendër të qytetit ku anëtarët e një sindikate ishin mbledhur për një demonstratë.

Shoferi e futi me dashje makinën në turmë në kryqëzimin e rrugëve Dachauer dhe Seidlstrasse, sipas dëshmitarëve.

Policia arrestoi shoferin, një shtetas afgan 24-vjeçar, menjëherë pas incidentit, u tha gazetarëve ministri i Brendshëm bavarez Joachim Herrmann.

“Në bazë të informacioneve të deritanishme, autori ishte i njohur nga autoritetet për vepra të mëparshme të drogës dhe vjedhje dyqanesh. Hetimi është në vazhdim”, tha ai.

Koha e incidentit rriti shqetësimet e sigurisë, pasi Munihu përgatitet të mirëpresë liderët botërorë dhe ministra nga më shumë se 60 vende për Konferencën e Sigurisë që fillon të premten. Skena ishte vetëm 1.5 kilometra nga Hoteli historik Bayerischer Hof, vendi tradicional i konferencës, raporton AA.

Organizatorët e Konferencës së Sigurisë së Munihut shprehën trishtim të thellë në mediat sociale lidhur me incidentin.

“Mendimet tona janë me viktimat dhe familjet e tyre. Shërbimet e urgjencës janë në vendngjarje dhe po bëhet një hetim për të përcaktuar shkakun e këtij incidenti. U kërkojmë të gjithëve të qëndrojnë të qetë dhe të ndjekin udhëzimet e autoriteteve.”

Të paktën 20 persona u plagosën kur një makinë u përplas me një turmë njerëzish në Mynih të enjten, tha policia, ndërsa qyteti jugor gjerman përgatitet për një konferencë të nivelit të lartë të sigurisë që do të përfshijë gjithashtu zëvendëspresidentin e SHBA-së JD Vance dhe presidentin ukrainas Volodymyr Zelensky.

Sipas policisë, shtetasi afgan 24-vjeçar është i dyshuar për sulmin. Ai është azilkërkues.

Zyrtarët thonë se i dyshuari ishte i njohur për policinë për vepra penale të vjedhjes dhe drogës.

Policia shton se nuk beson se incidenti ka lidhje me Konferencën e Sigurisë në Mynih, e cila do të fillojë nesër.

Seanca plenare e ditës së sotme në Kuvendin e Shqipërisë është shtyrë për t’u zhvilluar ditën e hënë më datë 17 shkurt.

Kështu bëri të ditur kryetarja e Parlamentit të Shqipërisë Elisa Spiropali, e cila theksoi se ishte informuar nga shërbimet e Kuvendit “se kartat e deputetëve janë marrë nga vendet e tyre në mënyrë krejt të paarsyeshme”.

Kryeparlamentarja tha më tej se “për shkak të situatës së krijuar, akteve të dhunës, të përsëritura dhe të tjera problemeve të renda të mbarëvajtjes, kjo seancë shtyhet për të hënën në orën 10 në mëngjes”, shkruan ATSh.

“Uroj shumë që të hënën në 10 të vinin me mend të tjera dhe të respektojmë qytetarët që na kanë votuar e t’i kthehemi normalitetit, votimit dhe diskutimeve siç na takon”, tha Spiropali.