Category: Lajme

Sot do të mbahet ceremonia e certifikimit të gjeneratës së parë për vitin 2025 të rekrutëve të Forcës së Sigurisë së Kosovës.

Kjo ceremoni do të zhvillohet në Kazermën “Skënderbeu” në Ferizaj.

Po ashtu, në këtë ceremoni të certifikimit do të marrin pjesë udhëheqës të lartë shtetërorë, oficerë e nënoficerë të Ministrisë së Mbrojtjes dhe Forcës së Sigurisë së Kosovës, mysafirë e familjarë të rekrutëve.

Mbreti Charles III u dërgua në spital të enjten për trajtimin e tij të kancerit dhe, si pasojë, ishte i detyruar të shtyjë me “keqardhje” aktivitetet e tij të së premtes, njoftoi Pallati Buckingham.

Një zëdhënës i Pallatit Buckingham konfirmoi se Mbreti ishte kthyer në Clarence House, rezidencën e tij në Londër, pas vizitës në spital.

“Pas trajtimit të planifikuar dhe të vazhdueshëm mjekësor për kancerin këtë mëngjes, Mbreti ka përjetuar efekte anësore të përkohshme që kërkonin një periudhë të shkurtër vëzhgimi në spital. Për këtë arsye, angazhimet e pasdites së Madhërisë së Tij u shtynë. Ai tani është kthyer në Clarence House dhe, si masë paraprake, duke vepruar sipas këshillave mjekësore, programi i axhendës për ditën e nesërme do të riplanifikohet. Madhëria e tij dëshiron t’u kërkojë falje të gjithëve që mund të jenë shqetësuar ose zhgënjyer nga ky vendim,” tha zëdhënësi i pallatit mbretëror.

Udhëheqësit nga afro 30 vende dhe shefat e NATO-s dhe BE-së u takuan në kryeqytetin francez për të diskutuar forcimin e ndihmës për Kievin dhe vendosjen e trupave evropiane për të siguruar paqen afatgjatë.

Presidenti francez Emmanuel Macron tha se presidenti amerikan Donald Trump do të ndihet i “mashtruar” dhe “i tradhtuar” nëse Rusia nuk jep një “përgjigje të qartë” në lidhje me një armëpushim të propozuar në Ukrainë.

“Nëse Rusia nuk jep një përgjigje të qartë, atëherë, me të drejtë, Presidenti Trump do të ndihet i mashtruar dhe i tradhtuar dhe do të duhet të reagojë”, tha Macron në një konferencë për shtyp pas Samitit të BE-së në Paris.

Macron gjithashtu i kërkoi presidentit kinez Xi Jinping të luajë “një rol plotësisht aktiv” në nxitjen e paqes, duke përmendur lidhjet diplomatike të Kinës me Rusinë dhe përpjekjet e mëparshme për paqe me Brazilin.

“Shpresoj se presidenti Xi mund të na ndihmojë të ndërtojmë një paqe të qëndrueshme”, tha Macron, duke theksuar pozicionin e Kinës si një anëtare e përhershme e Këshillit të Sigurimit të OKB-së.

Për të përforcuar aleatët e Ukrainës, Macron njoftoi se ai dhe kryeministri i Mbretërisë së Bashkuar Keir Starmer do të udhëheqin së bashku përpjekjet për të koordinuar mbështetjen ndërkombëtare për Kievin.

Të dy udhëheqësit synojnë të forcojnë aftësitë mbrojtëse të Ukrainës dhe mbështetjen diplomatike mes agresionit të vazhdueshëm rus.

Ish-gjyqtari i Gjykatës Kushtetuese, Kadri Kryeziu, në emisionin CONTEXT në ATV, tha se për të pasur një qeveri funksionale dhe të qëndrueshme katërvjeçare, opsioni më i mirë do të ishte një koalicion mes Vetëvendosjes dhe PDK-së, me përfshirjen e të gjitha komuniteteve joshumicë.

Sipas tij, një bashkëqeverisje e tillë do të siguronte stabilitet institucional dhe do ta përgatiste vendin për sfidat kushtetuese që e presin, përfshirë edhe zgjedhjen e Presidentit.

“Qeveria me qenë stabile, një qeveri e cila do të zgjasë katër vjet, ta quajmë kështu, duhet me qenë Vetëvendosje–PDK. Edhe minoritetet, krejt, edhe njëzet minoritete, sepse kemi obligim kushtetues për integrim,” tha Kadri Kryeziu.

Ai shtoi se opsionet e tjera për formimin e Qeverisë janë më të brishta dhe nuk garantojnë një mandat të qëndrueshëm.

“Opsioni i tretë është Vetëvendosja me LDK-në, minoritetet dhe Nismën, por kjo është një qeveri e brishtë, jo serioze, ta quajmë kështu, dhe nuk mundemi me pasë pritje të mëdha,” u shpreh Kadri Kryeziu.

Deklaratën e plotë të Kadri Kryeziut në CONTEXT, e gjeni në videon më poshtë:

Gazetari Vullnet Krasniqi, në emisionin CONTEXT në ATV, tha se Partia Demokratike e Kosovës nuk është dashur ta kandidonte Bedri Hamzën për kryeministër, pasi sipas tij, ai nuk ishte një emër serioz për këtë garë.

Ai tha se PDK-ja duhej të vinte me një emër më të fuqishëm, pasi kandidatura e Hamzës nuk e përfaqësonte potencialin e partisë.

“Unë mendoj që fillimisht Bedri Hamza është dashtë me ba shqetësen prej fillimit, mos me i heqë hiç kësaj gare, sepse unë mendoj që nuk ka qenë kandidat hiç serioz prej Partisë Demokratike. Është dashtë me shku me një emër tjetër”, tha Krasniqi.

Sipas tij, pozicionimi i PDK-së si partia e dytë në vend ka ardhur kryesisht për shkak të zhgënjimit të votuesve ndaj Vetëvendosjes, dhe jo për shkak të ndonjë performance të jashtëzakonshme të kandidatit për kryeministër.

“Është partia e dytë për shkak të zhgënjimit të një mase të popullit ndaj Vetëvendosjes, e cila ndonjëherë ka qenë edhe votuese e PDK-së”, u shpreh Vullnet Krasniqi.

Deklaratën e plotë të Vullnet Krasniqit në CONTEXT, e gjeni në videon më poshtë:

Gazetari dhe analisti Lavdim Hamidi, në emisionin CONTEXT në ATV, tha se Vetëvendosja ka fituar të drejtën për të propozuar kryetarin e Kuvendit, por nuk i ka votat e mjaftueshme për ta formuar Qeverinë.

Sipas tij, edhe nëse Vetëvendosja i merr të gjitha votat e minoriteteve jo-serbe, nuk arrin ta kalojë pragun prej 61 deputetësh për krijimin e Qeverisë.

“Është e qartë që Vetëvendosja ka fituar mandat me bo një kryetar Kuvendi, por jo edhe një kryeministër, sepse nuk i ka votat. I ka katërdhjetë e tetë vota dhe nëse i merr të gjitha minoritetet jo-serbe, nuk i mjaftojnë, i duhet një koalicion”. tha Hamidi.

Ai shtoi se as opozita nuk duket e përgatitur për marrëveshje, pasi ende nuk është zgjidhur çështja e zgjedhjes së Presidentit, e cila kërkon 80 vota.

“Në anën tjetër, as opozita si duket, as këta s’qenë shumë të gatshëm për shkak se nuk e kanë zgjidhur çështjen e Presidentit. I cili na vjen pas një viti dhe na duhen tetëdhjetë vota në Kuvend të Kosovës”, u shpreh Lavdim Hamidi.

Deklaratën e plotë të Lavdim Hamidit në CONTEXT, e gjeni në videon më poshtë:

Avokati Arber Jashari, në emisionin CONTEXT në ATV, tha se partitë politike, kur nuk i pëlqejnë vendimet e gjyqësorit, ose tentojnë ta kontrollojnë, ose e diskreditojnë atë për të humbur besimin e qytetarëve.

“Secila parti, kurdo që s’u pëlqejnë vendimet e gjyqësorit, ia takojnë. Unë nisa me thënë që është logjikë e partive populiste kudo në botë. Ma së pari tentojnë m’i kapë gjyqësorin edhe Prokurorinë, nëse nuk arrijnë me kapë, atëherë e diskreditojnë, që m’ia humb besimin. Edhe kjo po ndodh edhe te na fatkeqësisht,” tha Jashari.

Sipas tij, edhe në rastin e pretendimeve për manipulime me vota, problemi ishte mungesa e provave të mjaftueshme për t’u vlerësuar juridikisht.

“Fakte kushdo që ka, e fiton çështjen gjyqësore. Shpesh ti mundesh me pasë drejtë – drejtën e Zotit – po në gjyq nuk e fiton, sepse gjykata duhet prova, duhet afate, duhet procedura, duhet fakte,” u shpreh Arber Jashari.

Deklaratën e plotë të Arber Jasharit në CONTEXT, e gjeni në videon më poshtë: