ATV

Category: Lajme

  • Spahiu: Ka garë për miqësi me SHBA-të, Kosova duhet të intensifikojë komunikimin

    Spahiu: Ka garë për miqësi me SHBA-të, Kosova duhet të intensifikojë komunikimin

    Ish-ambasadori i Kosovës në ShBA, Avni Spahiu, në një intervistë në emisionin COMPASS në ATV, tha se Kosova duhet të ketë konsultime të vazhdueshme me ShBA-të, pasi në Ballkan ka një garë për afërsi me Washingtonin.

    Ai tha se edhe shtetet e tjera të rajonit po garojnë për të fituar sa më shumë mbështetje nga ShBA-të, andaj Kosova nuk duhet të mbetet mbrapa.

    “Mos të harrojmë se në Ballkan edhe vendet e tjera janë në garë se kush do të fitojë mbështetjen e Amerikës në këtë moment. Janë në garë, secili dëshiron që ta ketë sa më pranë”, tha Spahiu.

    Sipas tij, ndonëse ka pasur probleme, qëndrimet e fundit nga Uashingtoni janë inkurajuese, por kërkohet më shumë komunikim institucional me SHBA-të.

    “Kemi pasur disa probleme. Janë inkurajuese, dy deklarimet një Presidenti dhe sekretarit të shtetit, nuk qëndrojmë aq keq, por dua të them se duhet të intensifikohet komunikimi me Uashingtonin në çdo në çdo aspekt”, tha Spahiu.

    Deklaratën e plotë të Avni Spahiut në COMPASS, e gjeni në videon më poshtë:

  • Spahiu: Na mungon lobimi në ShBA, diplomacia serbe është shumë aktive

    Spahiu: Na mungon lobimi në ShBA, diplomacia serbe është shumë aktive

    Ish-ambasadori i Kosovës në ShBA, Avni Spahiu, në një intervistë në emisionin ‘Compass’ në ATV, tha se Kosovës i mungon një agjenci lobuese në ShBA.

    Ai tha se Kosovës i mungon aktualisht një grup i miqve në Kongresin amerikan që do të mbronte interesat e saj, pasi shumica e atyre që e kanë mbështetur dikur janë tërhequr nga skena politike.

    “Neve tani na mungon një grup i miqve në kongresin amerikan të çështjes shqiptare siç ka qenë në të kaluarën dhe i cili nuk ekziston më për shkak se një pjesë e kongresmenëve, të senatorëve, etj. ose janë pensionuar ose nuk janë më në shërbim në kongres, andaj ky grup duhet të ripërtërihet, në mënyrë që ata do të artikulonin kërkesat tonë që kemi si shtet”, tha Spahiu.

    Ai tha se në këtë fazë të ndjeshme për diplomacinë kosovare, është thelbësore të angazhohet një kompani lobimi në Uashington, për të artikuluar interesat e Kosovës përballë diplomacisë agresive të Serbisë.

    “Prandaj, kërkohet që të kemi një kompani lobimi në Uashington sepse ka shumë të tilla atje, mbi 300 me aq sa di unë dhe ne duhet ta kemi një të tillë, pikërisht në këtë moment kur diplomacia serbe është shumë aktive dhe ne kemi shumë nevojë për të, tani kur presim qëndrimin e administratës së re të ShBA-së për Kosovën dhe në këtë mënyrë duhet të jemi aty që të artikulojmë pikëpamjet tona përmes kompanive lobuese, nëse duam që gjërat të shkojnë ashtu siç duhet në ketë aspekt”, tha Spahiu.

    Për më shumë klikoni në videon e mëposhtme:

  • Zyberaj: Njohja nga Kenia është meritë e Behgjet Pacollit

    Zyberaj: Njohja nga Kenia është meritë e Behgjet Pacollit

    Këshilltari i Behgjet Pacollit, Jetlir Zyberaj, në emisionin COMPASS në ATV, tha se njohja nga Kenia është rezultat i angazhimit të kahershëm të Pacollit në raportet me këtë shtet afrikan.

    Ai tha se njohja nuk do të ndodhte pa rolin e Pacollit, të cilin e quajti emisar të Kosovës në këtë proces diplomatik.

    “Raportet tona, angazhimi i jonë në Kenia daton që nga koha e presidentes Jahjaga nëse i referohemi kështu, por tradita e vendeve të konsoliduar demokratike dhe që kanë një kulturë protokollare i referohem si emisar i shtetit, sepse njerëzve të zakonshëm nuk iu dorëzohet njohja”, tha Zyberaj.

    Ai tha se pavarësisht mungesës së komunikimit zyrtar me institucionet keniane, angazhimi personal dhe miqësor i Pacollit ndikoi që kjo njohje të ndodhë.

    “Pa modesti e them që absolutisht po (se njohja është meritë e Behgjet Pacollit) dhe ju mund ta shihni edhe në deklarimet e kryeministrit dhe të presidentës”, tha Zyberaj.

    Zyberaj tha se Serbia ka ushtruar presion të madh diplomatik për ta parandaluar këtë njohje, sidomos gjatë samiteve të Unionit Afrikan.

    “Angazhimi diplomatik në sigurimin e njohjeve të reja për Kosovën veçanërisht në këtë periudhë është shumë kompleks dhe kjo njohje për shkak të raporteve tona edhe politike, por edhe miqësore ka mundur të vijë edhe më herët. Problemi ka qenë angazhimi i madh i Serbisë në këtë pjesë të botës, veçanërisht në periudhën e samiteve të vendeve të Unionit Afrikan, i cili është mbajtur muajin e kaluar, dhe ai angazhim praktikisht se e ka prolonguar edhe ardhjen deri në këtë pikë”, tha Zyberaj.

    Deklaratën e plotë të Jetlir Zyberajt në COMPASS, e gjeni në videon më poshtë:

    Kujtojmë se njohja nga Kenia ndodhi të mërkurën, më 26 mars, duke e bërë këtë shtet afrikan të 118-in që njeh pavarësinë e Kosovës. Lajmi u bë fillimisht i ditur nga ish-presidenti Behgjet Pacolli, e më pas u konfirmua edhe nga presidentja Vjosa Osmani dhe kryeministri Albin Kurti. /atvlive.tv

  • “Prej qytetarëve e ke” – Aktivistët ia zënë udhën kryetarit të ZRrE-së me tortën 15%

    “Prej qytetarëve e ke” – Aktivistët ia zënë udhën kryetarit të ZRrE-së me tortën 15%

    Kryetari i Zyrës së Rregullatorit për Energji, Ymer Fejzullahu, është gjuajtur me një tortë ‘dhuratë’, nga aktivistët e nismës “Asnjëcentmëshumë”, mesditën e sotme në një parking.

    Ishte aktivisti Dibran Hoxha i cili ia hodhi tortën kryetarit të ZRrE-së, sapo ai hyri brenda në veturë, pasi që i ky i fundit nuk e pranoi këtë ‘dhuratë’.

    “Prej qytetarëve e ke këtë dhuratë “, dëgjohet duke thënë aktivisti Hoxha.

    Kujtojmë se ZRrE-ja ka propozuar shtrenjtimin e rrymës për 15 për qind duke filluar nga muaji prill. Për të kundërshtuar propozimin e ZRrE-së për shtrenjtimin e energjisë elektrike, tashmë ka filluar një fushatë  #ascnjecentmeshume.

    VIDEO:

  • Kryeministri i Spanjës bën thirrje për krijimin e ushtrisë evropiane

    Kryeministri i Spanjës bën thirrje për krijimin e ushtrisë evropiane

    Kryeministri spanjoll, Pedro Sanchez bëri thirrje për krijimin e një ushtrie evropiane për t’iu përgjigjur impulseve të vjetra imperialiste në Rusi dhe shkëputjes së Donald Trump nga kontinenti gjatë një fjalimi dje në parlamentin spanjoll, sipas “Politico.eu”.

    “Është koha për të krijuar një ushtri evropiane, forca të armatosura të BE-së me trupa nga të 27 vendet anëtare, që punojnë me të njëjtat objektiva”, tha ai.

    “Kjo është mënyra e vetme që ne të bëhemi një union i vërtetë dhe të garantojmë një paqe të qëndrueshme në Evropë”, tha Sanchez.

    Thirrja e Sanchez vjen në një moment kur Spanja është nën presion të madh për të rritur shpenzimet e saj ushtarake të brendshme.

    Vendi është ndër anëtarët e NATO-s me buxhetet më të vogla ushtarake dhe megjithëse kryeministri është zotuar të rrisë shpenzimet, partnerët e tij të koalicionit të krahut të majtë janë kundër çdo mase që mund të zhvendosë fondet nga shërbimet sociale dhe përpjekjet e dekarbonizimit.

    Pavarësisht mosmarrëveshjeve brenda qeverisë së tij, Sanchez tha se kthesa e Kopernikut në politikën ushtarake dhe ekonomike të SHBA e kishte detyruar Spanjën dhe pjesën tjetër të Evropës të ndryshonin plotësisht qasjen e tyre ndaj sigurisë dhe mbrojtjes.

    “Ne nuk mund të supozojmë se qiejt tanë, infrastruktura jonë, kufijtë tanë do të mbrohen. Ne duhet ta bëjmë vetë”, tha ai.

    Kryeministri spanjoll tha se Bashkimi Evropian kishte shpenzuar shumë kohë duke u përpjekur të gjente gjuhën e përbashkët midis 27 strategjive kombëtare të mbrojtjes dhe argumentoi se tani ishte koha për të krijuar një politikë të vetme evropiane të mbrojtjes dhe sigurisë me instrumente unike financimi.

    Kjo përpjekje unifikuese do të përqendrohet në sigurimin e ndërveprimit të forcave të armatosura kombëtare, integrimin e industrisë së mbrojtjes të bllokut dhe reformat për ta bërë tregun e brendshëm më elastik.

    Sanchez gjithashtu përsëriti thirrjen e tij për lidhje të përbashkëta të mbrojtjes, duke folur në favor të një sistemi transferimi të ngjashëm me atë të zhvilluar për të trajtuar rimëkëmbjen e pandemisë.

    Por, ai nuk trajtoi se si një përpjekje e tillë për unitet ushtarak do të kapërcente pengesat e vendosura nga vendet pro-ruse si Hungaria, e cila më parë ka bllokuar përpjekjet e përbashkëta të mbrojtjes.

    Deklarata e Sanchez bie ndesh me atë të shefes së Punëve të Jashtme të BE-së, Kaja Kallas, e cila në fillim të këtij viti hodhi poshtë krijimin e një ushtrie evropiane, duke argumentuar se bllokut i duheshin 27 ushtri evropiane të afta për të punuar në mënyrë efektive për të penguar rivalët.

    për t’iu përgjigjur impulseve të vjetra imperialiste në Rusi dhe shkëputjes së Donald Trump nga kontinenti gjatë një fjalimi dje në parlamentin spanjoll, sipas “Politico.eu”.

    “Është koha për të krijuar një ushtri evropiane, forca të armatosura të BE-së me trupa nga të 27 vendet anëtare, që punojnë me të njëjtat objektiva”, tha ai.

    “Kjo është mënyra e vetme që ne të bëhemi një union i vërtetë dhe të garantojmë një paqe të qëndrueshme në Evropë”, tha Sanchez.

    Thirrja e Sanchez vjen në një moment kur Spanja është nën presion të madh për të rritur shpenzimet e saj ushtarake të brendshme.

    Vendi është ndër anëtarët e NATO-s me buxhetet më të vogla ushtarake dhe megjithëse kryeministri është zotuar të rrisë shpenzimet, partnerët e tij të koalicionit të krahut të majtë janë kundër çdo mase që mund të zhvendosë fondet nga shërbimet sociale dhe përpjekjet e dekarbonizimit.

    Pavarësisht mosmarrëveshjeve brenda qeverisë së tij, Sanchez tha se kthesa e Kopernikut në politikën ushtarake dhe ekonomike të SHBA e kishte detyruar Spanjën dhe pjesën tjetër të Evropës të ndryshonin plotësisht qasjen e tyre ndaj sigurisë dhe mbrojtjes.

    “Ne nuk mund të supozojmë se qiejt tanë, infrastruktura jonë, kufijtë tanë do të mbrohen. Ne duhet ta bëjmë vetë”, tha ai.

    Kryeministri spanjoll tha se Bashkimi Evropian kishte shpenzuar shumë kohë duke u përpjekur të gjente gjuhën e përbashkët midis 27 strategjive kombëtare të mbrojtjes dhe argumentoi se tani ishte koha për të krijuar një politikë të vetme evropiane të mbrojtjes dhe sigurisë me instrumente unike financimi.

    Kjo përpjekje unifikuese do të përqendrohet në sigurimin e ndërveprimit të forcave të armatosura kombëtare, integrimin e industrisë së mbrojtjes të bllokut dhe reformat për ta bërë tregun e brendshëm më elastik.

    Sanchez gjithashtu përsëriti thirrjen e tij për lidhje të përbashkëta të mbrojtjes, duke folur në favor të një sistemi transferimi të ngjashëm me atë të zhvilluar për të trajtuar rimëkëmbjen e pandemisë.

    Por, ai nuk trajtoi se si një përpjekje e tillë për unitet ushtarak do të kapërcente pengesat e vendosura nga vendet pro-ruse si Hungaria, e cila më parë ka bllokuar përpjekjet e përbashkëta të mbrojtjes.

    Deklarata e Sanchez bie ndesh me atë të shefes së Punëve të Jashtme të BE-së, Kaja Kallas, e cila në fillim të këtij viti hodhi poshtë krijimin e një ushtrie evropiane, duke argumentuar se bllokut i duheshin 27 ushtri evropiane të afta për të punuar në mënyrë efektive për të penguar rivalët.

  • MPJD thotë se Serbia shkeli marrëveshjen pasi i shpalli armiqësi Kenisë që njohu Kosovën

    MPJD thotë se Serbia shkeli marrëveshjen pasi i shpalli armiqësi Kenisë që njohu Kosovën

    Ministria e Jashtme e Kosovës ka reaguar ndaj kundërshtisë së Serbisë për njohjen e pavarësisë së Kosovës nga Kenia.

    Dje Serbia e ka konsideruar “akt armiqësor” njohjen e Kosovës nga Kenia dhe ndaj kësaj ka paralajmëruar se do t’i marrë “të gjitha masat e nevojshme diplomatike”.

    MPJ thotë se Serbia shkeli marrëveshjet e dialogut dhe kundër këtyre dakordimeve Serbia vazhdon fushatën e saj të gënjeshtrave, manipulimeve dhe propagandës kundër Kosovës.

    “Edhe një herë, Ministria e Punëve të Jashtme dhe Qeveria e Serbisë kanë zbuluar fytyrën e tyre të vërtetë duke treguar sërish se nuk kanë asnjë interes për normalizimin e marrëdhënieve me Kosovën. Deklarata e tyre e fundit si përgjigje ndaj vendimit sovran të Republikës së Kenias për të njohur Republikën e Kosovës, vërteton se Serbia vazhdon të refuzojë të përmbushë zotimet e saj në kuadër të Dialogut për normalizimin e marrëdhënieve, të lehtësuar nga BE-ja. Përkundrazi, Serbia vazhdon fushatën e saj të gënjeshtrave, manipulimeve dhe propagandës kundër Kosovës, duke përdorur çdo mjet në dispozicion për të penguar vendin tonë në rrugën drejt integrimit të plotë në mekanizmat ndërkombëtare”.

    MPJ thotë se kjo nuk është hera e parë që Serbia i shpërfill hapur zotimet e saj ndaj Bashkimit Evropian.

    “Duke refuzuar njohjen e Kosovës dhe duke shtrembëruar parimet juridike ndërkombëtare, Serbia sfidon hapur detyrimet e saja të përcaktuara me nenet 1–5 të Marrëveshjes për Rrugën drejt Normalizimit, të arritur në kuadër të dialogut të Brukselit. Refuzimi i Serbisë për të zbatuar këto zotime konfirmon edhe më tej mungesën e vullnetit të mirë dhe sinqeritetit në procesin e normalizimit”.

    Në deklaratën e saj, Serbia përmend Kartën e OKB-së, Lëvizjen e të Painkuadruarve dhe marrëdhëniet e saj me Kenian për ta paraqitur veten si viktimë, thotë Ministria.

    “Megjithatë, bota e di shumë mirë. Kjo është po e njëjta Serbi nën udhëheqjen e shumë prej të njëjtëve individë që filloi katër luftëra në Ballkan në vitet 90-të, që kreu gjenocid e spastrime etnike në Kroaci, Bosnje dhe Hercegovinë dhe Kosovë. Kjo është e njëjta Serbi që ende i glorifikon kriminelët e dënuar të luftës, të cilët urdhëruan vrasjen masive të civilëve, grave dhe fëmijëve. Sot, Serbia vazhdon të mohojë dhe të kundërshtojë drejtësinë, siç dëshmohet në kundërshtimin e saj të turpshëm ndaj Rezolutës së Asamblesë së Përgjithshme të OKB-së për gjenocidin e kryer në Srebrenicë. Serbia refuzon të hapë arkivat e saj shtetërore, duke e penguar botën të njohë të vërtetën e plotë për mizoritë sistematike të kryera nga policia, ushtria dhe forcat e saj paramilitare në Kosovë, masakra brutale si ato në Reçak, Izbicë, Krushë të Madhe, Poklek, Podujevë e Mejë, të cilat i kujtojmë çdo vit. Shumë nga udhëheqësit politikë dhe ushtarakë të Serbisë janë gjykuar dhe dënuar nga Tribunali i Hagës për rolin e tyre në vrasjet sistematike dhe dëbimet masive të shqiptarëve të Kosovës. Kjo Serbi nuk ka asnjë autoritet moral për t’i dhënë leksione asnjë vendi mbi të drejtën ndërkombëtare e aq më pak Kenias, vendi që ka njohur Kosovën në mënyrë të drejtë dhe të ligjshme”.

    Po ashtu, MPJ mohon se 28 shtete kanë tërhequr njohjen e Kosovës siç ka pretenduar Serbia.

    “Për më tepër, deklarata e Serbisë është e mbushur me gënjeshtra të hapura dhe dezinformata të qëllimshme. Pohimi se 28 shtete kanë tërhequr njohjen e Kosovës në tetë vitet e fundit është një gënjeshtër e paskrupullt. Përpjekjet e Serbisë për të minuar pozicionin ndërkombëtar të Kosovës përmes manovrave të sajuara diplomatike kanë dështuar vazhdimisht. Përveç kësaj, Serbia dëshiron që bota të injorojë opinionin këshillëdhënës të Gjykatës Ndërkombëtare të Drejtësisë mbi Deklaratën e Pavarësisë së Kosovës, një interpretim juridik që vetë Serbia e kërkoi, me shpresën për një vendim në favor të saj. Kur GJND-ja vendosi në përputhje me të drejtën ndërkombëtare dhe konfirmoi se pavarësia e Kosovës nuk e shkel atë, Serbia zgjodhi të shpërfillte vendimin që vetë e kishte kërkuar. Ky nivel hipokrizie është përtej absurditetit”.

    “MPJ e Serbisë gjithashtu pretendon se njohja e Kosovës do të minojë dialogun e Brukselit. Nuk mund të ketë asgjë më larg së vërtetës. Është Serbia ajo që vazhdimisht refuzon ta përmbyllë dialogun dhe të normalizojë marrëdhëniet me Kosovën. Serbia refuzon të nënshkruajë marrëveshje, mohon hapur angazhimet e saj ndaj BE-së dhe mashtron bashkësinë ndërkombëtare. Serbia ka gënjyer jo vetëm BE-në, por edhe popullin e saj për dekada të tëra. Nuk është çudi, pra, që vazhdon të tentojë ta gënjejë edhe botën. Serbisë nuk mund t’i zihet besë”.

    “Ajo që është edhe më shqetësuese, deklarata e Serbisë përmban një kërcënim të drejtpërdrejtë dhe alarmues kundër Kosovës. Duke deklaruar se do ta mbrojë “me vendosmëri më të madhe” sovranitetin dhe integritetin e saj territorial, Serbia po sinjalizon sërish gatishmërinë e saj për agresion. Duke pasur parasysh veprimet e saj të vazhdueshme armiqësore kundër Kosovës që nga përfundimi i luftës në vitin 1999 përfshirë sulmet ushtarake, politike, diplomatike dhe ekonomike bashkësia ndërkombëtare duhet t’i marrë këto kërcënime seriozisht. Akti i fundit i agresionit kundër Republikës së Kosovës në Banjskë dhe sulmi ndaj infrastrukturës kritike në kanalin e Ibër-Lepencit, i kryer nga grupe të mbështetura nga Serbia, është një kujtesë e qartë e gatishmërisë së Serbisë për të përdorur dhunën për të destabilizuar Kosovën. Ne i bëjmë thirrje bashkësisë ndërkombëtare që të dënojë ashpër retorikën agresive të Serbisë dhe shkeljet e saj të vazhdueshme të Marrëveshjes së Brukselit obligime që, siç kanë deklaruar Presidenti Macron, Kancelari Scholz dhe Kryeministrja Meloni, përbëjnë një njohje de facto të Kosovës”.

    MPJ i ka bërë thirrje bashkësisë ndërkombëtare për ta dënuar narrativën e Serbisë dhe shkeljen e marrëveshjeve nga ana e saj.

    “Së fundi, duke ritheksuar mirënjohjen tonë më të thellë ndaj Republikës së Kenias për vendimin e saj të drejtë dhe të ligjshëm për të njohur pavarësinë e Kosovës, u bëjmë thirrje të gjitha shteteve që ende nuk e kanë njohur Kosovën që të ndjekin shembullin e Kenias. Njohja e Kosovës është veprimi i duhur ligjërisht, politikisht dhe historikisht. Republika e Kosovës është një shtet i pavarur dhe sovran, dhe vendi i saj në bashkësinë ndërkombëtare është i pamohueshëm dhe i pakthyeshëm”.

  • Von der Leyen: BE-ja shpreh keqardhje të thellë për tarifat amerikane për veturat

    Von der Leyen: BE-ja shpreh keqardhje të thellë për tarifat amerikane për veturat

    Më vjen shumë keq për vendimin e SHBA për të vendosur tarifa ndaj eksporteve evropiane të automobilave, deklaroi sot presidentja e Komisionit Evropian, Ursula von der Leyen, në një shënim në X.

    ”Industria e automobilave është një shtytëse e inovacionit, konkurrencës dhe punëve me cilësi të lartë, përmes zinxhirëve të furnizimit të integruar në të dy anët e Atlantikut”, shtoi ajo.

    ”Siç e kam thënë më parë, tarifat janë taksa të këqija për bizneset, më keq për konsumatorët, njëlloj në SHBA dhe Bashkimin Evropian. Tashmë do ta vlerësojmë këtë njoftim, bashkë me masat e tjera që SHBA parashikon në ditët në vijim”, theksoi Von der Leyen.

    ”BE-ja do të vazhdojë të kërkojë zgjidhje të negociuara, duke ruajtur interesat e saj ekonomike. Si një fuqi e madhe tregtare dhe një komunitet i fortë prej 27 shtetesh anëtare, ne do të mbrojmë së bashku punëtorët, bizneset dhe konsumatorët tanë në të gjithë Bashkimin tonë Evropian”, përfundoi ajo.

    Presidenti amerikan, Donald Trump njoftoi tarifa 25% për të gjitha makinat që nuk janë prodhuar në Shtetet e Bashkuara të Amerikës.

    “Ky është fillimi i çlirimit të Amerikës”, tha ai.

    “Ne do të bëjmë që vendet që bëjnë biznes në vendin tonë dhe marrin pasurinë tonë të paguajnë (…) Ajo që do të bëjmë është të vendosim një tarifë 25% për të gjitha makinat që nuk janë të prodhuara në Shtetet e Bashkuara”, tha Trump.

    ”Nëse ato janë prodhuar në Shtetet e Bashkuara, nuk do të ketë absolutisht asnjë tarifë”, deklaroi presidenti amerikan nga Shtëpia e Bardhë.

    ”Kjo është përveç detyrimeve doganore ekzistuese për këto mallra”, tha një këshilltar.

    Tarifa prej 25% do të hyjë në fuqi më 2 prill dhe do të zbatohet për të gjitha makinat që nuk janë prodhuar në SHBA, që do të thotë se edhe prodhuesit amerikanë me modele të prodhuara jashtë shtetit do të dëmtohen sipas skemës.

    Tarifat janë të fundit në një mori taksash që presidenti i SHBA ka vendosur që nga marrja e detyrës.

    Trump ka vendosur një tarifë 20% për të gjitha importet nga Kina dhe një tarifë globale prej 25% për produktet e importuara të çelikut dhe aluminit.

    Në shkurt, Trump njoftoi 25% tarifa të përgjithshme për të gjitha importet kanadeze dhe meksikane.

    Por, më vonë ai ndaloi taksën për mallra dhe shërbime të caktuara në përputhje me Marrëveshjen Shtetet e Bashkuara-Meksikë-Kanada (USMCA).

  • Kos: Rrugëtimi i Shqipërisë në BE mund të përfundojë në fund të vitit 2027, Serbia në ngecje

    Kos: Rrugëtimi i Shqipërisë në BE mund të përfundojë në fund të vitit 2027, Serbia në ngecje

    Komisionerja e BE-së për Zgjerimin, Marta Kos ndodhet në një vizitë disaditore në Slloveni.

    Në një intervistë për median sllovene “RTV SLO” Kos foli për tensionet në Ballkanin Perëndimor dhe sfidat që përballet Bashkimi Evropian.

    Në një nga postimet e saj në Twitter Kos theksoi vlerat e demokracisë, solidaritetit dhe shtetit të së drejtës.

    Komisionerja e BE-së për Zgjerimin, Marta Kos tha se zgjerimi i Bashkimit Evropian ishte një çështje gjeopolitike dhe jo vetëm një proces teknik – duke shtuar se Shqipëria mund të kalonte vijën e finishit deri në fund të vitit 2027.

    “Ballkani Perëndimor është në plan të parë. Personalisht, më dhemb shumë që procesi i zgjerimit në Ballkanin Perëndimor nuk ka ndodhur për kaq shumë vite”, tha komisionerja e BE-së.

    “Dy vende janë në krye, njëri është Mali i Zi, me të cilin mund të përmbyllim negociatat deri në fund të vitit 2026 dhe më pas varet nga shtetet anëtare se sa kohë do të duhet për ratifikimin”, tha Kos.

    “Aktualisht, Shqipëria është në vendin e dytë, e cila mund të kalojë vijën e finishit në fund të vitit 2027”, shtoi ajo.

    “Rreth një mijë njerëz punojnë për një vend kandidat në Bruksel, nga të gjitha fushat. Këto janë aftësi teknike, por në fund do të vendosin shtetet anëtare”, tha Kos.

    “Dhe jam e vetëdijshme për rëndësinë e jashtëzakonshme të komunikimit, pasi nuk mund ta imagjinoj që pas të gjitha negociatave në një shtet anëtar, të themi jo dhe se nuk e duam këtë vend në Bashkimin Evropian. Ne gjithashtu do të duhet të bëjmë shumë punë në këtë fushë”, tha ajo.

    Kos tha se kjo ishte hera e parë që po zhvilloheshin negociata me një vend në luftë – Ukrainën dhe se forcat e jashtme po përpiqeshin të pengonin procesin e zgjerimit.

    Ajo vlerësoi se BE-ja duhej t’i përgjigjej edhe çështjeve të sigurisë, mbrojtjes dhe stabilitetit global.

    Kos tha se beson se Serbia është në ngecje në rrugën e saj evropiane dhe se protestat tregonin se populli dëshiron ndryshim.

    “Serbia është në stagnim në rrugën e saj evropiane” ka thënë Kos pas takimit me presidentin Aleksandar Vuçiq, në Bruksel.

    Pas protestave masive, Kos tha se BE-ja ishte me popullin. “BE do të japë 16 milionë euro shtesë për organizatat jo-qeveritare në Serbi”, tha Kos.

  • Zelensky: Putini do të vdesë së shpejti

    Zelensky: Putini do të vdesë së shpejti

    Është thelbësore që Shtetet e Bashkuara të mos e tërheqin presidentin rus Vladimir Putin nga izolimi politik dhe ekonomik, tha Presidenti ukrainas Volodymyr Zelensky në një intervistë për Eurovision News.

    Deklarata e Zelensky vjen pasi Rusia dhe Ukraina ranë dakord të zbatojnë një armëpushim të pjesshëm të ndërmjetësuar nga SHBA-ja për sulmet ndaj infrastrukturës energjetike dhe armiqësive në Detin e Zi. Në këmbim, SHBA ranë dakord të zgjerojnë aksesin e Rusisë në tregjet globale.

    “Është shumë e rëndësishme që Amerika të mos e ndihmojë Putinin të dalë nga ky izolim global tani. Unë besoj se ky është i rrezikshëm. Ky është një nga momentet më të rrezikshme”, tha Zelensky.

    Ai pretendon se Putini shpreson të “mbesë në pushtet deri në vdekjen e tij”, por gjithashtu se ambiciet e tij nuk kufizohen vetëm në Ukrainë, por mund të çojnë në “konfrontim të drejtpërdrejtë me Perëndimin”.

    Zelensky u bëri thirrje Shteteve të Bashkuara dhe Evropës që të qëndrojnë të bashkuar në ushtrimin e presionit ndaj Putinit.

    “Udhëheqësi rus i frikësohet aleancës evropiano-amerikane dhe shpreson ta ndajë atë. Putini gjithashtu i frikësohet vdekshmërisë së tij,” beson Zelensky.

    “Ai do të vdesë së shpejti, ky është një fakt dhe gjithçka do të përfundojë,” shtoi ai, sipas Kyiv Independent.

    Në një deklaratë të lëshuar pas raundit të fundit të bisedimeve me një delegacion rus në Arabinë Saudite, SHBA premtoi të lehtësonte disa kufizime ekonomike ndaj Rusisë si pjesë e një marrëveshjeje për një armëpushim të kufizuar.

    Zelensky tha se armëpushimi i kufizuar në Detin e Zi ishte “padyshim një hap drejt përfundimit të luftës”, por theksoi angazhimin e Ukrainës për një ndërprerje të pacaktuar të armiqësive. “Në përgjithësi ishim gati për një armëpushim të plotë”, përfundoi ai.

  • Matja e zhurmës në lokalet e Prishtinës, rezultate apo vetëm masa ndëshkuese?

    Matja e zhurmës në lokalet e Prishtinës, rezultate apo vetëm masa ndëshkuese?

    Në gusht të vitit 2023, Komuna e Prishtinës hapi Dhomën e Monitorimit të Zhurmave, një sistem për të kontrolluar ndotjen akustike në lokalet e gastronomisë. Ky sistem përfshinte pajisje të posaçme që matnin nivelin e decibelëve dhe parashikonte gjoba automatike për bizneset që tejkalonin kufirin e lejuar prej 60 decibelësh. Masat ndëshkuese varionin nga paralajmërimet, deri te gjobat prej 500 deri në 3,000 euro dhe në raste të përsëritura, mbyllja e përkohshme e lokalit.

    Hysen Sogojeva, kryetar i Odës së Hotelierisë dhe Turizmit të Kosovës, ka theksuar se një implementim i përmirësuar i sistemit për monitorimin e zhurmës do të sjellë përfitime të mëdha për të dyja palët, bizneset dhe qytetarët. Ai ka sugjeruar se një qasje më e balancuar dhe e planifikuar mirë mund të krijonte një ambient më të qetë dhe të qëndrueshëm për të gjithë, duke siguruar që rregullat të përputhen me nevojat e komunitetit dhe të mbështesin zhvillimin ekonomik.

    Përpjekjet aktuale për të monitoruar dhe kontrolluar ndotjen akustike në Prishtinë, përfshirë instalimin e pajisjeve për matjen e zhurmës në lokalet e gastronomisë, janë përballur me vështirësi. Sipas Lëvizjes “vetëvendosje”, ky projekt është vlerësuar si i dështuar, duke theksuar se ka nevojë për masa më të efektshme dhe të qëndrueshme për të përmirësuar cilësinë e jetës për qytetarët.

    Në përgjithësi, ndotja akustike në Prishtinë kërkon një qasje të plotë, duke përfshirë rregulla më të rrepta, zbatimin më efikas të projekteve të tashme dhe rritjen e vetëdijes tek qytetarët, për të krijuar një ambient më të qetë dhe më të shëndetshëm për të gjithë. /Përgatiti: Erin Zhushi

    Më shumë detaje i gjeni në videon më poshtë: