PËRGATITI: EGZONA MEMA

Që kur nisën punimet për ndërtimin e palestrës sportive në fshatin Zhegër në korrik të 2017-ës, krejt çka u përfundua është vetëm ndërtimi i vrazhdë.
Por edhe ajo çka u ndërtua, është degradua tërësisht.

Për projektin i cili është financim në vlerë 1,240 mijë euro prej Qeverisë, Komuna në të cilën do ndërtohet palestra nuk ishte e gatshme të prononcohej.

Komuna e Gjilanit kishte kompetencë dhe zotohej se do të monitoronte punimet dhe do të zbatonte planin për projektin e palestrës sportive në Zhegër të Gjilanit.

E opozita në Gjilan, thonë se mos realizimi i këtij projekti ka sjellë efekte negative edhe në fushën e sportit.

Ndërkaq, Ministria e Sportit ka një varg arsyesh pse nuk po punohet në jetësimin e këtij projekti.

Punimet janë ndalur për shkak të mospërmbushjes së planit dinamik nga Operatori Ekonomik, mangësive në komunikim, si dhe vonesave të vazhdueshme në realizimin e punëve. Ka pasur ndërprerje të punimeve për një periudhë të gjatë pa njoftim dhe pa miratim nga Menaxheri i Kontratës, gjë që përbën shkelje të rëndë të kushteve kontraktuale”, deklaruan nga Ministria për ATV-në.

Momentalisht nuk ka kompani të kontraktuar për realizimin e projektit, për të cilin është planifikuar të ndahen edhe 100,000.00 euro në një kontratë të re.

PËRGATITI:ALMA HYSENAJ   

Projekti që u ndërtua në lagjen “Zabel” të Gjilanit, për të ndihmuar ata që kanë nevojë dhe disa grupeve tëndjeshme të shoqërisë, po vazhdon të jetë ende jashtëfunksionit.

Kompleksi me 9 objekte i quajtur si “Fshati i lumtur” i cili përfshin qendër mjekësore, shtëpi tëkulturës, konvikt për të moshuar, nëna e fëmijë si dhe një shkollë fillore e të mesmë, tash e sa vite ka mbetur i pashfrytëzueshëm edhe pse punimet për këtë projekt kanë përfunduar në vitin 2021.

Kryesuesi i Kuvendit, Kushtrim Kadriu thotë se njëndër shkaqet për mosfunksionalizimin e këtij projekti janë financat.

“ Kemi nda para për ta funksionalizuar këtë fshat i cili është fshat gjigant dhe do ta lehtësonte jetën për qytetarët në nevoje pleqtë e komunës së Gjilanit, kategoritë më sindromen doën, këto para nga ekzukitivi lokal nuk shpenzohen dhe si rrjedhojëkëto para shkojnë në suficit apo kategori tjera”, tha Kadriu.

ATV-ja ka provuar të marr përgjigje nga Drejtori i Shëndetësisë dhe Mirëqenies sociale, Hekuran Rapuca, se kur pritet të hyjnë në funksion ky projekt, por i njëjti ka refuzuar të përgjigjet.

Në shtator të vitit të 2023 Bashkësia Islame kishte iniciuar kërkesën për të marr në shfrytëzim këtë vend, por ajo ishte refuzuar në Asamble Komunale.

PËRGATITI:ALMA HYSENAJ

Familjet strehuese në kryeqytet do të marrin mbështetje financiare me 50% rritje.

Propozim – vendimi për përkrahje më të madhe financiare për familjeve strehuese dhe fëmijëve të cilët qëndrojnë në strehim familjar kaloi të premten në Kuvendin Komunal.

“Duke potencuar rëndësinë e madhe që ka mbështetja dhe fuqizimi i këtyre familjeve. Ky vendim u përkrah fuqishëm nga grupi jonë i lëvizjesvetëvendosje i cili duke u mbështetur dhe fuqizuar ekstra edhe me një propozim të ri për ngritje rreth 50% të secilës kategori”, deklaroi asamblistja e LVV-së, Violeta Salihu.

Drejtoresha për Mirëqenie Sociale, Adelina Sahiti vlerëson se kjo rritje ishte e nevojshme, për shkak tënumrit të vogël të familjeve strehuese në kryeqytet.

“Ky është një vendim që ka për qëllim që të nxisëedhe familjet e tjera, sepse në kryeqytet aktualisht i kemi vetëm dy familje strehuese, dhe ne mundohemi që të shtojmë numrin e familjeve sepse edhe me ligj e kemi të obliguar të kemi tre familje strehuese”, tha ajo.

Sipas këtij vendimi, subvencionimi për familjet strehuese dhe fëmijëve në strehim familjar është rritur në 300 euro në muaj, për fëmijët me aftësi të kufizuara në strehim familjar 375 euro, ndërkaq shuma për personat mbi 18 vjeç, që nuk kanë zgjidhje tëqëndrueshme afatgjatë, e që janë në strehim familjarë është bërë 675 euro.

Paralajmërimi i Zyrës së Rregullatorit të Energjisë për shtrenjtim të energjisë elektrike, do t’i rrezikojë bizneset vendëse thotë Drejtori i Dhomës së Tregtisë dhe Industrisë Kosovë, Kushtrim Ahmeti.

Krahas kësaj, Ahmeti thotë se shtrenjtimi i rrymës mund të krijojë edhe çrregullim të tregut dhe nxitje të një inflacioni.

Tutje, ai foli edhe për protestën e paralajmëruar që pritet të mbahet më 5 prill, kundër propozimit të ZRrE-së për shtrenjtim të rrymës, për çka tha se bizneset do e mbështesin këtë protestë.

Aktualisht, për konsumatorët që shpenzojnë deri në 800 kilovatë në orë brenda një muaji, çmimi i rrymës gjatë ditës është 7.79 centë për kilovat. Në rast të shtrenjtimit për 15%, ata do të paguanin 8.96 centë. ZRRE-ja i shqyrton dhe cakton tarifat e energjisë elektrike çdo vit dhe ato janë në fuqi nga 1 prilli deri më 31 Mars të vitit pasues.

Ndryshe që nga viti 2021, Kosova ka blerë energji elektrike mbi 500 milionë euro, ndërkohë që qytetarët stepur nga faturat e larta dhe të papërballueshme të energjisë elektrike edhe para se operatorët energjetikë të publikonin kërkesat për shtrenjtim të energjisë elektrike deri në 35 për qind.

Për më shumë ndiqni videon e mëposhtme:

Qytetaret ankohen se çmimet e produkteve ushqimore që po vazhdojnë të rriten, po e bëjnë jetesën gjithnjë e më të vështirë.

Ata thonë se me rrogat dhe pensionet e ulëta nuk po arrijnë të mbulojnë as shpenzimet më të thjeshta.

“Çmimet janë të larta për tepërmi, rrogat e dobëta, sidomos të pensionisteve. Me 200, apo 120 euro nuk mund të marrësh asgjë hiq. Mirëpo, nuk kemi çfarë të bëjmë, këtu udhëheqësi dhe gjitha qeveritë e kanë bërë kështu. Për të varfrit nuk mendojnë fare.. Shtrenjtë janë shumë me standardin tonë…Ka 3 euro specat, domatet ashtu në disa vende…Ai që ka të holla blen çfarë të duan, ai që s’ka shkon ashtu…për shkak të çmimeve të larta, rrogat e dobëta, edhe nuk mund të ushqehemi qysh duhet, më dobët…shëndetshëm”, tha një qytetar për KP.

Ndërkaq njohësit e ekonomisë, thonë se institucionet nuk kanë ndonjë plan efikas që të monitorojnë rritjen apo abuzimin me çmimet në treg.

“Vitet e fundit nuk ka pas ndonjë reformë strukturore ekonomike sidomos tek politika fiskale. Siç duket subvencionet dhe grantet që janë dhënë për bujqësi nuk e kanë dhënë efektin e duhur në rritjen e kapaciteteve prodhuese në Kosovë. Përderisa shumica e produkteve po importohen, natyrisht se edhe çmimet i nënshtrohen politikes së importeve. Por, si duket edhe institucionet tjera monitoruese nuk po arrin të mbikëqyrin ligjshmërinë e tregut. Edhe autoriteti i konkurrencës, por edhe MINT nuk kanë ndonjë plan efikas të monitorojnë rritjen apo abuzimin me çmimin në treg. Dhe këto rritje të çmimeve janë enorme. Sidomos nëse flasim për specin, një produkt që është shumë i kultivuar në Kosovë dhe produkt që para tre vitesh shembull e ka pas një çmim as 2 euro në këtë kohë, sot e ka mbi 5 euro…Duhet të rritet kapaciteti i prodhimit, sot është një shumë e madhe që Ministria e Bujqësisë ndan për fermerët e ndryshëm, por pos shifrave që japin qeveritaret që është shifër e madhe, miliona euro për rritje të kapaciteteve, pro si duket rezultati është zero…Por, ka edhe abuzim me çmime”, thotë njohësi i ekonomisë, Ismet Mulaj.

Kryeministri i Shqipërisë, Edi Kama, ka thënë së Shqipëria së shpejt do të blejë një anije të madhe luftarake, ndonëse nuk dha shumë detaje për këtë.

“Kemi gjetur ferrnaja dhe sot është një bazë taktike e NATO-s. Sot, me flotë helikopterësh dhe së shpejti me një anije të madhe luftarake, veç të voglave. Ky është vetëm fillimi i një transformimi. Industria ushtarake ka nisur të hedhë themelet. Shkollën e aviacionit do ta rilindim. Kemi bërë marrëveshje me një partner shumë të fuqishëm ndërkombëtar”, u shpreh Rama.

Ai shtoi se gjatë qeverisjes së tij, investimet në ushtri janë dhjetëfishuar.

Madje, ai thotë se pagat në ushtri, sot janë më të lartat në rajon.

“Ka qenë 28 milionë euro. Ushtria më e keqpaguar në Evropë dhe e kapur keq nga korrupsioni. Sot është 280 milionë euro. Sot është ushtria më e mirëpaguar e rajonit. Edhe Serbinë e kemi kaluar me pagat në ushtri. Synojmë që brenda mandatit të katërt në Shqipërinë 2030, paga mesatare të jetë në mesataren e pagave të vendeve të NATO-s”, tha kryeministri Rama.

Para Kuvendit të Maqedonisë së Veriut, nisi protesta e qytetarëve në organizimin e Nismës “Kush është i radhës”.

Kjo protestë mbahet pas dy protestave të kaluara për tragjedinë në diskotekën në Koçan, ku mbetën të vdekur 59 persona, raporton Alsat-M.

Në këtë tragjedi të rëndë, po ashtu mbetën të lënduar mbi 150 persona të tjerë, kryesisht të moshës së re.

Që nga arrestimi i kryebashkiakut, Ekrem Imamoglu, mijëra qytetarë janë duke protestuar anembanë Turqisë, shkruan Gazeta Sinjali.

Kryebashkiaku Imamoglu kryeson ndaj Erdogan në disa sondazhe, u burgos në pritje të gjyqit mbi akuzat për korrupsion të dielën që shkoi, duke nxitur protestat më të mëdha antiqeveritare në më shumë se një dekadë, të cilat kanë çuar në arrestime masive në mbarë vendin.

Presidenti i vendit nuk ka dhënë sinjale për të dëgjuar zërin e manifestuesve, por u zotua të shtypte çdo përpjekje, siç tha ai, për prishjen e qetësisë publike.

“Për një javë, ata kanë bërë gjithçka për të mbuluar korrupsionin, për të fshehur vjedhjet, për të fshehur grabitjen dhe për të mbrojtur mashtrimin. Me pretekstin e kërkimit të drejtësisë, ata tentuan një provokim shumë të rrezikshëm që nuk kishte të bënte me demokracinë, ligjin apo mjetet legjitime të kërkimit të drejtësisë. Megjithatë, falë qëndrimit të ftohtë dhe të vendosur të policisë sonë, qëndrimit të arsyeshëm të kombit tonë dhe qëndrimit të qetë të të rinjve tanë që ruajtën dinjitetin e tyre edhe pse iu nënshtruan provokimit, nuk arritën dot politikën e bullizmit. Sigurisht që ne nuk do të mbyllim sytë ndaj prishjes së rendit publik gjatë këtij procesi. Njësitë tona të sigurisë do të ndërmarrin veprimet e nevojshme kundër kujtdo që mbulon fytyrën, sulmon policinë apo ngacmon njerëzit tanë ndërsa ata janë duke bërë detyrën e tyre”, tha Erdogan .

Imamgolu është arrestuar për akuza ndaj korrupsionit, dhe qytetarët e Turqisë janë duke e konsideruar këtë me qëllime politike.