Category: Lajme

Psikologu Naim Telaku, në emisionin CONTEXT në ATV, tha se Kosova është një shoqëri në tranzicion dhe përballë një sistemi të brishtë, që e bën atë të ndjeshme ndaj ndikimeve ekstremiste nga jashtë.

Sipas Telakut, ekstremizmi fetar në Kosovë nuk është fenomen i ri dhe nuk kufizohet vetëm te një fe, por përfshin edhe grupe të tjera që kanë ushtruar ndikim përmes rekrutimit dhe izolimit të qytetarëve.

“Ne jemi një shoqëri me një sistem të brishtë të drejtësisë… jemi goxha tokë e pëlleshme për kultivim të ndikimeve nga më të ndryshme të jashtme. Kemi pasë organizata që funksionojnë deri në nivel të kulteve që rekrutojnë qytetarë për misione të ndryshme. Prej Kosovës i kemi pasur rreth katërqind kosovarë që kanë shku në luftë në Siri dhe në Irak. Policia e Kosovës ka bërë shumë aksione të suksesshme në parandalim të një ekstremizmi të kësaj natyre”, tha Telaku.

Ai theksoi se rasti i rreshterit Muhamed Lika është një ilustrim i qartë i përballjes me ekstremizmin dhe duhet të vlerësohet si akt heroik.

“Unë besoj që kjo është një lloj importimi i një ekstremizmi, i një fundamentalizmi të kësaj natyre. Lufta që e ka bërë rreshteri Muhamed Lika është pjesë e kësaj përballjeje dhe ramja e tij në detyrë është një heroizëm për t’u vlerësuar, që shkon edhe në nivele të rreshterit Afrim Bunjaku”, deklaroi Telaku.

Deklaratën e plotë të Naim Telakut në CONTEXT, e gjeni në videon më poshtë:

Psikologu Naim Telaku, në emisionin CONTEXT në ATV, tha se rreshteri Muhamed Lika duhet të vlerësohet si hero i shoqërisë, për shkak të sakrificës në luftimin e ekstremizmit, njëjtë si rreshteri Afrim Bunjaku.

Sipas Telakut, rënia në detyrë e Likës përballë ekstremizmit është një akt heroik që përfaqëson përpjekjen e institucioneve për të mbrojtur shoqërinë nga rreziqe të importuara.

“Lufta që e ka bërë rreshteri Muhamed Lika është një lloj importimi të një ekstremizmi, i një fundamentalizmi të kësaj natyre, edhe ramja e tij në detyrë, domethënë mendoj që është një heroizëm për t’u vlerësuar. Është një heroizëm për t’u lavduar në çdo aspekt, që shkon edhe në nivele të arrestierit Afrim Bunjaku”, tha Telaku.

Ai tha se Kosova është shoqëri në tranzicion dhe terren i ndjeshëm për ndikime të jashtme që nxisin ekstremizmin në forma të ndryshme, përfshirë edhe ato fetare.

“Ne jemi një shoqëri me një sistem të brishtë të drejtësisë… jemi goxha tokë e pëlleshme për kultivim të ndikimeve nga më të ndryshme të jashtme. Policia e Kosovës ka bërë shumë aksione të suksesshme në parandalim të një ekstremizmi të kësaj natyre… kemi parë edhe organizata që shkojnë deri në nivel të kulteve që rekrutojnë qytetarë të këtij vendi për misione të ndryshme”, deklaroi Telaku.

Deklaratën e plotë të Naim Telakut në CONTEXT, e gjeni në videon më poshtë:

Avokati dhe ish-hetuesi Muhamet Mujaj, në emisionin CONTEXT në ATV, tha se Policia e Kosovës është një ndër institucionet më profesionale dhe më të besueshme në vend, por është bërë tabelë qitjeje nga politika.

Sipas Mujajt, megjithëse sistemi ka të meta, nuk mund të akuzohet në tërësi, sepse Policia ka zbuluar dhe zbatuar raste që janë për t’u admiruar edhe nga shtetet me traditë të gjatë.

“E vërteta është se ne kemi ndërtu institucione kredibile, sidomos policia ku kam qenë edhe vetë pjesë. Është një prej institucioneve më të besueshme dhe më kredibile, më profesionale, që falë ndërkombëtarëve, po edhe ekspertëve tanë është ndërtu si institucion. A ka të meta sistemi? Ka të meta dhe duhet të japë dikush përgjegjësi. Mirëpo, nuk mund t’i akuzojmë gjithë në sistem të drejtësisë dhe të sigurisë, për shkakun se në sistem të sigurisë, sidomos policia, ka zbuluar raste aq të mëdha, ka kryer punë aq të mëdha sa që ka për lakmi edhe shtetet tjera që kanë traditë shtetërore ndoshta me shekuj”, tha Mujaj.

Ai tha se ndërhyrjet politike po e dëmtojnë më së shumti policinë dhe po e zhveshin nga dinjiteti.

“Ne kemi një komponentë këtu e ajo është komponenta e politikës që është duke i bërë dëm shoqërisë më së shumti, sidomos policisë. E policia ka qenë tabelë qitjeje prej institucioneve. Një polic trajtohet më së paku me dinjitet edhe prej Prokurorisë, edhe prej Gjyqësisë, edhe prej Qeverisë, edhe prej Parlamentit. Na e kemi pa momentin që ka ardh në pushtet Qeveria që është në dorëheqje”, deklaroi Mujaj.

Deklaratën e plotë të Muhamet Mujajt në CONTEXT, e gjeni në videon më poshtë:

Avokati Yll Zekaj, në emisionin CONTEXT në ATV, tha se vrasja e rreshterit Muhamed Lika mund të ishte shmangur, nëse institucionet e drejtësisë do të kishin vepruar ndaj personit të dyshuar me precedent penal.

Sipas Zekajt, një nga të dyshuarit për vrasje kishte të kaluar kriminale dhe ishte i dënuar për dhunim, por megjithatë nuk ishte ndaluar në kohë.

“Ajo, besoj se çka është më shqetësuese dhe që nuk u përmend shumë, është e kaluara kriminale e këtyre personave që dyshohen sot që janë pjesë e këtij grupi, apo dyshimi të vrasës të zotëri Lika. E kemi një që është në këtë proces i pafajshëm, por e kemi plotësisht fajtor me vendim të formës së prerë për një rast të dhunimit paraprak, i cili ka pasur edhe urdhërarrest, e sikur institucionet e Republikës së Kosovës të ishin kanë efikase dhe efektive, ndoshta zoti Lika ish ligfiduar nga ky grup, por jo nga ky person”, tha Zekaj.

Ai theksoi se për motivin e vrasjes nuk ka ende fakte dhe raportimet mediale që flasin për motive të tjera janë të pabazuara.

“Ne duhet t’i besojmë institucioneve. Institucionet e Republikës së Kosovës ende nuk kanë identifiku naj motiv, i cili lidhet drejtpërdrejt, dhe që dul paraprakisht edhe në disa media, që besoj që është një raportim jo shumë korrekt, derisa ky motiv nuk bazohet në fakte dhe në prova”, deklaroi Zekaj.

Deklaratën e plotë të Yll Zekajt në CONTEXT, e gjeni në videon më poshtë:

Avokati Asdren Bytyqi, në emisionin CONTEXT në ATV, tha se lidhja e vrasjes së rreshterit Muhamed Lika me motivet fetare është e pabazuar dhe e rrezikshme për drejtësinë.

Sipas tij, as Prokuroria nuk e ka ndërtuar rastin mbi baza ideologjike fetare dhe analizat që shkojnë në këtë drejtim janë të pasakta.

“Rrjedhimisht, të gjitha analizat, gjykimet dhe opinionet lidhur me motivet fetare ose motivet ekstreme, ekstremizmit fetar, mendoj që janë gabura, sepse as nuk janë në mbështetje ose nuk janë analizë që e mbështesin edhe vetë dyshimin, edhe vetë skenarin të cilin e ka hartu Prokuroria lidhur me këtë grup. Andaj, mendoj që nuk duhet bë një ndërlidhje të tillë”, tha Bytyqi.

Ai shtoi se për 25 vjet, vrasjet në Kosovë kanë ndodhur për arsye personale ose ekonomike, jo për motive ideologjike.

“Në Kosovë nuk kanë vra për motiv ideologjik. Janë vra për biznes, janë vra për ara, janë vra për motive njerëzore. Gjykimi në bazë të identitetit të tyre fetar është një lloj paragjykimi, i cili nuk ndërlidhet me atë çka do Prokuroria”, u shpreh Bytyqi.

Deklaratën e plotë të Asdren Bytyqit në CONTEXT, e gjeni në videon më poshtë:

Ekspertja e drejtësisë, Besa Kabashi, në emisionin CONTEXT në ATV, tha se radikalizmi në Kosovë nuk ka ardhur vetëm nga jashtë, por është zhvilluar edhe brenda vendit përmes ekstremizmit ideologjik.

Sipas saj, disa lëvizje politike kanë përdorur metoda të cilat i kanë radikalizuar qytetarët, duke e bërë më të lehtë manipulimin e tyre.

“Këto dy komponenta me rëndësi janë që në Kosovë çka është rritë prej brenda në mënyrë organike është ekstremizmi ideologjik. U rrit përgjatë viteve dhe, për shembull, lëvizjet politike, siç është Lëvizja Vetëvendosje që tash është partia në pushtet, në mënyrën qysh ka mobilizu masat për me kriju ndryshimin që ata kanë dashtë, ka qenë përmes metodave që i kanë radikalizu qytetarët shumë dhe kanë kriju ekstremizëm ideologjik. Çka ndodh kur krijohet ekstremizmi ideologjik te qytetarët? Është shumë lehtë mu manipulu edhe kanë qytetarët shumë më të vështirë me diferencu midis faktit, opinionit. Ki parasysh që jo të gjithë janë ekspertë të fushës, jo të gjithë janë gazetarë”, tha Kabashi.

Kabashi theksoi se situata është përshkallëzuar edhe më shumë pas vrasjes së një rreshteri që kishte shërbyer në UÇK dhe më vonë në institucionet shtetërore.

“Komponenta tjetër me rëndësi në këtë situatë është që është vra një rreshter që i ka shërby jo vetëm institucioneve pas luftës, po ka shërby edhe në UÇK. Kjo e ka bo situatën ende më të ndjeshme. Është fatkeqësi që është dashtë me u vra një rreshter, për mu alarmu të gjithë”, deklaroi Kabashi.

Deklaratën e plotë të Besa Kabashit në CONTEXT, e gjeni në videon më poshtë:

Në kohën kur dhe ka nisur seanca dëgjimore ndaj gjashtë të arrestuarve për vrasjen e rreshterit Muhamed Lika, Policia ka shoqëruar për në stacion dy persona që po qëndronin para Gjykatës Themelore në Ferizaj.

Zëdhënësi i policisë në Ferizaj, Kanun Veseli, tha se dy personat nuk kishin dokumente identifikuese me vete.

“Dy persona i kanë shoqëruar për verifikim se s’kanë pasë dokumente me vete”.

Prokuroria në Ferizaj tashmë ka kërkuar caktimin e masës së paraburgimit ndaj gjashë të dyshuarve, ndërsa nën masën e paraburgimit është i dyshuari kryesor, 18-vjeçari Rejhan Bela.

Agjencia e Menaxhimit Emergjent ka hapur javën e aktiviteteve, ku janë ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore. Kjo ngjarje organizohet për herë të parë që nga themelimi i Agjencisë së Menaxhimit Emergjent, raporton KosovaPress.

Ministri në detyrë i Punëve të Brendshme, Xhelal Sveçla deklaroi se fokus mbetet fuqizimi i kapaciteteve të kësaj Agjencisë dhe Menaxhimit Emergjent.

“Me sfidat që çdo vit po sjell ngrohja globale, fokusi i përbashkët mbetet fuqizimi i kapaciteteve të AME-së për menaxhim të suksesshëm të çdo situate. Në këtë drejtim, ritheksoj gatishmërinë tonë të plotë për mbështetje në çdo kohë dhe në çdo formë. Vlerësoj shumë aktivitetet e kësaj jave që kanë fokus komunikimin me qytetarë sepse ata mbeten komponenta kyçe që ju të ballafaqoheni me sa më pak rreziqe të shkaktuara nga faktori njeri, veçanërisht tani kur hyjmë në periudhën e temperaturave të larta dhe zjarret mbesin sfidë reale dhe e përditshme”, deklaroi Sveçla, shkruan KosovaPress.

Sipas tij, edukimi i masës për parandalimin dhe reagimin ndaj fatkeqësive natyrore është i domosdoshëm.

“Si qeveri dhe si ministër i Punëve të Brendshme, tashmë ushtrues detyre jam angazhuar në reformimin e thellë dhe në fuqizimin e mëtejmë të saj. Me shtetet aleate të Republikës së Kosovës, kemi nënshkruar marrëveshje për bashkëpunim të ndërsjellë në menaxhimin e fatkeqësive natyrore dhe në saje të kësaj marrëveshje, një delegacion i prirë nga drejtori Metaj ishte pjesë e trajnimit të përbashkët të forcave të Republikës së Shqipërisë për reagim në rastet e vërshimeve…Në anën tjetër, në muajin kaluar 51 pjesëtarë të zjarrfikjes dhe shpëtimit i janë bashkuar agjencisë si vlerë dhe mbështetje e shtuar e ekipeve aktuale që shërbejnë në tërë territorin e Republikës së Kosovës. Po ashtu, buzë liqenit të Ujmanit kemi krijuar infrastrukturën për Njësinë e Kërkim Shpëtimit të AME-së”, shtoi Sveçla.

Drejtori i Agjencisë për Menaxhim Emergjent, Genc Metaj tha se misioni i tyre është udhëheqja dhe koordinimi i përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.

“Ne po e fillojmë Javën e AME-së me një numër të madh të aktiviteteve, të cilat do të prekin një masë të madhe të qytetarëve në të gjithë vendin. Qëllimi ynë është që të ndikojmë në vetëdijesim dhe ndërgjegjësim, që të jemi afër qytetarëve, të promovojmë rolin dhe rëndësinë e agjencisë, të njësive profesionale të zjarrëfikjes dhe shpëtimit, të qendrave operative dhe emergjente 112, strukturave të mbrojtjes, shpëtimit dhe ndihmës, si dhe masat që duhet të ndërmerren në rast të fatkeqësive, e veçanërisht të fokusohemi në parandalimin e tyre”, deklaroi ai.

Ai shtoi se zyrtarët e Agjencisë dhe Menaxhimit Emergjent dhe njësitë profesionale do të zhvillojnë aktivitete të rëndësishme në të gjithë vendin. /

Me rastin e 22 prillit, Ditës së Tokës, Komuna e Obiliqit organizoi disa aktivitete për pastrimin dhe gjelbërimin e hapësirave publike, si shenjë e kujdesit ndaj mjedisit, raporton KosovaPress.

Fillimisht u bë mbjellja e luleve në rreth-rrotullimin kryesor të qytetit, ku morën pjesë edhe disa nxënës të qytetit, për të vazhduar më pastaj me mbjelljen e disa pishave në oborrin e Gjimnazit “17 shkurti”, dhe me mbjelljen e drunjve urbanë dekorativ në oborrin e QKMF-së.

Në hyrje të qytetit tek rreth rrotullimi në Shkabaj u bë mbjellja e drunjve, një aktivitet i përbashkët mes Komunës së Obiliqit dhe Prishtinës, ku morën pjesë kryetarët e dy komunave.

Kryetari i Obliqit, Xhafer Gashi, tha se njëqind drunj janë njëqind jetë të reja, duke pasur parasysh ndotjen e ambientit në këtë qytet.

“Ne sot jemi këtu për ti mbjelljen njëqind drunjve, njëqind jetë të reja që për Obiliqin do të thotë shumë duke u bazuar shumë në industrinë që Obiliqi e ka për prodhimin e energjisë, ndotja e ambientit e shumë çështje të tjera. Mirëpo kjo është një nismë nga dy drejtorë me një marrëveshje, dhe mbesim me shpresë që këtë pjesë të marrëveshjes të fillojnë të implemtojnë edhe drejtorit e tjera, siç e parasheh edhe marrëveshja, bashkëpunimi ndërkomunal është jashtëzakonisht i mirë, janë bashkim i një fuqie të përbashkët në cilën do temë që ato zhvillohen”, theksoi ai.

Ndërsa, kryetari i Prishtinës Përparim Rama deklaroi se si rezultat i bashkëpunimit ndër-komunal po i mbjellin njëqind drunj, dhe se përfitues përveç kryeqytetit do të jetë edhe Obiliqi.

“Jemi këtu me kryetarin Xhaferi të Obiliqit në një bashkëpunim ndërkomunal sot për ditën e tokës të mbjellim njëqind drunj, kjo faktikisht është një proces bashkëpunimi si rezultat edhe i projektit madh Solar for Kosovo, ku gjithë ai projekt shkon për të mirën, shumica për të mirën e kryeqytetit, një pjesë edhe për të mirën e komunës së Obiliqit, mirëpo jemi shumë falënderues sepse toka që përdoret për “solar for Kosovo” është në pjesën e Komunës së Obiliqit edhe si rezultat i kemi planifikua disa pika të bashkëpunimit njëra ndër to është edhe mbjellja e drunjve, këtë që po e bëjmë sot”, tha ai.

Dita e Tokës është një ngjarje vjetore që festohet në të gjithë botën me 22 prill për të demonstruar mbështetjen për mbrojtjen e mjedisit. Dita e Tokës për herë të parë është festuar në vitin 1970, ndërsa tani përfshinë ngjarje të ndryshme globalisht.