Category: Lajme

Një parti tjetër e pakicës kombëtare ruse, e dhjeta në radhë, u regjistrua në regjistrin e partive politike të Serbisë. Po flasim për frontin serbo-rus, dhe përfaqësuesi ligjor është Dobrosav Mariq, një njeri që deri në mars të këtij viti ishte kryetar i Komitetit Ekzekutiv të Partisë Popullore Serbe të ministrit Nenad Popoviq.

Nga rruga, ai ka qenë drejtor i degës së Shërbimit Kombëtar të Punësimit në Beograd për shumë vite, dhe deri vonë ishte edhe anëtar i Bordit Mbikëqyrës të “Taqka kljujanja”, një kompani e themeluar nga Qeveria e Serbisë me rusët dhe në të cilën vendi ynë ka 80 përqind të aksioneve.

Që kur Partia Progresive Serbe erdhi në pushtet, janë themeluar tetë nga gjithsej 10 parti që supozohet se përfaqësojnë interesat e pakicës kombëtare ruse dhe në shumicën e rasteve nuk kanë pika kontakti me rusët. Vetë përmendja e partisë ruse shkakton dyshime te një pjesë e publikut serb, sepse në jo pak raste është treguar se ata janë satelitë të qeverisë, e cila madje mund të jetë ajo që përcakton fituesin në zgjedhje. Kështu ishte edhe vitin e kaluar në Nish, por më shumë për këtë më vonë,shkruan Nova.rs.

Partia e re Fronti Serbo-Rus u themelua më 3 prill të këtij viti në Beograd, në adresën Svetozar Miletiqa 8A, në Beograd.

Bashkimi Evropian po shton presion mbi Shtetet e Bashkuara të Amerikës pas një bisedë telefonike dyorëshe mes ish-presidentit Donald Trump dhe presidentit rus Vladimir Putin, gjatë të cilës Putin shprehu gatishmërinë për një armëpushim, por pa përcaktuar një afat të qartë, duke thënë se nuk do të ishte tani, dhe as brenda 30 ditëve.

Ministri gjerman i Mbrojtjes, Boris Pistorius, theksoi se Putini “nuk është serioz për paqe” dhe nënvizoi se është më e rëndësishme se kurrë që Bashkimi Evropian të vazhdojë mbështetjen e fuqishme për Ukrainën. Ai shtoi gjithashtu se duhet të ashpërsohen sanksionet ndaj Rusisë për të shmangur veprimet e mëtejshme të saj pa pasoja, sipas ANSA.

Përfaqësuesja e Lartë e Bashkimit Evropian, Kaja Kallas, tha se SHBA-ja ka paralajmëruar për “reagime të forta dhe pasoja nëse nuk arrihet një armëpushim”, dhe se tani Bashkimi Evropian pret të shohë këto pasoja të vihen në praktikë.

Trump njoftoi se Ukraina dhe Rusia do të fillojnë negociatat për një armëpushim, por pa dhënë detaje të tjera mbi kohën dhe kushtet. Nga ana tjetër, zëdhënësi i Kremlinit, Dmitry Peskov, konfirmoi se kontaktet mes palëve janë rivendosur dhe se këto kontakte janë duke u zhvilluar, transmeton KP.

Ai shtoi se nuk është marrë ende një vendim për vendin ku mund të zhvillohen negociatat, duke përmendur edhe ofertën e Vatikanit për të pritur bisedimet. Peskov theksoi se negociatat janë në fazën e shkëmbimit të projekt-dokumenteve dhe se nuk ka afate të caktuara për arritjen e një memorandumi, pasi palët do të duhet të punojnë më tej për të krijuar një tekst të përbashkët.

Presidenti amerikan, Donald Trump komentoi dje në Fox News diagnozën e kancerit të prostatës të ish-Presidentit Joe Biden, duke shprehur ngushëllime, por gjithashtu duke deklaruar se e gjithë situata duhet të sqarohet. Ekipi i Bidenit njoftoi të dielën pasdite se ish-presidenti i ishte nënshtruar analizave për shkak të problemeve në rritje me urinimin dhe mjekët zbuluan kancer në prostatë.

“Trump e quajti lajmin “vërtet të trishtueshëm” para gazetarëve dje pasdite.

Trump iu referua përsëri asaj që ai e quan rënie njohëse të Bidenit gjatë mandatit të tij, duke thënë se “të gjithë ata që kandidojnë për president duhet të bëjnë një test njohës”.

“Ata thonë se është jokushtetuese. Por në këtë rast të veçantë, mendoj se një test i aftësive njohëse nuk do të ishte diçka e keqe”, tha Trump. Ai gjithashtu sugjeroi që publiku nuk ishte informuar në kohën e duhur për gjendjen shëndetësore të Bidenit dhe bëri thirrje për një hetim.

“Mendoj se dikush duhet të flasë me mjekun ose mjekët e tij,” tha Trump.

“Pse nuk u fol fare për aftësitë njohëse? Dhe për aq sa mbaj mend, mjeku tha se gjithçka ishte në rregull. Dhe tani rezulton se nuk ishte. Kjo është shumë e rrezikshme.”

Ai përfundoi duke thënë se diagnoza e kancerit ishte “një situatë shumë, shumë e trishtueshme” dhe shtoi se i vinte “shumë keq për këtë”.

“Mendoj se njerëzit duhet të përpiqen të zbulojnë se çfarë ka ndodhur sepse nuk e di nëse ka të bëjë me spitalin”, tha Trump.

Lajmi për formën agresive të kancerit të diagnostikuar te 82-vjeçari Biden tronditi vendin gjatë fundjavës. Pasi mori mesazhe mbështetjeje nga të gjitha palët, Biden falënderoi dje ndjekësit e tij në mediat sociale.

“Kanceri na prek të gjithëve,” shkroi Biden në Platformën X. “Ashtu si shumë prej jush, unë dhe Jill kemi mësuar se jemi më të fortë kur jemi të thyer. Faleminderit që na ngritët moralin me dashurinë dhe mbështetjen tuaj.”

Prokuroria Themelore në Prizren ka ngritur aktakuzë ndaj katër personave të dyshuar për veprat penale “Vrasje e rëndë në tentativë” dhe “Mbajtja në pronësi, kontroll ose posedim të paautorizuar të armëve”.

Bëhet fjalë për E.K, dhe V.H të cilët dyshohen për të dy veprat penale, dhe për A.H, dhe A.H të cilët dyshohen për “Mbajtje në pronësi, kontroll ose posedim të paautorizuar të armëve”.

“Sipas aktakuzës, i pandehuri E.K., me datë 29.01.2025 rreth orës 01:57 minuta në Prizren, në rrugën ‘Tranziti i Ri’, në hapësirat e parkingut të njërës prej pikave të karburantit, me dashje ka tentuar t’i privojë nga jeta të dëmtuarit V.H, A.H. dhe A.H, dhe me atë rast kanë vënë në rrezik jetën e të dëmtuarit F.T”, thuhet në komunikatën e Prokurorisë.

“I njëjti, pas një mosmarrëveshje paraprake e cila kishte ndodhur me datë 28.01.2025 rreth orës 23:00min në afërsi të lokalit të të dëmtuarit F.T., në mes të pandehurit E.K dhe dëshmitarit Gj.Sh., në një anë dhe të dëmtuarve V.H., A.H.(1), dhe F.T., në anën tjetër, në momentin kur i pandehuri E.K.,dhe dëshmitari Gj.Sh., arrinë me automjet tek pika e karburantit, vërejnë se aty ishte duke i pritur i dëmtuari V.H., i afrohen të njëjtit, bëjnë me gjeste në drejtim të të dëmtuarve A.H.(1), A.H.(2), dhe F.T., që të vijnë në afërsi të tyre, e më këtë rast dëshmitari F.H., arrin te kjo pompë e derivateve dhe takohet rastësisht me ta, kur aty vijnë edhe të dëmtuarit A.H.(1), A.H.(2), dhe F.T., i pandehuri E.K., nxjerrë nga brezi pistoletën e tipit “TT”, fillon të tërhiqet prapa dhe në një distancë nga 1-2 metra, shtie në drejtim të të dëmtuarve V.H., A.H.(1), dhe A.H.(2), me ç’ rast nga të shtënat, të dëmtuarit A.H.(1), dhe A.H.(2), marrin plagë të rënda, njëkohësisht i rrezikohet jeta edhe të dëmtuarit F.T”, thuhet tutje në njoftim.

Me këto veprime, E.K., ka kryer veprën penale “Vrasja e Rëndë” e mbetur në tentativë.

Po ashtu, i pandehuri E.K., deri me datë 12.02.2025 në Prizren ka mbajtur në pronësi dhe posedim armën.

“I pandehuri V.H., në vend dhe kohë të njëjtë, me dashje ka tentuar të privojë nga jeta të dëmtuarin E.K. I njëjti, në momentin kur vëren se nga të shtënat që kishte shkrepur E.K., goditet i dëmtuari A.H.(1), dhe A.H.(2), nxjerrë pistoletën e tij të llojit “Sig Sauer” 9x19mm dhe shtie disa herë në drejtim të të dëmtuarit E.K”, thuhet në njoftim.

I pandehuri A.H. deri me datë 29.01.2025 në Prizren ka mbajtur në pronësi dhe posedim një pistoletë.

Po ashtu, në momentin kur ka ndodhur rasti me të pandehurin E.K., i pandehuri A.H e nxjerrë armën nga brezi dhe me të njëjtën ka shkrepur gjashtë herë.

Me këto veprime, i njëjti ka kryer veprat penale “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm” sipas KPRK-së.

“I pandehuri A.H.(2), deri me datë 29.01.2025 në Prizren, në kundërshtim me Ligjin për Armët të Republikës së Kosovës, ka mbajtur në pronësi dhe posedim armën, një pistoletë e llojit “TT” me 7 fishekë në karikator, të cilën armë e ka mbajt në brez në momentin kur ka ndodhur rasti me të pandehurin E.K., i pandehuri A.H.(2), e nxjerrë armën nga brezi dhe në momentin kur rrëzohet për toke shkrepë armën njëherë”, thuhet në njoftim.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit./KosovaPress

Kryeministri në detyrë, Albin Kurti ka fajësuar komunat që nuk kanë aplikuar për banim të përballueshëm dhe social, duke thënë se është për të ardhur keq për shkak se çiftet e reja, prindërit vet ushqyes.

Kurti i bëri këto komente pas vendosjes së gurthemeli për ndërtimin e objekteve për banim të përballueshëm në Podujevë, ku është pyetur edhe për bllokadën në Kuvendin e Kosovës.

“Prej 38 komunave vetëm 13 kanë aplikuar për banim të përballueshëm dhe social, është për të ardhur keq për arsye se qiftet e reja, prindërit vet ushqyes, kanë nevojë për banim të përballueshëm dhe social. Me këtë rast ne po dëshmojmë se më e madhe është oferta e Qeverisë se sa kërkesa e komunave, i bije që përafërsisht prej tri komunave, vetëm njëra aplikon për banim të banueshëm dhe social dhe dy prej tyre nuk e bëjnë këtë gjë. Fatmirësisht Podujeva e ka bërë aplikimin dhe tash po e fillon realizimin, e për ato çështje të tjera të bllokimeve, janë në Prishtinë, ne jemi për ndërtime këtu”, tha Kurti.

Fillimin e këtij projekti, kryeministri në detyrë, Albin Kuri e konsideroi lajm të gëzueshëm për llapjanët.

“Në këto dy lote apo ndërtesa do të ketë në njërën prej tyre 70 njësi, ndërsa në tjetri 63 njëri pra gjithsej 133 njësi banimi prej të cilave 106 janë për banim të përballueshëm, ndërsa, 27 janë për banim social. Katër lloje të banesave do të jenë banesa 53 metra katror, 66 metra katror, 77 metra kaltëror, 87 metra kaltëror me ç’rast më shumë se gjysma 53% do të jenë këso 77 metra kaltëror”, tha Kurti.

Kryetari i Komunës së Podujevës, Shpejtim Bulliqi tha se banimi i përballueshëm është ndër projektet më të mëdha që po zhvillohen në këtë komunë.

Ndërsa, zëvendësministri në detyrë i Infrastrukturës, Jeton Raka tha se për këtë projekt nga 38 komunat e Kosovës kanë aplikuar vetëm 13 prej tyre. Sipas tij, kjo është papërgjegjësi e disa udhëheqësve komuna të cilat banorët e të atyre komunave po ua mohojnë të drejtën e banimit.

Projekti për banim të përballueshëm tashmë ka nisur edhe në komunën e Gjilanit dhe atë të Istogut. Ky projekt është bashkëfinancim në mes të komunës dhe Ministrisë së Infrastrukturës.

Përfituesit do të përcaktohen sipas kritereve të parapara në legjislacionin në fuqi

Mundësi përfitimi do kenë qiftet e reja ku mosha e njëri nga çifti duhet të jenë nën moshën 37 vjeçare.

Po ashtu, përfitues do të jenë edhe familjet më të ardhura ta ulëta deri të të ardhurat e mesme, si dhe grupet e cenueshme . /kp

Stacioni Policor i Graçanicës ka shpallur në kërkim një grua të dyshuar për vjedhje në një qendër tregtare.

Siç njofton Policia, kjo kërkesë është e mbështetur në autorizimin e nxjerrë nga Prokuroria Themelore – Departamenti i Përgjithshëm në Prishtinë.

“Me qëllim të zbatimit efikas të procedurës, në hetimin që po zhvillohet për rastin “Vjedhja ” të ndodhur më 05.01.2025, në një qendër tregtare, kërkojmë nga publiku i gjerë kontributin qytetar që me informacionet e tyre të ndihmojnë në identifikimin e të dyshuarës sipas tipareve fizike apo lokalizimin e vendndodhjes së saj.

Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë identifikimit dhe arrestimit sa më të shpejtë të saj”, thuhet tutje në njoftimin e policisë në Facebook.

Trupat ajrore nga ShBA-ja, Zvicra dhe Hungaria, pjesë e Komandës Rajonale Lindje në kuadër të misionit të KFOR-it të udhëhequr nga NATO, realizuan një fluturim ndërkombëtar të përbashkët në Kampin Bondsteel të Ferizajt.

Gjatë kësaj stërvitjeje, trupat amerikane pilotuan helikopterin UH-60 Blackhawk, hungarezët përdorën H-145M, ndërsa zviceranët fluturuan me AS-532 Cougar.

“KFOR thekson se vazhdon të zbatojë mandatin e tij, të bazuar në Rezolutën 1244 të Këshillit të Sigurimit të OKB-së, për të kontribuar në një ambient të sigurt për të gjitha komunitetet në Kosovë dhe për të garantuar lirinë e lëvizjes. Misioni operon në bashkëpunim të ngushtë me Policinë e Kosovës dhe EULEX-in”, shkruhet tutje në njoftimin e KFOR-it në Facebook.

Finlanda mund te jete fronti i ri i agresionit rus. Ky është alarmi që kanë ngritur mediat amerikane. Në bazë të disa imazheve satelitore, të bërë publike nga New York Times, rezulton se forcat ruse kanë përforcuar bazat dhe kanë ndërtuar infrastrukturë ushtarake pranë kufirit finlandez, një lëvizje që mund të zbulojë strategjinë e tyre për atë që do të ndodhë pas luftës në Ukrainë.

Imazhet, të konfirmuara nga zyrtarët e NATO-s, tregojnë radhë pas radhe tenda të reja; depo të reja që mund të ruajnë automjete ushtarake; rinovime të strehimoreve të avionëve luftarakë; dhe aktivitet të vazhdueshëm ndërtimi në një bazë helikopterësh që kishte qenë kryesisht e papërdorur dhe e mbuluar me bimësi.

Deri më tani, lëvizjet duket se janë fazat e hershme të një zgjerimi më të madh dhe afatgjatë, dhe zyrtarët e NATO-s thonë se kjo nuk është aspak si grumbullimi përgjatë kufirit të Ukrainës para pushtimit në shkallë të plotë të Rusisë në vitin 2022, thekson New York Times. Për momentin, Rusia, e preokupuar me luftën e saj në Ukrainë, ka shumë pak trupa përgjatë kufirit, dhe finlandezët këmbëngulin se asnjë nga këto nuk përbën ndonjë kërcënim të madh ende.

Finlanda është një nga anëtarët më të rinj të NATO-s, duke u bashkuar dy vjet më parë, dhe lëvizjet pa dyshim pasqyrojnë perceptimin e Moskës për një kërcënim: Ky kufi prej 830 miljesh është tani vija më e gjatë e kontaktit të aleancës perëndimore me Rusinë. Analistët ushtarakë parashikojnë se mund të bëhet një pikë e nxehtë, veçanërisht me pjesën më të madhe të saj që ndodhet në Rrethin Arktik gjithnjë e më të kontestuar.

Trupat amerikane dhe finlandeze zhvilluan së fundmi një stërvitje të ndërlikuar lufte në Arktik në këtë rajon, me qindra trupa që vraponin nëpër pyje dhe finlandezët që ecnin me shpejtësi nëpër pemë me ski në terren të hapur. Armiku i supozuar? Rusia.

Zyrtarët finlandezë të mbrojtjes parashikojnë se nëse faza me intensitet të lartë e luftës në Ukrainë mbaron, Rusia do të rivendosë mijëra trupa në kufirin finlandez. Finlandezët mendojnë se kanë rreth pesë vjet kohë para se Rusia të mund t’i rrisë forcat e saj në nivele kërcënuese. Por ata janë të bindur se kjo do të ndodhë dhe se numri i trupave ruse që do të përballen me ta do të trefishohet.

Tregjet evropiane kanë nisur ditën në territor pozitiv, të udhëhequra nga Frankfurt (+0.29%), Parisi dhe Londra (+0.21%), në një kohë kur investitorët po ndjekin nga afër zhvillimet e fundit në ekonominë amerikane pas vendimit të Moody’s për të ulur vlerësimin e kreditit të SHBA-së, shkruan ANSA.

Në fokus mbesin edhe bisedimet mes Rusisë dhe Ukrainës për një zgjidhje të mundshme të konfliktit. Vëmendja po ashtu është e përqendruar në politikën tregtare të Shteteve të Bashkuara, ndërsa priten lëvizje të reja lidhur me tarifat që parashikohen për Evropën.

Ndërkohë, tregjet aziatike mbyllën sesionin me rezultate të përziera: Hong Kongu në rritje me +1.5%, Shanghai +0.6% dhe Shenzhen +0.8%. Në anën tjetër, Seuli u dobësua lehtë me -0.06%, ndërsa Mumbai ra me -0.3%. Lëvizje minimale pati në Tokio, ku indeksi u rrit në +0.08%.

Në tregun valutor, jeni japonez ka ndalur fazën e forcimit ndaj dollarit dhe euros, duke u tregtuar përkatësisht në 144.46 kundrejt dollarit dhe 162.61 ndaj euros.

Në tregun e obligacioneve, kthimi i bonove 30-vjeçare japoneze u rrit me gjashtëmbëdhjetë pikë bazë, duke arritur në 3.12% – niveli më i lartë që nga viti 1999.

Sesioni i sotëm karakterizohet nga mungesa e të dhënave makroekonomike, por pritet një sërë deklaratash nga zyrtarë të Bankës Qendrore Evropiane dhe Rezervës Federale të SHBA-së.