ATV

Category: Lajme

  • Osmani: Masa e përkohshme e Kushtetueses ndalon çdo procedurë, përfshirë edhe mandatarin

    Osmani: Masa e përkohshme e Kushtetueses ndalon çdo procedurë, përfshirë edhe mandatarin

    Presidentja Vjosa Osmani në konferencë për media tha se masa e përkohshme e Gjykatës Kushtetuese për Kuvendin e Kosovës ndalon çdo procedurë, përfshirë edhe caktimin e mandatarit.

    “Çështja e masës asnjëherë nuk e paragjykon vendimin e Gjykatës. Masa si e tillë na obligon të gjithëve, e obligon Kuvendin, më obligon mua si presidente që të mos ftoj partinë e parë për mandatarin. Na ndalon të ndërmarrim çdo procedurë. Të gjithë këta hapa konsiderohen procedura për zgjedhjen e Qeverisë dhe një gjë e tillë është ndaluar me masën e marrë. Po atë ditë që masa hiqet, do ta thërras partinë e parë dhe do ta caktojmë mandatarin, e pastaj do të procedohet me formimin e Qeverisë”, ka thënë Osmani.

  • Osmani për Dimal Bashën: Nuk e kam lexuar punimin, por vazhdimisht ma ka konfirmuar respektin e plotë për luftën e UÇK-së

    Osmani për Dimal Bashën: Nuk e kam lexuar punimin, por vazhdimisht ma ka konfirmuar respektin e plotë për luftën e UÇK-së

    Presidentja Osmani është pyetur rreth pamfletit ku është bashkëautor kryetari i Kuvendit, Dimal Basha, e ku flitet zi e terr për luftën e UÇK-së.

    Osmani ka thënë se nuk e ka lexuar atë punim, megjithatë përgjigjen që duhet ta marrin është ajo e vetë Dimal Bashës.

    “Nuk e kam lexu ende, i kam dëgju shqetësimet dhe përgjigja që ai e ka dhënë është përgjigja që duhet ta merrni. Si presidente e vendit nuk kam mundësi të merrem me punimet të cilat politikanët e Kosovës i kanë bërë në kohën kur kanë qenë student.
    Si kryetar i Kuvendit, Basha vazhdimisht ma ka konfirmuar respektin e plotë dhe të madh për sakrificën e popullit që është bërë për liri dhe luftën e drejtë të UÇK-së”, tha Presidentja Osmani.

    Komentet në Kushtetuese, Osmani: Po synohet që për një nënkryetar të bllokohet shteti

     

  • Osmani: Nuk është hera e parë që Lista Serbe ka bojkotuar institucionet, shteti duhet të ecë përpara

    Osmani: Nuk është hera e parë që Lista Serbe ka bojkotuar institucionet, shteti duhet të ecë përpara

    Presidentja e Kosovës, Vjosa Osmani, në një konferencë për media pas dorëzimit të komenteve në Gjykatën Kushtetuese, ka theksuar se posti i nënkryetarit të Kuvendit që i takon komunitetit serb, sipas Kushtetutës, mbetet i rezervuar për këtë komunitet dhe nuk mund të zëvendësohet nga askush tjetër, raporton Ekonomia Online.

    Ajo tha se ky pozicion mund të plotësohet në një seancë të ardhshme, pa penguar konstituimin e Kuvendit.

    Sipas saj, nuk është hera e parë që Lista Serbe ka bojkotuar institucionet e vendit, mirëpo shteti duhet të ecë përpara.

    “Në të kaluarën ka pasur raste kur disa nga nënkryetarët nuk janë zgjedhur në seancën konstituive, por është proceduar me konstituimin. Për ne, ai pozicion që i takon komunitetit serb sipas Kushtetutës, mbetet për komunitetin serb. Askush nuk mund ta zërë atë vend, ai mbetet i zbrazët dhe thjesht do të plotësohet në një seancë të radhës, pa bllokuar konstituimin e Kuvendit.

    Ky parim mund të vihet në zbatim vetëm kur kemi institucione funksionale, sepse as të drejtat e pakicave nuk mund të mbrohen kur nuk kemi as Kuvend e as Qeveri. Nuk mund të përjashtohet mundësia që të ketë përpjekje për t’u mbështetur në të drejtat e garantuara me Kushtetutë për të nxjerrë mundësi që shkelin Kushtetutën, por këto skenarë duhet të parandalohen.

    Republika e Kosovës nuk duhet të mbahet peng dhe askush nuk duhet të ketë të drejtën e vetos, sepse kjo do të rrezikonte themelet demokratike të shtetit. Nuk është hera e parë që Lista Serbe ka bojkotuar apo është larguar nga Kuvendi ose nga institucionet e sigurisë, por kjo asnjëherë nuk e ka bllokuar funksionimin e institucioneve. Shteti duhet të ecë përpara”, ka thënë Osmani.

    Osmani ka thënë se nuk kanë dorëzuar komente lidhur me ndryshimin e mënyrës së votimit për nënkryetarë gjatë seancës konstituive.

    “Nuk kemi dërguar komente lidhur me këtë çështje, sepse mendojmë se është çështje dytësore, madje edhe tretësore. Ne kemi proceduar me çështjen kryesore, që është se nuk duhet të lejojmë që themelet e Republikës të cenohen. Votimi në pako nuk kërkohet në Kushtetutë, ndërsa interpretimet për rregulloren mund t’i bëjë Kuvendi.

    “Çështja parësore që sot e ka Gjykata Kushtetuese është nëse do ta mbrojë Republikën nga vetoja e një partie që përfaqëson një komunitet i cili as nuk e njeh dhe as nuk i respekton ligjet e kësaj Republike. Nuk duhet të lejojmë që të rrezikohen themelet e Kosovës”, ka thënë Osmani.

  • Komentet në Kushtetuese, Osmani: Po synohet që për një nënkryetar të bllokohet shteti

    Komentet në Kushtetuese, Osmani: Po synohet që për një nënkryetar të bllokohet shteti

    Presidentja e Kosovës, Vjosa Osmani, ka thënë se pas vendosjes së masës së përkohshme të vendosur nga Gjykata Kushtetuese lidhur me punën e Kuvendit, ka dërguar komentet e veta.

    Ka deklaruar se për një nënkryetar po synohet të bllokohet shteti.

    Ajo ka deklaruar se në komentet e dërguara kanë dokumentuar se funksionimi efektiv i institucioneve të vendit, është qenësor për ruajtjen e rendit kushtetues.

    Ka thënë se bllokimi i konstituimit për shkak të moszgjedhjes së një kryetari, do ta cenonte seriozisht themelet që është ndërtuar Republika.

    “Prandaj në kushtet ku bllokohet konstituimi i Kuvendit për një nënkryetar të vetëm përkundër faktit që Kryesia ka kuorum të mjaftueshëm dhe ka kryetar, dhe kur deputetët kanë kryer betimin, në ato momente pamundësohet përfaqësimi legjitim i qytetarëve në institucionin më të lartë përfaqësues edhe ushtrimi i sovranitetit”, ka thënë ajo./ATVLIVE/

  • Pas sulmeve të Kurtit dhe VV-së ndaj Kushtetueses, Ambasada Gjermane: Respektojeni Gjykatën, mos ndërhyni!

    Pas sulmeve të Kurtit dhe VV-së ndaj Kushtetueses, Ambasada Gjermane: Respektojeni Gjykatën, mos ndërhyni!

    Ambasada Gjermane në Prishtinë ka lëshuar një reagim për media pas sulmeve të shumta të Lëvizjes Vetëvendosje në adresë të Gjykatës Kushtetuese.

    Ambasada gjermane ka theksuar rëndësinë e pavarësisë juridike si themel për sundimin e ligjit dhe kanë kërkuar që të respektohet Gjykata Kushtetuese dhe që partitë politike të përmbahen nga ndërhyrjet.

    “Në iu bëjmë thirrje të gjithë akterëve politikë dhe institucioneve në Kosovë që të respektojnë Gjykatën Kushtetuese dhe të gjithë pavarësinë juridike dhe të përmbahen nga çfarëdo ndërhyrje, përfshië sulmet personale”, thuhet në reagim.

    “Ambasada Gjermane në Prishtinë thekson rëndësinë e pavarësisë gjyqësore si një gur themeli i sundimit të ligjit. Ne u bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë gjyqësorit dhe të përmbahen nga çdo ndërhyrje, përfshirë sulmet personale”, shkruan reagimi i ambasadës gjermane.

  • “Kobra” para gjykatës: Nuk e kam njohur viktimën

    “Kobra” para gjykatës: Nuk e kam njohur viktimën

    Në Gjykatën Themelore në Prishtinë, të martën ka nis dhënien e mbrojtjes i akuzuari Dibran Hoxhaj i njohur si “Kobra”, i akuzuar për vrasjen e të riut në lokalin “Kobra City” në Prizren.

    Në këtë rast, Dibran Hoxhaj i njohur si “Koba” dhe katër të akuzuarit Roland Susuri, Arben Vezaj, Burim Mazreku dhe Jesmir Badalli, akuzohen për rastin e vrasjes së V.C., më 3 janar 2023 në lokalin “Kobra City” në Prizren, raporton “Betimi për Drejtësi”.

    Hoxha po përgjigjet në pyetjet e mbrojtësit të tij, avokatit Florent Latifaj. Ai tha se nuk e ka njohur kurrë tani të ndjerin V.C.

    I akuzuari tregoi se lokalin e kishte në një lokacion tjetër, por që dikush ia dogji andaj kishte ndërruar lokacion. Ky biznes tha se funksionon përreth 18 vite.

    Dëshmia e tij po vazhdon.

    Prokuroria Speciale e Republikës së Kosovës (PSRK), më 20 shkurt 2024, ka ngritur aktauzë kundër Dibran Hoxhajt i njohur si “Kobra” dhe Roland Susurit, Arben Vezajt, Burim Mazrekut dhe Jesmir Badallit, për vrasjen e shtetasit të Shqipërisë në Prizren më 3 janar 2023.

    Në aktakuzën e siguruar nga “Betimi për Drejtësi”, “Kobra”, akuzohet se më 3 janar 2023, në ora 4:10, në afërsi të lokalit të tij “Kobra City”, në magjistralen Prizren-Zhur, me dashje ka privuar nga jeta V.C, duke vënë në rrezik edhe jetën e të dëmtuarve R.T (Sh) dhe A.B.

    Deri të rasti, sipas aktakuzës së Prokurorisë kishte ardhur pasi të dëmtuarit nuk ishin pajtuar me faturën e lartë në lokal, duke filluar kështu një zënkë me punëtorët e lokalit.

    Vërejtje:
    Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.

  • Policia shpall në kërkim Arbër Havollin, të dyshuar për vrasjen në Podujevë

    Policia shpall në kërkim Arbër Havollin, të dyshuar për vrasjen në Podujevë

    Policia e Kosovës ka shpallur në kërkim Arbër Havollin, i dyshuar për vrasjen e ndodhur të shtunën mbrëma në fshatin Llapashticë të Epërme, Podujevë.

    Viktimë e rastit ishte 44-vjeçari Bashkim Spahiu nga fshati Gllamnik.

    Në njoftim thuhet se Njësiti i Hetimeve të Përgjithshme i Drejtorisë Rajonale të Policisë në Prishtinë, me autorizim të prokurorisë kompetente, kërkon ndihmën e qytetarëve për të siguruar informata që do të çonin në arrestimin e personit të dyshuar për këtë vrasje.

  • Ferit Idrizi fton kundërkandidatët për kafe para nisjes së fushatës në Vushtri

    Ferit Idrizi fton kundërkandidatët për kafe para nisjes së fushatës në Vushtri

    Një takim miqësor pritet të mbahet në Vushtrri para nisjes së fushatës zgjedhore, ku kryetari aktual, Ferit Idrizi, ka ftuar kundërkandidatët e tij për një kafe.

    Prof. Mensut Ademi, kandidat i AAK-së për kryetar të Vushtrrisë, ka pranuar me kënaqësi këtë ftesë, duke e vlerësuar lart iniciativën e Idrizit. Ai ka theksuar se mbi politikën qëndrojnë qytetaria, respekti dhe gara e ndershme – vlera që e veçojnë dhe kultivohen në Vushtrri.

    Sipas Ademit, fushatat kalojnë, por vlerat, respekti dhe mirëqenia e qytetarëve mbeten. Ai ka shtuar se ky është mesazhi që duan të përcjellin të gjithë kandidatët së bashku: zgjedhje paqësore, demokratike dhe me kulturë qytetare.

    Në 26-vjetorin e Policisë, Ferit Idrizi u ndan mirënjohje dy zyrtareve policore për bashkëpunimin e vazhdueshëm me Komunën
    Plani i Uran Ismailit për zgjidhjen e problemit me mbeturinat: 60 kamionë të rinj dhe 2 mijë e 100 kontejnerë…
    “Le të dëshmojmë se politika mund të bëhet me kulturë, respekt dhe bashkëpunim, sepse vetëm kështu ndërtojmë një Vushtrri më të mirë për të gjithë,” është shprehur Ademi./ATVLIVE/

  • Punëtorët teknikë të sektorit privat protestojnë për rritje pagash, kërkojnë barazi me sektorin publik

    Punëtorët teknikë të sektorit privat protestojnë për rritje pagash, kërkojnë barazi me sektorin publik

    Punëtorët teknikë të sektorit privat në Prishtinë po protestojnë, duke kërkuar rritje të pagave.

    Protesta e organizuar nga Federata Sindikale e Punëtorëve Teknikë të Sektorit Privat të Kosovës po mbahet para administratës qendrore të Qendrës Klinike Universitare të Kosovës.

    Kryetari i Sindikatës së Sektorit Privat, Jusuf Azemi, tha se protesta janë duke u mbajtur në mbi 20 komuna në të gjithë Kosovën.

    “Kërkojnë që paga e tyre të jenë e lartë sa paga e punëtorëve teknikë që paguhen nga sektori publik”, tha Azemi.

  • Arrestohet shtetasi i Serbisë në Kamenicë, futi ilegalisht mall në vlerë të rreth 10 mijë eurove

    Arrestohet shtetasi i Serbisë në Kamenicë, futi ilegalisht mall në vlerë të rreth 10 mijë eurove

    Një shtetas i Serbisë është arrestuar në Kamenicë nën dyshimet se I njëjti ka futur ilegalisht mall në Kosovë.

    Vlera e mallit llogaritet të jetë rreth 10 mijë euro.

    “Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale”

    “I dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor”, thuhet në raportin e policisë së Kosovës.