Eksperti i sigurisë, Nuredin Ibishi, tha në emisionin “Compass” në ATV, se njëri ndër skenarët e Serbisë për të futur dronë në Kosovë, është duke anagzhuar civilët.
“Po supozoj, nuk dua të spekulojë, që këta mund të jenë dronë që i përdorin autoritetet pra, janë dronë të cilët ata i fusin në sistem dhe marin imazhe, sidomos kur ta bëjë me infrastrukturën kritike”, tha ai.
Ndiqni emisionin:
Misioni i NATO-s në Kosovë, KFOR, ka thënë se nuk ka identifikuar asnjë dron nga Serbia të ketë kaluar në hapësirën ajrore të Kosovës.
“Ne nuk kemi identifikuar shkelje përmes dronëve që mund ta cenojnë sigurinë në Kosovë. Komandanti i KFOR-it ka autoritet mbi hapësirën ajrore të Kosovës, në përputhje me Rezolutën 1244 të Këshillit të Sigurimit të Kombeve të Bashkuara të vitit 1999, prandaj KFOR-i monitoron rregullisht hapësirën ajrore të Kosovës, përmes të gjitha mjeteve dhe kapaciteteve që ka në dispozicion,” tha KFOR-i.
Por, këtë temë e përmendën paraprakisht edhe drejtori i policisë, edhe ministri në dorëheqje i Punëve të Brendshme.
Gazmend Hoxha madje u deklarua vetëm disa orë, para njoftimit të KFOR-it.
“Kohën e fundit kemi pasur fluturime të dronëve që ne po dyshojmë që po vijnë nga territori i Serbisë në pjesën veriore të Kosovës. Policia është në kontakt me KFOR, jemi duke bërë monitorimin dhe me pa se çfarë mund të bëhet,”tha Hoxha.
Sipas Hoxhës, kjo situatë është e rrezikshme për zonën kufitare.
“Është e rrezikshme për pjesën e kufirit po, por për qytetarët tanë jo, ne jemi duke i mbrojtur po ashtu. Ndërsa hapësira ajrore është përgjegjësi e KFOR. Ne e kemi njoftuar KFOR-in dhe partnerët tanë, KFOR është përgjegjësi e tyre, janë duke punuar për këtë drejtim,” deklaroi Hoxha.
Ndërkaq dy ditë më parë, edhe ministri në dorëheqje, Xhelel Sveçla, deklaroi se kohëve të fundit ka lëvizje të paautorizuar përmes dronëve nga Serbia.
Në Kosovë, KFOR-i është përgjegjës për hapësirën e lartë ajrore.
Për më shumë detaje, klikoni videon më poshtë!
Të hënën e 15 shtatorit, një 40 vjeçar vdiq pasi u vra nga kushëriri i tij në Ferizaj.
Ky rast, shënon vrasjen e 14 në Kosovë që nga janari e deri tash.
Në ndërkohë sipas të dhënave të policisë, në periudhën janar 2015 – shtator 2025, 276 qytetarë janë vrarë nga armët.
Shumica prej këtyre vrasjeve sipas autoriteteve, thuhet të kenë ndodhur nga armë ilegale që qytetarët kanë në pronësi.
Megjithatë brenda këtij viti, policia ua ka marrë nga duar qytetarëve plot 1,039 armë ilegale.
Drejtori i përgjithshëm i policisë Gazemnd Hoxha, u bëri thirrje qytetarëve që t’i dorëzojnë apo legalizojnë armët.
‘’Shumë jetë janë humbur për shkak të armëve ilegale. Andaj ju bëjmë thirrje qytetarëve që të qëndrojnë larg armëve ilegale/ ata që janë pasionant të armëve MPB-ja ka rregulluar kuadrin ligjor dhe mund të aplikojnë për licencim’’, tha Hoxha.
Megjithatë juristët vlerësojnë se vetëm thirrjet nuk mjaftojnë.
Sipas Flamur Kabashit nga Insitituti i Kosovës për Drejtësi duhet më shumë angazhim nga policia për t’i çarmatosur qytetarët.
‘’Fakti që kemi raste të shumta të vrasjeve apo tentim vrasjeve është një indikator që duhet të ketë kontrolle më të rrepta nga ana e policisë, aksione, plane operative për kontrollimin e qytetarëve’’, tha Kabashi.
Sipas Kabashit, edhe gjykatat janë fajtore pasi shqiptojnë dënime të lehta për ata qytetarë që mbajnë armë pa leje.
‘’Nga 147 vendime të gjykatës që i kemi analizuar, në 128 vendime është shqiptuar dënimi me gjobë, në 18 dënimi me kusht dhe në vetëm 1 rast është shqiptuar dënimi me burgim edhe pse kjo si vepër penale e parasheh dënimin deri në 5 vjet burg’’, tha Kabashi.
Viti më i përgjakshëm ishte 2018-ta, ku 34 jetë u shuan nga armët.
Veli Ademi, afarist në qytetin e Shtimës, ankohet se tash e 5 vjet pas çdo reshje atmosferike bodrumi i lokalit mbushët me ujëra të zeza dhe kundërmim të pakëndshëm.
Kjo ndodh si pasojë e disa problemeve me rrjedhjen e kanalizimit në rrugën “Komandant Kumanova”. Ai thotë se kjo po i shkakton dëme ekonomike, transmeton ATV.
“Prej vitit 2020 kemi probleme me kanalizimin. Kur ka reshje atmosferike, bodrumi na mbushet plot me ujë. Gjatë natës ndjehet një erë e pakëndshme, që vjen nga kanalizimi. Në biznes klientët vijnë të për një kafe, thonë veli çka është kjo ere kështu un nuk mundem me qëndru këtu’’, tha Ademi.
Ademi thotë se problemin e ka adresuar në Komunë, por thotë se nuk është marr parasysh, transmeton ATV.
“Ne kemi bërë kërkesë me shkrim në Kuvendin Komunal në maj të vitit 2024, drejtorit të urbanizmit, drejtorit të shërbimeve publike dhe drejtorisë së zhvillimeve ekonomike. Kam biseduar edhe drejtpërdrejt me kryetarin në zyrë hapur, kemi diskutuar shumë herë, por nuk janë marrë masa, tha Ademi.
Por nënkryetari i komunës së Shtimes, Faruk Beqa, thotë se ky problem do të sanohet pjesërisht brenda pak ditëve, transmeton ATV.
“Unë veç tash i kam marrë hapat e parë. Kam thirrur disa prej pronarëve të tokave ku kalon kanalizimi, për të zgjidhur problemin afatshkurtër. Brenda 3-4 ditëve do të zgjidhet ky problem. Ndërsa për zgjidhjen më të gjerë, kemi plan buxhetor për vitin e ardhshëm një shumë të caktuar për të rivitalizuar gjithë sistemin në një gjatësi prej 500 metrash, tha Beqa.
Me të njëjtin problem përballen edhe banorët e tjerë në këtë pjesë por ata nuk pranuan të flasin para kamerës.
Me vendim të kryetarit të Prishtinës, nga 1 tetori disa kategori të qytetarëve do ta kenë transportin urban falas.
Biletë nuk do të paguajnë stafi shëndetësor, arsimor, administrata e kryeqytetit si dhe nxënësit e studentët.
Identifikimi i këtyre kategorive, sipas zëdhënësit të Komunës së Prishtinës do të bëhet përmes kuletës digjitale.
“Eshtë mëndu që kuleta digjitale si platformë që ka fillu ma herët zbatimin të jetë një urë lidhëse mes udhëtarit dhe transportit dhe ata udhëtar 40 % e konsumatorëve të mëhershme e kane kuletën digjitale dhe përmes kësaj do ta identifikojmë moshën dhe të dhënat e tjera që na duhen” shtoi Pellumb Bajqinovci
Vendimi i cili nuk kaloi përmes kuvendit komunal, sipas Mentor Buzhalës, gazetar i politikave lokale është i jashtëligjshëm.
“Vendimi i fundit i kryetarit Rama për lirimin nga pagesa të disa kategorive është i jashtë ligjshëm për shkak se ka thënë ka hy në fuqi menjëherë këtë vendim e ka marrë dje ndërsa sot e ka dergu ne komitetin për politik dhe financa të miratohet” ttha për ATV-në
Kritika e Buzhalës për Komunën nuk qëndron. Marrja e vendimit thonë se u bë në koordinim me zyrën ligjore.
“1.12 Ky vendim është i ligjshëm ka ardhë prej zyrës ligjore në bashkëpunim me kryetarin Rama ata i kanë përcjellë dhe i kanë pa të gjitha dispozitat që na lejohet për vendimin e tillë” deklaroi ai
Komuna e Prishtinës e ka marrë përsipër kompensimin e pagesës për të gjitha këto kategori.
Kandidati për kryetar të Prishtinës nga radhët e partisë “Alternativa”, Mërkur Beqiri ka bërë një gjest simbolik në lagjet Qëndresa dhe Veternik, ku bashkë me banorët mbolli një fidan në vend të një deponie ilegale. Ky veprim, sipas tij, përfaqëson mënyrën e qeverisjes që ai synon të sjell me fokus në mjedis të pastër.
Në Pejë, kandidati për kryetar komune, Reshat Nurboja, ka premtuar heqjen e menjëhershme të takës komunale për tokën e varrit, një masë që ai e cilëson si të padrejtë dhe të panevojshme.
Në Mitrovicën e Jugut, kandidati i Alternativës, Shkumbin Hasani, ka prezantuar një program gjithëpërfshirës që synon transformimin e qytetit në disa fusha kyçe: mjedis, kulturë dhe sport, edukim punësimi i të rinjve dhe kujdesi për të moshuarit.
Në Mitrovicën e Veriut, Fetije Piriqi, kandidate e Alternativës për kryetare komune premton investime në arsim cilësor, shëndetësi të përmirësuar, infrastrukturë moderne, zhvillim ekonomik dhe siguri publike, sidomos në shkolla dhe rrugë.
Kandidati i Aleancës për Ardhmërinë e Kosovës për komunën e Prishtinës, Bekë Berisha, vazhdoi fushatën e tij “Beka e Bon”
Ai të premten, promovoi shtatë prioritetet që ka nëse zgjidhet kryetar i Prishtinës.
Po ashtu, Bekë Berisha, zhvilloi takim edhe me biznese, duke iu premtuar mbështetje konkrete.
Edhe kandidati i AAK-së për Pejën, Ali Berisha, insiston se programi i tij është më i miri për komunën.
Kandidati i Partisw pwr Prizrenin, Besnik Krasniqi, promovoi njw kandidate pwr asamble.
Ndërsa, Bali Muharremaj që mëton swrish Suharekën, publikoi video nga punimet në terren.
Në terren doli, edhe Smajl Latifi që përsëri kandidion për Rahovecin.
Ai takoi biznese lokale, duke iu premtuar mbështetje.
Në terren me punëtorë, doli edhe kryetari aktual që rikandidon për Deçanin, Bashkim Ramosaj. Ai vetëm uroj mëngjes të mirë.
Kandidati i Lidhjes Demokratike të Kosovës, për kryetar të komunës së Prishtinës, Përparim Rama, garantoi funksionalizimin e biblotekës së parë të fëmijëve, në kryeqytet.
Të premten, kryetari aktual zhvilloi takim edhe arkitektë. Ndërkohë, ai njoftoi edhe për platformën ku paraqet nivelin e përfundimit të punëve në komunën e Prishtinës. Kjo thotë se është “përtej gazetave”.
Gjatë ditës, Gazmend Muhaxhiri i LDK-së, i cili kandidon për mandatin e 4-të në krye të komunës promovoi hapjen e një ure të re në Pejë.
Arbër Ismajli që garon për postin e kryetarit të Gjilanit, takoi biznese gjatë ditës. Ai premtoi angazhim për zhvillim dhe punësim.
Edhe kandidati i LDK-së për Gjakovën, Shefqet Shehu, takoi bizneset ku ndër të tjera tha: “Ne i çmojmë vlerat tona – ne do t’i fuqizojmë vlerat tona”.
Ditën e 14-të të fushatës, Driton Selmanaj që kërkon votë për kryetar të Prizrenit, e kaloi me pensionistë dhe invalidë të punës.
Kujdes për pensionistët e mbështetje për bizneset premtoi edhe kandidati i LDK-së në Mitrovicën e Veriut, Gëzim Plakolli.
Kandidati për kryetar të Prishtinës, nga radhët e Lëvizjes Vetëvendosje, Hajrulla Çeku premtoi projekte konkrete për lagjet, si rikthimin në funksion të shkollës së braktisur në Kolovicë, ndriçim publik LED, vendosjen e kamerave të sigurisë dhe rregullimin e infrastrukturës rrugore me trotuare e shenja komunikacioni.
Në Gjakovë, kandidati Ardian Gola tha se prioritet i tij do të jetë ndërtimi i sistemit të ujitjes për fermerët, në mënyrë që prodhimi bujqësor të rritet.
Në Gjilan, kryetari aktual Alban Hyseni theksoi se gjatë mandatit të parë ka investuar mbi 3.4 milionë euro në bujqësi dhe kërkon mandat të dytë për një Gjilan të zhvilluar dhe gjithëpërfshirës.
Në Fushë Kosovë, Valon Prebreza vizitoi fermerët në Lismir, duke premtuar mbështetje për prodhuesit lokalë.
Faton Peci, kandidat në Mitrovicë, premtoi mbështetje për sportin përmes infrastrukturës dhe subvencioneve, si dhe lehtësira për bizneset e vogla.
Në Podujevë, kryetari aktual Shpejtim Bulliqi prezantoi projektin e sallës së re të sporteve në Gllamnik.
Në Suharekë, Hamdi Bytyçi tha se prioritet do të jetë zhvillimi ekonomik dhe hapja e vendeve të reja të punës.
Në Ferizaj, Enver Haliti premtoi ndërtimin e stadiumit modern me kosto mbi 17 milionë euro, që do të përmbushë standardet ndërkombëtare.
Në Vushtrri, kandidati Sylejman Meholli u zotua për fuqizim të bashkëpunimit me Kryqin e Kuq dhe për investime në edukimin shëndetësor të popullatës.
Ndërsa në Malishevë, Valon Hoti tha se barazia gjinore do të jetë standard i qeverisjes së tij, duke garantuar që 50% e pozitave udhëheqëse komunale t’u takojnë grave.
Në kuadër të fushatës për zgjedhjet lokale të 12 tetorit, Xhevahire Izmaku, kandidate për kryetare të Komunës së Vushtrrisë nga Nisma SocialDemokrate, vizitoi familjen e Nazmi Januzit, ku prezantoi kandidaten për Asamblenë Komunale, Vjollca Januzi.
“Vjollca është e gatshme të jetë zëri i qytetarëve të Vushtrrisë,” tha Izmaku gjatë takimit me banorët.
Në Prizren, kandidatja për kryetare të Komunës, Albulena Balaj-Halimaj, prezantoi një nga pikat kryesore të programit të saj: Angazhimin e mësimdhënësve nga diaspora gjatë pushimeve verore dhe dimërore.
Kurse, Kryetari aktual i Malishevës dhe kandidat për një mandat të ri, Ekrem Kastrati gjatë një tubimi në fshatin Marali, një nga bastionet e Nismës SocialDemokrate, Kastrati falenderoi përkrahjen e banorëve dhe theksoi se fitorja në zgjedhjet e 12 tetorit do të jetë e madhe. Ai u bëri thirrje qytetarëve të votojnë numrin 186 për të siguruar vazhdimësinë dhe zhvillimin e komunës.
Kastrati, po ashtu gjatë ditës mori pjesë në shënimin e 27-vjetorit të Masakrës së Gullubovcit. Ai theksoi se sakrifica e tyre është themeli i lirisë që gëzojnë sot qytetarët.