Category: Lajme

Një mbikëqyrës i një ndërtese në New York u përball me një grabitës që po mundohej të vidhte një pako, para se ai të gjendej me një dëmtim në kokë dhe të vdiste, thanë burime të NYPD.

Policët gjetën mbikëqyrësin, i identifikuar si Burim Havolli, 41 vjeç, në 1199 Ocean Ave., në Flatbush, Brooklyn, kur një telefonues raportoi rastin në policinë njujorkeze.

Havolli kishte pësuar trauma të rënda në kokë. Ai u dërgua me urgjencë në Spitalin Kings County, ku më vonë ndërroi jetë.

Blerim Havolli, vëllai i viktimës, ishte në lot ndërsa fliste për mënyrën se si të dy e mbijetuan luftën e Kosovës në vitin 1999 dhe arratisën në Amerikë për një jetë më të mirë.

“Ai e donte këtë vend. Ky vend na ka ndihmuar shumë”, tha Blerim Havolli. “Nuk ka fjalë që mund ta përshkruajnë. Kjo është e trishtë. Ai la pas tre [fëmijë] dhe ishte vetëm 41 vjeç”, tha kushëriri Petrit Havolli.

Vëllai tha se familja po e përjeton rëndë vdekjen e 41-vjeçarit.

Nuk është e lehtë të rrisësh tre fëmijë… 2 vjeç dhe djali vazhdon të pyesë çfarë po ndodh, pse ka kaq shumë njerëz këtu. ‘Ku është babai im? Thirrni atë, thirrni atë’”, shtoi Blerim Havolli.

“[Ai ishte] shumë i kujdesshëm, gjithmonë aty për të gjithë qiramarrësit e tij, shumë punëtor”, tha banorja Alexis Potter.

Një qiramarrës tjetër foli shumë mirë për Burim Havollin dhe për CBS News New York tha se vjedhja e pakove është një problem në ndërtesë, duke shtuar se ka edhe një tabelë që paralajmëron njerëzit për këtë.

“Ai ishte personi kryesor ku të drejtoheshit. Nëse diçka nuk funksiononte, e thirrje atë. Ai ishte thjesht shumë i mirë dhe i kujdesshëm”, tha qiramarrësi Alexis Charles.

“Ai ishte jashtëzakonisht profesional. Çdo gjë që duhej bërë, ai e bënte”, tha Jeff Fisher.

“Ky është një problem i vazhdueshëm në këtë ndërtesë, kështu që për këtë të ndodhë, në këtë mënyrë, është vërtet një tragjedi. Kam parë një rritje të krimit, njerëz që vjedhin pako, njerëz [të guximshëm] dhe nuk u intereson”, tha Gail Seton, pronarja e ndërtesës ngjitur.

“Ai vdiq duke mbrojtur ndërtesën, duke mbrojtur pakot e qiramarrësve”, tha Blerim Havolli.

Johnny Garcia punoi në ndërtesë krahas Burim Havollit për 17 vjet dhe tha se e konsideronte si vëlla.

“Ne ishim bashkë çdo ditë. Nuk ka fjalë për këtë që ndodhi”, tha Garcia.

Familja e viktimës ka njoftuar se varrimi i të ndjerit do të bëhet në Kosovë, vendin e tij të lindjes.

Policia e Kosovës ka njoftuar se mëngjesin e djeshëm, një grua është gjetur pa shenja jete në një shtëpi në Prizren.

Në raportin 24-orësh thuhet se vdekjen e saj e ka konstatuar ekipi mjekësor që ka dalë në vend të ngjarjes.

“Prizren / 13.11.2025-08:00. Viktima femër kosovare është gjetur pa shenja jete në një shtëpi. Njësitë policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës”, thuhet në njoftim.

Ndërkaq, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

Rasti është cilësuar si “Hetim i vdekjes”.

Raundi i dytë i zgjedhjeve lokale nuk ka kaluar pa pakënaqësi jo vetëm për rezultatet, por edhe për mënyrën si u zhvillua procesi.
Ndër zërat kritikë ishte ministri në detyrë i Punëve të Brendshme, Xhelal Sveçla, i cili gjatë ditës së votimit u sigurua të posedojë prova për ankesa të mundshme.

Lëvizja Vetëvendosje pretendoi se LDK kishte thyer heshtjen zgjedhore më 9 nëntor, mirëpo ky pretendim u refuzua si i pabazuar nga Paneli Zgjedhor për Ankesa dhe Parashtresa.
Siç thuhet në vendimin e PZAP-së:

“Paneli ka vlerësuar se nga provat e ofruara si dëshmi shihet se fotografimi është bërë jashtë rrethojave te vendvotimit respektivisht jashtë objektit te shkollës fillore “Faik Konica” pra videoja është bere ne rruge, e cila është shume e frekuentuar, si njëra nga rrugët kryesore te kryeqytetit, andaj kalimi i andej pari i aktivistit te LDK -se nuk vërtetohet se ka kryer aktivitet zgjedhor gjate ditës se zgjedhjeve gjegjësisht nuk ka thyer heshtjen zgjedhore”.

PZAP ka pranuar gjithsej 71 ankesa nga individë dhe subjekte politike të ndryshme.
Ndër to, e vetmja që u vlerësua si e bazuar ishte ajo e PDK-së në Mitrovicën e Jugut, pasi kandidati Faton Peci mbajti tubim një ditë para zgjedhjeve, në një hapësirë që të nesërmen do të shërbente si qendër votimi.
Për këtë rast, Lëvizja Vetëvendosje është gjobitur me 2,500 euro.

Në vendimin e PZAP-së thuhet:

“Më datë 08.11.2025, në oborrin e shkollës në fshatin Bajgorë, e cila është caktuar të shërbejë si qendër votimi për datën 09.11.2025, është zhvilluar një tubim elektoral nga kandidati për kryetar të Komunës së Mitrovicës, Faton Peci. Gjatë këtij aktiviteti politik, kandidati dhe përfaqësues të tjerë të subjektit Lëvizja Vetëvendosje (LVV) kanë vendosur një tendë në hapësirat e shkollës, kanë mbajtur fjalime dhe kanë zhvilluar aktivitete elektorale pa marrë paraprakisht leje nga Komisioni Komunal Zgjedhor (KKZ) dhe pa miratimin e drejtorit të shkollës, siç parashihet me ligj”.

Shumica e ankesave tjera u vlerësuan si të pabazuara ose të pasafatshme, ndërsa palët kanë të drejtë ankese edhe në Gjykatën Supreme.
Aktualisht, e vetmja ankesë që ende po shqyrtohet nga PZAP është ajo e PDK-së, e cila pretendon se ka pasur manipulim me vota për kryetar të Mitrovicës së Jugut dhe kërkon rivotim.

BBC i ka kërkuar falje Donald Trump për montazhin e një dokumentari të Panorama që çoi në dorëheqjen e drejtorit të përgjithshëm, Tim Davie, dhe shefes së BBC News, Deborah Turness.

Megjithatë, korporata ka hedhur poshtë kërkesat e tij për kompensim, pasi avokatët e Trump kërcënuan të ngrenë padi për 1 miliard dollarë (759 milionë paund) dëmshpërblim nëse BBC nuk lëshonte një tërheqje, nuk kërkonte falje dhe nuk zgjidhte çështjen me të.

BBC gjithashtu ka rënë dakord të mos e transmetojë më edicionin e Panorama, shkruan The Guardian.

“Avokatët e BBC-së i kanë shkruar ekipit ligjor të Presidentit Trump në përgjigje të një letre të marrë të dielën”, tha një zëdhënës i BBC-së.

“Kryetari i BBC-së, Samir Shah, i ka dërguar veçmas një letër personale Shtëpisë së Bardhë, duke i bërë të qartë Presidentit Trump se ai dhe korporata kërkojnë falje për redaktimin e fjalimit të presidentit më 6 janar 2021, i cili u shfaq në program.

“BBC nuk ka plane për të ritransmetuar dokumentarin Trump: Një shans i dytë? në asnjë platformë të BBC-së. Ndërsa BBC shpreh keqardhje të sinqertë për mënyrën se si është montuar videoklipi, ne nuk jemi dakord fuqimisht nëse ka bazë për një pretendim për shpifje”.

BBC ka qenë duke shqyrtuar se si t’i përgjigjet kërcënimit ligjor që nga reagimi i zemëruar i Trump ndaj redaktimit të programit.

Megjithatë, mendohet se edhe BBC-së i është thënë se ka një argument të fortë ligjor. Mbetet të shihet se si do të përgjigjet Trump tani.

Rusia ka ndërmarrë një sulm të fuqishëm ndaj kryeqytetit ukrainas mëngjesin e kësaj të premte, duke shkaktuar zjarre dhe dëme të konsiderueshme infrastrukturore. Lajmi është bërë i ditur nga kryebashkiaku Vitali Klitschko, i cili njoftoi se të paktën 11 persona kanë mbetur të plagosur, ndërsa pesë prej tyre janë dërguar në spital për trajtim mjekësor.

Shpërthime të shumta janë dëgjuar në gjithë qytetin, ndërsa sistemet e mbrojtjes ajrore janë aktivizuar për të ndalur valën e dronëve dhe raketave. Autoritetet u kanë bërë thirrje banorëve të qëndrojnë në strehimore deri në heqjen e alarmit të sulmit ajror, duke paralajmëruar se ndërprerjet e mundshme të ujit dhe energjisë elektrike mund të prekin disa zona.

Kreu i administratës ushtarake të Kievit, Tymur Tkachenko, deklaroi në Telegram se “rusët po godasin ndërtesa banimi” dhe se dëme të shumta janë raportuar pothuajse në çdo lagje të qytetit. Sipas tij, sulmi përfshiu si dronë, ashtu edhe raketa, ndërsa ekipet e shpëtimit po punojnë në shumë nga zonat e prekura.

Dëme janë regjistruar edhe në rajonin e Kievit, ku sulmet ruse goditën infrastrukturën kritike dhe disa shtëpi private. Kreu rajonal, Mykola Kalashnyk, raportoi se një burrë 55-vjeçar në Bila Tserkva ka pësuar djegie të rënda dhe është shtruar në spital, ndërsa zjarre shpërthyen në disa banesa të periferisë.

Sulmet ndodhën në një kohë kur zyrtarët e Bashkimit Evropian rikujtojnë nevojën për reforma të mëtejshme kundër korrupsionit në Ukrainë, pas një skandali të gjerë që ka përfshirë zyrtarë të lartë të energjisë bërthamore. Megjithatë, BE-ja ka siguruar se mbështetja për Kievin do të vazhdojë, ndërsa vendi përpiqet të përballojë agresionin rus.

Kompania për Distribuimin e Energjisë Elektrike në Kosovë (KEDS) ka njoftuar se të premten, më 14.11.2025, do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtina

Punime të domosdoshme për siguri të sistemit

1.

Nga TS 35/10kV Mazgit do të ndërprehet:

LP 35kV Koliq (H04) pa tension mbesin daljet 35kV – bizneset Koliq prej orës 10:00-10:30 dhe nga ora 15:15-15:45.

Vendet: Europlast me kod 10016001001,dhe Apolonia me kod 10016001002

Arsyeja: Pastrim i trasesë.

2.

Në TS 35/10kV Fushë Kosova do të ndërprehet

TS 10/04kV Nakarad Kulla (kodi: 15100006054) nga ora 10:00 deri 11:00.

Vendet: Nakarada, një pjesë.

Arsyeja: Montim i njehsorit dhe transformatorëve matës rrymor.

3.

Nga NS 220/35/10[kV] Podujevë do të ndërprehet:

NS 10/0.4kV TS Bajqinë Shkolla (kodi:14000014148) nga ora 10:30 deri 13:30

Vendet: Bajqinë shkolla (724.Vlora ).

Arsyeja: Ndërprerje për siguri, demontimi i shtyllave 04kV.

4.

Në NS 110/10/20 kV Prishtina 2

Nga Dalja 10 kV Normalja të ndërprehet Ts-i:

TS 10/04kV TS Normalja-Gjin Gazulli 1 (kodi: 11000081045) nga ora 10:00 deri 15:30.

Vendet: Pjese te rr “Shpëtim Robaj”, AUK-u dhe Shkolla e Mesme “Gjin Gazulli”.

Arsyeja: Energjizimi i kabllove të daljes në rrjetin e ri.

* * *

Punime në projekte investive

1.

Nga NS 35/10[kV] Fushë Kosova II do të ndërprehet:

Dalja 10kV J14 Bardhi i Madhë (kodi: 15100018) nga ora 09:00 deri 18:00.

Vendet: Lagjja 28, pjesa e Fushë-Kosovës pas Hekurudhës, Kuzmini dhe Bardhi e Madh.

Arsyeja: Projekte investive. Demontimi i rrjetit të vjetër.

Peja

Punime të domosdoshme për siguri të sistemit

1.

Nga TS 110/35/10[kV] Peja 1 – Në (LP 10kV J12 Fusha e Pejes) do të ndërprehet:

Stabilimenti degëzimi Naklla dhe pa tension mbesin këto Ts – one nga ora 08:00 deri 13:00 :

1.TS 10/04kV BOOST BOOST BERRIESSH.P.K Besnik Dugagjin Lila (kodi: 50000009011)

2.TS 10/04kV Qunguri (kodi: 50000009017)

3.TS 10/04kV Elsa (kodi: 50000009018)

4.TS 10/04kV Daci (kodi: 50000009019)

5.TS 10/04kV Naklla II (kodi: 50000009020)

6.TS 10/04kV Naklla III (kodi: 50000009021)

7.TS 10/04kV Naklla K (kodi: 50000009022)

8.TS 10/04kV Nabërgjan Dreshajt (kodi: 50000009023)

9.TS 10/04kV Nabërgjan Bërbatë(kodi: 50000009024)

10.TS 10/04kV Nabërgjan Vorret (kodi: 50000009025)

11.TS 10/04kV Nabërgjan Ullukt (kodi: 50000009026)

12.TS 10/04kV Nabërgjan Kuqtë(kodi: 50000009027)

13.TS 10/04kV Nabërgjan Husajt(kodi: 50000009028)

14.TS 10/04kV Lluga të Drinit (kodi: 50000009029)

15.TS 10/04kV Llabjan I (kodi: 50000009030)

16.TS 10/04kV Llabjan II (kodi: 50000009031)

17.TS 10/04kV Nabërgjan Mekaj (kodi: 50000009033)

18.TS 10/04kV Lagj. Kastrati,Nikqi,Bërbati (kodi: 50000009034)

Vendet: Naklla, Nabërgjan, Lluga dhe Llabjani.

Arsyeja: Ndërprerje për siguri, bartje në shtylla të reja.

2.

Nga TS 110/35/10[kV] Peja 1 do të ndërprehet:

Dalja 10[kV] Radavci (kodi: 50000004) ) nga ora 10:00 deri 16:00.

Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe. dhe BRRE-Hidrocentrali Radavci.

Arsyeja: Ndërprerje për siguri, ndërrimi i përçuesit në një pjesë të largpërçuesit.

Vërejtje! Dalja ka BRRE

* * *

Punime në projekte investive

1.

Nga NS 110/10kV Deçani do të ndërprehet:

Dalja 10kV J29 Barani (kodi: 53000002) nga ora 09:30 deri 17:00

Vendet: Berani, Prapaqani, Berliqi, Krushevci i ri, Rashiqi, Gjocajt, Turjaka e Ulet, Vranoci i Madh, Vranoci i Vogel, Barani i Ulet, Qallapeku, Kusoriqi, Llugagjitë dhe Buqani.

Arsyeja: Projekt investiv, zhvendosja e shtyllave, bartja e përçuesit në shtylla të reja së bashku me punët përcjellëse, si dhe inspektimi i linjës.

Ferizaj

Punime të domosdoshme për siguri të sistemit

1.

Nga NS 35/10 kV Ferizaj III do të ndërprehet:

LP 35 kV Ferizaj II (H06) pa tension mbeten këta LP : nga ora 11:00 deri 14:00

LP 10kV J19 Kosova Petroll me kod:40041003

LP 10kV J21 Fabrika e Gypave 2 me kod:40041008

LP 10kV J20 Fabrika e Gypave 3 me kod:40041009

LP 10kV J22 Fabrika e Gypave 4 me kod:40041010

LP 10kV Union invest SH.P.K. me kod:40041023

Vendet: Rrugët: Driton Islami (një pjesë), e Reçakut (një pjesë), Magjistralja Ferizaj-Prishtinë (një pjesë). Fshatrat: Muhoc, Prelez i Jerlive, Prelez i Muhaxherëve, Talinoc i Jerlive (një pjesë) dhe Talinoc i Muhaxherëve (një pjesë), Fabrika e Gypave 2,3,4 dhe Union Invest SHPK.

Arsyeja: Bartja e kabllove dhe energjizimi i tyre.

2.

Nga TS 35/10kV Ferizaj II do të ndërprehet:

Dalja 10kV J11 Kazerma (kodi: 40041020) nga ora 11:00 deri 14:00.

Vendet: TS Kazerma dhe TS Minexi.

Arsyeja: Bartja e kabllove dhe energjizimi i tyre.

3.

Nga TS 35/10kV Ferizaj II do të ndërprehet:

Dalja 10 kV J07 Fitorja (kodi: 40041007) nga ora 11:00 deri 14:00.

Vendet: TS Fitorja, Fabrika e Bukës dhe Elsam Company.Arsyeja: Bartja e kabllove dhe energjizimi i tyre.

4.

Nga TS 110/35/10kV Lipjan (H09) do të ndërprehet:

NS 35/10kV Shtime (H04) dhe pa tension mbesin të gjitha daljet 10kV prej orës 09:30 deri ne ora 12:00.

Vendet: rrugët: 12 Qershori, 14 Dhjetori, Adem Jashari (një pjesë), Afrim Musliu (një pjesë), Ahmet Kaçiku, Ahmet Shtimja (një pjesë), Anton Çetta, Arben Hyseni (një pjesë), e Prishtinës, e Tiranës, Imer Devetaku, Jetë Hasani, Komandant Kumanova, Lagja e Pajtimit, Milaim Beka, Ymer Prizreni (një pjesë), Rrethrrotullimi për Godanc, Shaqir Tërshana (një pjesë), Shefket Muhadini, Sheshi i Dëshmorëve, Sheshi i uçk-së (një pjesë), Shtime, Smajl Gorani, Sylejman Vokshi (një pjesë), Ymer Prizreni (një pjesë), 2 Korriku (një pjesë), Ahmet Shtimja (dhe sheshi), Imer Devetaku (një pjesë), Kompleksi Memorial Raçak, Qesta e Reçakut, Sheshi i UÇK (një pjesë), Skender Salihaj (një pjesë), 2 Korriku (një pjesë), Anton Çetta (një pjesë), e Tiranës, Milaim Beha, Ruzhdi Salihu (një pjesë), Skenderbeu, Sylejman Vokshi (një pjesë), Wiliam Walker, Ramadan Kumanova (një pjesë), Skender Salihaj (një pjesë), Parku Teknologjik (2 konsumatorë komercial) dhe Shtime; fshatrat: Mollopolc, Petrovë, Raçak dhe Shtime (një pjesë), Godanc i Poshtëm dhe Godanc i Ulët, Davidovc, Gjugjaj (Gjurkoc) (një pjesë), Gjurkoc, Rashincë, Vojnoc, Belincë, Caralevë, Greiçec (një pjesë), Karaçicë (një pjesë), Llanishtë (një pjesë), Pjetërshticë, Rancë (një pjesë), Topillë (një pjesë) dhe Zborc, Gllavicë, Koshare, Lagja e Salihajve (Poredime) (një pjesë) dhe Lubovci,

Arsyeja: Pastrim i trasesë-shtrëngim i përçuesve.

* **

Punime në projekte investive

1.

Nga TS 35/10kV Ferizaj II do të ndërprehet:

Dalja 10kV Kosovapetrolli J19 (kodi: 40041003) nga ora 10:00 deri 12:00.

Vendet: Ferizaj: rr.”G.Terbeshi”, Talinovci i Jerlive, Muhovci, Prelezi i Jerlive dhe i Muhaxherëve dhe bizniset private.

Arsyeja: Projekte investive. Demontimi i shtyllës ekzistuese, përmirësimi i vërejtjeve.

Gjakova

Punime të domosdoshme për siguri të sistemit

1.

Nga NS 110/10(20)[kV] Gjakova 2 do të ndërprehet:

Dalja 10[kV] J31 Bistazhini (kodi: 81000005) nga ora 10:30 deri 15:30

Vendet: fshatrat: Bistrazhin, Damjan (një pjesë), Dol, Fshaj (një pjesë), Gërqinë, Kusar, Kushavec (një pjesë), Lipovec, Marmull, Marash, Pjetërshan, Raç (një pjesë), Ramamat, Rrezinë dhe Smaq (një pjesë).

Arsyeja: Ndërprerje për siguri. Eliminimi i vërejtjeve të LP Bistazhini.

* * *

Punime në projekte investive

1.

Nga NS 35/10[kV] Gjakova I do të ndërprehet:

NS 10/04kV TS 29 (kodi: 80080051003) nga ora 09:00 deri 17:00

Vendet: Lek Dukagjini.

Arsyeja: Projekte investive. Kyçja e konsumatorëve ekzistues në rrjetin e ri.

Gjilan

Punime të domosdoshme për siguri të sistemit

1.

Nga TS 110/10 kV Gjilani 5 do të ndërprehet:

NS.10/04 kV TS Livoç i Epërm Shkolla (kodi: 63000011264) nga ora 09:00 deri 14:30.

Vendet: fshati Livoq te Shkolla.

Arsyeja: Shkarkimi i daljeve të tensionit të ulët.

Mbikëqyrësi i një pallati apartamentesh në Bruklin ka humbur jetën në mënyrë tragjike pasi u sulmua nga një person që po tentonte të vidhte pako në hollin e ndërtesës.

Sipas policisë, viktima e identifikuar nga familjarët si 41-vjeçari Burim Havolli, u gjet i plagosur rëndë në kokë. Ai u dërgua me urgjencë në Spitalin e Qarkut Kings, ku ndodhej në gjendje kritike dhe më pas ndërroi jetë si pasojë e lëndimeve, raporton NBC News NY.

Ndërkohë, familja e viktimës u trondit që i dashuri i tyre,i cili ishte i respektuar në ndërtesë dhe në lagje, u vra ndërsa bënte punën e tij.

Ngjarja ka ndodhur të mërkurën në mëngjes, pak pas orës 08:00, në një ndërtesë në Ocean Avenue, zona e Flatbush.

Policia njoftoi se një person është marrë në pyetje, por deri tani nuk janë ngritur akuza. Hetimet për zbardhjen e plotë të rrethanave të ngjarjes vazhdojnë.

Derisa për vdekjen e Havollit kanë njoftuar edhe familjarët e tij në rrjetet sociale. Ata kanë njoftuar se varrimi i Burim Havollit do të bëhet në Kosovë.

Dy zyrtarë policorë të Stacionit në Prizren janë suspenduar nga detyra, pasi dyshohet se ishin përfshirë në një mosmarrëveshje e cila erdhi si pasojë e një fjalosjeje gjatë orarit të punës.

Gazetari Nuhi Salihu, thotë se të dyshuarit janë përqeshur me njëri-tjetrin, derisa kanë përmendur edhe mustaqet.

Derisa detaje rreth rastit për pati dhënë zëdhënësi i Inspektoratit Policor të Kosovës, Arbër Beka.

“Hetuesit e IPK-së kanë filluar të ndërmarrin veprime fillestare hetimore lidhur me një incident të ndodhur në Prizren e ku ishin përfshirë dy zyrtarë policorë. Bazuar në veprimet hetimore dyshohet se zyrtarët policorë janë përfshirë në një mosmarrëveshje me njëri tjetrin që dyshohet të ketë ardhur pas një fjalosje gatë orarit të punës. Pas këtyre veprimeve, IPK i ka rekomanduar Policisë së Kosovës suspendimin nga detyra të dy zyrtarëve policorë të Stacionit Policor në Prizren”, kishte deklaruar Beka