ATV

Category: Lajme

  • “Nëse nuk e pranoni tani, do të jetë më keq”, ShBA-ja ushtron presion mbi Zelensky-n

    “Nëse nuk e pranoni tani, do të jetë më keq”, ShBA-ja ushtron presion mbi Zelensky-n

    Zyrtarët amerikanë kanë njoftuar aleatët e NATO-s se Uashingtoni synon të ushtrojë presion mbi presidentin ukrainas, Volodymyr Zelensky, për të pranuar një marrëveshje paqeje me Rusinë në ditët në vijim.

    Sipas Guardian, informacioni u dha gjatë një takimi të ambasadorëve të NATO-s në Kiev, të drejtuar nga Sekretari i Ushtrisë Amerikane, Dan Driscoll, pas bisedimeve me Zelensky-n dhe një telefonate me Shtëpinë e Bardhë.

    “Asnjë marrëveshje nuk është perfekte, por duhet të bëhet sa më shpejt të jetë e mundur”, tha Driscoll, ndërsa atmosfera në takim u përshkrua si e tensionuar, me diplomatë evropianë që shprehën dyshime për përmbajtjen dhe mënyrën e zhvillimit të negociatave pa informuar plotësisht aleatët.

    Driscoll e mbrojti këtë qasje:

    “Presidenti Trump dëshiron paqe tani. Sa më shumë njerëz të përfshihen, aq më e vështirë bëhet të ecet përpara me procesin., shkruan euronews.albania.

    Zyrtarët amerikanë paralajmëruan se nëse Kievi nuk e nënshkruan tani, marrëveshja mund të përkeqësohet në të ardhmen.

    Takimi i ardhshëm në Gjenevë

    Këshilltarët e sigurisë kombëtare nga vendet E3 pritet të takohen nesër në Gjenevë me zyrtarë nga Bashkimi Evropian, SHBA dhe Ukraina për të diskutuar planin e paqes të propozuar nga Uashingtoni.

    Çfarë përfshin marrëveshja?

    Drafti për Ukrainën përfshin kushte të vështira për Kievin, duke përfshirë:

    Lëshimin e territoreve tashmë të pushtuara nga Rusia dhe zonave shtesë nën kontroll ukrainas.

    Parashikimin e amnistisë për të gjitha krimet e luftës të kryera gjatë konfliktit.

    Presidenti Zelensky e përshkroi situatën si “një nga më të vështirat në historinë tonë”, duke theksuar se Ukraina po përballet me dilemë midis humbjes së dinjitetit të saj ose të një aleati kyç.

    Reagimet dhe shqetësimet e Evropës

    Njoftimi i SHBA-së habiti disa aleatë evropianë, të cilët nuk ishin informuar për përmbajtjen dhe procesin e negociatave. Shprehën shqetësime se Rusia mund të ketë pasur ndikim në hartimin e marrëveshjes, që po paraqitet ukrainasve si fakt i kryer.

    Drafti dhe kanalet diplomatike

    Drafti thuhet se është hartuar nga këshilltari i Trump, Steve Witkoff, dhe këshilltari i Kremlinit, Kirill Dmitriev, duke shërbyer si kanal komunikimi midis Uashingtonit dhe Moskës. Driscoll pritet të udhëtojë së shpejti në Rusi për bisedime.

    Presidenti rus, Vladimir Putin, tha se Moska kishte marrë një kopje të planit dhe e konsideroi atë si bazë për një zgjidhje përfundimtare paqësore.

    Mesazhi i Zelensky-t

    Zelensky nënvizoi se paqja e vërtetë bazohet gjithmonë në siguri dhe drejtësi të garantuar. Ai theksoi:

    “Përfaqësuesit tanë e dinë se si t’i mbrojnë interesat kombëtare dhe çfarë është e nevojshme për të parandaluar Rusinë të kryejë një pushtim të tretë.”

    Presidenti ukrainas njoftoi bisedime të vazhdueshme me partnerët ndërkombëtarë, të fokusuar tek hapat për t’i dhënë fund luftës dhe garantimin e sigurisë për vendin e tij.

  • Gjakovë, sot protestohet për Daorsa Spahinë: “Nuk ndalemi derisa të vendoset drejtësia”

    Gjakovë, sot protestohet për Daorsa Spahinë: “Nuk ndalemi derisa të vendoset drejtësia”

    Sot, në Gjakovë do të mbahet një protestë për kërkimin e drejtësisë për Daorsa Spahinën, 25-vjeçaren e cila humbi jetën tragjikisht në Tetovë më 6 nëntor.

    Organizatorët e protestës kanë njoftuar se ajo do të nisë në orën 12:00 dhe do të kërkojë veprim të menjëhershëm dhe të vendosur nga institucionet e Kosovës, si dhe drejtësi për Daorsën. Ata akuzojnë shtetin e Maqedonisë së Veriut për lënien e saj të pambrojtur dhe mosveprimin e institucioneve për të siguruar sigurinë e qytetarëve.

    “Daorsa u la e pambrojtur nga institucionet e Maqedonisë së Veriut. Shteti i Kosovës duhet të angazhohet dhe të veprojë me vendosmëri,” deklaruan organizatorët.

    Në një mesazh të fortë, ata shtuan se nee nuk ndalemi derisa të vendoset drejtësia.

    Protesta synon të rrisë ndërgjegjësimin dhe të bëjë presion për një hetim të thelluar dhe përgjegjësi për tragjedinë që goditi familjen dhe shoqërinë.

  • Bien temperaturat, ditën e sotme priten reshje shiu e bore

    Bien temperaturat, ditën e sotme priten reshje shiu e bore

    Ditën e sotme mbi vendin tonë parashihet të mbajë mot kryesisht i vranët, ndërsa herë pas here do të ketë edhe reshje lokale shiu dhe bore.

    Reshjet e borës pritet të shfaqen edhe në disa zona të ulëta, sidomos në pjesën veriore dhe verilindore të vendit, me gjasë duke përfshirë edhe Prishtinën.

    Era do të fryjë drejtimesh të ndryshme, me shpejtësi prej 10-36 km/h.

    Temperaturat do të pësojnë ulje të mëtejshme, me minimale që do të lëvizin prej -1 deri në 4°C, ndërsa ato maksimale prej 2 deri në 7°C.

  • (VIDEO) Aksident fatal në cirkun italian: Akrobati humb jetën pas një shfaqjeje të rrezikshme

    (VIDEO) Aksident fatal në cirkun italian: Akrobati humb jetën pas një shfaqjeje të rrezikshme

    Një aksident tragjik ka ndodhur në një cirk në Itali, ku një akrobat humbi jetën para syve të publikut pasi një shfaqje rrezikshme shkoi keq.

    Ngjarja e rëndë ndodhi në qytetin Sant’Anastasia, afër Napolit, gjatë një shfaqjeje nga cirku Imperial Royal, njofton Wanted in Rome.

    Aksidenti ka ndodhur gjatë performancës së famshme të “Globi i Vdekjes”, ku tre motoçiklistë profesionistë hipën të tre njëkohësisht në një sferë të madhe çeliku. Tre burrat, një 26-vjeçar kilian, një 43-vjeçar meksikan dhe një 43-vjeçar kolumbian, ishin duke kryer aktin në errësirë, me dritat LED që ndriçonin vetëm kostumet e tyre.

    Sipas informacioneve të para, akrobati kilian humbi kontrollin e motoçikletës dhe ra nga sfera. Kur u ndezën dritat, u pa menjëherë se gjendja ishte shumë e rëndë.

    Sipas gazetës Corriere della Sera, 26-vjeçari vdiq pak pas aksidentit.

    Tragjedia ndodhi para një audience të mbushur plot, përfshirë një numër të madh fëmijësh, disa prej të cilëve po filmonin shfaqjen me telefonat e tyre.

    Policia ka nisur një hetim dhe po mbledh pamjet amatoreske të vizitorëve për të sqaruar rrethanat e plota të aksidentit. Kryebashkiaku i Sant’Anastasias, Domenico Esposito, e ka cilësuar këtë ngjarje si “shkatërruese” dhe ka shprehur ngushëllime për familjet e viktimës.

    “E di që shumë fëmijë ishin të pranishëm dhe e panë këtë tragjedi”, tha Esposito. “Ne bashkohemi me dhimbjen e familjeve të prekura nga ky incident tragjik.”

    Për të parë videon klikoni në link👇🏻

    https://video.corrieredelmezzogiorno.corriere.it/le-immagini-dell-incidente-mortale-al-circo-di-sant-anastasia/c17bae4d-b8fb-4b89-a55e-d82c2d9f8xlki

  • Prishtina nën vëzhgim të kamerave, në vitin e ardhshëm edhe 600 kamera të reja

    Prishtina nën vëzhgim të kamerave, në vitin e ardhshëm edhe 600 kamera të reja

    Ka përfunduar faza e fundit e projektit për vendosjen e kamerave të sigurisë në kryeqytet, por që Drejtori i Drejtorisë për Siguri dhe Emergjenca në Prishtinë, Lulzim Fushtica, ka bërë të ditur se në 2026-ën do të nisë zgjerimi i madh i këtij sistemi.

    Ai njoftoi se plani i përbashkët me Policinë e Kosovës parasheh vendosjen e afër 600 kamerave të reja në 200 lokacione të Prishtinës, shkruan Ekonomia Online.

    Fushtica tha se deri më tani janë instaluar 165 kamera në 54 lokacione, duke theksuar se ky është vetëm fillimi i projektit afatgjatë për rritjen e sigurisë publike në kryeqytet. Sipas tij, investimet do të vijojnë vitin e ardhshëm me buxhet të planifikuar posaçërisht për këtë projekt.

     “Projekti i parë për vendosjen e kamerave, faza e fundit është përfunduar, deri më tani janë vendosur 165 kamera në 54 lokacione. Kjo është vetëm një pjesë e vogël e asaj çka ne mendojmë të bëjmë. Nga viti tjetër, pra 2026, i kemi paraparë me buxhet që të vazhdojmë dhe plani që është bërë bashkarisht nga Policia e kryeqytetit dhe Drejtoria e Sigurisë, parasheh që të vendosen afër 600 kamera në 200 lokacione në kryeqytet”, tha ai.

    Ai theksoi se përfitimet nga ky sistem janë të drejtpërdrejta dhe të matshme në aspektin e sigurisë publike, kontrollit të trafikut dhe zbulimit e rasteve.

    “Përfitimi është fillimisht parandalimi dhe rritja e sigurisë publike në kryeqytet, kemi të bëjmë me rritje të sigurisë publike në përgjithësi, kemi të bëjmë me kontrollin më të mirë të trafikut, kontrollin më të mirë të mobilitetit dhe zbulimin e rasteve. Deri më tani, sipas të dhënave që i kemi nga Policia e kryeqytetit kemi një rritje të zbulueshmërisë së rasteve deri në 30 për qind, po ashtu edhe një parandalim apo zvogëlim të rasteve deri në 30 për qind dhe deri 100 për qind kemi zbulueshmëri të rasteve ‘godit dhe ik’, pra kur pjesëmarrësit në komunikacion shkaktojnë aksident dhe ikin, për arsye se kamerat janë të vendosura në gjitha hyrjet dhe daljet e kryeqytetit. Të vendosura janë në udhëkryqe, në sheshet kryesore dhe rrugët kryesore, do të vazhdojmë që të vendosen në gjitha pjesët e kryeqytetit sipas vlerësimit të rrezikshmërisë”, tha ai.

    Fushtica bëri të ditur se menaxhimi i sistemit të kamerave bëhet vetëm nga Policia e Kosovës, në përputhje me legjislacionin në fuqi.

    “Sipas ligjit, të vetmit janë Policia e Kosovës, këtë rast Drejtoria e Policisë së kryeqytetit, e cila vetëm se e kemi vendosur një pikë të monitorimit në sektorin e trafikut të kryeqytetit të cilat monitorohen 24/7”, tha ai.

  • Rrëzimi i avionit luftarak në Dubai, momenti fatal ku humbi jetën piloti

    Rrëzimi i avionit luftarak në Dubai, momenti fatal ku humbi jetën piloti

    Një video e re po bën xhiron e internetit nga rrëzimi i avioni luftarak në Dubai gjatë një demonstrimi në Panairin Ajror të Dubait, me një rezultat tragjik në vdekjen e pilotit.

    Videoja regjistron të gjithë trajektoren e avionit fatal, një tip HAL Tejas, deri në rrëzimin e tij.

    Konkretisht, avioni luftarak shihet duke bërë manovra të ndryshme ndërsa fluturon në një lartësi relativisht të ulët. Në një moment, shpejtësia e tij duket se ndërpritet papritur me “hundën” e tij që ngrihet papritur dhe pastaj kthehet.

    Pas pak kohe, dhe pasi avioni bën një kthesë, ndodh rrëzimi ndërsa avioni luftarak humbet papritur lartësinë dhe përplaset në zonën pranë pistës së aeroportit.

  • LDK-ja nesër nominon kandidatin për kryeministër

    LDK-ja nesër nominon kandidatin për kryeministër

    Lidhja Demokratike e Kosovës të dielën pritet të caktojë kandidatin për kryeministër për zgjedhjet e 28 dhjetorit.

    LDK-ja këtë e ka konfirmuar në thirrjen e mbledhjes së Kryesisë së saj që do të nisë nga ora 15:00.

    Si pikë e dytë e rendit të ditës është edhe nominimi i kandidatit të LDK-së për kryeministër.

    Për zgjedhjet e 9 shkurtit të këtij viti, LDK-ja kishte Lumir Abdixhikun kandidat për kryeministër.

  • “Sarajevo Safari”, paralajmërohet padi kundër Vuçiqit edhe në Serbi

    “Sarajevo Safari”, paralajmërohet padi kundër Vuçiqit edhe në Serbi

    Avokati Çedomir Stojkoviq ka njoftuar se do të paraqesë padi kundër presidentit serb Aleksandar Vuçiq në prokurorinë e Beogradit, për shkak të akuzave për pjesëmarrjen në “Sarajevo Safari”.

    Në fillim të njoftimit të tij, Stojkoviq deklaroi se këto akuza duhet të hetohen edhe në Serbi, dhe jo vetëm në Itali, ku edhe nisi hetimi.

    “Nuk ka asnjë arsye që zyra e prokurorit në Milano të hetojë krimin Sarajevo Safari dhe pjesëmarrjen e Aleksandar Vuçiq në të. Unë do të paraqes një kërkesë për hetim në Prokurorinë për Krime Lufte dhe në Prokurorinë për Krim të Organizuar në lidhje me Sarajevo Safari në Sarajevë”, tha Stojkoviq.

    “Sipas dëshmive ekzistuese, turet u organizuan përmes Beogradit dhe vetë Aleksandar Vuçiq është shtetas i Serbisë. Ekziston një detyrim që zyra e prokurorit në Beograd t’i bashkohet hetimit dhe të përfshijë të gjithë të dyshuarit, veçanërisht Aleksandar Vuçiqin”, shtoi avokati serb.

  • Ramush Haradinaj: Ende i kam plagët në trup e me m’thanë mu je me Listën Serbe

    Ramush Haradinaj: Ende i kam plagët në trup e me m’thanë mu je me Listën Serbe

    Kryetari i AAK-së, Ramush Haradinaj, ka reaguar ashpër ndaj disa zyrtarëve të Lëvizjes Vetëvendosje, të cilët sipas tij po i etiketojnë ish-luftëtarët e UÇK-së si të lidhur me Listën Serbe.

    Haradinaj deklaroi se këto akuza janë të papranueshme, duke rikujtuar sakrificat e tij dhe të familjes së tij gjatë luftës. “Moni more se ju vranë Zoti. Ende i kam plagët në trup, e me m’thanë mu ‘je me Listën Serbe’”, ka thënë ai

    Ai shtoi se në kohën kur ai dhe bashkëluftëtarët po luftonin kundër forcave serbe, sot akuzuesit ishin në anën tjetër. “Ai që ia ka kthyer pushkën Millosheviqit, ai që e ka bërë ushtrinë e Kosovës, e ju i thuni me Listën Serbe. Po ata të VV-së vetë janë me ta,” tha Haradinaj.

    Haradinaj ka kujtuar humbjet personale dhe kohën e kaluar në Hagë. “Paramendoni dy vëllezën të vrarë, me të dy kam qenë kur janë vrarë. Katër vjet nëpër burgje të Hagës, e gjithë jetën në shërbim të këtij vendi, e këta të thonë ‘je me Listën Serbe’,” u shpreh ai në TVArbëria.

  • “Shqipja do përfundojë gjuhë e dytë në Shqipëri”, pedagogia: Fëmijët po flasin anglisht

    “Shqipja do përfundojë gjuhë e dytë në Shqipëri”, pedagogia: Fëmijët po flasin anglisht

    Në Ditën e Alfabetit, përveç vlerësimit të rëndësisë historike të kësaj ngjarjeje, u hodhën dritë edhe mbi sfidat me të cilat përballet sot gjuha shqipe. Pedagogia Anila Kananaj ngriti shqetësimin se ndikimi i gjuhës angleze po bëhet gjithnjë e më i fortë, sidomos për shkak të teknologjisë dhe përdorimit masiv të saj.

    Sipas Kananajt, prindërit dhe mësuesit po përballen me një realitet të ri ku fëmijët mësojnë më shpejt anglishten se shqipen. Ajo rikujtoi rëndësinë historike të Kongresit të Manastirit, i cili, sipas saj, ishte themeli që i dha shqiptarëve gjuhën letrare të përbashkët.

    “Kongresi i Manastirit ishte guri i themelit për atë që e quajmë gjuhë letrare. Pa atë nuk do të kishim një gjuhë të përbashkët letrare. Ai hapi rrugën për kongresin e drejtshkrimit, tekstet që i kemi një të përbashkët. Përsa kemi shqiptarë që flasin gjuhën shqipe, gjuha do të jetojë. Shqipja po përballet me gjuhë si anglishtja. Teknologjia po bën punën e vet. Fëmijët sot po flasin anglisht, iu vjen më lehtshëm”, tha Kananaj në A2 CNN.