Category: Lajme

Forcat e ushtrisë izraelite kanë nisur inkursion të ri sot në një fshat të Quneitras në Sirinë jugore.

Një forcë izraelite e përbërë nga pesë automjete ushtarake përparoi drejt fshatit Al-Samadaniyah al-Sharqiyah përpara se të lëvizte në drejtim të vendbanimit Tal Kroom Jaba.

Bastisja vjen një ditë pasi trupat izraelite hynë në zonën midis qytetit Jubata al-Khashab dhe fshatrave Ofania dhe Ain Al-Bayda në fshatin verior.

Nuk pati komente të menjëhershme nga ushtria izraelite ose autoritetet siriane mbi raportin.

Inkursionet izraelite në Quneitra janë intensifikuar kohët e fundit, me vendasit që ankohen për përparime në tokat e tyre bujqësore si dhe për shkatërrimin e qindra hektarëve pyje, arrestimet e banorëve dhe krijimin e pikave të kontrollit ushtarak.

Ushtria izraelite ka kryer mbi 1.000 sulme ajrore në Siri dhe më shumë se 400 bastisje ndërkufitare në provincat jugore që nga dhjetori i vitit 2024, sipas të dhënave qeveritare.

Pas rënies së regjimit të Bashar al-Assadit në fund të vitit 2024, Izraeli zgjeroi pushtimin e Lartësive të Golanit në Siri duke pushtuar zonën e demilitarizuar tampon, një veprim që shkeli Marrëveshjen e Çlirimit të vitit 1974 me Sirinë.

Komisioni Qendror i Zgjedhjeve ka publikuar të dhëna nga plani i buxhetit për organizimin e zgjedhjeve të parakohshme për Kuvendin e Kosovës, të cilat do të mbahen më 28 dhjetor 2025.

Sipas KQZ-së, buxheti i planifikuar është në vlerën e 7 milionë e 771 mijë e 486 eurove.

Ky buxhet është miratuar në mbledhjen e KQZ-së.

Kjo vlerë është e përafërt me buxhetin e planifikuar për zgjedhjet e rregullta parlamentare të 9 shkurtit të këtij viti, e cila ishte në shumën e 8.7 milionë eurove

Ditë më parë, Zëdhënësi i KQZ-së, Valmir Elezi ka treguar se pasi ky institucion të miratojë planifikimin buxhetor “kërkesën për buxhet do ta përcjellë për miratim në Qeverinë e Kosovës”.

Sipas tij, KQZ ka vepruar kështu edhe në rastet tjera kur Kosova kishte zgjedhje të parakohshme apo që kanë ndodhur pa planifikim.

Nga janari deri në tetor në Kosovë, janë braktisur gjithsej 18 fëmijë. Të dhëna këto të publikuara nga Agjencia e Statistikave të Kosovës (ASK).

Podujeva dhe Malisheva mbetën ndër komunat, me numrin më të madh të fëmijeve të braktisur.

Në Podujevë gjatë këtij viti janë braktisur tre fëmijë, dy në muajin janar dhe 1 në muajin prill.

E numër të njejtë të braktisjes së fëmijeve është shënuar dhe në Malishevë, aty ku vetëm gjatë muajit maj janë braktisur tre fëmijë.

Nga dy raste të braktisjeve të fëmijeve janë shënuar dhe në Fushë Kosovë, Ferizaj dhe Vushtrri.

Ndërsa me vetëm nga një rast të braktisjes së fëmijeve është shënuar në Prishtinë, Viti, Kamenicë Kaçanik, Gjakovë dhe Deçan.

NATO do të jetë shumë më pranë Rusisë, nga sa vetë Moska e mendon.

Ministri finlandez i Mbrojtjes, Antti Häkkänen, konfirmoi se vendi planifikon të presë një njësi të përhershme komanduese të NATO-s.

Sipas tij, struktura e re do të bëhet pjesë e sistemit operativ të komandës së aleancës, i drejtuar nga Norfolk, SHBA. Vendimi përfundimtar pritet të merret në takimin e ministrave të mbrojtjes të NATO-s në shkurt 2026.

Ministri Häkkänen theksoi se selia e re do të forcojë ndjeshëm strukturat ekzistuese të NATO-s në Finlandë dhe do të lidhet direkt me sistemin kombëtar të komandës, duke e kthyer Finlandën në një qendër veriore kyçe të NATO-s dhe duke vendosur një prani të përhershme të aleancës në prag të Rusisë.

Ky zhvillim nënvizon rolin strategjik të Finlandës (e anëtarësuar vetëm së fundmi në aleancë, bashkë me Suedinë, red.) në mbrojtjen e aleancës dhe rritjen e gatishmërisë së NATO-s në rajonin nordik.

Agjencia e Ushqimit dhe Veterinarisë ka njoftuar se ka marrë vendim për kthimin në vendin e origjinës së kafshëve të ndaluara të cilat janë futur ilegalisht në territorin e Republikës së Kosovës.
Në njoftim thuhet se bëhet fjalë për 485 dele dhe 25 qingja.

“Më datë 16.11.2025, Policia Kufitare, Dogana dhe Shërbimi Veterinar kanë ndaluar në Prizren një grup kafshësh të kontrabanduara të llojit dele dhe dhi, të cilat kishin hyrë në mënyrë të paautorizuar nga Republika e Shqipërisë.

Arrestohet burri që dyshohet se sulmoi me sëpatë gruan e tij në Lipjan, prokuroria jep detaje
Gjykata Speciale sërish s’i njeh festat zyrtare të Kosovës: Hashim Thaçi në seancë më 28 Nëntor
Për shkak se këto kafshë nuk posedonin certifikata shëndetësore veterinare dhe paraqisnin rrezik për përhapjen e sëmundjeve ngjitëse, AUV ka kthyer në vendin e origjinës, Shqipëri, 485 dele dhe 25 qingja. Veprimet e ndërmarra janë realizuar në bashkëpunim të ngushtë me Policinë e Kosovës, Policinë Kufitare, Doganën dhe Prokurorin e Shtetit”, thuhet në njoftim.

AUV njofton se vazhdon të zbatojë monitorim rigoroz dhe të vazhdueshëm mbi gjendjen shëndetësore dhe lëvizjet e të gjitha kategorive të kafshëve brenda territorit të vendit, me synim parandalimin e futjes dhe përhapjes së sëmundjeve ngjitëse që mund të dëmtojnë fondin blegtoral dhe ekonominë bujqësore.

“Njëkohësisht, AUV njofton opinionin e gjerë se importi i kafshëve të gjalla lejohet të kryhet vetëm përmes pikave kufitare të autorizuara, ku realizohen kontrollet e detyrueshme dokumentare, identifikuese dhe veterinare, me qëllim që të shmanget çdo rrezik potencial për shëndetin e kafshëve, sigurinë ushqimore dhe shëndetin publik”, thuhet në njoftim.

Rrjeti i Grave të Kosovës (RrGK), ka shprehur shqetësimin lidhur me sulmin ndaj një gruaje në Gadime të Ulët të Lipjanit, e cila u sulmua me sëpatë nga ish-bashkëshorti i saj, pavarësisht se ndaj tij kishte urdhër për mbrojtje aktiv.

RrGK ka theksuar se ky rast tregon edhe një herë se zbatimi i pamjaftueshëm i Urdhrave për Mbrojtje vazhdon të rrezikojë jetën e grave në Kosovë.

Organizata kërkon nga Policia e Kosovës të forcojë monitorimin dhe zbatimin e këtyre urdhërave, si dhe të ndërmarrë masa të menjëhershme për kapjen e të dyshuarit.

Po ashtu, RrGK kërkon nga Gjykata vendosjen e Bylyzykut për Mbikëqyrje Elektronike dhe sigurimin e një dënimi meritor dhe proporcional me rrezikshmërinë e veprës.

“Gjykata që të jep vendimin për vendosjen e Bylyzykut për Mbikqyrje Elektronike, të sigurojnë dënim meritor dhe proporcional me rrezikshmërinë e veprës, të përshpejtojnë procedurat në rastet e dhunës në familje dhe të mos lejojnë tolerim ndaj dhunuesve. Përveç kësaj ftojmë institucionet përgjegjëse që ndaj dhunuesit të caktohet masa e rehabilitimit; ndjekja e Programit të Kryesve të Dhunës”, thuhet në reagim.

Partisë Demokratike të Kosovës sot zyrtarisht i është bashkuar Iniciativa Qytetare “Demokracia”, e udhëhequr nga ish-deputeti Shkumbin Demaliaj. Lajmin e ka bërë të ditur Kryetari i PDK-së, Bedri Hamza, i cili e ka vlerësuar këtë hap si një forcim të rëndësishëm për partinë dhe për jetën demokratike të vendit.

“Shkrirja e kësaj iniciative qytetare në PDK është një hap i rëndësishëm në rrugëtimin tonë të përbashkët për forcimin e vlerave demokratike dhe angazhimin qytetar,” ka deklaruar Hamza.

Kryetari i PDK-së ka theksuar se bashkëpunimi me Iniciativën “Demokracia” përbën një shtesë të vlefshme në mobilizimin dhe zgjerimin e bazës qytetare të partisë.

“Vazhdojmë përpara me përkushtim dhe bashkëpunim për një Kosovë më të mirë!” ka shtuar ai.

Me këtë bashkim, PDK synon të vazhdojë zgjerimin dhe konsolidimin e saj në prag të zgjedhjeve të 28 dhjetorit.

Punëtorët e RTK-së për dy orë nga ora 11:00 e deri në orën 13:00 kanë mbajtur një grevë të përgjithshme, në shenjë pakënaqësie me situatën financiare.

Po ashtu edhe edicioni i lajmeve nisi me protestë, ku brenda studios u shfaqën në prapavijë punëtorët me pankarta që jepnin porosi si:

“Pa paga, s’ka punë”, “Greva është zëri ynë” etj.

Po ashtu prezantuesja nuk e thotë as edhe një fjalë të vetme dhe i gjithë edicioni kaloi vetëm me pamje dhe me titra të shfaqura në ekran.

Në Spitalin e Përgjithshëm të Pejës është kryer me sukses intervenimi i parë laparoskopik urologjik në veshkë, një procedurë që deri më tani nuk ishte realizuar në spitalin tonë.

Gjatë operacionit, një pacienti i është larguar një cist me madhësi rreth 20 cm. Intervenimi u realizua nga Dr. Kushtrim Fejza, me asistimin e Dr. Vigan Vokshit dhe Dr. Xhavit Krasniqit, si dhe me mbështetjen profesionale të ekipit të Anestezionit dhe instrumentarëve.

“Ky sukses shënon një hap të rëndësishëm drejt avancimit të shërbimeve urologjike në Spitalin e Pejës dhe në të gjithë rajonin, duke dëshmuar përkushtimin tonë për ofrimin e trajtimeve moderne dhe minimale invazive për pacientët tanë”, thuhet në njoftimin e Spitalit të Pejës.

Është arrestuar i dyshuari që sulmoi me sëpatë ish-gruan e tij në Gadime të Epërme të Lipjanit.

Viktima është dërguar për trajtim mjekësor në QKUK.

Lidhur me rastin, autoritetet e rendit dhe Prokuroria kanë nisur hetimet dhe rasti po cilësohet si “Vrasje në tentativë”.