Category: Lajme

Petrit Hajdari, ish-kandidati i PDK-së për kryetar të Komunës së Drenasit ka njoftuar sot se nuk do të jetë pjesë e listës së kandidatëve për zgjedhjet parlamentare të 28 dhjetorit.

Ai ka bërë publike vendimin përmes një njoftimi drejtuar qytetarëve dhe strukturave të PDK-së, duke shprehur mirënjohje të thellë për mbështetjen e marrë ndër vite, përfshirë edhe rreth 17 mijë votat në zgjedhjet e fundit parlamentare. Hajdari ka falënderuar gjithashtu ish-kryetarin Memli Krasniqi për besimin e dhënë.

“Me krejt forcën time do të jem në mbështetje të PDK-së, siç kam qenë gjithmonë”, ka shkruar ai, duke theksuar se për dallim nga të tjerët, ai i respekton vendimet e partisë edhe kur nuk është dakord me to.

Hajdari tha se nuk dëshiron të bëhet pengesë e bashkimit të synuar nga partia, megjithëse beson se ky vendim nuk është në të mirën e PDK-së. Ai shtoi se nuk mund të tradhtojë përkrahjen e qytetarëve që e kanë mbështetur në secilën garë zgjedhore.

“Përkundër kërkesës së kryetarit dhe kryesisë, kam vendosur të mos jem kandidat, por do të jem krah për PDK-në, kandidatët tanë dhe Bedri Hamzën për kryeministër”, shkroi ai në fund të njoftimit.

Hajdari u shpreh falënderues për të gjithë qytetarët që e kanë mbështetur gjatë viteve, duke konfirmuar se mbetet i përkushtuar ndaj PDK-së dhe angazhimeve të saj politike.

Kompania Rajonale e Ujësjellësit “Hidrodrini” ka lëshuar një njoftim për konsumatorët, duke u bërë thirrje për kujdes të shtuar ndaj ujëmatësve dhe tubacioneve të ujit me fillimin e sezonit Vjeshtë/Dimër.

Sipas kompanisë, tubacionet dhe ujëmatësit që janë të ekspozuar ndaj temperaturave të ulëta kanë rrezik të ngrirjes, sidomos ata të vendosur në mure të paizoluar, garazhe, bodrume ose nën sipërfaqe të tokës.

KRU “Hidrodrini” u rekomandon qytetarëve të bëjnë izolimin e ujëmatësve dhe tubave, si brenda pronës ashtu edhe në pusetat ku janë të vendosur matësit kryesorë.

Vendosja e materialeve që pengojnë depërtimin e ajrit të ftohtë dhe shtimi i izolimit në muret e jashtme ndihmon në parandalimin e dëmtimeve.

“Ju jeni përgjegjës për mbrojtjen e ujëmatësve dhe tubacioneve në pronën tuaj. Kujdesi paraprak mund të shmangë ndërprerje të furnizimit dhe dëmtime të mëdha,” njoftoi Zyra për Media e KRU “Hidrodrini”.

Presidenti serb, Aleksandar Vuçiq foli përsëri për marrëdhëniet me Kroacinë në një paraqitje televizive duke akuzuar se Zagrebi, siç u tha Vuçiq, po bllokon rrugën evropiane të Serbisë.

Vuçiq pretendon se “ngritja e Serbisë”, siç tha ai, si “një feniks”, ka bërë Kracia të bëhet bashkë me Kosovën, Shqipërinë, e të tjerët për ta penguar Beogradin. Ai këtu përmendi edhe aleancën ushtarake mes Kroacisë, Shqipërisë e Kosovës.

“Pse fqinjët tanë nuk duan që ne të jemi në BE? Arsyeja është e thjeshtë. Ata menduan se në momentin që u bashkuan me BE-në dhe NATO-n dhe kur ata që ishin në pushtet në Serbi ishin në pushtet dhe nuk e trajtonin vendin e tyre, le të themi, brenda vendit, gjithçka kishte mbaruar dhe se po bëheshin një forcë dominuese nga Triglav në Stamboll në mënyra të ndryshme, dhe sigurisht në zonën deri në Bullgari dhe Greqi”, tha Vuçiq.

“Që kur Serbia është ngritur, që kur Serbia, fjalë për fjalë është ngritur si një feniks nga hiri, është zgjuar dhe është bërë më e fortë, ata duan të frenojnë forcën e Serbisë. Dhe nuk ka ndonjë filozofi të madhe. Kjo është arsyeja pse ata janë të bashkuar me Prishtinën, Tiranën dhe të gjithë të tjerët”, përfundoi Vuçiq, siç raportohet nga mediat në Serbi.

Është betuar edhe kryetari i ri i Leposaviqit nga Lista Srpska, Zoran Todiq.

Betimet e kryetarëve të komunave veriore u bë duke u respektuar simbolet shtetërore të Republikës së Kosovës.

Në Kuvendin Komunal të Zubin Potokut ka filluar seanca inauguruese për betimin e Kryetarit të ri Millosh Peroviq dhe asamblistëve.

Për këtë bëri betimin, Peroviq i cili u betua se do të ushtroj detyrën e tij me ndershmëri dhe besnikëri që t’i siguroj Komunës së Zubin Potokut.

“Unë si kryetar Millosh Peroviq deklaroj së do të kryej detyrat e mia dhe ushtroj kompetencat e mia me nder dhe besnikëri në mënyrë që të krijoj kushte për jetë në Komunën e Zubin Potokut te sigurt dhe të qetë. Si kryetar falënderoj të gjithë na presin plane të vazhdueshme të komunës”, ka thënë ai.

Fadil Geci, i cili do të jetë pjesë e listës së LDK-së për deputet në zgjedhjet parlamentare të 28 dhjetorit, është kritikuar publikisht nga vëllai i tij, Halil Geci.

Përmes një postimi në Facebook, Halil Geci i ka kërkuar Fadilit të tregojë kujdes ndaj kryetarit të LDK-së, Lumir Abdixhiku.

Ai është shprehur se: “Lumir Presheva po ju përdor si gangsterë për të sharë dhe etiketuar të tjerët.”

Ndërkohë, vëllai i tij nuk ka kursyer fjalët e mira për kryeministrin Albin Kurti, duke bërë një krahasim mes figurave historike dhe sfidave të udhëheqësve shqiptarë.

“KRITIKË E VOGLË SI NJË GOGËL, POR E MADHE SI NJË MINARE – PËR VËLLAIN TIM, FADILIN. T’i quash më shumë se gjysmën e shqiptarëve ‘pro-rusë’ dhe Kurtin ‘prijës të tyre’ është njësoj si të thuash se Hasan Prishtina ka qenë tradhtar ose i lidhur me Rusinë.”

Halil Geci shton se Kurti, ndonëse nuk ka pasur luksin dhe mundësitë e Hasan Prishtinës, ka përballuar presionin dhe kërcënimet e Serbisë, duke punuar për bashkimin kombëtar dhe ruajtjen e sovranitetit të vendit.

Ai paralajmëron vëllain e tij për sjelljen publike dhe për ndikimin e “Lumir Preshevës”:

“Ju them si vëlla: keni kujdes se si silleni para publikut. Po tregoheni tepër të vegjël para mediave, saqë unë personalisht po ndihem shumë keq. Lumir Presheva po ju përdor si gangsterë për të sharë dhe etiketuar të tjerët. Në fund, ju them hapur: nëse ju duket mirë, vazhdoni, por jeni duke gabuar rëndë. Ne nuk jemi as Lumir Presheva, as Sami Lushtaku as Hashim Thaçi. Duhet pasur kujdes në veprime dhe në fjalë.”, shkroi ai.

Komisioni Qendror i Zgjedhjeve njofton se sot ka filluar periudha e aplikimit për akreditimin e vëzhguesve dhe mediave për vëzhgimin e zgjedhjeve të parakohshme për Kuvendin e Kosovës, të cilat do të mbahen më 28 dhjetor 2025.

Periudha e aplikimit për akreditim të vëzhguesve, e cila ka filluar më 5 dhjetor, do të përfundojë më 20 dhjetor 2025.

Gjatë kësaj periudhe 16-ditore, subjektet politike të certifikuara, OJQ-të, organizatat qeveritare dhe ndërqeveritare, organizatat ndërkombëtare të specializuara të cilat merren me zgjedhjet dhe mbrojtjen e të drejtave të njeriut, mediat si dhe përfaqësuesit e vendeve të huaja, mund të dorëzojnë online kërkesën e tyre për akreditimin e vëzhguesve.

Si bëhet aplikimi?

Hapi i parë: Përfaqësuesi i autorizuar (i organizatës joqeveritare, organizatës qeveritare/ndërqveritare, organizatës ndërkombëtare të specializuar në zgjedhje dhe të drejtat e njeriut; mediave; dhe përfaqësuesi i vendeve të huaja) duhet të plotësojë online të dhënat që kërkohen në platformën: https://apliko.kqz-ks.org

Hapi i dytë: Pas aplikimit, Zyra për Regjistrim, Certifikim dhe Kontrollin Financiar të Subjekteve Politike (ZRCKFSP) do të shqyrtojë dhe do të miratojë ose jo aplikimin fillestar. Pas vërtetimit të aplikimit, ZRCKFSP, do t’i përcjellë përmes e-mailit përfaqësuesit të autorizuar kredencialet për t’u qasur në platformën online në mënyrën që të bashkangjesë edhe të dhënat për personat e organizatës / medias që kërkon të akreditohen.

Informacione shtesë:

· Për më shumë informacione dhe sqarime, mund të kontatoni në Zyrë përmes e-mailit [email protected] apo përmes telefonit +383 38 200 81 010.

· Vetëm vëzhguesit e akredituar nga Komisioni Qendror i Zgjedhjeve do të mund tëi vëzhgojnë procesin përgatitor, mbajtjen e zgjedhjeve dhe aktivitetet tjera që do të zhvillohen në 38 Qendrat Komunale të Numërimit (QKN) dhe Qendrën e Numërimit dhe Rezultateve (QNR).

Lulzim Hetemi ka njoftuar se është gati ta dorëzojë postin e kryetarit të komunës së Leposaviqit.

Përmes një postimi në Facebook, ai ka ndarë dy foto nga zyra ku ai qëndroi për disa vjet si udhëheqës i kësaj komune.

“Gjithçka gati”, ka shkruar shkurt ai.

Nga sot, kryetar i Leposaviqit do të jetë Zoran Todiq.

Një shtetas shqiptar është arrestuar në pikën kufitare të Merdarës gjatë ditës së enjte, pasi në veturën e tij është gjetur një flamur me shenjat e UÇK-së.

Lidhur me këtë, nënkryetari i OVL UÇK-së, Gazmend Syla u ka bërë thirrje qytetarëve të Kosovës, sidomos ish-ushtarëve të Ushtrisë Çlirimtare të Kosovës, të mos kalojnë kah Serbia, por të zgjedhin rrugë alternative.

Sipas tij, Serbia është po e njëjta, dhe lufta speciale ndaj popullit të Kosovës nuk është ndalur.

“Serbia, edhe pas luftës që e kemi pasur, asnjëherë nuk e ka ndalur luftën speciale ndaj ushtarëve të Ushtrisë Çlirimtare të Kosovës, por edhe ndaj qytetarëve të tjerë, prandaj kjo Serbi është e njëjta. Në atë kohë Serbinë e ka udhëhequr Millosheviqi, tani një ish-ministër i tij, pra zotëri Vuçiqi. Nuk presim të ketë ndryshime, ose me na respektu më shumë, sepse e kemi parasysh sa po i respekton qytetarët e vet atje”, tha Syla.

“Ne bëjmë thirrje, edhe pse kemi bërë shpesh thirrje, por vazhdojmë të bëjmë thirrje, mos provoni të kaloni andej, sidomos ushtarëve të UÇK-së, sepse nuk ka kush të iu dalë zot, nuk ka kush të iu bie pas, prandaj zgjidhni alternativa tjera, e jo nga Serbia, sepse ajo është e njëjta”, u shpreh ai.

Bashkimi Evropian është duke i përcjell me vëmendje zhvillimet politike në Kosovë, veçanërisht ngërçin institucional që ka krijuar mungesa e formimit të qeverisë dhe institucioneve të reja, që e çoi vendin në zgjedhje të jashtëzakonshme parlamentare, të cilat janë caktuar të mbahen, më 28 dhjetor.

Në prag të zgjedhjeve, Ambasada e Gjermanisë në Prishtinë, në një përgjigje për RTV21, ka thënë se Kosova ka nevojë urgjente për një qeveri stabile dhe plotësisht funksionale.

“Kosova ka nevojë urgjente për një qeveri që është plotësisht funksionale si brenda vendit ashtu edhe jashtë tij. Kosova nuk mund të përballojë të humbasë më shumë kohë. Ashtu siç tha ministri i Jashtëm, Johann Wadephul, gjatë vizitës së tij në Prishtinë muajin e kaluar, formimi i një qeverie stabile është me rëndësi jetike. Evropa po e vëzhgon këtë nga afër”.

Mungesa e institucioneve funksionale po krijon një situatë të brishtë politike dhe institucionale, që reflektohet drejtpërdrejt në proceset e brendshme dhe në pozitën ndërkombëtare të Kosovës. Zyrtarët e SHBA-së dhe të BE-së kanë theksuar disa herë se çfarëdo vonese në krijimin e qeverisë dëmton jo vetëm imazhin e Kosovës, por edhe aftësinë e saj për të marrë vendime të rëndësishme strategjike, për të përmbushur obligimet ndërkombëtare dhe për të avancuar drejt rrugës integruese.