Sot mbyllet afati për ndërrimin e Qendrës së Votimit brenda komunës për zgjedhjet e parakohshme të 28 dhjetorit.
Komisioni Qendror i Zgjedhjeve ka njoftuar se deri më tani 16.100 votues kanë aplikuar për të ndryshuar qendrën e tyre të votimit.
KQZ gjithashtu ka treguar se qendrën tuaj mund ta ndërroni online ose në zyrën e komisionit komunal të zgjedhjeve.
Linku për ndërrimin e qendrës së votimit: https://qv.kqz-ks.org/sq.
Sot pasdite përfundon afati ligjor që përcakton nëse Partia Demokratike e Kosovës, e udhehqur nga Bedri Hamza, dhe NISMA Socialdemokrate e Fatmir Limajt do të mund të garojnë së bashku në një listë në zgjedhjet e 28 dhjetorit.
Sipas rregullave të KQZ-së, një subjekt i certifikuar mund të tërhiqet nga gara më së largu dy ditë para tërheqjes së shortit për numrat e fletëvotimit, e cila mbahet të hënën. Kjo e bën mesditën apo mbrëmjen e sotme momentin e fundit ku një marrëveshje politike mes dy subjekteve do të ishte ende e mundur.
Deklarata e Fatmir Limajt se “marrëveshja me PDK-në mund të arrihet për një minutë” ka nxitur një valë të fuqishme reagimesh brenda PDK-së. Veçanërisht gjatë 24 orëve të fundit, kërkesat për bashkëpunim janë rritur tej mase, disa degë, nëndegë, Kosova dhe Diaspora që po kërkojnë hapur bashkimin e forcave me NISMA-n.
Mbështetja për rikthimin e Limajt po vjen nga figura të njohura të PDK-së, përfshirë Sami Lushtakun, Kryetar i Skenderajt, Ramiz Lladrovcin, Kryetar i Drenasit, Ferid Idrizin, Kryetar i Vushtrrisë, deputetin Artan Behrami etj. Kërkesa të ngjashme po vijnë edhe nga strukturat e PDK-së në Diasporë, veçanërisht nga Suedia, Zvicra dhe Gjermania.
Në këtë valë reagimesh po përfshihen edhe figura të larta të UÇK-së, dhe komandantë të tjerë të Zonave Operative, të cilët e shohin bashkimin e PDK-së me NISMËN dhe rikthimin e Limajt si një hap të natyrshëm drejt forcimit të qendrës së djathtë dhe rritjes së garancave për një rezultat të fortë në zgjedhjet e 28 dhjetorit.
Për shumë prej këtyre strukturave, Fatmir Limaj mbetet një figurë me peshë të madhe politike, me kontribut në të gjitha fazat e shtetndërtimit dhe me një rrjet të konsoliduar strukturash në terren. Sipas vlerësimeve brenda PDK-së, një bashkim i tillë do të krijonte një sinergji të fortë, duke kombinuar potencialin tradicional të PDK-së me mbi 25 mijë votat besnike të NISMËS. Kjo shihet si mundësi reale për të ndryshuar rezultatin e zgjedhjeve, për të krijuar një pol të fuqishëm e stabil dhe për të rikthyer energjinë e elektoratit të qendrës së djathtë.
Tani vëmendja është e gjitha te PDK-ja. Nëse Bedri Hamza dhe drejtuesit e partisë japin dritën e gjelbër brenda afatit ligjor, NISMA mund të tërhiqet sot nga gara për të hapur rrugë një liste të përbashkët. Nëse përgjigjja nuk jepet deri pasdite, mundësia ligjore për një bashkim PDK–NISMA mbyllet.
Orët në vijim pritet të jenë vendimtare për konfigurimin përfundimtar të skenës zgjedhore në Kosovë.
24 pjesëtarë të Njësive Speciale Operative janë certifikuar në “Aftësitë e veçanta policore operative”, pas një trajnimi të zhvilluar në Kampin “Vrella” në Sllatinë.
Ky trajnim, i realizuar nga një konsulent ndërkombëtar përmes OSBE-së, është organizuar në bazë të nevojave të identifikuara nga vetë Njësitë Speciale, ndërsa mbështetja është ofruar nga ekspertë të jashtëm të këtij mekanizmi ndërkombëtar – partner strategjik i Policisë së Kosovës në ngritjen e kapaciteteve specialistike.
Sipas Policisë së Kosovës, certifikimi i 24 pjesëtarëve të këtyre njësive kontribuon drejtpërdrejt në rritjen e aftësive profesionale dhe gatishmërisë operative, duke forcuar standardet dhe kapacitetet e tyre për operacione të veçanta policore.
Ambasada amerikane ka mirëpritur ngjarjen e djeshme në katër komunat veriore të vendit ku kryetarët e Listës Srpska rimorën pushtetin.
Ambasada në një përgjigje për Gazetën Express,tha se pret vazhdim të bashkëpunimit paqësor. Ngjashëm janë deklaruar edhe misionet e tjera të huaja në vend.
Ambasada amerikane e ka mirëpritur dorëzimin e qetë të detyrës te kryetarët serbë në katër komunat veriore. Kryetarët serbë atje u betuan në një ceremoni në prezencë të simboleve shtetërore derisa morën detyrën nga kryetarët shqiptarë që u vendosen në këto komuna më 2023.
“Ambasada e SHBA-së mirëpret tranzicionin e qetë të pushtetit dhe shpresojmë të shohim vazhdimin e bashkëpunimit paqësor”, tha një zëdhënës i ambasadës amerikane.
Nënkryetarja e LDK-së, Hykmete Bajrami, në një konferrencë për media të mbajtur sot i ka reaguar ministres së Ekonomisë në detyrë, Artane Rizvanolli, në lidhje me blerjen e energjisë elektrike.
Ish-deputetja e LDK-së i ka bërë thirrje ministres në fjalë që të sigurojë transparencë lidhur me importin e energjisë.
Sipas saj, institucionet përkatëse duhet të publikojnë informacionet mbi marrëveshjet për blerjen e energjisë.
“Ju bëj thirrje zonjës Rizvanolli dhe institucioneve përkatëse që të bëjnë publik informacionin se nga kush po blejmë energjinë, sa po paguajmë për energjinë dhe nga cilat burime po e importojmë. Gjithashtu, më lejoni t’ju them se qeveria ka thënë që nuk importon energji, por kjo nuk është e vërtetë. Qeveria ka importuar energji, madje edhe kur zoti Kurti fliste për mafien energjetike”, ka thënë Bajrami.
Komandanti i Misionit të NATO-s në Kosovë, KFOR-it, Ozkan Ulutas, të premten, ka takuar ambasadorët e vendeve të QUINT-it të akredituara në Kosovë, njoftoi të shtunën KFOR-i.
“Takimi shërbeu si një mundësi e vlefshme për komandantin që të paraqiste situatën e sigurisë në rajon, duke theksuar angazhimin e KFOR-it për të ruajtur një ambient të sigurt dhe të qëndrueshëm për të gjithë qytetarët në Kosovë. Në këtë kontekst, gjeneral Ulutas vlerësoi kontributet e vazhdueshme të të gjitha shteteve në misionin e udhëhequr nga NATO, KFOR”, u tha në komunikatë për media.
Ulutash u takua me ambasadorët e Gjermanisë, Italisë dhe Mbretërisë së Bashkuar, zëvendëskreun e Misionit të Francës në Kosovë dhe një përfaqësuese të ambasadës së SHBA-së nga QUINT, si dhe Përfaqësuesin e Posaçëm të BE-së.
Mosrespektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik, shkruan Gazeta Sinjali.
Statistikat tregojnë se mijëra gjoba shqiptohen çdo ditë në vendin tonë.
Policia ka bërë të ditur se 2,040 gjoba janë shqiptuar vetëm gjatë 24 orëve të fundit në Kosovë.
Gjatë këtyre 24-orëve, kanë ndodhur 22 aksidente trafiku me persona të lënduar dhe 44 aksidente me dëme materiale, ndërsa nuk është regjistruar asnjë aksident me fatalitet.
Sa i përket masave ligjore, 21 persona janë arrestuar, 8 janë dërguar në mbajtje, 2 po vuajnë dënimin dhe nuk ka persona në ndalim policor.
Një sulm masiv rus me raketa dhe dronë gjatë natës ka goditur përsëri infrastrukturën energjetike të Ukrainës, duke goditur nënstacionet, objektet e gjenerimit dhe duke shkëputur një nga linjat e energjisë që furnizon termocentralin bërthamor të Zaporizhzhias.
Sipas Forcave Ajrore të Ukrainës , Rusia lëshoi 653 dronë sulmues të tipit Shahed, 36 raketa kruiz dhe 17 raketa balistike në objektiva në të gjithë vendin.
Gjashtëdhjetë sulme u regjistruan në 29 lokacione, shkruan The Kyiv Independent.
Gjatë sulmeve u raportuan shpërthime në Poltava, Lutsk, Odesa, Zaporizhzhia dhe Bila Tserkva.
Në Oblastin e Çernihivit, dronët rusë goditën një zonë banimi, si dhe infrastrukturën kritike si në rajon ashtu edhe në qytetin e Çernihivit, raportuan Shërbimet Shtetërore të Emergjencave.
Sulmi ishte “mjaft i rëndë” për sistemin energjetik të Ukrainës, tha për Kyiv Independent Vitaliy Zaichenko, kreu i operatorit shtetëror të rrjetit elektrik të Ukrainës, Ukrenergo.
Sulmet goditën nënstacionet dhe objektet e gjenerimit, dhe shkëputën një nga dy linjat e energjisë që furnizonin centralin bërthamor të Zaporizhzhisë.
“Centralet e tjera bërthamore tani po funksionojnë nën kapacitetin e tyre të plotë për arsye sigurie”, shtoi ai.
Jo të gjithë e dinë që birra mund të gjejë përdorim të vlefshëm edhe në kozmetikë pasi ndihmon në përmirësimin e shëndetit të lëkurës dhe flokëve. Majaja e birrës, vitaminat dhe mineralet e gjendura në të janë përbërës të mrekullueshëm si përbërës bukurie.
Birra stimulon nxirjen sepse nxit prodhimin melaninës, mjafton ta spruconi në trup të përzier me pak ujë, por mos zëvendësoni kremin mbrojtës. Ai gjithsesi është i rëndësishëm pasi birra nuk ka SPF.
Birra përmban silic i cili forcon flokët, i bën më të shndritshëm. Me 20 ml qumësht dhe 20 ml birrë përgatitet një maskë të cilën duhet ta mbani disa minuta në flokë të sapo larë. Pas shpëlarjes aplikoni balsam dhe flokët tuaj do të jenë të shndritshëm dhe të shëndetshëm.
Me tre luleshtrydhe dhe një lugë birrë përgatitet një maskë eksfoliuese e mrekullueshme për lëkurën. Mjafton ta mbani çerek ore dhe ta aplikoni dy herë në javë.
Birra zbut kallot e këmbëve, nëse nëse bashkoni gjysmë gote prej saj me dy filxhanë çaj mente.
Birra forcon thonjtë e dobët për shkak të prezencës së selenit, kaliumit dhe biotinës. Në një gotë përzieni birrë, vaj ulliri të ngrohtë dhe pak uthull molle të pafiltruar. Zhysni thonjtë dhe bëjeni kët procedurë tre herë në javë.
Grupi për Studime Politike dhe Juridike (GLPS) ka bërë thirrje për një konsensus politik më të gjerë mbi çështjet integruese, duke paralajmëruar se ngërçi politik që ka karakterizuar Kosovën që nga zgjedhjet e shkurtit të këtij viti ka shkaktuar pasoja të mëdha për zhvillimin ekonomik dhe kredibilitetin ndërkombëtar të vendit, raporton Ekonomia Online.
Po ashtu u kërkua që përtej agjendës së brendshme partiake, vendi ka nevojë për një dialog dhe bashkëpunim më të gjerë për çështje kyçe si dialogu me Serbinë dhe përparimi i procesit të anëtarësimit në Këshillin e Evropës, si dhe aplikimi për statusin e kandidatit në Bashkimin Evropian.
Drejtoresha Ekzekutive e GLPS, Njomza Arifi, tha se vonesat në formimin e institucioneve dhe mosstabiliteti politik kanë rrezikuar shfrytëzimin e fondeve nga planet e rritjes ekonomike, duke kërcënuar mbi 800 milion euro që Kosova mund të përfitonte.
“Realisht ngërçi politik i cili ka karakterizuar vendin tonë qysh nga zgjedhjet e shkurtit të këtij viti, ka sjellë pasoja mjaft të mëdha si për zhvillimin e brendshëm të Kosovës, po ashtu edhe për kredibilitetin e Kosovës në aspektin ndërkombëtar dhe ka dëmatuar realisht procese si të brendshme ashtu edhe ato të jashtme që lidhen shumë ngusht me reformat që Kosova duhet të kalojë. Një ndër kryesoret që ne kemi thënë që është rrezikuar është plani i rritjes qësh nga maji kemi bërë thirrje që nëse nuk kemi një qeveri stabile dhe institucione të krijuara, Kosova rrezikon seriozisht që këto mjete të ketë vonesa mjaft të mëdha që do të ndikonin në përfitimin e planit të rritjes që janë diku rreth mbi 800 milion euro edhe që Kosova përfiton më së shumti për kokë banori fonde nga ky plan”, tha ajo.
Arifi ka shtuar se ndikimi i ngërçit politik është evident edhe tek fondet e Bankës Botërore dhe projekte të tjera zhvillimore, të cilat nuk janë aprovuar për shkak të vonesave institucionale.
Ajo theksoi se Kosova ka humbur një vit të plotë sa i përket proceseve reformuese që janë themelore për integrimin në BE, përfshirë reformat në administratën publike, sundimin e ligjit dhe zhvillimin demokratik.
“Po ashtu e kemi parë edhe në publik që rrezikohen edhe fondet e Bankës Botërore edhe shumë iniciativa të tjera të cilat Kosova do të duhej t’i kishte aprovuar deri tani, por që për shkak të ngërçit politik nuk kemi arritur të bëjmë një gjë të tillë. Në aspektin e procesit integrues, Kosova natyrisht që mbetet mbrapa, këtë e ka theksuar edhe raporti i vendit i cili u publikua në nëntor të këtij viti, ani pse kishte parë përmirësime në disa kapituj, i tërë raporti flet se si Kosova ka pasur realisht një vit të humbur sa i përket proceseve të brendshme reformuese, jo vetëm të integrimit, por edhe të reformave të brendshme të cilat i përkasin atyre fundamentaleve të BE-së, siç janë reformat në administratën publike, sundimi i ligjit dhe reformat e tjera të zhvillimit demokratik të vendit. Pra, është një fatkeqësi që ne kemi hyrë në një ngërç që do të ketë, pa evitushem, pasoja të cilat vështirë se do të mund të sanohen në një të ardhme”, tha ajo.
Duke folur për zgjedhjet e parakohshme të 28 dhjetorit, ajo theksoi se stabiliteti politik është vendimtar për progresin e planeve ekonomike dhe proceset integruese. Ajo ka kërkuar që spektri politik të arrijë konsensus mbi çështje që tejkalojnë interesat partiake, si anëtarësimi në Këshillin e Evropës, dialogu me Serbinë dhe aplikimi për statusin e kandidatit në BE.
“Pas krizës institucionale e cila pastaj është shndërruar në krizë kushtetuese le të themi, zgjedhjet e parakohshme ishin të pa evitueshme, në realitet se cila do të jenë rezultatet do të shohim pas 28 dhjetorit, mirëpo i gjithë spektri politik në Kosovë duhet të ketë parasysh një gjë që janë disa çështje që janë shumë të rëndësishme për Kosovën dhe që e tejkalojnë agjendën partiake dhe kërkojnë një konsensus më të gjerë politik, e këtu mund të përmendim anëtarësimin e Kosovës në Këshillin e Evropës, i cili do të mund të bëhet i mundshëm vitin e ardhshëm në takimin e radhës të Këshillit”, tha ajo.
Arifi shtoi se stabiliteti politik është i domosdoshëm për përparimin e planeve të rritjes dhe proceseve integruese.
“Pastaj planin e rritjes dhe, le të themi, dedikimin e spektrit politik për të shtyer përpara aplikimin e Kosovës për statusin kandidat, i cili ende mbetet në sirtarët e BE-së. Pra, ka procese të cilat e tejkalojnë agjendën partiake dhe duhet të kërkohet një konsensus më i madh dhe ndër më të rëndësishmit këtu është natyrisht dialogu me Serbin dhe kërkesa që Kosova duhet të përmbushë që kanë dalur nga marrëveshja e normalizmit të nënshkruar në Ohër”, tha ajo.
Kosova do të shkojë për herë të dytë këtë vit në zgjedhje parlamentare më 28 dhjetor, pas dështimit të formimit të institucioneve pas zgjedhjeve të shkurtit 2025.