ATV

Category: Lajme

  • Drejtori i Policisë për ATV: Probleme me rrymën në dy komuna, situata nën kontroll

    Drejtori i Policisë për ATV: Probleme me rrymën në dy komuna, situata nën kontroll

    Drejtori i Policisë së Kosovës, Gazmend Hoxha, ka konfirmuar për ATV se janë raportuar probleme me energjinë elektrike në dy lokacione, por pa ndonjë incident tjetër.

    Ai tha se Policia e Kosovës është e gatshme dhe situata e sigurisë është e qetë.

    “…Policia e Kosovës është gjithmonë e gatshme. Nuk ka pasur asnjë incident. Në dy vende ka pasur probleme me rrymë, konkretisht në Obiliq dhe në Gjilan…” deklaroi Hoxha për ATV-në.

    Sipas tij, ndërprerjet e energjisë elektrike nuk kanë ndikuar në aspektin e sigurisë, por paralajmëroi se në rast të ndërprerjeve të tjera, sidomos gjatë natës dhe gjatë procesit të votimit, mund të paraqiten vështirësi.

    Hoxha u pyet edhe për situatën në Mitrovicën e Veriut, për të cilën tha se mbetet prioritet.

    “Fokusi ynë kryesor do të jetë Mitrovica e Veriut, për shkak të problemeve të mëparshme, por vëmendje të shtuar kemi edhe në komunat e tjera,” theksoi ai.

    Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

  • Radoniqi: Përkundër kohës së shkurtër dhe sfidave, KQZ-ja është plotësisht e gatshme

    Radoniqi: Përkundër kohës së shkurtër dhe sfidave, KQZ-ja është plotësisht e gatshme

    Kryetari i Komisionit Qendror të Zgjedhjeve (KQZ), Kreshnik Radoniqi, pas votimit u ka bërë thirrje qytetarëve të dalin dhe ta shfrytëzojnë të drejtën e tyre të votës.

    Ai ka thënë para mediave se përkundër kohës së shkurt dhe sfidave, janë bërë të gjitha përgatitjet  e duhura dhe gjithçka është gati sa i përket KQZ-së.

    “Dje e kemi pas procesin e votimit në diasporë dhe gjithçka ka shkuar qetë sipas njoftimeve. Uroj që të jetë një ditë e qetë dhe e  mbarë për të gjithë dhe procesi të mos ketë asnjë problem”, ka thënë ai.

    Radoniqi ka thënë se pa përfshirë Amerikën dhe Kanadanë, numri i atyre që kanë votuar në diasporë është mbi 15 mijë.

    Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

  • Prizren: Qendra më e madhe e votimit e pajisur me gjeneratorë, e gatshme në rast se s’ka rrymë

    Prizren: Qendra më e madhe e votimit e pajisur me gjeneratorë, e gatshme në rast se s’ka rrymë

    Ndërprerjet e energjisë elektrike gjatë ditëve të fundit në disa komuna kanë shkaktuar shqetësim edhe te anëtarët e Komisionit Qendror të Zgjedhjeve, të cilët kanë shprehur frikën se ky problem mund të paraqitet edhe sot, në ditën e zgjedhjeve të parakohshme parlamentare.

    Ekipi i ATV-së, i cili po raporton nga të gjitha anët e Kosovës, ka konfirmuar përmes një lidhjeje direkte nga Prizreni, konkretisht nga shkolla “Motrat Qiriazi” – qendra më e madhe e votimit në këtë qytet – se objekti është i pajisur me gjeneratorë dhe është i gatshëm të funksionojë edhe në rast të mungesës së energjisë elektrike.

    Po ashtu, gazetarja Diellza Krasniqi raportoi se deri më tani gjithçka po zhvillohet sipas planit dhe se materiali zgjedhor është shpërndarë me kohë.

    Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

  • Në zgjedhjet e sotme janë të angazhuar rreth 100 prokurorë për mbrojtjen e votës

    Në zgjedhjet e sotme janë të angazhuar rreth 100 prokurorë për mbrojtjen e votës

    Sot gjatë ditës së zgjedhjeve do të jenë të angazhduar rreth 100 prokurorë të shtetit dhe zyrtarë të sistemit prokurorial.

    “Ata do të jenë të shpërndarë në të gjithë territorin e Republikës së Kosovës dhe do të qëndrojnë kujdestarë deri në përfundim të plotë të procesit zgjedhor, me qëllim të trajtimit dhe procedimit të çdo parregullsie apo shkeljeje të mundshme ligjore që mund të ndodhë gjatë zgjedhjeve”, është bërë e ditur nga Prokuroria e Shtetit.

    Prokurori i Shtetit ka ftuar qytetarët, subjektet politike, institucionet dhe organizatat e ndryshme që të denoncojnë pranë prokurorive kompetente çdo rast për të cilin dyshohet se ka keqpërdorim apo manipulim të votës, në çfarëdo forme dhe nga kushdo qoftë.

    Vlen ta theksojmë se rreth 2 milionë shtetas të Kosovës, me të drejtë vote, ditën e sotme pritet t’u drejtohen kutive votuese për të zgjedhur përbërjen e Kuvendit.

    Qytetarët e Kosovës do të votojnë për herë të dytë brenda këtij viti për përbërjen e Kuvendit.

    Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

  • Hapen vendvotimet për zgjedhjet e parakohshme parlamentare

    Hapen vendvotimet për zgjedhjet e parakohshme parlamentare

    Në Kosovë zhvillohen zgjedhjet e jashtëzakonshme parlamentare sot – të dytat brenda këtij viti, pasi për më shumë se dhjetë muaj, pas zgjedhjeve të rregullta të 9 shkurtit, partitë politike nuk arritën të krijojnë institucionet e reja.

    Rreth dy milionë shtetas të Kosovës do të kenë mundësi të votojnë sot (në këto zgjedhje).

    Të drejtë vote kanë 1 milion e 999 mijë e 24 persona.

    Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

  • Paralajmërim për mashtrime në emër të Fondacionit Frutex & Golden Eagle

    Paralajmërim për mashtrime në emër të Fondacionit Frutex & Golden Eagle

    Fondacioni Fondacioni Frutex & Golden Eagle ka njoftuar publikun dhe mediat lidhur me disa raste të raportuara ditëve të fundit, ku persona të panjohur janë paraqitur rrejshëm në emër të fondacionit dhe në emër të pronarit të kompanisë Frutex LLC, z. Shaqir Palushi.

    Sipas njoftimit zyrtar, këta persona kanë ofruar kinse ndihma humanitare, duke i kushtëzuar ato me pagesë paraprake — një praktikë që fondacioni e cilëson si mashtruese dhe tërësisht të pavërtetë. Fondacioni thekson se nuk kërkon asnjëherë pagesa paraprake për ndihma humanitare dhe se çdo veprim i tillë nuk ka asnjë lidhje me institucionet e tyre.

    Bazuar në informacionet e deritanishme, disa organizata janë kontaktuar nga këta individë përmes numrave të telefonit:

    +381 62 9247041

    +381 61 1553871

    Fondacioni Frutex & Golden Eagle u bën thirrje të gjitha organizatave, institucioneve dhe qytetarëve që të tregojnë kujdes maksimal, të mos bien pre e këtyre mashtrimeve dhe të raportojnë menjëherë çdo rast të dyshimtë tek organet kompetente.

    Për çdo komunikim zyrtar apo verifikim informacioni, publiku ftohet të kontaktojë drejtpërdrejt kanalet zyrtare të Fondacionit Frutex & Golden Eagle.

  • Ftohtë në fundjavë, në viset e larta edhe fluska bore

    Ftohtë në fundjavë, në viset e larta edhe fluska bore

    Instituti Hidrometeorologjik bën të ditur se në fundjavë do të mbajë mot i vranët dhe me intervale me diell, ndërkaq temperaturat do të jenë në minus.

    IHMK-ja thekson se të shtunën do të mbajë vranësirat në viset e larta malore parashihen të sjellin riga dhe fjolla të dobëta bore.

    Temperaturat minimale do të lëvizin ndërmjet -3 deri -1 grade Celsius, ndërsa maksimalet e ditës parashihen të lëvizin ndërmjet 2-4 gradë Celsius.

    Do të fryjë erë e lehtë deri mesatare nga drejtimi i veriperëndimit.

    Ndërkaq, edhe të dielën parashihet të mbajë mot kryesisht i ngjashëm por me temperatura më të ulëta, kryesisht ato minimalet.

    Temperaturat minimale parashihen të lëvizin ndërmjet -2 deri -6 gradë Celsius, ndërsa maksimalet e ditës parashihen të lëvizin ndërmjet 0-3 gradë Celsius.

    Do të fryjë erë kryesisht nga veriperëndimi e lehtë deri mesatare.

  • Arabia Saudite godet aleatët e Emirateve, rrezikohet përshkallëzimi i luftës

    Arabia Saudite godet aleatët e Emirateve, rrezikohet përshkallëzimi i luftës

    Arabia Saudite ka ndërmarrë një hap të papritur duke kryer sulme ajrore në Jemen, për herë të parë pas tre vitesh qetësi.

    Megjithatë, këtë radhë objektivi nuk ishin rebelët Houthi, por forcat separatiste të jugut, të cilat mbështeten nga Emiratet e Bashkuara Arabe.

    Çfarë ndodhi?

    Ditët e fundit, forcat separatiste (Këshilli i Tranzicionit të Jugut – CTS) morën nën kontroll territore të mëdha në lindje të Jemenit, pranë kufirit me Arabinë Saudite dhe Omanin. Riadi zyrtar e cilësoi këtë si një “përshkallëzim të pajustifikuar” dhe u kërkoi separatistëve të tërhiqen menjëherë.

    Pasi separatistët refuzuan urdhrin, avionët sauditë goditën pozicionet e tyre në rajonin Hadramaout. Sipas raportimeve të para, sulmet ishin më shumë një “paralajmërim” pasi nuk pati viktima apo dëme të mëdha materiale.

    Pse po përplasen aleatët?

    Edhe pse Arabia Saudite dhe Emiratet e Bashkuara Arabe janë zyrtarisht aleatë kundër rebelëve Houthi, ato kanë plane të ndryshme për të ardhmen e Jemenit:

    Arabia Saudite kërkon një Jemen të bashkuar dhe stabil, duke mbështetur qeverinë zyrtare që njihet ndërkombëtarisht.

    Emiratet e Bashkuara Arabe mbështesin separatistët e jugut, të cilët duan që Jemeni i Jugut të jetë shtet më vete.

    Rreziqet për rajonin

    Ekspertët paralajmërojnë se kjo përplasje mes “miqve” mund të ndihmojë rebelët Houthi (të mbështetur nga Irani), të cilët përfitojnë nga përçarja e kundërshtarëve të tyre.

    Gjithashtu, kjo ngjarje tregon një rivalitet në rritje midis Riadit dhe Abu Dabit për influencë në Lindjen e Mesme. Një situatë e ngjashme po ndodh edhe në Sudan, ku dy vendet mbështesin palë të ndryshme në luftën civile atje.

    Deri tani, as Arabia Saudite dhe as Emiratet nuk kanë bërë komente zyrtare mbi sulmet, por situata mbetet e tensionuar dhe mund të çojë në një fazë të re të luftës në Jemen.

  • Gjendja në pikat kufitare, kolona deri në 300 metra te Dheu i Bardhë për hyrje në Kosovë

    Gjendja në pikat kufitare, kolona deri në 300 metra te Dheu i Bardhë për hyrje në Kosovë

    Qendra Kombëtare për Menaxhim Kufitar (QKMK) ka përditësuar të dhënat, duke njoftuar se kohët e pritjeve në pikat kufitare të Kosovës janë rritur.

    Në pikëkalimin kufitar të Dheut të Bardhë, sipas QKMK-së, pritjet për hyrje në Kosovë arrijnë deri në 40 minuta, ndërsa për dalje koha e pritjes shkon deri në 35 minuta.

    Në Jarinjë, pritjet për të hyrë në vend janë deri në 10 minuta, ndërsa në pikat e tjera kufitare fluksi dhe koha e pritjes mbeten më të ulëta.

  • Katër alpinistë humbasin jetën pas një orteku të befasishëm në Greqi

    Katër alpinistë humbasin jetën pas një orteku të befasishëm në Greqi

    Katër alpinistë kanë vdekur pasi u rrëmbyen nga një ortek në Greqinë qendrore, thanë shërbimet e shpëtimit. “Aksidenti ndodhi në malet Vardousia në rajonin e Fokidës”, raportoi gazeta e përditshme “Kathimerini”, duke cituar zyrtarët e shpëtimit.

    Tre persona (burra) u raportuan fillimisht të zhdukur të enjten në mbrëmje, pasi u nisën nga fshati Athanasios Diakos për t’u ngjitur në malin Korakas, me një lartësi prej rreth 2,500 metrash.

    Pas humbjes së kontaktit me telefon, miqtë dhe të afërmit njoftuan autoritetet.

    “Ekipet e shpëtimit zbuluan dje trupat e tre burrave, si dhe atë të një gruaje në të 30-at, e cila fillimisht nuk ishte raportuar e zhdukur dhe besohet të ketë qenë partnerja e një prej viktimave”, raportoi “Kathimerini”.

    Të katër personat u gjetën afër njëri-tjetrit, duke sugjeruar se ata ishin kapur në befasi nga orteku dhe nuk kishin mundësi të shpëtonin.

    Ekipet e shpëtimit thanë se dy nga burrat ishin alpinistë me përvojë, duke rritur fillimisht shpresat se grupi mund të kishte gjetur strehim.

    Megjithatë, operacionet e kërkimit u penguan nga terreni i pjerrët dhe i rrezikshëm, të përkeqësuara nga kushtet e këqija të motit.

    Operacioni i rikuperimit për transportimin e katër trupave nga mali pritet të zhvillohet sot.